SUNDA 16
16
Timote tuɗ ugi Pol u Silas hu koyra
1Pol tew Derbe hin tuɗ Listra. Hu li namma ni sa ma vina dew sem ana Timote, nammi goŋ goora Juiffa, ndaɗ vi u Lona, bummi sa ma Grekŋa. 2Gorsesi suu vina ay hu Listra u Ikonium yam sem jivi ɦay. 3Pol tayam umu min ana nam tuɗ koyra umu, nam cawam ɗiwim kiyo ko ndaa suu Juifna, suu ka hu li namma na, kay asi halaŋŋi wi ana Timote bummi sa ma Grekŋa. 4Hu ɦoŋzi ma asi jak huna halaŋŋi asi di suu vina ana vi u gaɗta vi suu vovoɗta u suu ŋgolona hu Yerusalem daɗta. 5Suu vi Kristuna halaŋ fi eŋga hu viisira, ndumusi zul ha fok hu buuna na tew tew.
Pol hu Troas wanni vana tak tam irimu
6Musuk Lonara doorosi ana asi di Boy Lonana hu ndaŋgara Aziraɗi, ni asi hin tuɗ ni hu Frigi u Galati. 7Asi mba tok eg Misi, hal a tuɗ kini hu Bitini, ni Musukka vi Yesura hinisi kaɗi. 8Asi jak ha kay Misi jakŋi tuɗ ha fun lumma Troas. 9Hu njeŋgera wanni van tak tam irimu, nam wi sa ma Masedoinna coli fokomu, ka dam ɗaŋi ana, «Tuɗ ay Masedoin mbay njun umiya.» 10Cecemi ŋgoo va ma tak tam irimma may ni, ami cukumi tami tuɗ Masedoin ni na gaw. Ami wi ki kami ana Lona yami ay ni ana ami tuɗ di Boy ma Ayra ki maŋ suu hu li namma na.
Hu Filipi ni Lidi vi u Bu Suuna
11Ha hu Troas wanni ami cukumi ha hu lum kawina tuɗumi ha kay daara yaɗ ana Samotras, siwra ami cuk Neapolis. 12Ay hu li namma ami tuɗ Filipi ni ɦoŋzi ma ŋgol ma jewna hu ndaŋgara Masedoinda. Ay hu li namma ni ɦoŋzi ma goona vi suu Romma ka may. Hu ɦoŋzi namma wani ami li buuna hu ŋgolo. 13Hu buu ma vi Lonna ami tuɗumi doŋ lumma a hal li ma suu Juifna cen Lona huna. Ami lakami kaŋga ca ni ɓakami boyna maŋ boyogi suu toki hu li namma na. 14Cara duk boyogi suu asina dew seɗ ana Lidi, ndaɗ ay ni hu ɦoŋzina Tiyatir. Ndaɗ ni cara li paara u baraw ma tam ndoli tlawna, mba cen Lona. Ndaɗ kaki huma, Bu Suuna malaɗ huruɗ ki kay ndaɗ hum boy ma Pol damma. 15Mbusuɗ ki batemma hu li namma u suu maɗna halaŋ. Ndaɗ yami ay varaɗu dami ana, «Lini agi wi ki gasagi ana an vi u Bu Suuna ni, mbaagi ay varanu.» Ndaɗ ɦeɓemi gak gak ami hin viya.
