SUNDA 17
17
Pol u Silas hu Tesalonik
1Asi mba hu Amfipolis u Apolloni asi mba hu Tesalonikŋa ni fi Zira Tokka vi suu Juifna ka huwa. 2Pol tuɗ hu Zira Tokka ko nam li jew dayra na, nam li buu ma vi Lonna u asi yam hindi, nam vi u Boy ma Ɓiiri na ki ko tasi hu li namma. 3Nam vasi u boy namma ki takasi anaba, magaara di ni ana Sa Lona Fuurumma hin wi hawra, hin mba coli kolo hu miɗna iiriya. Nam dasi ana, «Ni Yesu ma an dagi kamma nammi Sa Lona Fuurumma.» 4Suu daŋŋa dukusi ɦiw ni boy namma mbuɗusi hurusiya asi taɓ u gi Pol u Silas. Suu Grek suu vi boy ma vi Lonna mbuɗ ŋgolo, boyogi suu garaŋŋa ka hu ŋgol lay.
5Suu Juifna hurusi oyra u honira egesiya. Asi tok suu co suu ɦiw suu fasi kolo hu voɗta ɦawana usiya, asi tum dlara ɦayam ɦayamba kolo viɗ suuna ki u boyna hu ɦoŋzina. Asi mba hu zina vi Jason a hal Pol u Silas a yowosi ha ki fok suuna. 6Asi mba fasi ka vi Jasonɗi ni, asi vam nam Jason yowosi u gorsem suu daŋŋa, tuɗusi ha fok suu ŋgolo suu ɦoŋzinana, gijaŋ sawalla, «Suu asina ɓeŋ suuna ki kay ndaŋgara halaŋ halaŋ. Cemi asi mba hu zina tani. 7Jason hin vasi varamu. Asi halaŋ dlaasira asi laɗta halaŋ ka taɓ u gaɗta vi mulnaɗi, asi di ana mul ma ŋgol maa kaa, sem ana Yesu.» 8Boy namma njay huu suu ɦoŋzina ki ŋgolo, suu ŋgolo suu hu ɦoŋzina lay. 9A cuk ki Jason kolora wanni asi warak suu ŋgolona ni warakiya.
Pol u Silas hu Bere
10Njeŋgera mba mba ni gorsesina tuɗ gi Pol u Silas Bere. Pol tew ki tew ni jak tuɗ hu Zira Tokka vi suu Juifna. 11Suu asina saa masira jivi su suu Juif suu ay Tesalonikŋa. Asi vi Boy Lonana jivi coco ɦay. Hu buuna tew tew ni asi haɗ Boy ma Ɓiirina kay a wi ana boy ma Pol damma u voɗom su? 12Duk suu Grekŋa lay boyogi suu garaŋŋa u njufina bolowo vi hu Boy Lonana. 13Suu Juif suu Tesalonikŋa hum ana Pol ka di boyna hu Bere ni, asi tuɗ may. Asi yow ay mba ɦay ii suuna koloo. 14Gorsesina wi na ni vi yasi ka oloɗi, tin Pol hu voɗta hu lum ŋgolna zak gaw. Gi Silas u Timote hin ka hu Bere tu may. 15Suu tuɗ a tin Polna gak gak tuɗ tinim ha hu Aten, asi a hoŋ Berera wanni Pol gaɗasi ha kay Silas u Timote asi ŋgafam zak.
