ROMMA 12
12
Iirira wilira a sun Lona
1Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta. 2Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.
3U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara. 4Ko hu mbalata sana na ni tliwim ka ɓorowi zeɗ zeɗ, sun masira zeɗ zeɗ halaŋ may. 5Na may aygi bolow lay ni taɓi dew hu Kristu, aygi halaŋ taɓi ni eg taygiya gege gegelay hu tara dewra. 6Lona ɓorowoygi dlara egeygi zeɗ zeɗ aygi ndak kay li sunda u ɦalla nam ɦaygira ɦawa u oo mamba ndaɗta, lini sana Lona ɦam yal ma di boyna wa ni nam ndak di u viimba nam vira. 7Lini sana ka u ɦala li sunda ni nam liya, sa ma ka u ɦalla haɗ suuna ni nam haɗa. 8Sa ma gaɗ suuna jivina tuɗ fok u gaɗ mamba ndaɗta, sa ɦal tlena maŋ suuna nam ɦalni u hurum ma ki buɗina, sa ma ŋgom suu vina nam mba ŋgomosi u ɗigilla, sa ma njun suu hahawara nam mba njunusi u furira.
9Li minda gasira, hin cora kiyo, njunugi tagi saɓaki eg jivira. 10Lagi minda duk tagiya tagiya ko gorseŋ tasina min tasira na, tli yam tagi kolo koloo. 11Lagi tagi fete, li zolombi, sunugi Bu Suuna u furira. 12Furiyugi hu juɓpa, ɗigiligi irigi hu wihawra, cenegi u juɓpa egemu. 13Njun u gorsegi suu ka hu loɓma, vi suu mba varagina jiviya.
14Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi. 15Lagi furira u suu ka furina, tiirigi u suu ka tiina. 16Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.
17Hoŋ cora maŋ sana u coraɗi, lagi jivira ni maŋ suuna halaŋ. 18Lagi dlara agi ndaki kaɗ a laɗa, kay a kak ko tagi u suuna halaŋ u heɓpa. 19Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.» 20Ndaɗ hin di olo ana, «Lini sa ma babali maŋŋa mayra camu ni aŋ ɦam va ma tira, lini laara camu ni aŋ ɦam yo ma cira, aŋ li wa na ni ko aŋ tokom murus kura kamba na.» 21Hin cora a su kaŋgi, su kay cora u jivira na ɗow.
Currently Selected:
ROMMA 12: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
