DLAŊ LEVIRA 8
8
ŊGAƁ AARON U GORYOM KI A MULI SUU LI ƁIVUNNA
Tin Kona kay Aaron u goryom kay sunda li ɓivunna
1Yawe di Moiz ana, 2«Yow gi Aaron u goryomu, yow barawi suu vi muli suu li ɓivunna u mbul ma fuura, vi bolo mbutl ma li ɓivunna kay cora, yow gamlagi timigiina mba may, tli goo kaalamba fu ma bay kuffa dukumma, ɦura may. 3Ŋgoo dagan tok suuna halaŋ ha kaŋga fun Mbutluɓ ma Tokka.»
4Moiz li ko ndal Yawe damba na may. Suuna halaŋ tok ha ga fun Mbutluɓ ma Tokka. 5Moiz hin di suu tokina ana, «Gola ni dlara Yawe di ana laɗura.» 6Moiz tak Aaron u goryom ki fok suuna, ɦasi voɗta asi mbus tasi kiyo. 7Nam cuk baraw njibira ta Aaron, njunum gandina hurum may, cukum baraw ma kayam kolona kamu u efodna lay Njunumba ki ga eg baraw mamba ŋgolla may. 8Nam gaɓam mbumbuna gudikimu, kal Urim u Tummim hu may. 9Nam ɗuɗum gaɗamulla kamu, ɓalam walak lorra teteɗta ko ɓo tlena na vogom may, ni a tak ki ana nammi sa ma ki fuurina, ko Yawe di Moizza na.
10Ŋgoo dagan Moiz tli mbul ma fuura kom ta ni, gijaŋ a fuu Ziŋ Lonara u tlesuu hurudna halaŋ a ɦasi ki maŋ Lona. 11Nam yam mbulna sem kiɗisiya hu givin ma togolla. Ŋgoo dagan nam fuu givin ma togolla u tlesuu hurumma halaŋ. Nam fuu tassa ŋgol ma vo yona huna u va ma nam tini kamma halaŋ, a mbuɗusi ki teteɗta. 12Nam vo mbul ma fuu namma kay yam Aaron, nam fuurum kay a ɦam sundara.
13Ŋgoo dagan Moiz yi goryoŋ Aaronna aya, cukusi baraw masi ma ŋgolona tasiya, hin njunusi gandina hurusi may, tinisi jumba kasi ko Yawe dira na may.
14Ŋgoo dagan Moiz vi bolo mbutl ma li ɓivun ma bulum cora kina, Aaron u goryom baa kosi kay mbutlna. 15Moiz ŋgaɗ mbutl namma, li busuna gor gor komu, tinim eg mek ma ŋguy kay givin ma togolla a bulumum coomba kira. Nam vo busu ma hiŋŋa u givin ma togolla. Nam mbuɗum ki teteɗ u ɓivun ma mbus cora kina. 16Moiz yow mbul ma huu mbutlnana halaŋ, mbul ma kay gilisana u dudukka halaŋ, tuɗ ŋgalasi ki hu givin ma togolla. 17Bolo mbutlna tamba u bakam halaŋ u soɗom lay, tuɗ ŋgalasi ha ki doŋ kaana, ko Yawe di Moizza na.
18Ŋgoo dagan Moiz vi gamla timii ma li ɓivun ma ŋgalam kina aya, Aaron u goryom tin kosi kamu. 19Moiz ŋgaɗ timii namma, yam busuna ŋgufum ki kay givin ma togolla na cutl. 20Moiz ɓorow ii dokka ki zeɗ zeɗ, ŋgalasi ki u li ma mbulna halaŋ, yamba lay. 21Moiz mbus yorotna ki jivi u gi kewetta lay. Nam ŋgal timiina ki ni u ŋgolom halaŋ, ni ɓivun ma ŋgalam kina, ma his jivi fok Lonana. Ni ti ma ŋgalam ki maŋ Yawena ko nam di ay maŋ Moizza na.
