2 Macabeo 1
1
Ing Sulat karing Judiong atyu Ehipto
1Ibat ya iting sulat karing Judiong atyu Jerusalem at Judea, at miparala ya karing kapatad dang atyu Ehipto. Kukomustan da kayu.
2Mananu na sanang dinan na kayung kapayapan at bendisyun ning Dios, at ganakan ne ing kasunduan na kang Abraham, Isaac, at Jacob, ding tapat nang talasuyu. 3Ibie na sana kekayu ing kapagnasan samba king Dios at ing kalausan a lub tupad king mabilug yung pusu at kaladua king parasan na. 4Dinan na kayu sanang beluan a makaintindi king Kautusan na at karing tuntunan na. Dinan na kayu sanang kapayapan, 5pakibatan na la ding panalangin yu, patawaran ing kasalanan yu, at e na kayu lalakuan kapilan man king oras ning kaligaligan yu. 6Ikaming atyu keni Juda ipanalangin da kayu.
7King banuang dinalan anam apulu't siam,#1:7 BANUANG DINALAN ANAM APULU'T SIAM: ya naman ing 143 B.C. inyang i Demetrio a Kadua ya ing ari ning Siria, silatanan da kayu tungkul king pamagligalig at kasakitan a dinatang kekami karing banuang kaybat nang mig-rebelding Jason at ding tauan na laban king Banal a Bansa at ning kayarian. 8Silaban neng Jason at ding tauan na ing pasbul dalan ning Templo at pete da la ring taung alang kasalanan. Menalangin kami kanita at pekibatan na kami. Minie kaming ain a animal at ain-a-binutil, sinindi mi la ding sulu, at lege ding sagradung tinape. 9Inya pagselebran ye ing Piesta da ring Dalungdung king bulan ning Kislev.#1:9 KISLEV: ing bulan pilatan ning Nobyembre at Disyembre. Misulat ya iting sulat king banuang dinalan walung pulu't walu.#1:9 BANUANG DINALAN WALUNG PULU'T WALU: ya naman ing 124 B.C.
ING SULAT KANG ARISTOBULO
Ing Pangamate nang Aring Antiocus
10Ibat ya iting sulat karing Judiong atyu Jerusalem at Judea, king Senado da ring Judio, at kang Judas. Para kang Aristobulus ya, ing talaturu nang Aring Tolomeo at lahi da ring pekapun pari, at para karing Judio ya a atyu king Ehipto. Kukomustan da kayu ngan at mananu na sanang alang masakit kekayu.
11Pasalamatan mi ya ing Dios uling linigtas na kami king maragul a panganib. Anti kami karing lalaking makasadiang lumaban king ari, 12oneng ing Dios ya ing mitabi karing kalaban king banal a siudad. 13#1 Mac 6:1-4; 2 Mac 9:1-10.Kanitang minta ya Persia ing Aring Antiocus a kayabe ding dakal nang sundalus alang minisip king atin lang kasambut, oneng ikua da lang pete at pemirasu king templo ning kikilalanan dang diosa a i Nanea kapamilatan ning paralan a gewa da ring pari nang Nanea. 14Minta ya ing Aring Antiocus a kayabe da ring mapilan karing pagkatiwalan nang tagapayu ban pakasalan ne ing diosa, at kaybat kuanan ing dakal king pibandian ning templo antimong regalung pangkasal. 15Kaybat dang lege ding pari ing pibandian, ing ari at ding mapilan karing kayabe na linub la king templo ban kuanan da. Kalub nang Antiocus, sera da la ring pari ding pasbul, 16at manibat karing lihim a pidadalanan king kisami pemarongga da lang batu. Mibagsak ya ing ari; anti ya mong mituran king kildap. Pemirasu da la katawan at inatsa da la ring buntuk da karing taung atyu kilual. 17Pasalamatan ya ing Dios uling perusan na la deting taung e mayap a dapat. Pasalamatan ya king sablang bage.
