1 TESALONIKŊA 3
3
1Ni kay ndaɗta ami ka juɓbi, ami min ana ami hin ka hu Aten kay tamiya. 2Ami sunumi wayamina Timote ma li sunda vi Lona u amina, kay a di Boy ma Ayra ki kay Kristu. Ami sunugina ha ni kay a nam gaɗagi, soogi hurugi kay viigira.
3Kay a sa mbuɗ ndaa ko lassa ka cecemiraɗi, agi wi lay ana aygi taygira ŋgaɓi ni kay ndaɗta daŋ may.
4Hu li ma ami ay egegi tokŋa ni ami dagi ki fok jew ana lassa hin mbaa, dla ndaɗta li cemi ni ndaɗu, agi waɗu. 5Kay ndaɗta an sun Timote ha egegi ni a hum dla viigira. An li ndaana ana Satanna ndemegi ki a baami sun mamira ki ɦawaɗi.
6Timote ay varagi hoŋ ay egemi wa, nam dami boy ma jivina kay dla viigira u min magira. Nam dami ana agi ka saa kami tew tew u furira, agi min a wami irimi ko ami hal a wagira na may. 7Gorsenna duk yoo mamira hu lassa, ami fi ɗil iira kay boy dla viigira. 8Cemi ami ka lagi jivira ni kay agi coli eŋ hu viigira u Bu Suunara. 9Ami gi deɓ maŋ Lona coco kagiya, kay ami ka furi kagi coco fok Lona. 10Faali lay njeŋge lay ami ka cen Lona kay nam hinimi voɗta a ami wagi irigiya, a ɦuɗugi u viigira foko.
11Ko Buy Lona u tamba u Bu Suuna mayna Yesu minimi voɗta fokomi a ami ndak tuɗ wagi irigiya. 12Ko Bu Suuna wulugi minda min tagira ha fok na ɗow, a min suuna halaŋ, ko ami minigira na may. 13Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.
Currently Selected:
1 TESALONIKŊA 3: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
