KOLOSNA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 60-63. Sok boyna, Kristu ŋgol su suuna halaŋ.
Pol ɓii magaara maŋ suu Kolosna ni mayra nam ka hu daŋgay mamma jewna hu Rom, ni ko magaari suu nam ɓiirisi maŋ suu Efesna u suu Filipina na may. Kolos ni li u maɗiina vi Efes va ma kelew metrera 160, ni nam tuɗ ka huɗi. Sa ma tin u Boy Lonana hu li namma li ka ni Epafras (Kol. 1.7; 4.12, 13; Fim. 23), ni ma u suu daŋŋa hom ki ni hu basara hindira hu li ma Pol li sunda hu Efessa.
Sa ma dew mba hu Kolos ni di boy ma haɗta ganyamba, ndaɗ ni haɗta cora, hin tuɗ fok nde ni waɗ kini ana ni haɗta cora. A wi Lona ki gasira, tlesuu hu haɗta ndaɗta ni ka gasiɗi, dla ndaɗta ka ki zuliɗi lay. A hum u tlesuu asina ki halaŋ halaŋga ni gol hu (Kol. 2.18). Hu ɓeret mayra hu 1.15-23, hu Galamba Wilira ni ka fi ɓeret mayra tak ki kay Goŋ Lonna ana, ay jew day ni nam kaa, saɓakam su tlena bel, ŋgol mamba bibiŋilla, u din din mamba.
Magaara ndak a ɓorow ko wanni na
1. Takkira 1.1-8
2. Pol cen Lona kay suu vina hu Kolos 1.9-14
3. Kristu ŋgol su suuna halaŋ 1.15-23
4. Pol loɓ tam kay suu vina hu Kolos 1.24—2.23
5. Tlesuu tak iirira vi suu vina 3.1—4.6
6. Daɓpa 4.7-18
Currently Selected:
KOLOSNA TAKKIRA: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.