22Ŋgoo dagan Moiz vi gamla timii ma mbana aya, namma ni a timii ma ɦal sunda maŋ sa li ɓivunna. Aaron u goryom tin kosi kay timiina. 23Moiz ŋgaɗ timii namma soo busuna. Nam tin busuna hum Aaron ta njuffa, tin kay do komba njuffa may, kay do semba njuffa may. 24Moiz yi goryoŋ Aaronna tinisi busuna kay humusira njuffa may, kay do kosira njuffa may, kay do sesira njuffa halaŋ may. Ŋgoo dagan Moiz yam busuna ŋgufum ki kay givin ma togolla na cutl. 25Nam vaa tliw ma mbulna, njawra, mbul ma hurumma halaŋ, dudukka, gilissa u mbul ma kaɗna halaŋ u gay ma njufna may. 26Hu kaalam ma cuk fu ma bay kuffa dukumma hurumma ma ka tini fok Yawena, nam tli komnjoɗii ma bay kuffa dukumma dew, ma lam u mbulna dew may, u komnjoɗii ma fetna dew may, cukusi kolo kay mbul timiina kay gay ma njufna. 27Nam ɦal tle asina ko Aaron u goryom halaŋ. Asi tuɗusi fok Yawe geŋeɗ tasi a li ɓivunna. 28Ŋgoo dagan Moiz vasisina kosi kemmi tuɗ ŋgalasi ki hu givin ma togolla, ni ɓivun ma ɦal sunda maŋ sana, ɓivun ma his jivina, ni ti ma ŋgalam ki ŋgali maŋ Yawena. 29Moiz tli dikŋa ta ni tuɗum fok Yawe geŋeɗ tam a li ɓivunna. Dik namma hin ki ni a ɓorow ma vi Moizna ko ndal Yawe damba na. 30Moiz tli mbul ma fuura u busu ma ay hu givin ma togolla yamasi eg Aaron u barawi mamsina yam eg goryom u barawi masisina ni na lay. Ko ndaɗta na nam mbuɗ Aaron u barawi mamsina teteɗ, mbuɗ goryoŋ Aaronna u barawi masisina teteɗ lay.
31Moiz di Aaron u goryom ana, «Zalagi tliw namma ni fun Mbutluɓ ma Tokka tani, agi hin komommi u fu ma bay kuffa dukumma, ma ka cuki hu kaalamma wanana ko ndal Yawe ɦagi voɗta di ana, Aaron u goryom hin tammi asiyarana. 32U tliw ma hinna u fu ma hinna lay, agi ŋgalasi kiyo. 33Buuna kiɗisiya ni agi ka hin vun Mbutluɓ ma Tokka kiɗi ta ta buu ma ŋgaam a ɦagi sundana daɓ ki tuwa kay a hinigi sunda kogira ni li buuna ni kiɗisiya. 34Ko asi li cemi wanda na, Yawe ɦal voɗta ana li ha fok na olo a li ɓivun ma bulum cora kina.
35«Agi lak fun Mbutluɓ ma Tokka faali lay, njeŋge lay ta ta buuna kiɗisiya. Ni agi hin li sunda sun Yawe ni ka miɗ oloɗi, ni boy ma danna ayna.» 36Aaron u goryom li u gaɗ mayra Yawe ɦasira ay fun Moizza halaŋ.
Currently Selected:
DLAŊ LEVIRA 8: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
DLAŊ LEVIRA 8
8
ŊGAƁ AARON U GORYOM KI A MULI SUU LI ƁIVUNNA
Tin Kona kay Aaron u goryom kay sunda li ɓivunna
1Yawe di Moiz ana, 2«Yow gi Aaron u goryomu, yow barawi suu vi muli suu li ɓivunna u mbul ma fuura, vi bolo mbutl ma li ɓivunna kay cora, yow gamlagi timigiina mba may, tli goo kaalamba fu ma bay kuffa dukumma, ɦura may. 3Ŋgoo dagan tok suuna halaŋ ha kaŋga fun Mbutluɓ ma Tokka.»
4Moiz li ko ndal Yawe damba na may. Suuna halaŋ tok ha ga fun Mbutluɓ ma Tokka. 5Moiz hin di suu tokina ana, «Gola ni dlara Yawe di ana laɗura.» 6Moiz tak Aaron u goryom ki fok suuna, ɦasi voɗta asi mbus tasi kiyo. 7Nam cuk baraw njibira ta Aaron, njunum gandina hurum may, cukum baraw ma kayam kolona kamu u efodna lay Njunumba ki ga eg baraw mamba ŋgolla may. 8Nam gaɓam mbumbuna gudikimu, kal Urim u Tummim hu may. 9Nam ɗuɗum gaɗamulla kamu, ɓalam walak lorra teteɗta ko ɓo tlena na vogom may, ni a tak ki ana nammi sa ma ki fuurina, ko Yawe di Moizza na.
10Ŋgoo dagan Moiz tli mbul ma fuura kom ta ni, gijaŋ a fuu Ziŋ Lonara u tlesuu hurudna halaŋ a ɦasi ki maŋ Lona. 11Nam yam mbulna sem kiɗisiya hu givin ma togolla. Ŋgoo dagan nam fuu givin ma togolla u tlesuu hurumma halaŋ. Nam fuu tassa ŋgol ma vo yona huna u va ma nam tini kamma halaŋ, a mbuɗusi ki teteɗta. 12Nam vo mbul ma fuu namma kay yam Aaron, nam fuurum kay a ɦam sundara.
13Ŋgoo dagan Moiz yi goryoŋ Aaronna aya, cukusi baraw masi ma ŋgolona tasiya, hin njunusi gandina hurusi may, tinisi jumba kasi ko Yawe dira na may.
