1 TIMOTE TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 63-67. Sok boyna, Poyra duk suu vina.
Pol ɓii magaa mamba jewra maŋ Timote ni hu basa mamba daɓ dagan hu duliyarara. Magaara nam ɓiiriɗ maŋ Timote a mbara may, ta ɓiiriɗ maŋ Titta may, asi halaŋŋi magaari suu ɓak kay suu ŋgolo suu gol suu vina. Ɓak kay dlara gaɗta u ɗoɓpa ɗoɓ suu vina u vira gasira tle asina liya, ni suu vina wul ay hu li ma jewna ni na. Suu vovoɗta col ay kay boy namma saɓaki, asi wi ana sun masira tok a daɓpa, ni asi ɦasi gaɗta u haɗta eŋga a takasi voɗta poyra gasira.
Ni haɗ mayra magaari suu ɓak kay suu ŋgolo suu gol suu vina haɗaɗta. Timote ma ɓiirim magaari suu mba asina, nammi sa ma ɗegee ma tuɗ u tasi u Polna. Nam Timote ni gogona Pol ki ŋgol suumu, bummi sa ma Grekŋa, summi goora Juiffa hu vira gasira, seɗ ana Eunise (2 Tim. 1.5). Pol hu koy mamba a yamba mbara ni nam hin fi tasi u Timote olo, Timote tuɗ u nam hu koy mamba Masedoinda, u Korint, u Efes, u Yerusalem lay.
Ɓeretta boyoɗ ŋgolla hu magaa ndaɗta ni ana, «Lini an yan ka vi tuwa ka faŋ ha zakgi ni, magaara wanni ndak a njun uŋu a akaŋ poyra duk suu vina, ni di ana suu vi Kristuna vi Lona ma iirina, asi ni mbal ma dukŋa suu coli kay gasirana.» 1 Tim. 3.15. Magaa ndaɗta ɓak kay tlesuu ŋgolona, suu gol suu vina a lasina. Suu gol suu vina u suu sun suu vina (1 Tim. 3.1-3; 5.17, 19).
Magaara ndak a ɓorow ko wanni na
1. Takkira 1.1-2
2. Gaɗasi kay haɗta cora u iirira vi suu vina 1.3-11
3. Pol di ki kay dlaamba u gaɗta nam gaɗ Timotera 1.12-20
4. Haɗta kay cenda cen Lona u dlara cara laɗ duk suu vinara 2
5. Tlesuu tak ki kay suu gol suu vina u suu sun suu vina 3
6. Colla vi sa ma jivi ma sun Yesu Kristuna 4
7. Sunda vi sa ma sun Yesu Kristu jivina laɗta 5
8. Nera ne sa ma sun Yesu Kristu jivina 6.1-19
9. Daɓpa 6.20-21
Currently Selected:
1 TIMOTE TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.