NDUMBA 26
26
1Yawe di Moiz u mul ma li ɓivunna Eleazar, ma goŋ Aaronna ana,#Ndu. 1.1-46 2«Ndum suu Israelna ki halaŋ halaŋ, col ha kay suu basaɗasi tew ki dok-mbana tuɗ ha fok na, suu ki ndaki a yow kawi ma duuna kosina.» 3Moiz u mul ma li ɓivunna Eleazar ɓakasi ay ŋgoo bagi hu fulla Moabpa, fun mbo lum ma Yurdanna, ay kolo pay zi ma Yerikona na dasi ana, 4«Aygi hin ndum suuna ki halaŋ halaŋ, col ha kay suu basaɗasi tew ki dok-mbana tuɗ ha fok na ko ndal Yawe di ay maŋ Moizza na may.»
Gola ni suu Israel suu cuk ay ki hu Egiptena. 5Ruben goŋ Israel ma ŋgolna, goryoŋ Rubenna ni Hanokŋi njaf suu Hanokŋa, Palu ni njaf suu Paluna, 6Hesronni njaf suu Hesronna, Karmi ni njaf suu Karmina. 7Gola njaf suu vi Rubenna ay ni na, ndumusi halaŋŋi 43,730 ni njufiina hol.
8Goŋ Paluna ni Eliyab 9Goryoŋ Eliyabma ni Nemuel, Datan, u Abiram. Datan u Abirammi suu may suu suu Israelna yowosi fokosi a li yara ugi Moiz u Aaronna. Asi ay u goryoŋ Korena hu li ma asi li honira u Yawena. 10Ndaŋgara mal vunuɗ ki likisi kiyo, u Kore lay, ni hu li ma suu mamsina miɗ cocona, suuna 250 ni suu tak ki kay yara vi Lonara. 11Goryoŋ Korena u tasira miɗ kaɗi.
12Goryoŋ Simeonna u deeresiya, Nemuel ni njaf suu Nemuelna, Yaminni njaf suu Yaminna, Yakinni njaf suu Yakinna may. 13Zera ni njaf suu Zerana, Sol ni njaf suu Solna. 14Gola njaf suu vi Simeonna ay ni na, asi halaŋŋi 22,200.
15Suu vi Gadna u njafasiya, Sefonni njaf suu Sefonna, Hagi ni njaf suu Hagina, Suni ni njaf suu Sunna. 16Ozni ni njaf suu Oznina, Eri ni njaf suu Erina. 17Arod ni njaf suu Arodna, Areli ni njaf suu Arelina. 18Gola njaf suu vi Gadna ay ni na asi halaŋŋi 40, 500.
19Goryoŋ Yudana ni Er u Onan. Er u Onan miɗ ay ki ni hu mbassa Kanaanda. 20Gola ni goryoŋ Yudana u deeresiya, Sela ni njaf suu Selana, Peres ni njaf suu Peresna. Zerah ni njaf suu Zerahna. 21Gola ni goryoŋ Peresna, Hesronni njaf suu Hesronna. Hamul ni njaf suu Hamulna. 22Gola njaf suu vi Yudana ay ni na asi halaŋŋi 76,500.
23Suu vi Isakarna u deeresiya, Tola ni njaf suu Tolana. Puva ni njaf suu Puvana. 24Yasub ni njaf suu Yasubma, Simronni njaf suu Simronna. 25Gola njaf suu vi Isakarna ay ni na asi halaŋŋi 64,300.
26Njaf suu vi Zabulonna u deeresiya, Sered ni njaf suu Seredna, Elonni njaf suu Elonna. Yaleel ni njaf suu Yaleelna. 27Gola njaf suu vi Zabulonna ay ni na asi halaŋŋi 60,500.
28Suu vi Josefna u deeresiya, ni Manase u Efrayim. 29Goryoŋ Manasena ni Makir, ni njaf suu Makirna. Makir vuɗ Galaad. Galaad ni njaf suu Galaadna. 30Gola ni goryoŋ Galaadna, Yezer ni njaf suu Yezerna, Helekŋi njaf suu Helekŋa. 31Asriyel ni njaf suu Asriyelna, Sekemmi njaf suu Sekemma. 32Semida ni njaf suu Semidna, Hefer ni njaf suu Heferna. 33Selofad goŋ Heferna vuɗ go njuf kaɗi, vuɗ ni gorɓiina doy hol, gorɓii suu vi Selofadna ni, Mala, Nowa, Hogla, Milka u Tirsa. 34Gola njaf suu vi Manasena ay ni na, asi halaŋŋi 52,700.
