NDUMBA 7
7
Pupus ma ɦam a li sunda hu Mbutluɓmana
1Hu li ma Moiz daɓ sun Ziŋ Lonara kina, nam fuuruɗ ki u mbulna laɗ ki teteɗ u tlesuu huruɗna halaŋ, givin ma togolla u tlesuu hurumma halaŋ lay, nam lasi ki teteɗ. 2Suu ŋgolo suu fok njaf suu Israelnana, mbaa ɦal masira ɦawara, ni suu ŋgolo suu ay fok gorsesina hu li ma asi a ndum suu Israelnana. 3Asi mbaa ɦal masira ay fok Yawe, pupusna karkiya yam ki bariya, u mbutlina doogo yam mba' may. Pupus ma dewna mulina kam mba' mba', mulna dew ni mbutl mamma dew may. Asi mbaarasi ay fun Ziŋ Lonara.
4Yawe di Moiz ana, 5«Vi tlesuu asi ɦaŋsina ay wanna, tle asina hin cukusi a li sunda hu Mbutluɓ ma Tokkana u asiya, Aŋ ɓorowosi maŋ njaf suu vi Levina, gegelay ni fi u sun mamba nam laɗta.» 6Moiz vi pupusna u mbutlina halaŋ ɦasi maŋ suu vi Levina. 7Nam ɦal pupus mba' u mbutlina fiɗi maŋ goryoŋ Gersonna u ndak sun masira asi laɗta. 8Pupus ma fiɗina u mbutli suu kalavandina nam ɦasi maŋ goryoŋ Merarina ni u sem Itamar kay sun masira zii tlena ŋgol coco. Asi li sunda ni u Itamar ma goŋ Aaronna. 9Nam ɦal ka maŋ goryoŋ Kehatnaɗi, kay sun masira ni a zii tlesuu teteɗna ni u yasiya.
Ҥalla ɦawara kay givin ma togolla
10Muli suu fok gorsesinana mba ɦal masira ay ni hu buu ma Moiz fuu givin ma togolla u mbulnana gaw may, asi mbaarasi ay fok givin ma togollana. 11Yawe di Moiz ana, «Hu buuna dew dew bel ni, suu ŋgolo suu fok suu Israelna dew dew ni ɦal ɓivun mamma li givin ma togolla ki teteɗna aya.»
12Hu buu ma jewna ni Nason ma goŋ Aminadabma, mul ma hu njaf Yudana, mbaa ɦal mamba aya. 13Ҥalla nam ɦaɗta ni tassa doonora nekem ii sikle 130, u ŋgal doonora nekem ii sikle 70 may, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 14koɓ ma yoori u lorra nekem ii sikle 10, oy u mbul ma his jivina may, 15bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 16ɦu ŋgekŋa dew a li ɓivun ma bulum cora kina, 17a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Nason ma goŋ Aminadabma lamma ni na.
18Hu buu ma mbana ni Nataneyel ma goŋ Suwarna, mul ma hu njaf Isakarna, mbaa ɦal mamba aya. 19Ҥalla nam ɦaɗta ni tassa doonora nekem ii sikle 130, u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 20koɓ ma yoori u lorra nekem ii sikle 10, oy u mbul ma his jivina may, 21bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 22ɦu ŋgekŋa dew a li ɓivun ma bulum cora kina, 23a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Nataneyel ma goŋ Suwarna lamma ni na.
24Buu ma hindina ni Eliyab ma goŋ Heloŋŋa, mul ma hu njaf Zabulonna, mbaa ɦal mamba aya. 25Ҥalla nam ɦaɗta ni tassa doonora nekem ii sikle 130, u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 26koɓ ma yoori u lorra nekem ii sikle 10, oy u mbul ma his jivina, 27bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 28ɦu ŋgekŋa dew may a li ɓivun ma bulum cora kina, 29a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma vi Eliyab ma goŋ Heloŋŋa lamma ni na.