Gisan ning Api ing Ain-sakrispisyu nang Nehemias
18King kaduang pulu't lima nang aldo ning bulan ning Kislev pagselebran mi ya ing Piesta ning Pasibayung Pangatalaga ning Templo kabang pagselebran mi ing Piesta da ring Dalungdung. Inisip mi ing maulaga ing paganaka mi iti kekayu ban kanita ikayu munaman apagselebran ye iting piesta. King makanyan a paralan yu aganaka nung makananung linto ing api inyang miyain yang sakripisyu i Nehemias kaybat neng apatalakad ing Templo at ing altar. 19King panaun a inyang ding makatua mi darala da lang yugse Persia, ating mapilan a tapat a pari a king lihim kinangwang api king altar. Selikut da iti king metung a malanging talaga at king kasanting na pangasalikut alang menakit metung man. 20Kalabas da ring dakal a banua, king panaun a tikda ning Dios, tinubud neng magbalik ning ari ning Persia i Nehemias. Tinubud na lang Nehemias ding lahi da ring paring misalikut king api ban kuanan de. Oneng belita ra king e la menakit api, nune marayuput a likidu. 21Inutusan na lang Nehemias ing kuma lang ditak at idala ra arap na. Inyang ing bage iyain da makasadia na, inutus na karing pari ing idilig da iting marayuput a likidu babo ding dutung, at karing bage atyu babo ra, at iti merapat. 22Kaybat nang linabas ning mapilan a penandit, sinlag ya ing aldo a mipampan king biga at mikalabkab ing maragul a api king altar, at mengapamulala la ding sabla. 23Kabang maduduluk ya ing ain, menalangin la ding pari at ding atyu karin. Penimunan na lang Jonatan, ing Pekapun ding Pari, at i Nehemias at ding memalen mekibat la.
Ing Panalangin nang Nehemias
24Makanyan ya ing panalangin nang Nehemias: O Ginung Dios a linalang king heganaganang bage, makapagmulala ka, mayupaya ka, makatuliran, at malunusan. Ika ing bukud ari, ing bukud malam. 25Ika ing bukud mung mapamie, ing bukud mung makatuliran, mayupaya, at alang angga, ing Talapagligtas ning Israel king sablang e mayap. Pinili mu la ding makatua mi ban maging sarili mung memalen. 26Tanggapan mu ing ain-sakripisyu alang-alang karing sablang memalen ning Israel; bandi mu la, ingatan mu la at papagbanalan. 27Tipunan mu la ding miyugse, gawan mu lang malaya detang me-ipus karing paganu, dinan mong kapaldanan detang lalatian da at pikakasaman; ipabalu mu karing paganu king ika ing kekaming Dios. 28Parusan mu la ding lulupig kekami king uli ning karelang bigsikan at paburen mu lang dumalan kasakitan; 29oneng italakad mu la ding kekang memalen king kekang banal a lugal, antimo ing sinabi nang Moises a kekang daptan.
Abalitan na ning Ari ning Persia ing tungkul king Api
30Kaybat, migkanta lang himno ding pari. 31Inyang megisan na ing ain-sakripisyu, inutus nang Nehemias ing tipunan da ing mitagan a marayuput a likidu at pepatugtug na karing batung maragul. 32Agad-agad mikalabkab ing api oneng mitdang dili na inyang meraig king sala ning api king altar.
33Mikalat ing mengapalyari karing sablang lugal. Belita ra king ari ning Persia king menakit lang marayuput a likidu king lugal nung nukarin da selikut ding pari ing api ning altar bayu la miyugse, at king i Nehemias at ding kayabe na ginamit da ban silaban ing yayain da. 34Inyang apatutuan na iting bage, kilungan ne ning ari ing lugal at gewa neng sagradu. 35Ding tilduan nang talabante ning ari tinanggap lang dake king maragul a buis a tatanggapan ning ari uli na niting sagradung lugal. 36Inaus neng neftar Nehemias at ding kayabe na ing marayuput a likidu a ing buri nang sabian pamaglinis, oneng ding mas dakal a tau ausan deng nafta.
