2 Macabeo 2
2
Selikut neng Jeremias ing Tolda ning Panga-atyu ning Ginu
1Agpang karing piakitan a talaan ing propeta Jeremias ya ing minutus karing miyugse Israelita ing isalikut de ing api, antimo ing mebanggit. At uling king kapamilatan na miyabie ya karela ing Kautusan, 2penabilinan na lang e da la kakalinguan ding tuntunan ning Ginu at e paypirait karing akakit dang masanting a larawan a gintu at pilak. 3Karing anti kareting amanu migsumamu ya karelang e re kakalinguan tutuparan ing Kautusan.
4Subali pa kaniti, makasulat kareting piakitan king inutus ning propeta Jeremias, lalam nang pamatnube ning Dios, king ing Tolda ning Panga-atyu ning Ginu at ing Kaban ning Kasunduan kayabe na la king paglako na. Kaybat meko yang minta king bunduk nung nukarin king taluktuk na niti ikit neng Moises ing bansang pengaku ning Dios. 5Karas nang Jeremias king bunduk menakit yang kueba a malyaring tuknangan. Dela ne king kilub ing tolda, ing Kaban, at ing altar ning insenso, at kaybat sera ne ing asbuk ning kueba.
6Pekikuanan deng atukian ding kakaluguran nang Jeremias at tandanan ing dalan, oneng e re ikit ing kueba. 7Inyang abalitan nang Jeremias ing depat da, sebianan na la at ngana: Manatili yang lihim ing lugal anggang e na la tipunan ning Dios ding memalen na at pakit lunus karela. 8#Exo 16:10; 24:16; 1 Ari 8:10, 11.Kanita na ipabalu ning Ginu nung nu la pakasalikut at ing ligaya ning Ginu mayakit yang kayabe ning biga, nung makananung ikit de inyang panaun nang Moises at inyang manalangin ya i Solomon king kailangan yang mitalaga ing Templo.
Ing Pamagselebra nang Solomon king Piesta
9Belita da naman king i Solomon, ing tinanggap grasia ning kabiasnan, inain ne ing ain-ning-pamitalaga kayari na ning Templo, 10at king inyang manalangin ya, tinipa yang ibat banua ing api at gisan ne ing ain-sakripisyu, anti ing milyari inyang menalangin ya i Moises. 11Agpang kang Moises megisan ya king api ing ain-a-kapamayaran-king-kasalanan uling e ya mepangan. 12Walu nang aldo pigselebran Solomon ing piesta.
Ding Libru nang Nehemias
13Makatala la naman deting bage king piakitan a talaan ding ari at king istoria king delanan nang Nehemias, antimo nung makananu na lang tinipun Nehemias ding istoria da ring ari, ing sinulat da ring propeta, ding dapat nang David, ding sulat da ring ari tungkul king banal a pamanain ban atipun na la ding dakal nang libru. 14Makanyan na la namang tinipun Judas ding dakal a mengakalat a libru uli na ning gera, at atyu la kekami ding libru. 15Nung mangailangan kang nanuman kareti, pakua mu la king tubud mu.
Ing Agkat ban Pagselebran ya ing Piesta
16 # 1 Mac 4:59. Anti na ning malapit mi neng pagselebran ing Piesta ning Pasibayung Pangatalaga ning Templo, susulat kami kekayu at dirinan payu ban ikayu man pagselebran ye. 17Linigtas ne ning Dios ing mabilug nang memalen at binalik ne kekami ing banal a bansa, ing kayarian, ing pamagpari, at ding kasuyuan king Templo, 18antimo ing pengaku na king Kautusan na. Linigtas na kami karing maragul a e ustu at gewa neng malinis ing Templo, at maragul ke kapaniwalan king tipunan na kami king banal nang Templo.
Ing Makapaunang Salita ning Sinulat
19Sinulat nang Jason a tau Cyrene karing limang libru ing istoria nang Judas Macabeo at ding kapatad na, ing pangalinis na ning maulang Templo, at ing pangatalaga na ning altar. 20Lerawan na la ding pamakilaban na kang Antiocus Epifanes at king anak nang i Eupator. 21Sinabi na la naman ding vision#2:21 O kaya: malikmata o tagimpan. ning banua a ikit da ring matapang at masigasig mekilaban ban idipensa ing Judaismo. Agyamang ditak la mu, linaso re ing mabilug a bansa at ikua da lang atabi ding kalaban a dayuan. 22Abawi re ing Templo a pikabaluan king mabilug a yatu, apalaya de ing siudad ning Jerusalem, at abalik ding kautusan a halus milako. Iti ngan ikua rang pigtagumpen uling malunusan ya at maganaka karela ing Ginu.