Pol hu Aten
16Hu li ma Pol ka juɓ Silas u Timote hu Aten wanni, nam wi ana ɦoŋzi namma oyra u fulina cocoo ni ɦam saara ɦay. 17Hu Zira Tokka wanni nam ciwayra ko tam u suu Juifna u suu daŋŋa lay, suu goɓ Lona. Hu kiɗikka duk suuna lay suu nam ŋgafasina halaŋŋi nam ɓak u asiya. 18Suu haɗ haɗta Epikurirana u suu Estuwasina#17.18 Epikurirana ni haɗta vi suu ɦiw duk suu Grekŋa, haɗ masira ana furira hu duliyara ni va ma ŋgolna vi sanna. ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya#17.18 Estuwasina (Epicuriens et Stoiciens) haɗ ana mariyaɗ sana buɗ tam ki kay furira lay, kay yoora lay.. 19Asi tayam usi tay ni tuɗ u nam kay ɦinira Areopage,#17.19 Areopage ni ɦinira Aten, suu ŋgolona li tok masira kaɗta, gol Ɓereɗta 22 lay, ɓereɗta 34 lay. joɓom ana, «Boy ma wilina aŋ haɗam namma ni boy mege? 20Dlara aŋ ɓakaɗ humumi wanda ni dlara daŋga, ami min a wi u boy namma kiyo.» 21Suu Atenna halaŋ u suu kaki dukusi a ŋgayrana halaŋŋi, ka di va ma daŋgi, di boy ma hurusi ma asi humum ay fun suuna wilina may.
22Pol col kolo duk suuna kay Areopage zow ni dasiya, «Agi suu Atenna an wi ana viigira ka ŋgolo. 23An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu. 24Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi. 25Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ. 26Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya. 27Nam li dla ndaɗta na ni kay asi hin halamu, kay gege lay ni mba taɓ u namu. Ni asi hin ndak a fam kalage, a gasira ni Lona ka egegi dayɗi, kay
28Hurum nammi aygi ka iiriya,
Ndak a mbuzuguygi lay, wi taygi lay.
Ni ko sool magi ta ɦiw di na lay, aygi ni goryomu. 29Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi. 30Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ. 31Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»
32Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.» 33Pol hinisi ni na gaw. 34Suu daŋ suu ɦiw taɓ umu, vi Boy Lonana, sa ma dukusi dew sem ana Denis, nam ay ni duk suu hu Areopagena, cara seɗ ana Damaris u suu daŋŋa hu lay.
Currently Selected:
SUNDA 17: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
SUNDA 17
17
Pol u Silas hu Tesalonik
1Asi mba hu Amfipolis u Apolloni asi mba hu Tesalonikŋa ni fi Zira Tokka vi suu Juifna ka huwa. 2Pol tuɗ hu Zira Tokka ko nam li jew dayra na, nam li buu ma vi Lonna u asi yam hindi, nam vi u Boy ma Ɓiiri na ki ko tasi hu li namma. 3Nam vasi u boy namma ki takasi anaba, magaara di ni ana Sa Lona Fuurumma hin wi hawra, hin mba coli kolo hu miɗna iiriya. Nam dasi ana, «Ni Yesu ma an dagi kamma nammi Sa Lona Fuurumma.» 4Suu daŋŋa dukusi ɦiw ni boy namma mbuɗusi hurusiya asi taɓ u gi Pol u Silas. Suu Grek suu vi boy ma vi Lonna mbuɗ ŋgolo, boyogi suu garaŋŋa ka hu ŋgol lay.
5Suu Juifna hurusi oyra u honira egesiya. Asi tok suu co suu ɦiw suu fasi kolo hu voɗta ɦawana usiya, asi tum dlara ɦayam ɦayamba kolo viɗ suuna ki u boyna hu ɦoŋzina. Asi mba hu zina vi Jason a hal Pol u Silas a yowosi ha ki fok suuna. 6Asi mba fasi ka vi Jasonɗi ni, asi vam nam Jason yowosi u gorsem suu daŋŋa, tuɗusi ha fok suu ŋgolo suu ɦoŋzinana, gijaŋ sawalla, «Suu asina ɓeŋ suuna ki kay ndaŋgara halaŋ halaŋ. Cemi asi mba hu zina tani. 7Jason hin vasi varamu. Asi halaŋ dlaasira asi laɗta halaŋ ka taɓ u gaɗta vi mulnaɗi, asi di ana mul ma ŋgol maa kaa, sem ana Yesu.» 8Boy namma njay huu suu ɦoŋzina ki ŋgolo, suu ŋgolo suu hu ɦoŋzina lay. 9A cuk ki Jason kolora wanni asi warak suu ŋgolona ni warakiya.