Currently Selected:
2 Macabeo 1: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
2 Macabeo 1
1
Ing Sulat karing Judiong atyu Ehipto
1Ibat ya iting sulat karing Judiong atyu Jerusalem at Judea, at miparala ya karing kapatad dang atyu Ehipto. Kukomustan da kayu.
2Mananu na sanang dinan na kayung kapayapan at bendisyun ning Dios, at ganakan ne ing kasunduan na kang Abraham, Isaac, at Jacob, ding tapat nang talasuyu. 3Ibie na sana kekayu ing kapagnasan samba king Dios at ing kalausan a lub tupad king mabilug yung pusu at kaladua king parasan na. 4Dinan na kayu sanang beluan a makaintindi king Kautusan na at karing tuntunan na. Dinan na kayu sanang kapayapan, 5pakibatan na la ding panalangin yu, patawaran ing kasalanan yu, at e na kayu lalakuan kapilan man king oras ning kaligaligan yu. 6Ikaming atyu keni Juda ipanalangin da kayu.
7King banuang dinalan anam apulu't siam,#1:7 BANUANG DINALAN ANAM APULU'T SIAM: ya naman ing 143 B.C. inyang i Demetrio a Kadua ya ing ari ning Siria, silatanan da kayu tungkul king pamagligalig at kasakitan a dinatang kekami karing banuang kaybat nang mig-rebelding Jason at ding tauan na laban king Banal a Bansa at ning kayarian. 8Silaban neng Jason at ding tauan na ing pasbul dalan ning Templo at pete da la ring taung alang kasalanan. Menalangin kami kanita at pekibatan na kami. Minie kaming ain a animal at ain-a-binutil, sinindi mi la ding sulu, at lege ding sagradung tinape. 9Inya pagselebran ye ing Piesta da ring Dalungdung king bulan ning Kislev.#1:9 KISLEV: ing bulan pilatan ning Nobyembre at Disyembre. Misulat ya iting sulat king banuang dinalan walung pulu't walu.#1:9 BANUANG DINALAN WALUNG PULU'T WALU: ya naman ing 124 B.C.
ING SULAT KANG ARISTOBULO
Ing Pangamate nang Aring Antiocus
10Ibat ya iting sulat karing Judiong atyu Jerusalem at Judea, king Senado da ring Judio, at kang Judas. Para kang Aristobulus ya, ing talaturu nang Aring Tolomeo at lahi da ring pekapun pari, at para karing Judio ya a atyu king Ehipto. Kukomustan da kayu ngan at mananu na sanang alang masakit kekayu.
11Pasalamatan mi ya ing Dios uling linigtas na kami king maragul a panganib. Anti kami karing lalaking makasadiang lumaban king ari, 12oneng ing Dios ya ing mitabi karing kalaban king banal a siudad. 13#1 Mac 6:1-4; 2 Mac 9:1-10.Kanitang minta ya Persia ing Aring Antiocus a kayabe ding dakal nang sundalus alang minisip king atin lang kasambut, oneng ikua da lang pete at pemirasu king templo ning kikilalanan dang diosa a i Nanea kapamilatan ning paralan a gewa da ring pari nang Nanea. 14Minta ya ing Aring Antiocus a kayabe da ring mapilan karing pagkatiwalan nang tagapayu ban pakasalan ne ing diosa, at kaybat kuanan ing dakal king pibandian ning templo antimong regalung pangkasal. 15Kaybat dang lege ding pari ing pibandian, ing ari at ding mapilan karing kayabe na linub la king templo ban kuanan da. Kalub nang Antiocus, sera da la ring pari ding pasbul, 16at manibat karing lihim a pidadalanan king kisami pemarongga da lang batu. Mibagsak ya ing ari; anti ya mong mituran king kildap. Pemirasu da la katawan at inatsa da la ring buntuk da karing taung atyu kilual. 17Pasalamatan ya ing Dios uling perusan na la deting taung e mayap a dapat. Pasalamatan ya king sablang bage.
