Roma 7
7
Wərban wənnan də wəɗi gulku
1Milmiŋgiɗwa, kəsənənək an nəŋgəl ənah sukum səkay, vi kəsənənək ma henziŋ. Ma henziŋ bo nan tay zəm məlĩ aka ɗəf pay asan madaran kaaka'ə. 2Va guluk namba zile, wənna ma henziŋ aynatək aza zilta pay adaw san egge tagay. An zilit amtəka, nat təppələk səza ma henziŋ nani. 3Vi wənəski an təgəmək zil mbərən daga dəɓəl əmta ɓa, kawyəti na, məgəd mana'a. Amma an zilit amtəka, wənna ma henziŋ na zilit tayakat əmpa ɓa, an təgəmək ɗəf mbərən na nan təgəɗ mana'a əmpa ɓa. 4Vaski bo də munokum milmiŋgiɗwa, kəmtaŋgək də Krestu. Vaski məmtukum kənanaŋ klaza ma henziŋ. Kakaŋ na, na ɗəf mbərən kənanaŋ ɓa, ɗəf məs dəsil səkəti əmta kənanaŋ. Kakaŋ na wakəɓapaŋ wətər wəray sən Maŋgəlva də wəza nokum. 5Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta. 6Amma kakaŋ na mərəhək kiyəm səza ma henziŋ, məmtəm mənan aza ma henziŋ məs dinamə. Vini kana, məsbana Maŋgəlva də tive an məsvan lahəŋ ɓa, də wənna ma henziŋ məvernəŋ ɓa. Mənam tatəsban Maŋgəlva kakaŋ kan də tive meleketeni ndəni də əmpəs nani.
Mambray də ma henziŋ
7Mbar mədawnah kan di? Ma henziŋ na mbərayni sa? Tay vas ɓa! Amma va ma henziŋ dənah na kədaw sim zəga ɓana, əsim zəga azəm gəm na saha ɓa. 8Ma henziŋ dəsil gən əsim zəga azaw ko midi pakə. Va ma henziŋ tay ɓana, mambray wamtə kəta. 9Lahəŋ na madaraw nan kəta, daga nəɓəl wəsən ma henziŋ tagay ɓa. Adan ma henziŋ ade, yaŋ mambray atəŋ wəmbəla. 10Yaŋ naw nəmtəka, ma henziŋ ade bo vi karban tive nawkohyi, amma yaŋ akisu əmta. 11Yaŋ mambray agəɗ wəza də ma henziŋ naka, vi kawrakawa, yaŋ abayu də ma henziŋ naka.
12Gesiŋ ma henziŋ səza Maŋgəlva ade, ma henziŋ nan salalayi aslək sawɓa, mogoni sawɓa. 13Ya yas vaski na zəga mogon wakisu əmta sa? Tay vas ɓa sam! Vasna mambrayi dəgəɗ wəza də zəga mogonəŋka, ha ndəni kay baywa, vi mambray dərban gən zən na mambrayi gesiŋ. Vi wənna ma henziŋgi, mambray arah tive narban daraw nan pakə.
Ɗəf məs mambray aday kini
14Məsənək gesiŋ ma henziŋ səza Maŋgəlva ade, amma nawa, ɗəf mədaku nani, balam na mambray nani. 15Nawsən an nədaɗɗa ɓa, naɗɗa an nəŋgəl ɓa, amma say an məs nəzelli nədaɗɗa. 16An nəŋglu an nədaɗɗa ɓa, asna nəsənək na ma henziŋ mogoni. 17Vasna əntə nədaɗɗan sən kiyu ɓa, amma mambray anna makraw dədaɗɗani. 18Nəsənka zəga mogon tay zaw ɓa, əntatə gaya ka nəgəɗ gən mogoni, amma naw ɓapən ɓa. 19Naɓapəɗɗa mogon məs nəŋgələŋ ɓa, say mambray an məs nəzeli. 20An əntatəɗɗa zəga an nəzeli, asna əntə nədaɗɗan də əŋgla naw ɓa, mambray ana dəvu dədaɗɗani.
21Aŋki tive na wəza naw va adawdawa: An nəŋgələk wəɗɗa mogoni, say mbrayen nədaɗɗa kaaka'ə. 22Makraw neki də ma henziŋ na Maŋgəlva sawɓa, amma gəɓa zu tayəsban ma henziŋ maɓɓani. 23Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa. 24-25Maɗulaw aŋgluwək ma henziŋ na Maŋgəlva, amma wəza naw tayəsban ma henziŋ na mambraya.
Midi haya, na saha nani! Zəga tay dəpəl su əmpa ɓa, say əmta. Naway nawgilgu sədəv wəzəm saha nawəŋ di? Soko sən Maŋgəlva vi zəzay na Zezu Krestu, Ɗəfdaya namə.
