KALKIRA 31
31
Suu li sunda hu mbutluɓmana
1Yawe di Moiz ana, 2«Gola an yi Betsaleel ma goŋ Urina, goŋ Hurna, hu njaf Yuda. 3An oyom u Musuk Lonara kay a nam mbuɗ yali, neeya, fi wira, wi yal ma li dlara halaŋ. 4Haɗ yal sunda zeɗ zeɗ, li sunda u lorra u doonora u kawi ma tlawna, 5wi yal ceɗ ɦinira, ndal tlena, ceɗ guna, li sunda daŋga zeɗ zeɗ halaŋ. 6An tlam Oholiyab ma goŋ Ahisamakŋa egem a njunumba, nammi hu njaf ma vi Danna, an ɦal yalna huu suu wi yalna halaŋ kay a asi li dlara an daŋgara. 7Mbutluɓ ma suuna tok tasi huna, Zandukka Galamba, va ma dugi fun Zandukkana, tlesuu li sunda hu mbutluɓmana halaŋ 8tabulla u tlesuu li sunda huna halaŋ, pindilla u tlesuu li sunda, givin ma togolla 9u givin ma togolla ma ŋgal ɓivun ma ŋgalam kina u tlesuu li sunda huna halaŋ, tassa ŋgol ma mbus kona u va ma tinim kamma, 10barawi muli suu li sunda ɓivunna, baraw ma ki teteɗ ma vi mul ma li ɓivunna Aaronna, barawi suu goryom cukusi a li ɓivunnana, 11mbul ma fuura, mbul ma his ma ŋgal mbidla hu Li ma Teteɗna. Asi lasi ni ko ndal an daŋga na may.»
Buu ma vi Lonna
12Yawe di Moiz ana, 13«Aŋ di suu Israelna ana, agi golongi buu manna jiviya. Kay ni va ma hin a tak ki duk tagina ha ni na gak gak, kay a asi wi ki ana An, Yawe, mbuɗugi ki teteɗ ni anu. 14Agi saa kay buu ma vi Lonna, kay nam kagi ni a buu ma teteɗna. Sa ma ka li u buu namma ɗina cam ki ciiya. Na daŋ may sa ma li sunda hu buu namma lina ka duk suu mamsina oloɗi. 15Agi li sunda hu buuna karkiya, buu ma kiɗisiyana ni buu ma koɗ tara, ki ni a buu ma vi Yawena. Sa ma li sunda hu buu namma lina, cam kiyo.#Kal. 20.8-11; 23.12; 34.21; 35.2; Lev. 23.3; Gaɗ. 5.12-14 16Suu Israelna gol buu namma ha ni na gak gak, ni Galamba nam vaɗ u asi a fafaɗtara. 17Ndaɗ hin ha ni na gak gak duk ɦoŋ suu Israelna u anu. Ni tak ki ana hu buuna karkiya Yawe li huulona u ndaŋgara, hu buu ma kiɗisiyana nam koɗ tamu.»#Kal. 20.11 18Hu li ma Bu Suuna daɓ boy mamma njaɗta maŋ Moiz ay kolo kay Ҥinira Sinayra daɓmi, nam ɦam ɦinira ceɗira mba' ta gaɗta ɓiiri kaɗta, ta Lona u tamba ɓiiriɗ ayra.
Currently Selected:
KALKIRA 31: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
KALKIRA 31
31
Suu li sunda hu mbutluɓmana
1Yawe di Moiz ana, 2«Gola an yi Betsaleel ma goŋ Urina, goŋ Hurna, hu njaf Yuda. 3An oyom u Musuk Lonara kay a nam mbuɗ yali, neeya, fi wira, wi yal ma li dlara halaŋ. 4Haɗ yal sunda zeɗ zeɗ, li sunda u lorra u doonora u kawi ma tlawna, 5wi yal ceɗ ɦinira, ndal tlena, ceɗ guna, li sunda daŋga zeɗ zeɗ halaŋ. 6An tlam Oholiyab ma goŋ Ahisamakŋa egem a njunumba, nammi hu njaf ma vi Danna, an ɦal yalna huu suu wi yalna halaŋ kay a asi li dlara an daŋgara. 7Mbutluɓ ma suuna tok tasi huna, Zandukka Galamba, va ma dugi fun Zandukkana, tlesuu li sunda hu mbutluɓmana halaŋ 8tabulla u tlesuu li sunda huna halaŋ, pindilla u tlesuu li sunda, givin ma togolla 9u givin ma togolla ma ŋgal ɓivun ma ŋgalam kina u tlesuu li sunda huna halaŋ, tassa ŋgol ma mbus kona u va ma tinim kamma, 10barawi muli suu li sunda ɓivunna, baraw ma ki teteɗ ma vi mul ma li ɓivunna Aaronna, barawi suu goryom cukusi a li ɓivunnana, 11mbul ma fuura, mbul ma his ma ŋgal mbidla hu Li ma Teteɗna. Asi lasi ni ko ndal an daŋga na may.»
Buu ma vi Lonna
12Yawe di Moiz ana, 13«Aŋ di suu Israelna ana, agi golongi buu manna jiviya. Kay ni va ma hin a tak ki duk tagina ha ni na gak gak, kay a asi wi ki ana An, Yawe, mbuɗugi ki teteɗ ni anu. 14Agi saa kay buu ma vi Lonna, kay nam kagi ni a buu ma teteɗna. Sa ma ka li u buu namma ɗina cam ki ciiya. Na daŋ may sa ma li sunda hu buu namma lina ka duk suu mamsina oloɗi. 15Agi li sunda hu buuna karkiya, buu ma kiɗisiyana ni buu ma koɗ tara, ki ni a buu ma vi Yawena. Sa ma li sunda hu buu namma lina, cam kiyo.#Kal. 20.8-11; 23.12; 34.21; 35.2; Lev. 23.3; Gaɗ. 5.12-14 16Suu Israelna gol buu namma ha ni na gak gak, ni Galamba nam vaɗ u asi a fafaɗtara. 17Ndaɗ hin ha ni na gak gak duk ɦoŋ suu Israelna u anu. Ni tak ki ana hu buuna karkiya Yawe li huulona u ndaŋgara, hu buu ma kiɗisiyana nam koɗ tamu.»#Kal. 20.11 18Hu li ma Bu Suuna daɓ boy mamma njaɗta maŋ Moiz ay kolo kay Ҥinira Sinayra daɓmi, nam ɦam ɦinira ceɗira mba' ta gaɗta ɓiiri kaɗta, ta Lona u tamba ɓiiriɗ ayra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.