DLAŊ LEVIRA 7
7
Ɓivun ma min duk ɦoŋgana
1«Gola ni gaɗta kay ɓivun ma min duk ɦoŋga, kay ni ɓivun ma teteɗna. 2Ŋgaɗ va ma li ɓivun ma min duk ɦoŋga ni hu givin ma togolla. Mul ma li ɓivunna yamam busuɗum ŋgufum ki kay givin ma togolla na cutl. 3Nam yow tliw ma mbulna halaŋ, njawra u mbul ma hurumma halaŋ may. 4Gilissa u mbul ma kaɗna may u ma eg dudukkana lay, hin dudukka ki kama. 5Mul ma li ɓivunna tuɗ ŋgal tle asina hu givin ma togolla. Ni ɓivun ma ŋgalam ki ŋgali fok Yawena, ni ɓivun ma min duk ɦoŋga li ni na. 6Suu njufii suu li sunda a muli suu li ɓivunnana halaŋ ndak kom tliw namma, komom ha ni hu li ma ki mbuɗi teteɗna may, kay ni va ma teteɗna. 7Gaɗta kay ɓivun ma bulum cora kina fun taɗ ni u gaɗta kay ɓivun ma min duk ɦoŋga dew. U tliw ma hinna muli suu li ɓivunna komommi asiya. Ni maŋ mul ma li ɓivun ma gijaŋ sun ndaɗta jewna.»
Tlesuu hin ki maŋ mul ma li ɓivunnana
8«Lini sana mbaa ɓivun ma ŋgalam kina ni, mul ma li ɓivunna ma lam ɓivun nammana bakŋa ni mamu. 9Puura u njaf wa ma zalam ay kuŋgu zalina, ɗowba ma hawam hawina, ni maŋ mul ma li ɓivunna ma li ɓivun namma ayna. 10Puura u njaf wanara laras fuɗta u mbulna sooɗ kina, ni maŋ goryoŋ Aaronna halaŋ. Asi ɓorowoɗ ni fun tasi dew.»
Ɓivun ma vi suu tokka halaŋŋa
11«Gola ni gaɗta kay ɓivun ma heɓpa kay suuna halaŋŋa, asi a mbaaram fok Yawera. 12Lini sana min a li ɓivun ma gi deɓpa maŋ Lona ni, nam vi ɦuna ay may, li komnjoɗii ma bay kuffa dukumma may, u komnjoɗii ma fetna, mbaa fuɗ mayra ki yarasi u mbulnara may. 13Nam ndak cuk fu ma kuffa dukumma ay keŋ hu olo, kay a li ɓivun ma heɓpa ɦam kay gi deɓpa maŋ Lona. 14Tlesuu mbaarasi ay asina tli ay usi dew dew halaŋ a takasi fok Yawera, asina hinni maŋ mul ma li ɓivunna ma yam busuna vi ɓivun ma heɓpa. 15Tliw ma ŋgaɗam a li ɓivun ma heɓpa ɦam kay gi deɓpa namma komom ki ni hu buu namma halaŋ, ka hin maa kolo a tew ta ta vin dayɗi.
16«Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may. 17Na may u tliw namma hin wa a tew buu ma hindina ni ŋgalam kiyo. 18Lini asi kom tliw ma li ɓivun ma heɓpa namma wa hu buu ma hindina ni Lona ka vi ɓivun namma oloɗi, nam ka ndumum oloɗi lay. Sa ma kom tliw nammana mbaa cora kam wa. 19Tliw namma ŋgen ki eg tlesuu njenjena, sa ka komom oloɗi, ŋgalam ki ni ŋgaliya.