30Hu buu ma fiɗina ni Elisur ma goŋ Sedeurna, mul ma hu njaf Rubenna mbaa ɦal mamba aya. 31Ҥalla nam ɦaɗta ni tassa doonora nekem ii sikle 130 u ŋgal doonora nekem ii sikle 70, ni u sikle hu Mbutluɓ ma Teteɗna, asi jakŋi oyosi ki u fuɗta yarasi u mbulnara a li puura, 32koɓ ma yoori u lorra nekem ii sikle 10, oy u mbul ma his jivina, 33bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 34ɦu ŋgekŋa dew a li ɓivun ma bulum cora kina, 35a li ɓivun ma heɓpa ni yow mbutlina mba', gamlagina vadl, yow ŋgegina vadl, yow goo timigii suu basaɗasi dew dewna vadl. Ni ɦalla ma vi Elisur ma goŋ Sedeurna lamma ni na.
36Hu buu ma vadlna ni Selumiyel ma goŋ Surisadayna, mul ma hu njaf Simeon mbaa ɦal mamba aya. 37Ҥalla nam ɦaɗta ni tassa doonora nekem ii sikle 130 u ŋgal doonora nekem ii sikle 70, ni u sikle hu Mbutluɓ Teteɗna, asi jakŋi oyosi ay ki u fuɗta yarasi u mbulnara a li puura, 38koɓ ma yoori u lorra nekem ii sikle 10, oy u mbul ma his jivina, 39bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 40ɦu ŋgekŋa dew a li ɓivun ma bulum cora kina, 41a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl. Ni ɦalla ma Selumiyel ma goŋ Surisadayna lamma ni na.
42Hu buu ma karkiyana ni Elyasaf ma goŋ Dewelna, mul ma hu njaf ma vi Gadna, mbaa ɦal mamba aya. 43Ҥalla nam ɦaɗta ni tassa doonora nekem ii sikle 130, u ŋgal doonora nekem ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li porra, 44koɓ ma yoori u lorra nekem ii sikle 10 oy u mbul ma his jivina, 45bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 46ɦu ŋgekŋa dew a li ɓivun ma bulum cora kina, 47a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl. Ni ɦalla ma Elyasaf ma goŋ Dewyelna lamma ni na.
48Hu buu ma kiɗisiyana ni Elisana ma goŋ Amihadna, mul ma hu njaf Efrayimma, mbaa ɦal mamba aya. 49Ҥalla nam ɦaɗta ni tassa doonora nekem ii sikle 130, u ŋgal doonora nekeɗ ii sikle hu 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 50koɓ ma yoori u lorra nekem ii sikle 10 oy u mbul ma his jivina, 51bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 52ɦu ŋgekŋa dew a li ɓivun ma bulum cora kina, 53a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl. Ni ɦalla ma Elisama ma goŋ Amihudna lamma ni na.
54Hu buu ma kalavandina ni Gamaliyel ma goŋ Pedasurna, mul ma hu njaf Manase, mbaa ɦal mamba aya. 55Ҥalla nam ɦaɗta ni tassa doonora nekem ii sikle 130 u ŋgal doonora nekeɗ ii sikle hu 70, ni u sik hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 56koɓ ma yoori u lorra nekem ii sikle 10 oy u mbul ma his jivina, 57bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may, 58ɦu ŋgekŋa dew a li ɓivun ma bulum cora kina, 59a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl. Ni ɦalla ma Gamaliyel ma goŋ Pedasurna lamma ni na.
60Hu buu ma dleeŋena ni Avidan ma goŋ Gidiyonina, mul ma hu njaf Benjamin mbaa ɦal mamba aya. 61Ҥalla nam ɦaɗta ni tassa doonora nekem ii sikle 130 u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 62koɓ ma yoori u lorra nekem ii sikle 10 oy u mbul ma his jivina, 63bolo mbutlna dew, gamlana dew, goo timii ma basaɗam dewna dew a li ɓi vun ma ŋgalam kina, 64ɦu ŋgekŋa dew a li ɓivun ma bulum cora kina, 65a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Avidan ma goŋ Gidiyonna lamma ni na.