Pol u Silas hu daŋgayna Filipi
16Hu buu maa dew ni ami tuɗ hu li ma cen Lona, goora dew u fulna kaɗu. Ndaɗ di ki kay dlara hin li ha fokka, ndaɗ fi gursura maŋ maliyaɗna ŋgol u boy namma. Hin ŋgafami vokomiya. 17Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.» 18Ndaɗ li buuna ŋgol u boy namma. Ni Pol hurum ɓeŋa pereɗ irim egeɗu di ful namma ana, «An daŋ u sem Yesu Kristu kal ki huruɗu!» Cecemi hu li namma na ni fulna kal ki huruɗ gaw. 19Hu li ma malayaɗna wi ana asi ka fi va oloɗi ni, asi yow gi Pol u Silas tuɗusi ki hu li ɓakŋa fok suu ŋgolona. 20Asi tuɗusi ha fok suu ŋgolo suu Romma di ana, «Suu asina mba tin dla cora hu ɦoŋzi maygina tani ni asiya. Asi ni suu Juifna lay. 21Asi haɗ dlaasira gaɗ maygira doo ki kay boy nammara, maygi aygi suu Romma, ana vi u boy namma li umu.» 22Suu molina halaŋ hurusi ɓeŋ ki egesiya. Suu ŋgolona yow baraw ma vi gi Pol u Silas na kiyo, ɦasi voɗta ana casi poŋga u balafna. 23Asi tuɗ casi poŋga ta ta cukusi daŋgayna ca ni di suu golosina ana golosi jiviya. 24Sa golla hum boy namma na ni ɓalasi sesi u pagalamma, cukusi hu zira daŋgayna.
25Duk ŋgikka wanni Pol u Silas gi soolla cen Lona, geleɗ Lona, suu daŋ suu hu daŋgayna laki hum may. 26Asi gol irisiya ni ndaŋgara gijaŋ geŋeɗta na jik jik, ni zira daŋgayna lay geŋeɗ lay. Vun ziginina halaŋ halaŋ mal ki kay tasiya, gali ma sem suu daŋgayna halaŋ weɗ ki bel. 27Sa ma golosina dliɗ kolo dliɗ ni wi ana vun zina ki maliya ni, nam paɗ ŋgew mamba ki hooɗ a tuɗ ci tam kira, kay nam saa hurum ana suu daŋgayna li pii ki wa. 28Pol sawalla u delem kolo eŋga ana, «Li va ma co eg taŋgi, ami ka tani halaŋ.» 29Sa ma golosina ana ɦam kura ay na zak, nam tuɗ ha usi hu zira daŋgayna u tamba, ni tam dlak na jik jik ko ndaana. Nam gi tam kaŋga fok Pol u Silas. 30Nam cukusi ay ki buru ca ni joɓosi ana, «Gorna, an lini nana a fi suɗta ge?» 31Asi hoŋom dira ana, «Vi u Bu Suuna Yesu aŋ hin fi suɗta u suu maŋŋa halaŋ.» 32Asi dam boyna vi Bu Suuna u suu mamma halaŋ. 33Sa ma golla yowosi um njeŋge ndaɗta ni na gak gak tuɗ mbususi mbilisi kiyo. Asi hin mbusum batemma u suu mamma halaŋ ni hu li namma. 34Nam yow gi Pol u Silas varam yow ni i ɦasi tina. Sa namma u suu mamma halaŋ li furira ŋgolo, kay asi mbuɗ ki suu vi Lonna.
35Lina fo ki fo ni suu ŋgolo suu Romma gi sunda ha eg sa ma gol daŋgayna ana, «Cuk suu asina.» 36Sa ma golla mbaa sa vun sunda eg gi Pol dasi ana, «Cukugi kiyo. Agi ndak kay a cukugi kiyo, tuɗugi u heɓpa.» 37Pol di sa golla ana, «Asi poŋomi ki ii suuna na halaŋ bay kaami ɓak mamina, ami tamira ni su Romma lay, hin cukumi daŋgayna, cecemmi asi min cukumi ki ŋgaya, ni ka naɗi, asi mbay cukumi kini u tasira.» 38Suu sunda tuɗ di boy namma maŋ suu ŋgolo suu Romma na ɗaŋi, asi hum na ni mbuɗ ndaana kay ana Pol u Silas ni suu Romma. 39Asi mba yoo tasi fokosiya, hin cukusi ki buru ni na gaw, asi mbuɗusi cenda ana asi tuɗa hin ɦoŋzi namma. 40Gi Pol u Silas cuk ha ki hu zira daŋgayna ca ni, asi tuɗ vi Lidi. Asi tuɗ fi gorsesina na ni soosi hurusi u boyna ŋgolo hin hinisi tani tuɗa.
