NDUMBA TAKKIRA
TAKKIRA
Magaara yaɗ ana Ndumbara ɓakŋi dlara vi suu Israelna hu li ma asi yow ay kay ɦinira Sinayra tuɗ irisi ay u maɗiina na a tuɗ hu mbassa Lona vi vunum kaɗ a ɦasirara. Sem magaa ndaɗta ka gi humba kay dla taa dew duk dlara vi suu Israelna ni ana hu li ma asi bay yow ay tuna, Moiz ndum suu Israelna ay ki hay ɦinira Sinayra dew dew bel.
Nam hin ndumusi a mbara ni u mbassa Moabba ii u maɗiina fun mbo lum ma Yurdanna na. Ni hu li ma vun koy masira ŋgoo bagira daɓ huna duk hoŋ ndumba ca mba ndaɗta ni suu Israelna tauɗ iisi ii dali na hu mbassa yaɗ ana Kades Bernea keŋ mbassa Kanaanda na, ay hu li namma asi hin cuk hu mbassa Lona vi vunum kaɗ a ɦasirara ni na. Ŋgoo dagan basara bolowo asii hin tuɗ iisi keŋ ii ma u maɗiina vi mbo lum ma Yurdanna na. Hu li namma suu masi suu ɦiw fi li ma zina ka huwa, may ŋgol suuna taɓa lum ma Yurdanna tuɗ cuk ziisi ha ki ni hu mbassa Kanaanda.
Magaara yaɗ ana Ndumbara ka takay ana suu daŋŋa ŋgolo mbuɗ ki maŋiya hu i ma asi fi dlara loɓma fokosina, asi mbuɗ duu u Lona, mbuɗ ki yara u Moiz ma Lona manasina a tuɗ fokosina lay. Boy namma ka tak jivira vi Lona ta nam laɗ maŋ suu mamsinara hu li ma asi ka li dla corana lay, ka takaygi ana Moiz sun Lona ni u ɦiŋga u siɓ dlara cocoo. Nam tuɗ fokosi hu voɗta fiyeka, dlara famba lay ni Moiz mbuɗ ka maŋiidi.
Ndumba iriɗ ɓorowi ni ko ndal wanda na
1. Suu Israelna min tasi a hin ɦinira
Sinayra kiyo. 1.1—9.23
a. Ndumba fok jewra 1.1—4.49.
b. Gaɗta zeɗ zeɗta 5.1—8.26
c. Luu ma Pak ma a yamba mbara 9.1-23
2. Col ha kay ɦinira Sinayra tuɗ tew hu mbassa Moabba 10.1—21.35
3. Koyra col ay hu Egipte ta ta tew hu mbassa Moabba 33.1-49
4. Haɗ suuna hu li ma asi a taɓa mbo lum ma Yurdanna 33.50—36.13
Currently Selected:
NDUMBA TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.