Currently Selected:
Roma 7: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Roma 7
7
Wərban wənnan də wəɗi gulku
1Milmiŋgiɗwa, kəsənənək an nəŋgəl ənah sukum səkay, vi kəsənənək ma henziŋ. Ma henziŋ bo nan tay zəm məlĩ aka ɗəf pay asan madaran kaaka'ə. 2Va guluk namba zile, wənna ma henziŋ aynatək aza zilta pay adaw san egge tagay. An zilit amtəka, nat təppələk səza ma henziŋ nani. 3Vi wənəski an təgəmək zil mbərən daga dəɓəl əmta ɓa, kawyəti na, məgəd mana'a. Amma an zilit amtəka, wənna ma henziŋ na zilit tayakat əmpa ɓa, an təgəmək ɗəf mbərən na nan təgəɗ mana'a əmpa ɓa. 4Vaski bo də munokum milmiŋgiɗwa, kəmtaŋgək də Krestu. Vaski məmtukum kənanaŋ klaza ma henziŋ. Kakaŋ na, na ɗəf mbərən kənanaŋ ɓa, ɗəf məs dəsil səkəti əmta kənanaŋ. Kakaŋ na wakəɓapaŋ wətər wəray sən Maŋgəlva də wəza nokum. 5Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta. 6Amma kakaŋ na mərəhək kiyəm səza ma henziŋ, məmtəm mənan aza ma henziŋ məs dinamə. Vini kana, məsbana Maŋgəlva də tive an məsvan lahəŋ ɓa, də wənna ma henziŋ məvernəŋ ɓa. Mənam tatəsban Maŋgəlva kakaŋ kan də tive meleketeni ndəni də əmpəs nani.
Mambray də ma henziŋ
7Mbar mədawnah kan di? Ma henziŋ na mbərayni sa? Tay vas ɓa! Amma va ma henziŋ dənah na kədaw sim zəga ɓana, əsim zəga azəm gəm na saha ɓa. 8Ma henziŋ dəsil gən əsim zəga azaw ko midi pakə. Va ma henziŋ tay ɓana, mambray wamtə kəta. 9Lahəŋ na madaraw nan kəta, daga nəɓəl wəsən ma henziŋ tagay ɓa. Adan ma henziŋ ade, yaŋ mambray atəŋ wəmbəla. 10Yaŋ naw nəmtəka, ma henziŋ ade bo vi karban tive nawkohyi, amma yaŋ akisu əmta. 11Yaŋ mambray agəɗ wəza də ma henziŋ naka, vi kawrakawa, yaŋ abayu də ma henziŋ naka.
12Gesiŋ ma henziŋ səza Maŋgəlva ade, ma henziŋ nan salalayi aslək sawɓa, mogoni sawɓa. 13Ya yas vaski na zəga mogon wakisu əmta sa? Tay vas ɓa sam! Vasna mambrayi dəgəɗ wəza də zəga mogonəŋka, ha ndəni kay baywa, vi mambray dərban gən zən na mambrayi gesiŋ. Vi wənna ma henziŋgi, mambray arah tive narban daraw nan pakə.
Ɗəf məs mambray aday kini
14Məsənək gesiŋ ma henziŋ səza Maŋgəlva ade, amma nawa, ɗəf mədaku nani, balam na mambray nani. 15Nawsən an nədaɗɗa ɓa, naɗɗa an nəŋgəl ɓa, amma say an məs nəzelli nədaɗɗa. 16An nəŋglu an nədaɗɗa ɓa, asna nəsənək na ma henziŋ mogoni. 17Vasna əntə nədaɗɗan sən kiyu ɓa, amma mambray anna makraw dədaɗɗani. 18Nəsənka zəga mogon tay zaw ɓa, əntatə gaya ka nəgəɗ gən mogoni, amma naw ɓapən ɓa. 19Naɓapəɗɗa mogon məs nəŋgələŋ ɓa, say mambray an məs nəzeli. 20An əntatəɗɗa zəga an nəzeli, asna əntə nədaɗɗan də əŋgla naw ɓa, mambray ana dəvu dədaɗɗani.
21Aŋki tive na wəza naw va adawdawa: An nəŋgələk wəɗɗa mogoni, say mbrayen nədaɗɗa kaaka'ə. 22Makraw neki də ma henziŋ na Maŋgəlva sawɓa, amma gəɓa zu tayəsban ma henziŋ maɓɓani. 23Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa. 24-25Maɗulaw aŋgluwək ma henziŋ na Maŋgəlva, amma wəza naw tayəsban ma henziŋ na mambraya.
Midi haya, na saha nani! Zəga tay dəpəl su əmpa ɓa, say əmta. Naway nawgilgu sədəv wəzəm saha nawəŋ di? Soko sən Maŋgəlva vi zəzay na Zezu Krestu, Ɗəfdaya namə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.