Currently Selected:
SUNDA 16: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
SUNDA 16
16
Timote tuɗ ugi Pol u Silas hu koyra
1Pol tew Derbe hin tuɗ Listra. Hu li namma ni sa ma vina dew sem ana Timote, nammi goŋ goora Juiffa, ndaɗ vi u Lona, bummi sa ma Grekŋa. 2Gorsesi suu vina ay hu Listra u Ikonium yam sem jivi ɦay. 3Pol tayam umu min ana nam tuɗ koyra umu, nam cawam ɗiwim kiyo ko ndaa suu Juifna, suu ka hu li namma na, kay asi halaŋŋi wi ana Timote bummi sa ma Grekŋa. 4Hu ɦoŋzi ma asi jak huna halaŋŋi asi di suu vina ana vi u gaɗta vi suu vovoɗta u suu ŋgolona hu Yerusalem daɗta. 5Suu vi Kristuna halaŋ fi eŋga hu viisira, ndumusi zul ha fok hu buuna na tew tew.
Pol hu Troas wanni vana tak tam irimu
6Musuk Lonara doorosi ana asi di Boy Lonana hu ndaŋgara Aziraɗi, ni asi hin tuɗ ni hu Frigi u Galati. 7Asi mba tok eg Misi, hal a tuɗ kini hu Bitini, ni Musukka vi Yesura hinisi kaɗi. 8Asi jak ha kay Misi jakŋi tuɗ ha fun lumma Troas. 9Hu njeŋgera wanni van tak tam irimu, nam wi sa ma Masedoinna coli fokomu, ka dam ɗaŋi ana, «Tuɗ ay Masedoin mbay njun umiya.» 10Cecemi ŋgoo va ma tak tam irimma may ni, ami cukumi tami tuɗ Masedoin ni na gaw. Ami wi ki kami ana Lona yami ay ni ana ami tuɗ di Boy ma Ayra ki maŋ suu hu li namma na.
Hu Filipi ni Lidi vi u Bu Suuna
11Ha hu Troas wanni ami cukumi ha hu lum kawina tuɗumi ha kay daara yaɗ ana Samotras, siwra ami cuk Neapolis. 12Ay hu li namma ami tuɗ Filipi ni ɦoŋzi ma ŋgol ma jewna hu ndaŋgara Masedoinda. Ay hu li namma ni ɦoŋzi ma goona vi suu Romma ka may. Hu ɦoŋzi namma wani ami li buuna hu ŋgolo. 13Hu buu ma vi Lonna ami tuɗumi doŋ lumma a hal li ma suu Juifna cen Lona huna. Ami lakami kaŋga ca ni ɓakami boyna maŋ boyogi suu toki hu li namma na. 14Cara duk boyogi suu asina dew seɗ ana Lidi, ndaɗ ay ni hu ɦoŋzina Tiyatir. Ndaɗ ni cara li paara u baraw ma tam ndoli tlawna, mba cen Lona. Ndaɗ kaki huma, Bu Suuna malaɗ huruɗ ki kay ndaɗ hum boy ma Pol damma. 15Mbusuɗ ki batemma hu li namma u suu maɗna halaŋ. Ndaɗ yami ay varaɗu dami ana, «Lini agi wi ki gasagi ana an vi u Bu Suuna ni, mbaagi ay varanu.» Ndaɗ ɦeɓemi gak gak ami hin viya.