66Hu buu ma doogona ni Ahiyezer ma goŋ Amisadayna, mul ma hu njaf Danna, mbaa ɦal mamba aya. 67Ҥalla nam ɦaɗta ni tassa doonora nekem ii sikle 130 u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 68koɓ ma yoori u lorra nekem ii sikle 10 oy u mbul ma his jivina, 69bolo mbultna dew, gamlana dew, goo timii ma basaɗam dewna dew a li ɓivun ma ŋgalam kina may, 70ɦu ŋgekŋa dew a li ɓivun ma bulum cora kina, 71a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Ahiyezer ma goŋ Amisadayna lamma ni na.
72Hu buu ma doogo yam dewna ni Pagiyel ma goŋ Okranna, mul ma hu njaf Aserna mbaa ɦal mamba aya. 73Ҥalla nam ɦaɗta ni tassa doonora nekem ii sikle 130 u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 74koɓ ma yoori u lorra nekem ii siklera 10 oy u mbul ma his jivina, 75bolo mbultna dew, gamlana dew, goo timii ma basaɗam dewna dew a li ɓivun ma ŋgalam kina may, 76ɦu ŋgekŋa dew a li ɓivun ma bulum cora kina, 77a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Pagiyel ma goŋ Okranna lamma ni na.
78Hu buu ma doogo yam mbana ni Ahira ma goŋ Einanna, mul ma hu njaf Neftalina, mbaa ɦal mamba aya. 79Ҥalla nam haɗta ni tassa doonora nekem ii sikle 130 u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura, 80koɓ ma yoori u lorra nekem ii sikle 10 oy u mbul ma his jivina, 81bolo mbultna dew, gamlana dew, goo timii ma basaɗam dewna dew a li ɓivun ma ŋgalam kina may, 82ɦu ŋgekŋa dew a li ɓivun ma bulum cora kina, 83a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Ahira ma goŋ Einanna lamma ni na.
84Ni ɦalla muli suu fok njaf suu Israelna ɦaɗ a mbuɗ givin ma togolla ki teteɗna, ni hu buu ma asi fuu otel namma u mbulnana. Tassa doonora doogo yam mba', ŋgal doonora doogo yam mba', koɓ ma yoori u lorra doogo yam mba' may. 85Tassa doonora dew ni nekem ii sikle 130, ŋgal doorona dew ni nekem ii sikle 70. Tle asina nekesi taɓ halaŋŋi ii sikle 2,400 ni u sikle hu Mbutluɓ ma Teteɗna. 86Koɓ ma yoori u lorra oy u mbul ma his jivina doogo yam mba, ma dewna nekemmi sikle 10 u sikle hu Mbutluɓ ma Teteɗna, ni sikle ndi halaŋŋi 120. 87Yoori suu ŋgolo suu yowosi a li ɓivun ma ŋgalam kina ni bolo mbutlugina doogo yam mba', gamlagina doogo yam mba', gor timiigi suu basaɗasi dew dewna doogo yam mba' u puura u njaf wana, u ŋgegina doogo yam mba' a li ɓivun ma bulum cora kina. 88Yoori suu ŋgolo suu a li ɓivun ma heɓpa mbutlina halaŋŋi dok-mba' yam fiɗi, gamlagina dok-karkiya, ŋgegina dok-karkiya, gor timigii suu basaɗasi dew dewna dok-karkiya may. Ni ɦala haɗ a mbuɗ givin ma togolla ki teteɗta. Ŋgoo dagan hu li ma asi fuuruɗ ki u mbulna na.
89Hu li ma Moiz kal hu Mbutluɓ ma Tokkana a ɓak u Yawena, nam hum della ɓakam ay kolo kay yam Zandukka Galamba duk ɦoŋ Serubim suu kaɗ mbana. Ay kolo hu li namma nam ɓakam aya.
Currently Selected:
NDUMBA 7: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