«A kom tliw ma li ɓivunna u namma ni aŋ li taŋ ki ni na teteɗ. 20Lini sana wi tam ki njenjee hin kom tliw ma li ɓivun ma heɓpa maŋ Yawe u namma wa ni, sa namma ka duk suu Israelna oloɗi. 21Ko ndaɗta na lay, sa ma ŋgen kom ay eg dlara njenjera, ɗowba kom tliw ma njenjena, ɗowba kom va ma gaɗta di ki ana tambina, hin mba kom tliw ma li ɓivun ma heɓpa u namma fok Yawe mayna, sa namma ka duk suu mamsina oloɗi.»
Gaɗta kay ɓivun ma kay suuna halaŋŋa
22Yawe ɓak u Moiz dam ana, 23«Aŋ di suu Israelna ki ana, Tliw ma mbulna halaŋ, li ni ɦuwa, timiiya, ɗowba mbutlu ni, agi komombi. 24Ҥu mayra miɗ va laɗ kala, ɗowba vabak vaɗ vii kala ni, agi ndak li sunda daŋga u mbuluɗu, may komoɗ tliwiɗɗi kama. 25Yoo ma agi li ɓivun ma ŋgalam kina u nam fok Yawena, sa ma jug mbul va namma tira jugŋa ni sa namma ka duk suu mamsina oloɗi.
26«Li ma agi lagi huna halaŋ, lini aragelay ni, agi ti busunaɗi, busu yoo ɗowba busu layagina lay, agi tambi.#Ura 9.4; Lev. 17.10-14; 19.26; Gaɗ. 12.16,23; 15.23 27Sa ma ŋgen busu yoona tira funum ŋgenna, sa namma lay ka duk suu mamsina oloɗi.»
28Yawe di Moiz ana, 29«Di suu Israelna ana, sa ma min a li ɓivun ma heɓpa maŋ Yawena, nam mba ɦam dokka nam min a ɦambara aya. 30Nam mbaa tliw ma ŋgalam ki maŋ Yawena ay ni u bik kom tamba. Ni ana tliw ma mbulna egemma halaŋ u dikŋa lay, nam mba takasi fok Yawe u geŋeɗta geŋeɗ tam fokomba. 31Mul ma li ɓivunna ŋgal tliw namma kay kura hu givin ma togolla, na may dikŋa hin ki ni maŋ gi Aaron u goryomu. 32Gay ma njuffa tlam ki ni maŋ mul ma li ɓivunna kay ni ɓivun ma heɓpa. 33Gay ma njuf namma ki ni a ɓorow ma vi goŋ Aaron ma li ɓivun ma heɓpa ma tuɗ busuna u mbulna a li ɓivunnana. 34Yawe u tamba gaɗagi agi suu Israelna ana, gudikŋa may, gay ma njuffa may, tlesuu agi li ɓivun ma heɓpa u asina halaŋ ɦasi ki ni maŋ mul ma li ɓivunna, Aaron, u goryomu. Dok ndaɗta hin ha ki ni masi a fafaɗta. 35Dok ndaɗta hin ki ni a ɓorow ma vi Aaron u goryomma, hu ɓivun ma ŋgalam ki maŋ Yawena halaŋ, asi fam ki ni hu buu ma sana mbaa ɓivun mamma fok Yawena gaw. 36Yawe gaɗ suu Israelna ana hu li ma mul ma li ɓivunna asi fuurum u mbulna wa ni nam gijaŋ fi tliw ma ŋgaɓam ki namma ni na gaw. Gaɗ daɗta hin ha dukugi ni a fafaɗta.»
37Gola gaɗta kay ɓivunna ni ko ndaɗta na, ɓivun ma ŋgalam kina, ɓivun ma njaf wana, ɓivun ma bulum cora kina, ɓivun ma min duk ɦoŋga, ɓivun ma ɦal sunda maŋ sa li ɓivunna u ɓivun ma heɓpa, 38ni boy ma Yawe dam ay maŋ Moiz kolo kay yam ɦinira ŋgoo bagi hu fulla Sinayra, ni hu buu ma nam ɦal voɗta maŋ suu Israelna a asi mbaa yam tlena ay maŋ Yawena.