Pol u Silas hu daŋgayna Filipi
16Hu buu maa dew ni ami tuɗ hu li ma cen Lona, goora dew u fulna kaɗu. Ndaɗ di ki kay dlara hin li ha fokka, ndaɗ fi gursura maŋ maliyaɗna ŋgol u boy namma. Hin ŋgafami vokomiya. 17Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.» 18Ndaɗ li buuna ŋgol u boy namma. Ni Pol hurum ɓeŋa pereɗ irim egeɗu di ful namma ana, «An daŋ u sem Yesu Kristu kal ki huruɗu!» Cecemi hu li namma na ni fulna kal ki huruɗ gaw. 19Hu li ma malayaɗna wi ana asi ka fi va oloɗi ni, asi yow gi Pol u Silas tuɗusi ki hu li ɓakŋa fok suu ŋgolona. 20Asi tuɗusi ha fok suu ŋgolo suu Romma di ana, «Suu asina mba tin dla cora hu ɦoŋzi maygina tani ni asiya. Asi ni suu Juifna lay. 21Asi haɗ dlaasira gaɗ maygira doo ki kay boy nammara, maygi aygi suu Romma, ana vi u boy namma li umu.» 22Suu molina halaŋ hurusi ɓeŋ ki egesiya. Suu ŋgolona yow baraw ma vi gi Pol u Silas na kiyo, ɦasi voɗta ana casi poŋga u balafna. 23Asi tuɗ casi poŋga ta ta cukusi daŋgayna ca ni di suu golosina ana golosi jiviya. 24Sa golla hum boy namma na ni ɓalasi sesi u pagalamma, cukusi hu zira daŋgayna.
25Duk ŋgikka wanni Pol u Silas gi soolla cen Lona, geleɗ Lona, suu daŋ suu hu daŋgayna laki hum may. 26Asi gol irisiya ni ndaŋgara gijaŋ geŋeɗta na jik jik, ni zira daŋgayna lay geŋeɗ lay. Vun ziginina halaŋ halaŋ mal ki kay tasiya, gali ma sem suu daŋgayna halaŋ weɗ ki bel. 27Sa ma golosina dliɗ kolo dliɗ ni wi ana vun zina ki maliya ni, nam paɗ ŋgew mamba ki hooɗ a tuɗ ci tam kira, kay nam saa hurum ana suu daŋgayna li pii ki wa. 28Pol sawalla u delem kolo eŋga ana, «Li va ma co eg taŋgi, ami ka tani halaŋ.» 29Sa ma golosina ana ɦam kura ay na zak, nam tuɗ ha usi hu zira daŋgayna u tamba, ni tam dlak na jik jik ko ndaana. Nam gi tam kaŋga fok Pol u Silas. 30Nam cukusi ay ki buru ca ni joɓosi ana, «Gorna, an lini nana a fi suɗta ge?» 31Asi hoŋom dira ana, «Vi u Bu Suuna Yesu aŋ hin fi suɗta u suu maŋŋa halaŋ.» 32Asi dam boyna vi Bu Suuna u suu mamma halaŋ. 33Sa ma golla yowosi um njeŋge ndaɗta ni na gak gak tuɗ mbususi mbilisi kiyo. Asi hin mbusum batemma u suu mamma halaŋ ni hu li namma. 34Nam yow gi Pol u Silas varam yow ni i ɦasi tina. Sa namma u suu mamma halaŋ li furira ŋgolo, kay asi mbuɗ ki suu vi Lonna.
35Lina fo ki fo ni suu ŋgolo suu Romma gi sunda ha eg sa ma gol daŋgayna ana, «Cuk suu asina.» 36Sa ma golla mbaa sa vun sunda eg gi Pol dasi ana, «Cukugi kiyo. Agi ndak kay a cukugi kiyo, tuɗugi u heɓpa.» 37Pol di sa golla ana, «Asi poŋomi ki ii suuna na halaŋ bay kaami ɓak mamina, ami tamira ni su Romma lay, hin cukumi daŋgayna, cecemmi asi min cukumi ki ŋgaya, ni ka naɗi, asi mbay cukumi kini u tasira.» 38Suu sunda tuɗ di boy namma maŋ suu ŋgolo suu Romma na ɗaŋi, asi hum na ni mbuɗ ndaana kay ana Pol u Silas ni suu Romma. 39Asi mba yoo tasi fokosiya, hin cukusi ki buru ni na gaw, asi mbuɗusi cenda ana asi tuɗa hin ɦoŋzi namma. 40Gi Pol u Silas cuk ha ki hu zira daŋgayna ca ni, asi tuɗ vi Lidi. Asi tuɗ fi gorsesina na ni soosi hurusi u boyna ŋgolo hin hinisi tani tuɗa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.