23Pakikuanan kung apamisan ku la king metung mung libru deting lima nang librung Jason. 24Tutung dakal ing bage tatalakayan na inya e na agyung talnan ning ninumang bisang makabalu king istoria ning mengapalyari. 25Pekikuanan kung gawan keng mayan para tumula la detang babasa ampon magkusuelu, at ban e la misakitan detang kailangan dang tandanan ing kalamnan na, at pakinabangnan dia naman agyang detang paminsan-minsan mu babasa. 26E mayan ing obrang tinggap ku king sarili ku. Mangaintulid ing dakal a obra at dakal a benging pamagpuyat 27kalupa na ning e mayan para king metung a tau ing magsadia yang apunan at nasa na ing dinan na la ngang kusuelu ding bisita na. Makanyan man, matula kung tanggapan iting mabayat a obra alang-alang karing sablang talabasa. 28Lakuan ku na la mu king minunang sinulat detang pamipalino na karetang lati-lating bage at pagkapilitan ku namu ing sampulunan ku la ding mengapalyari. 29E ku mengari king mitatalakad metung a bayung bale a kailangan nang pagmalasakitan ing sabla angga na detang lati-lating bage ning bale, bagkus mengari ku mu king metung a pintor a alang aliwang kapagnasan nune mu ing mayakit yang masanting ing bale. 30Ing susulat istoria kailangan ing lubus neng balu ing tatalakayan na, lawan na angga na itang lati-lating bage at kaybat maingat neng istoria. 31Oneng ing metung a babie mung sampulun sukat yang mipaintulutan munie nang makuyad a ulat at malyari ing e na na tatalakayan ing lati-lating bage. 32Inya ala nang dakal pang salita, pagumpisan ku ne ing istoria ku. E ustu ing pakakaba ya ing pamuklat a amanu at kaybat ikuyad ne man ing tune istoria.
Currently Selected:
2 Macabeo 2: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
2 Macabeo 2
2
Selikut neng Jeremias ing Tolda ning Panga-atyu ning Ginu
1Agpang karing piakitan a talaan ing propeta Jeremias ya ing minutus karing miyugse Israelita ing isalikut de ing api, antimo ing mebanggit. At uling king kapamilatan na miyabie ya karela ing Kautusan, 2penabilinan na lang e da la kakalinguan ding tuntunan ning Ginu at e paypirait karing akakit dang masanting a larawan a gintu at pilak. 3Karing anti kareting amanu migsumamu ya karelang e re kakalinguan tutuparan ing Kautusan.
4Subali pa kaniti, makasulat kareting piakitan king inutus ning propeta Jeremias, lalam nang pamatnube ning Dios, king ing Tolda ning Panga-atyu ning Ginu at ing Kaban ning Kasunduan kayabe na la king paglako na. Kaybat meko yang minta king bunduk nung nukarin king taluktuk na niti ikit neng Moises ing bansang pengaku ning Dios. 5Karas nang Jeremias king bunduk menakit yang kueba a malyaring tuknangan. Dela ne king kilub ing tolda, ing Kaban, at ing altar ning insenso, at kaybat sera ne ing asbuk ning kueba.
6Pekikuanan deng atukian ding kakaluguran nang Jeremias at tandanan ing dalan, oneng e re ikit ing kueba. 7Inyang abalitan nang Jeremias ing depat da, sebianan na la at ngana: Manatili yang lihim ing lugal anggang e na la tipunan ning Dios ding memalen na at pakit lunus karela. 8#Exo 16:10; 24:16; 1 Ari 8:10, 11.Kanita na ipabalu ning Ginu nung nu la pakasalikut at ing ligaya ning Ginu mayakit yang kayabe ning biga, nung makananung ikit de inyang panaun nang Moises at inyang manalangin ya i Solomon king kailangan yang mitalaga ing Templo.