14Ŋgoo dagan Moiz vi bolo mbutl ma li ɓivun ma bulum cora kina, Aaron u goryom baa kosi kay mbutlna. 15Moiz ŋgaɗ mbutl namma, li busuna gor gor komu, tinim eg mek ma ŋguy kay givin ma togolla a bulumum coomba kira. Nam vo busu ma hiŋŋa u givin ma togolla. Nam mbuɗum ki teteɗ u ɓivun ma mbus cora kina. 16Moiz yow mbul ma huu mbutlnana halaŋ, mbul ma kay gilisana u dudukka halaŋ, tuɗ ŋgalasi ki hu givin ma togolla. 17Bolo mbutlna tamba u bakam halaŋ u soɗom lay, tuɗ ŋgalasi ha ki doŋ kaana, ko Yawe di Moizza na.
18Ŋgoo dagan Moiz vi gamla timii ma li ɓivun ma ŋgalam kina aya, Aaron u goryom tin kosi kamu. 19Moiz ŋgaɗ timii namma, yam busuna ŋgufum ki kay givin ma togolla na cutl. 20Moiz ɓorow ii dokka ki zeɗ zeɗ, ŋgalasi ki u li ma mbulna halaŋ, yamba lay. 21Moiz mbus yorotna ki jivi u gi kewetta lay. Nam ŋgal timiina ki ni u ŋgolom halaŋ, ni ɓivun ma ŋgalam kina, ma his jivi fok Lonana. Ni ti ma ŋgalam ki maŋ Yawena ko nam di ay maŋ Moizza na.
22Ŋgoo dagan Moiz vi gamla timii ma mbana aya, namma ni a timii ma ɦal sunda maŋ sa li ɓivunna. Aaron u goryom tin kosi kay timiina. 23Moiz ŋgaɗ timii namma soo busuna. Nam tin busuna hum Aaron ta njuffa, tin kay do komba njuffa may, kay do semba njuffa may. 24Moiz yi goryoŋ Aaronna tinisi busuna kay humusira njuffa may, kay do kosira njuffa may, kay do sesira njuffa halaŋ may. Ŋgoo dagan Moiz yam busuna ŋgufum ki kay givin ma togolla na cutl. 25Nam vaa tliw ma mbulna, njawra, mbul ma hurumma halaŋ, dudukka, gilissa u mbul ma kaɗna halaŋ u gay ma njufna may. 26Hu kaalam ma cuk fu ma bay kuffa dukumma hurumma ma ka tini fok Yawena, nam tli komnjoɗii ma bay kuffa dukumma dew, ma lam u mbulna dew may, u komnjoɗii ma fetna dew may, cukusi kolo kay mbul timiina kay gay ma njufna. 27Nam ɦal tle asina ko Aaron u goryom halaŋ. Asi tuɗusi fok Yawe geŋeɗ tasi a li ɓivunna. 28Ŋgoo dagan Moiz vasisina kosi kemmi tuɗ ŋgalasi ki hu givin ma togolla, ni ɓivun ma ɦal sunda maŋ sana, ɓivun ma his jivina, ni ti ma ŋgalam ki ŋgali maŋ Yawena. 29Moiz tli dikŋa ta ni tuɗum fok Yawe geŋeɗ tam a li ɓivunna. Dik namma hin ki ni a ɓorow ma vi Moizna ko ndal Yawe damba na. 30Moiz tli mbul ma fuura u busu ma ay hu givin ma togolla yamasi eg Aaron u barawi mamsina yam eg goryom u barawi masisina ni na lay. Ko ndaɗta na nam mbuɗ Aaron u barawi mamsina teteɗ, mbuɗ goryoŋ Aaronna u barawi masisina teteɗ lay.
31Moiz di Aaron u goryom ana, «Zalagi tliw namma ni fun Mbutluɓ ma Tokka tani, agi hin komommi u fu ma bay kuffa dukumma, ma ka cuki hu kaalamma wanana ko ndal Yawe ɦagi voɗta di ana, Aaron u goryom hin tammi asiyarana. 32U tliw ma hinna u fu ma hinna lay, agi ŋgalasi kiyo. 33Buuna kiɗisiya ni agi ka hin vun Mbutluɓ ma Tokka kiɗi ta ta buu ma ŋgaam a ɦagi sundana daɓ ki tuwa kay a hinigi sunda kogira ni li buuna ni kiɗisiya. 34Ko asi li cemi wanda na, Yawe ɦal voɗta ana li ha fok na olo a li ɓivun ma bulum cora kina.
35«Agi lak fun Mbutluɓ ma Tokka faali lay, njeŋge lay ta ta buuna kiɗisiya. Ni agi hin li sunda sun Yawe ni ka miɗ oloɗi, ni boy ma danna ayna.» 36Aaron u goryom li u gaɗ mayra Yawe ɦasira ay fun Moizza halaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.