2 TIMOTE TAKKIRA
TAKKIRA
Ɓiiriɗ ni Pol. Li ka ni hu basara 67. Sok boyna, Col kay gasira.
Magara ɓiiriɗ maŋ Timote a mbara ni magaara Pol ɓiiriɗ daɓ dagan u ndaɗta, nam ɓiiriɗ ni hu basara vi mulna Neron ta daɓ daganda, boy maɗ ma huruɗna ki zeɗ u mayra jewra, boy ma hu magaa ndaɗtana ka taɓi u magaari suu daŋŋaɗi. Magaa ndaɗta dlaaɗta ki kay taɗ dew ka taɓ u magari suu mba', suu ɓak kay sunda vi suu ŋgolo suu fok suuna suu hiŋŋaɗi. Ay hu magaara ɓiiriɗ jew maŋ Timotera ni Pol ki buɗi hu dlaamba nam min laɗta, ni hu vira vam jew daŋgaynara. Hu li namma ni ɓak kay ana nam hin tuɗ gol goromma Timote, cecem wanda ni Pol di ana liimma nam a hin tuɗna hin tok (2 Tim. 4.6). Nam ka ni hu daŋgayna ɦawa holɗi, banayam suu ɦiw noyom kiyo (2 Tim. 1.15; 4.16). Magaa ndaɗta tak ana Pol ɓak ki kay dlara zeɗ zeɗta, hin li hu buu ma daɓ daganna (2 Tim. 3.1-9; 4.3, 4).
Magaara ndak a ɓorow ko wanni na
1. Takkira 1.1-2
2. Pol so huu Timote 1.3-18
3. Poyra vi sa ma sun ma jivi nama Lona wam hu buu ma suuna kina hin Lona 2
4. Boy ma ɓiirina ni va ma njun suu vina hu ndemba zeɗ zeɗta 3
5. Sa sunda ma ɗegeena, Bu Suuna mamma ɗegee may 4.1-18
6. Daɓpa 4.19-22
Currently Selected:
2 TIMOTE TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.