35Gola ni njaf suu vi Efrayimma u deeresiya. Sutela ni njaf suu Sutelana. Beker ni njaf suu Bekerna. Tahanni njaf suu Tahanna. 36Gola ni goryoŋ Sutelana, Eranni njaf suu Eranna. 37Gola njaf suu vi Efrayimma li ay ni na asi halaŋŋi 32,500. Ndum goryoŋ Josefna taɓ hu njafam halaŋŋi na.
38Suu vi Benjaminna u deeresiya, Bela ni njaf suu Belana, Asebel ni njaf suu Asebelna. Ahirammi njaf suu Ahiramma. 39Sufammi njaf suu Sufamma. Hufammi njaf suu Hufamma. 40Goryoŋ Belana ni Arde u Naaman, ni njaf suu Naamanna. 41Gola njaf suu vi Benjaminna li ay ni na, asi halaŋŋi 45,600.
42Gola ni goryoŋ Danna u deeresiya, Suhammi njaf suu Suhamma, njaf suu vi Danna li ni na, 43Njaf suu Suhamma ndum halaŋŋi 64,400.
44Gola ni njaf suu vi Aserna u deeresiya. Imna ni njaf suu Imnana. Isevi ni njaf suu Isevina. Beriya ni njaf suu Beriyana. 45Njaf suu vi Beriyana ni, Heber ni njaf suu Heberna, Malkiyel ni njaf suu Malkiyelna. 46Go tamara vi Aserra yaɗ ana Sera. 47Njaf suu vi Aserna li ay ni na, asi halaŋŋi 53,400.
48Gola ni njaf suu vi Neftalina u deeresiya. Yassiyel ni njaf suu Yassiyelna. Guni ni njaf suu Gunina. 49Yesser ni njaf suu Yesserna. Sillemmi njaf suu Sillemma. 50Ni njaf suu vi Neftalina li ay ni na, asi ndum halaŋŋi 45,500. 51Ndum suu Israelna dlaɓ halaŋ ndi na 601,730.
Takka kay ɓorow mayra ɓorow mbassa kira
52Yawe di Moiz ana,#Ndu. 34.13; Jos. 14.1-2 53«Mbassa hin ɓorowoɗ ni duk ɦoŋ suu asina, ɓorow namma hin li ni u ndum suuna may. 54Njaf suu zulina aŋ ɦasi lina ŋgol may, njaf suu kaɗina aŋ ɦasi lina ni kaɗi may. Gegelay fi ɓorow mamma ni u ndum suu mamsina. 55Mbassa agi hin ɓorowoɗ ni u paɗta paɗ dewna, asi hin fi ɓorow masina ni u ndum somoyosiya. 56Paɗta paɗ dewna hin gi u dla ndaɗta ki ni ndaɗu, a ɓorow lina duk ɦoŋ suu zulina u suu ka zuli cocoɗina.»
Hoŋ ndum njaf suu vi Levina a mbara
57Gola ni ndum njaf suu vi Levina u deeresiya. Gersonni njaf suu Gersonna, Kehat ni njaf suu Kehatna. Merari ni njaf suu Merarina. 58Gola ni njaf Levi, njaf suu vi Libnina, njaf suu Hebronna, suu Malna, suu Musna suu Korena, Kehat vuɗ Amram. 59Caŋ Amramba yaɗ ana Yokebed ni goŋ Levira, nam vuɗuɗ ay ni hu Egipte. Ndaɗ hin vuɗ gorra maŋ Amrammi Aaron, Moiz u Miriyammi wayasira tamara may. 60Aaron vuɗ Nadab, Abihu, Eleazar u Itamar.#Ndu. 3.2 61Nadab u Abihu, ni asi miɗ ki kay asi kal kura daŋga ay hu givin ma togolla fok Yawena.#Lev. 10.1-2; Ndu. 3.4 62Ndum suu vi Levina li halaŋŋi 23,000 ni ndummi njufii suu hu njaf Levina halaŋ col ha kay suu vuɗ ki li tilna ki dewna na. Asina taɓasi ndumusi ay ka duk suu Israelnaɗi, kay asi ka dlaɓi u asiɗi.
Vun ndumba daɓ daganda
63Gola ni suu may suu Moiz u mul ma li ɓivunna Eleazar ndumusi asi suu Israelna ay ŋgoo bagi hu mbassa Moabma, fun mbo lum ma Yurdanna vok tasi u zi ma Yerikona. 64Dukusi halaŋŋi sa ma Moiz u Aaron, mul ma li ɓivunna, ndumusi ay ŋgoo bagi u ɦinira Sinayra hin ka dukgi. 65Kay Yawe dasi ki ana lini nanagelay asi hin miɗ ki ŋgoo bagi hu fulla. Kay ndaɗta asi miɗ ki halaŋ may, hinni gi Kaleb ma goŋ Yefunnena u Josuwe ma goŋ Nunna doy hol.#Ndu. 14.26-35
Bible Moussey © Bible Society of Chad, 2002.