1 PIYER TAKKIRA
TAKKIRA
Ɓiiriɗ ni Piyer. Li ka ni hu basara 65. Sok boyna, Wihawra u ŋgolla bibiŋilla.
Piyer ɓii magaa ndaɗta ni kay nam faɗ ki ni vun sun mayra Kristu hinimba ka komba, (Luk 22.31, 32). Piyer ni sa ma vovoɗta vi suu caw ɗiwisina (Gal. 2.8), nam di boy mamma ni maŋ suu Juif suu njay ki hu ndaŋgara Azi mayra Goora (1 Piy. 1.1). Nam ɓak kay gaɗta ni ko Pol na may. Nam coli eŋ kay boy dla juɓpa u tin huuna kay Yesu (1 Piy. 1.3, 7, 13; 3.9-15; 4.13; 5.4). Magaa ndaɗta boy ma huruɗna tli tam u boy ma vi Bu Suunana ma ka hu Boy ma Ayrana. Boy namma tli tam u bolla Piyer daɗ hu Sunda vi Suu Vovoɗta lay. Magaa ndaɗta ɓiiriɗ ay ni Babilon (1 Piy. 5.13), ni ndak a tak li magaa ndaɗta ɓiiriɗ ay huna 1 Piy. 1.1, ni na may suu daŋŋa di ana «Babilon» tak ki ni kay Rom ɦawaa. Magaa ndaɗta ɓiiriɗ ni maŋ suu Juif suu vina (1 Piy. 1.1; 4.3), na may boy ma huruɗna ni maŋ suu tin hurusi kay Kristuna halaŋ.
Boy ma ɓii magaa ndaɗta kamma ni ana so huu suu vina, diki kay Kristu may, saara kay lassa vi sa ma tin hurum kay Kristuna. Piyer min ana suu vina lak eŋ hu vira, lini tuka lay ni, tin huruŋ kay sa ma buɗ suuna kina, sa col ki kolo hu miɗna iirina. Magaa ndaɗta ɓak boy ma ay hu Galamba Basira cocoo. So huu sa ma vina a kak hu ɗegeera.
Magaara ndak a ɓorow ko wanni na
1. Takkira 1.1-2
2. Lassa las sa ma vina, tuɗum hu kiɗikka a fi warak
ma gasina 1.3—2.8
3. Iirira vi sa ma vina taɓ u dlara sa ma vina laɗta, u wihawra vi
Kristu sa ma vina varak balam suuna 2.9—4.19
4. Sunda vi sa ma vina ni kay ŋgaraŋas mayra ŋgaraŋas hu kay juɓ
mbara Kristu hin hoŋ ayra 5.1-9
5. Daɓpa 5.10-14
Currently Selected:
1 PIYER TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.