Pol u Silas hu Bere
10Njeŋgera mba mba ni gorsesina tuɗ gi Pol u Silas Bere. Pol tew ki tew ni jak tuɗ hu Zira Tokka vi suu Juifna. 11Suu asina saa masira jivi su suu Juif suu ay Tesalonikŋa. Asi vi Boy Lonana jivi coco ɦay. Hu buuna tew tew ni asi haɗ Boy ma Ɓiirina kay a wi ana boy ma Pol damma u voɗom su? 12Duk suu Grekŋa lay boyogi suu garaŋŋa u njufina bolowo vi hu Boy Lonana. 13Suu Juif suu Tesalonikŋa hum ana Pol ka di boyna hu Bere ni, asi tuɗ may. Asi yow ay mba ɦay ii suuna koloo. 14Gorsesina wi na ni vi yasi ka oloɗi, tin Pol hu voɗta hu lum ŋgolna zak gaw. Gi Silas u Timote hin ka hu Bere tu may. 15Suu tuɗ a tin Polna gak gak tuɗ tinim ha hu Aten, asi a hoŋ Berera wanni Pol gaɗasi ha kay Silas u Timote asi ŋgafam zak.
Pol hu Aten
16Hu li ma Pol ka juɓ Silas u Timote hu Aten wanni, nam wi ana ɦoŋzi namma oyra u fulina cocoo ni ɦam saara ɦay. 17Hu Zira Tokka wanni nam ciwayra ko tam u suu Juifna u suu daŋŋa lay, suu goɓ Lona. Hu kiɗikka duk suuna lay suu nam ŋgafasina halaŋŋi nam ɓak u asiya. 18Suu haɗ haɗta Epikurirana u suu Estuwasina#17.18 Epikurirana ni haɗta vi suu ɦiw duk suu Grekŋa, haɗ masira ana furira hu duliyara ni va ma ŋgolna vi sanna. ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya#17.18 Estuwasina (Epicuriens et Stoiciens) haɗ ana mariyaɗ sana buɗ tam ki kay furira lay, kay yoora lay.. 19Asi tayam usi tay ni tuɗ u nam kay ɦinira Areopage,#17.19 Areopage ni ɦinira Aten, suu ŋgolona li tok masira kaɗta, gol Ɓereɗta 22 lay, ɓereɗta 34 lay. joɓom ana, «Boy ma wilina aŋ haɗam namma ni boy mege? 20Dlara aŋ ɓakaɗ humumi wanda ni dlara daŋga, ami min a wi u boy namma kiyo.» 21Suu Atenna halaŋ u suu kaki dukusi a ŋgayrana halaŋŋi, ka di va ma daŋgi, di boy ma hurusi ma asi humum ay fun suuna wilina may.
22Pol col kolo duk suuna kay Areopage zow ni dasiya, «Agi suu Atenna an wi ana viigira ka ŋgolo. 23An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu. 24Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi. 25Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ. 26Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya. 27Nam li dla ndaɗta na ni kay asi hin halamu, kay gege lay ni mba taɓ u namu. Ni asi hin ndak a fam kalage, a gasira ni Lona ka egegi dayɗi, kay
28Hurum nammi aygi ka iiriya,
Ndak a mbuzuguygi lay, wi taygi lay.
Ni ko sool magi ta ɦiw di na lay, aygi ni goryomu. 29Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi. 30Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ. 31Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»
32Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.» 33Pol hinisi ni na gaw. 34Suu daŋ suu ɦiw taɓ umu, vi Boy Lonana, sa ma dukusi dew sem ana Denis, nam ay ni duk suu hu Areopagena, cara seɗ ana Damaris u suu daŋŋa hu lay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.