KALKIRA 32
32
SUU ISRAELNA ƁEŊ GALAMBA KIYO
Goo mbutl Lorna
1Hu li ma suuna wi ana Moiz ha kolo kay ɦinira ka ɗiŋ ay ki ga zakgi ni, asi tok tasi ay eg Aaron dam ana, «Col koloo, lami lo maa fokomiya, kay Moiz sa ma cukumi ay ki hu mbassa Egiptera ami ka wi va ma lammaɗi.»#Sun. 7.40 2Aaron dasi ana, «Paɗangi walakka lorra hum boyogogira ura hum goryogira aya, taaranda ay tani.» 3Suuna halaŋ tok walak lorra humusira ay ki halaŋ, mbaaraɗ ay maŋ Aaron. 4Hu li ma nam yowosi lorra ay kosi yow yowni, nam yoo foto goo mbutlna u lorra. Suuna halaŋ di ana, «Goloygiya ni looygi ma cukuygi ay ki hu mbassa Egiptena.»#1 Mul. 12.28; Sun. 7.41 5Aaron hin min givin ma togolla fok va ma nam minim namma may. Ŋgoo dagan Aaron hin dasi ana, «Vinni luu ma vi Yawena.» 6Vin maɗii feɗet a asi yow kolora ni, asi li ɓivun ma ŋgalam kina, mbaa ɓivun ma heɓpa, suuna mol ga tiya, ciya, yow kolo luuna.#1 Kor. 10.7
7Yawe di Moiz ana, «Ɗiŋ ki kaŋga zak, kay suu maŋsina ka ɓeŋ tasi kiyo. Suu maŋ suu aŋ cukusi ay ki hu mbassa Egipterana noyon kiyo. 8Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.» 9Yawe hin di Moiz ana, «An wi suu asina wa, asi ni suu yasi eŋ cocona. 10Cemi ni hinin an li dlara u hurunda, ko yaanda col kolo egesiya, an min bulumusi kiyo, aŋ may ni an hin mbuɗuŋ njafaŋ ŋgolo.»
11Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?#Ndu. 14.13-19 12Ni suu Egiptena hin di ana, nam cukusi ha ki ni u hurum ma cona, ni a casi ha ki ŋgoo bagi u ɦinira ɦawaa, ni a bulumusi ki kay ndaŋgarara ɦawaa. Cuk huruŋ gaa, li va ma co eg suu maŋsinaɗi. 13Humuŋ gaŋ kay Abraham, Isaak u Israel suu sun maŋsina, ni suu aŋ suu taŋ ki u taŋga di ana, an hin zulugi njafagi ko ciciwra huulonara na, mbassa an di kaɗta an hin ɦaɗ ka maŋ goryogiya. Ndaɗ hin mbuɗ ki ni mbas masira a fafaɗta.»#Ura 22.16-17; 17.8 14Yawe hin hin dla mayra nam gin a ɓalak suu Israelna kira.
15Moiz hin hoŋ ay kiyo, ɗiŋ ay ki ga kay ɦinira u ɦinira ceɗi mba' ta galamba ɓiiri huruɗ keŋ hiŋŋa may, hiŋŋa mayra komu. 16Ҥinira ceɗi ndaɗta ni sunda Lona laɗ u tambara. Ɓiira huruɗta ni ɓiira vi Lona u tambara. 17Josuwe#32.17 Josuwe juɓ Moiz ka kaŋga pay ɦinira. hum soora kay suuna na ni nam di Moiz ana, «Vunna li hu kaŋŋa ko duuna na.» 18Moiz may ni hin di ana,
«Ni ka soora duuɗi lay.
Ni ka soora yooɗi lay.
Va ma an ka humma ni suuna ka gi ni soolla.»
19Doli hu li ma asi tew eg kaŋŋa na tokŋi asi wi goo mbutlna, suuna luu may. Moiz hurum ɓeŋ ki cocoo. Nam cuk ɦini mayra ceɗi ta ay komba kiyo, tooɗ ki ga u ɦinira ŋgolla. 20Nam tli goo mbutl ma asi minimma ŋgalam kiyo, gulukum ki na gelek gelek, cukum buɗum ha ki duk mbona, ɦeɓ suu Israelna a ci mbo namma.
21Moiz di Aaron ana, «Suuna laŋŋi me aŋ a mbaarasi dlara cora kasi na nige?» 22Aaron hoŋ dira ana, «Ko huu sa ŋgol manna ɓeŋ egenɗi, aŋ wi lay ana suuna cemini ki ɓeŋiya, hurusi hal ni dla cora tew tew. 23Asi dan ana, Lami lo ma hin tuɗ fokomiya, kay Moiz, ma cukumi ay ki hu mbassa Egiptena, ami ka wi va ma lammaɗi. 24An hin dasi ana, Sa ma lorra ka komma ni gege? Asi paɗ walakka humusira ay ki halaŋ halaŋ taaranda aya. An cukuɗ duk kura ndaɗ mbuɗ ki goo mbutlna wanni.»