Ing Pamagselebra nang Solomon king Piesta
9Belita da naman king i Solomon, ing tinanggap grasia ning kabiasnan, inain ne ing ain-ning-pamitalaga kayari na ning Templo, 10at king inyang manalangin ya, tinipa yang ibat banua ing api at gisan ne ing ain-sakripisyu, anti ing milyari inyang menalangin ya i Moises. 11Agpang kang Moises megisan ya king api ing ain-a-kapamayaran-king-kasalanan uling e ya mepangan. 12Walu nang aldo pigselebran Solomon ing piesta.
Ding Libru nang Nehemias
13Makatala la naman deting bage king piakitan a talaan ding ari at king istoria king delanan nang Nehemias, antimo nung makananu na lang tinipun Nehemias ding istoria da ring ari, ing sinulat da ring propeta, ding dapat nang David, ding sulat da ring ari tungkul king banal a pamanain ban atipun na la ding dakal nang libru. 14Makanyan na la namang tinipun Judas ding dakal a mengakalat a libru uli na ning gera, at atyu la kekami ding libru. 15Nung mangailangan kang nanuman kareti, pakua mu la king tubud mu.
Ing Agkat ban Pagselebran ya ing Piesta
16 # 1 Mac 4:59. Anti na ning malapit mi neng pagselebran ing Piesta ning Pasibayung Pangatalaga ning Templo, susulat kami kekayu at dirinan payu ban ikayu man pagselebran ye. 17Linigtas ne ning Dios ing mabilug nang memalen at binalik ne kekami ing banal a bansa, ing kayarian, ing pamagpari, at ding kasuyuan king Templo, 18antimo ing pengaku na king Kautusan na. Linigtas na kami karing maragul a e ustu at gewa neng malinis ing Templo, at maragul ke kapaniwalan king tipunan na kami king banal nang Templo.
Ing Makapaunang Salita ning Sinulat
19Sinulat nang Jason a tau Cyrene karing limang libru ing istoria nang Judas Macabeo at ding kapatad na, ing pangalinis na ning maulang Templo, at ing pangatalaga na ning altar. 20Lerawan na la ding pamakilaban na kang Antiocus Epifanes at king anak nang i Eupator. 21Sinabi na la naman ding vision#2:21 O kaya: malikmata o tagimpan. ning banua a ikit da ring matapang at masigasig mekilaban ban idipensa ing Judaismo. Agyamang ditak la mu, linaso re ing mabilug a bansa at ikua da lang atabi ding kalaban a dayuan. 22Abawi re ing Templo a pikabaluan king mabilug a yatu, apalaya de ing siudad ning Jerusalem, at abalik ding kautusan a halus milako. Iti ngan ikua rang pigtagumpen uling malunusan ya at maganaka karela ing Ginu.
23Pakikuanan kung apamisan ku la king metung mung libru deting lima nang librung Jason. 24Tutung dakal ing bage tatalakayan na inya e na agyung talnan ning ninumang bisang makabalu king istoria ning mengapalyari. 25Pekikuanan kung gawan keng mayan para tumula la detang babasa ampon magkusuelu, at ban e la misakitan detang kailangan dang tandanan ing kalamnan na, at pakinabangnan dia naman agyang detang paminsan-minsan mu babasa. 26E mayan ing obrang tinggap ku king sarili ku. Mangaintulid ing dakal a obra at dakal a benging pamagpuyat 27kalupa na ning e mayan para king metung a tau ing magsadia yang apunan at nasa na ing dinan na la ngang kusuelu ding bisita na. Makanyan man, matula kung tanggapan iting mabayat a obra alang-alang karing sablang talabasa. 28Lakuan ku na la mu king minunang sinulat detang pamipalino na karetang lati-lating bage at pagkapilitan ku namu ing sampulunan ku la ding mengapalyari. 29E ku mengari king mitatalakad metung a bayung bale a kailangan nang pagmalasakitan ing sabla angga na detang lati-lating bage ning bale, bagkus mengari ku mu king metung a pintor a alang aliwang kapagnasan nune mu ing mayakit yang masanting ing bale. 30Ing susulat istoria kailangan ing lubus neng balu ing tatalakayan na, lawan na angga na itang lati-lating bage at kaybat maingat neng istoria. 31Oneng ing metung a babie mung sampulun sukat yang mipaintulutan munie nang makuyad a ulat at malyari ing e na na tatalakayan ing lati-lating bage. 32Inya ala nang dakal pang salita, pagumpisan ku ne ing istoria ku. E ustu ing pakakaba ya ing pamuklat a amanu at kaybat ikuyad ne man ing tune istoria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994