Currently Selected:
DLAŊ LEVIRA 7: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
DLAŊ LEVIRA 7
7
Ɓivun ma min duk ɦoŋgana
1«Gola ni gaɗta kay ɓivun ma min duk ɦoŋga, kay ni ɓivun ma teteɗna. 2Ŋgaɗ va ma li ɓivun ma min duk ɦoŋga ni hu givin ma togolla. Mul ma li ɓivunna yamam busuɗum ŋgufum ki kay givin ma togolla na cutl. 3Nam yow tliw ma mbulna halaŋ, njawra u mbul ma hurumma halaŋ may. 4Gilissa u mbul ma kaɗna may u ma eg dudukkana lay, hin dudukka ki kama. 5Mul ma li ɓivunna tuɗ ŋgal tle asina hu givin ma togolla. Ni ɓivun ma ŋgalam ki ŋgali fok Yawena, ni ɓivun ma min duk ɦoŋga li ni na. 6Suu njufii suu li sunda a muli suu li ɓivunnana halaŋ ndak kom tliw namma, komom ha ni hu li ma ki mbuɗi teteɗna may, kay ni va ma teteɗna. 7Gaɗta kay ɓivun ma bulum cora kina fun taɗ ni u gaɗta kay ɓivun ma min duk ɦoŋga dew. U tliw ma hinna muli suu li ɓivunna komommi asiya. Ni maŋ mul ma li ɓivun ma gijaŋ sun ndaɗta jewna.»
Tlesuu hin ki maŋ mul ma li ɓivunnana
8«Lini sana mbaa ɓivun ma ŋgalam kina ni, mul ma li ɓivunna ma lam ɓivun nammana bakŋa ni mamu. 9Puura u njaf wa ma zalam ay kuŋgu zalina, ɗowba ma hawam hawina, ni maŋ mul ma li ɓivunna ma li ɓivun namma ayna. 10Puura u njaf wanara laras fuɗta u mbulna sooɗ kina, ni maŋ goryoŋ Aaronna halaŋ. Asi ɓorowoɗ ni fun tasi dew.»
Ɓivun ma vi suu tokka halaŋŋa
11«Gola ni gaɗta kay ɓivun ma heɓpa kay suuna halaŋŋa, asi a mbaaram fok Yawera. 12Lini sana min a li ɓivun ma gi deɓpa maŋ Lona ni, nam vi ɦuna ay may, li komnjoɗii ma bay kuffa dukumma may, u komnjoɗii ma fetna, mbaa fuɗ mayra ki yarasi u mbulnara may. 13Nam ndak cuk fu ma kuffa dukumma ay keŋ hu olo, kay a li ɓivun ma heɓpa ɦam kay gi deɓpa maŋ Lona. 14Tlesuu mbaarasi ay asina tli ay usi dew dew halaŋ a takasi fok Yawera, asina hinni maŋ mul ma li ɓivunna ma yam busuna vi ɓivun ma heɓpa. 15Tliw ma ŋgaɗam a li ɓivun ma heɓpa ɦam kay gi deɓpa namma komom ki ni hu buu namma halaŋ, ka hin maa kolo a tew ta ta vin dayɗi.
16«Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may. 17Na may u tliw namma hin wa a tew buu ma hindina ni ŋgalam kiyo. 18Lini asi kom tliw ma li ɓivun ma heɓpa namma wa hu buu ma hindina ni Lona ka vi ɓivun namma oloɗi, nam ka ndumum oloɗi lay. Sa ma kom tliw nammana mbaa cora kam wa. 19Tliw namma ŋgen ki eg tlesuu njenjena, sa ka komom oloɗi, ŋgalam ki ni ŋgaliya.