Gisan ning Api ing Ain-sakrispisyu nang Nehemias
18King kaduang pulu't lima nang aldo ning bulan ning Kislev pagselebran mi ya ing Piesta ning Pasibayung Pangatalaga ning Templo kabang pagselebran mi ing Piesta da ring Dalungdung. Inisip mi ing maulaga ing paganaka mi iti kekayu ban kanita ikayu munaman apagselebran ye iting piesta. King makanyan a paralan yu aganaka nung makananung linto ing api inyang miyain yang sakripisyu i Nehemias kaybat neng apatalakad ing Templo at ing altar. 19King panaun a inyang ding makatua mi darala da lang yugse Persia, ating mapilan a tapat a pari a king lihim kinangwang api king altar. Selikut da iti king metung a malanging talaga at king kasanting na pangasalikut alang menakit metung man. 20Kalabas da ring dakal a banua, king panaun a tikda ning Dios, tinubud neng magbalik ning ari ning Persia i Nehemias. Tinubud na lang Nehemias ding lahi da ring paring misalikut king api ban kuanan de. Oneng belita ra king e la menakit api, nune marayuput a likidu. 21Inutusan na lang Nehemias ing kuma lang ditak at idala ra arap na. Inyang ing bage iyain da makasadia na, inutus na karing pari ing idilig da iting marayuput a likidu babo ding dutung, at karing bage atyu babo ra, at iti merapat. 22Kaybat nang linabas ning mapilan a penandit, sinlag ya ing aldo a mipampan king biga at mikalabkab ing maragul a api king altar, at mengapamulala la ding sabla. 23Kabang maduduluk ya ing ain, menalangin la ding pari at ding atyu karin. Penimunan na lang Jonatan, ing Pekapun ding Pari, at i Nehemias at ding memalen mekibat la.
Ing Panalangin nang Nehemias
24Makanyan ya ing panalangin nang Nehemias: O Ginung Dios a linalang king heganaganang bage, makapagmulala ka, mayupaya ka, makatuliran, at malunusan. Ika ing bukud ari, ing bukud malam. 25Ika ing bukud mung mapamie, ing bukud mung makatuliran, mayupaya, at alang angga, ing Talapagligtas ning Israel king sablang e mayap. Pinili mu la ding makatua mi ban maging sarili mung memalen. 26Tanggapan mu ing ain-sakripisyu alang-alang karing sablang memalen ning Israel; bandi mu la, ingatan mu la at papagbanalan. 27Tipunan mu la ding miyugse, gawan mu lang malaya detang me-ipus karing paganu, dinan mong kapaldanan detang lalatian da at pikakasaman; ipabalu mu karing paganu king ika ing kekaming Dios. 28Parusan mu la ding lulupig kekami king uli ning karelang bigsikan at paburen mu lang dumalan kasakitan; 29oneng italakad mu la ding kekang memalen king kekang banal a lugal, antimo ing sinabi nang Moises a kekang daptan.
Abalitan na ning Ari ning Persia ing tungkul king Api
30Kaybat, migkanta lang himno ding pari. 31Inyang megisan na ing ain-sakripisyu, inutus nang Nehemias ing tipunan da ing mitagan a marayuput a likidu at pepatugtug na karing batung maragul. 32Agad-agad mikalabkab ing api oneng mitdang dili na inyang meraig king sala ning api king altar.
33Mikalat ing mengapalyari karing sablang lugal. Belita ra king ari ning Persia king menakit lang marayuput a likidu king lugal nung nukarin da selikut ding pari ing api ning altar bayu la miyugse, at king i Nehemias at ding kayabe na ginamit da ban silaban ing yayain da. 34Inyang apatutuan na iting bage, kilungan ne ning ari ing lugal at gewa neng sagradu. 35Ding tilduan nang talabante ning ari tinanggap lang dake king maragul a buis a tatanggapan ning ari uli na niting sagradung lugal. 36Inaus neng neftar Nehemias at ding kayabe na ing marayuput a likidu a ing buri nang sabian pamaglinis, oneng ding mas dakal a tau ausan deng nafta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994