Warakŋa vi dla cora
25Moiz wi ki ana suuna cala ki wa, Aaron hinisi li dlara u min masira, mbaarasi zolona kasi fok suu babali masisina. 26Moiz tuɗ col fun kaana di ana, «Suu min Yawena halaŋ mbay egenu.» Goryoŋ Levina halaŋ tok ay egemu. 27Nam dasi ana, «Yawe, Lo ma vi suu Israelna, di ana, Gegelay ni njun ŋgew mamma hurumu, tuɗ ki hu kaŋŋa vun zina na dew dew. Gegelay ni ci wayamma may, gegelay ci banamma may, saam ma vok zina lay.» 28Goryoŋ Levina li ko Moiz dasira na may. Duk suuna halaŋŋi asi ci suuna va ma buɓ buɓ hindi. 29Moiz di goryoŋ Levina ana, «Cemi agi cuk wa hu sunda vi Yawera kay agi li ndaa ka a ci goryogi kira ɗi lay, ci gorsegina ki layra ɗi, ko Yawe paɗ vunum ki kagiya.»
Moiz cen Lona a nam bulum cora vi suu Israelna kiyo
30Vin maɗiira ni Moiz di suuna ana, «Agi li ni suluk ma ŋgolna, cemini an min ɗiŋ kolo eg Yawe, kala an li fi vaɗ huuna ay kay suluk magina kala.» 31Moiz hoŋ eg Yawe di ana, «Yakkay, suu asina li ni suluk ma ŋgolna, asi min lo lorra kay tasiya. 32Na may cemini lini aŋ mina ni bulumusi suluk masi namma kiyo, li ka naɗi ni bulumun sen ki hu maga maŋga aŋ ɓiiriɗta.»#Soo. 69.29; Wira 3.5 33Yawe di Moiz ana, «Sa ma li cora egenna an bulumum sem ki hu maga manda ni namu. 34Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.» 35Yawe gi suuna daŋgayna kay goo mbutl ma asi minimma, ma Aaron yooromma.
Currently Selected:
KALKIRA 32: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 32
32
SUU ISRAELNA ƁEŊ GALAMBA KIYO
Goo mbutl Lorna
1Hu li ma suuna wi ana Moiz ha kolo kay ɦinira ka ɗiŋ ay ki ga zakgi ni, asi tok tasi ay eg Aaron dam ana, «Col koloo, lami lo maa fokomiya, kay Moiz sa ma cukumi ay ki hu mbassa Egiptera ami ka wi va ma lammaɗi.»#Sun. 7.40 2Aaron dasi ana, «Paɗangi walakka lorra hum boyogogira ura hum goryogira aya, taaranda ay tani.» 3Suuna halaŋ tok walak lorra humusira ay ki halaŋ, mbaaraɗ ay maŋ Aaron. 4Hu li ma nam yowosi lorra ay kosi yow yowni, nam yoo foto goo mbutlna u lorra. Suuna halaŋ di ana, «Goloygiya ni looygi ma cukuygi ay ki hu mbassa Egiptena.»#1 Mul. 12.28; Sun. 7.41 5Aaron hin min givin ma togolla fok va ma nam minim namma may. Ŋgoo dagan Aaron hin dasi ana, «Vinni luu ma vi Yawena.» 6Vin maɗii feɗet a asi yow kolora ni, asi li ɓivun ma ŋgalam kina, mbaa ɓivun ma heɓpa, suuna mol ga tiya, ciya, yow kolo luuna.#1 Kor. 10.7
7Yawe di Moiz ana, «Ɗiŋ ki kaŋga zak, kay suu maŋsina ka ɓeŋ tasi kiyo. Suu maŋ suu aŋ cukusi ay ki hu mbassa Egipterana noyon kiyo. 8Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.» 9Yawe hin di Moiz ana, «An wi suu asina wa, asi ni suu yasi eŋ cocona. 10Cemi ni hinin an li dlara u hurunda, ko yaanda col kolo egesiya, an min bulumusi kiyo, aŋ may ni an hin mbuɗuŋ njafaŋ ŋgolo.»
11Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?#Ndu. 14.13-19 12Ni suu Egiptena hin di ana, nam cukusi ha ki ni u hurum ma cona, ni a casi ha ki ŋgoo bagi u ɦinira ɦawaa, ni a bulumusi ki kay ndaŋgarara ɦawaa. Cuk huruŋ gaa, li va ma co eg suu maŋsinaɗi. 13Humuŋ gaŋ kay Abraham, Isaak u Israel suu sun maŋsina, ni suu aŋ suu taŋ ki u taŋga di ana, an hin zulugi njafagi ko ciciwra huulonara na, mbassa an di kaɗta an hin ɦaɗ ka maŋ goryogiya. Ndaɗ hin mbuɗ ki ni mbas masira a fafaɗta.»#Ura 22.16-17; 17.8 14Yawe hin hin dla mayra nam gin a ɓalak suu Israelna kira.
15Moiz hin hoŋ ay kiyo, ɗiŋ ay ki ga kay ɦinira u ɦinira ceɗi mba' ta galamba ɓiiri huruɗ keŋ hiŋŋa may, hiŋŋa mayra komu. 16Ҥinira ceɗi ndaɗta ni sunda Lona laɗ u tambara. Ɓiira huruɗta ni ɓiira vi Lona u tambara. 17Josuwe#32.17 Josuwe juɓ Moiz ka kaŋga pay ɦinira. hum soora kay suuna na ni nam di Moiz ana, «Vunna li hu kaŋŋa ko duuna na.» 18Moiz may ni hin di ana,
«Ni ka soora duuɗi lay.
Ni ka soora yooɗi lay.
Va ma an ka humma ni suuna ka gi ni soolla.»
19Doli hu li ma asi tew eg kaŋŋa na tokŋi asi wi goo mbutlna, suuna luu may. Moiz hurum ɓeŋ ki cocoo. Nam cuk ɦini mayra ceɗi ta ay komba kiyo, tooɗ ki ga u ɦinira ŋgolla. 20Nam tli goo mbutl ma asi minimma ŋgalam kiyo, gulukum ki na gelek gelek, cukum buɗum ha ki duk mbona, ɦeɓ suu Israelna a ci mbo namma.
21Moiz di Aaron ana, «Suuna laŋŋi me aŋ a mbaarasi dlara cora kasi na nige?» 22Aaron hoŋ dira ana, «Ko huu sa ŋgol manna ɓeŋ egenɗi, aŋ wi lay ana suuna cemini ki ɓeŋiya, hurusi hal ni dla cora tew tew. 23Asi dan ana, Lami lo ma hin tuɗ fokomiya, kay Moiz, ma cukumi ay ki hu mbassa Egiptena, ami ka wi va ma lammaɗi. 24An hin dasi ana, Sa ma lorra ka komma ni gege? Asi paɗ walakka humusira ay ki halaŋ halaŋ taaranda aya. An cukuɗ duk kura ndaɗ mbuɗ ki goo mbutlna wanni.»
Warakŋa vi dla cora
25Moiz wi ki ana suuna cala ki wa, Aaron hinisi li dlara u min masira, mbaarasi zolona kasi fok suu babali masisina. 26Moiz tuɗ col fun kaana di ana, «Suu min Yawena halaŋ mbay egenu.» Goryoŋ Levina halaŋ tok ay egemu. 27Nam dasi ana, «Yawe, Lo ma vi suu Israelna, di ana, Gegelay ni njun ŋgew mamma hurumu, tuɗ ki hu kaŋŋa vun zina na dew dew. Gegelay ni ci wayamma may, gegelay ci banamma may, saam ma vok zina lay.» 28Goryoŋ Levina li ko Moiz dasira na may. Duk suuna halaŋŋi asi ci suuna va ma buɓ buɓ hindi. 29Moiz di goryoŋ Levina ana, «Cemi agi cuk wa hu sunda vi Yawera kay agi li ndaa ka a ci goryogi kira ɗi lay, ci gorsegina ki layra ɗi, ko Yawe paɗ vunum ki kagiya.»
Moiz cen Lona a nam bulum cora vi suu Israelna kiyo
30Vin maɗiira ni Moiz di suuna ana, «Agi li ni suluk ma ŋgolna, cemini an min ɗiŋ kolo eg Yawe, kala an li fi vaɗ huuna ay kay suluk magina kala.» 31Moiz hoŋ eg Yawe di ana, «Yakkay, suu asina li ni suluk ma ŋgolna, asi min lo lorra kay tasiya. 32Na may cemini lini aŋ mina ni bulumusi suluk masi namma kiyo, li ka naɗi ni bulumun sen ki hu maga maŋga aŋ ɓiiriɗta.»#Soo. 69.29; Wira 3.5 33Yawe di Moiz ana, «Sa ma li cora egenna an bulumum sem ki hu maga manda ni namu. 34Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.» 35Yawe gi suuna daŋgayna kay goo mbutl ma asi minimma, ma Aaron yooromma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.