«A kom tliw ma li ɓivunna u namma ni aŋ li taŋ ki ni na teteɗ. 20Lini sana wi tam ki njenjee hin kom tliw ma li ɓivun ma heɓpa maŋ Yawe u namma wa ni, sa namma ka duk suu Israelna oloɗi. 21Ko ndaɗta na lay, sa ma ŋgen kom ay eg dlara njenjera, ɗowba kom tliw ma njenjena, ɗowba kom va ma gaɗta di ki ana tambina, hin mba kom tliw ma li ɓivun ma heɓpa u namma fok Yawe mayna, sa namma ka duk suu mamsina oloɗi.»
Gaɗta kay ɓivun ma kay suuna halaŋŋa
22Yawe ɓak u Moiz dam ana, 23«Aŋ di suu Israelna ki ana, Tliw ma mbulna halaŋ, li ni ɦuwa, timiiya, ɗowba mbutlu ni, agi komombi. 24Ҥu mayra miɗ va laɗ kala, ɗowba vabak vaɗ vii kala ni, agi ndak li sunda daŋga u mbuluɗu, may komoɗ tliwiɗɗi kama. 25Yoo ma agi li ɓivun ma ŋgalam kina u nam fok Yawena, sa ma jug mbul va namma tira jugŋa ni sa namma ka duk suu mamsina oloɗi.
26«Li ma agi lagi huna halaŋ, lini aragelay ni, agi ti busunaɗi, busu yoo ɗowba busu layagina lay, agi tambi.#Ura 9.4; Lev. 17.10-14; 19.26; Gaɗ. 12.16,23; 15.23 27Sa ma ŋgen busu yoona tira funum ŋgenna, sa namma lay ka duk suu mamsina oloɗi.»
28Yawe di Moiz ana, 29«Di suu Israelna ana, sa ma min a li ɓivun ma heɓpa maŋ Yawena, nam mba ɦam dokka nam min a ɦambara aya. 30Nam mbaa tliw ma ŋgalam ki maŋ Yawena ay ni u bik kom tamba. Ni ana tliw ma mbulna egemma halaŋ u dikŋa lay, nam mba takasi fok Yawe u geŋeɗta geŋeɗ tam fokomba. 31Mul ma li ɓivunna ŋgal tliw namma kay kura hu givin ma togolla, na may dikŋa hin ki ni maŋ gi Aaron u goryomu. 32Gay ma njuffa tlam ki ni maŋ mul ma li ɓivunna kay ni ɓivun ma heɓpa. 33Gay ma njuf namma ki ni a ɓorow ma vi goŋ Aaron ma li ɓivun ma heɓpa ma tuɗ busuna u mbulna a li ɓivunnana. 34Yawe u tamba gaɗagi agi suu Israelna ana, gudikŋa may, gay ma njuffa may, tlesuu agi li ɓivun ma heɓpa u asina halaŋ ɦasi ki ni maŋ mul ma li ɓivunna, Aaron, u goryomu. Dok ndaɗta hin ha ki ni masi a fafaɗta. 35Dok ndaɗta hin ki ni a ɓorow ma vi Aaron u goryomma, hu ɓivun ma ŋgalam ki maŋ Yawena halaŋ, asi fam ki ni hu buu ma sana mbaa ɓivun mamma fok Yawena gaw. 36Yawe gaɗ suu Israelna ana hu li ma mul ma li ɓivunna asi fuurum u mbulna wa ni nam gijaŋ fi tliw ma ŋgaɓam ki namma ni na gaw. Gaɗ daɗta hin ha dukugi ni a fafaɗta.»
37Gola gaɗta kay ɓivunna ni ko ndaɗta na, ɓivun ma ŋgalam kina, ɓivun ma njaf wana, ɓivun ma bulum cora kina, ɓivun ma min duk ɦoŋga, ɓivun ma ɦal sunda maŋ sa li ɓivunna u ɓivun ma heɓpa, 38ni boy ma Yawe dam ay maŋ Moiz kolo kay yam ɦinira ŋgoo bagi hu fulla Sinayra, ni hu buu ma nam ɦal voɗta maŋ suu Israelna a asi mbaa yam tlena ay maŋ Yawena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.