Roma 6
6
Mimtitəŋ kəla za mambray maderetiŋ adəv Krestu
1Mbar mədawnəh kandi? Aməsban wəɗɗa mambray abe abe vi mərah gən mbəlembəle na Maŋgəlva diiɗa sa? 2Midi haya agəɗ na vas ɓa! Klaza mambray məmtəm mənani, ya mədəray mədaw sam adəv mambray əmpa di? 3Adan mətafək baptem, məsapək də Zezu Krestu. Kəsənənək na lewi wəsap də əmta nani. 4Ɗə wətaf baptem nani məndəkəm dəndən. Amma va nan van asil səkəti əmta də sembe na Maŋgəlva məs də gakdaka, vaski nam bo mərah wəsam madaram də zeŋgille meleketeni.
5An məsapək adəv əmta nan dəndən, əmta məs dəgil vanani, asna nam bo waməsil səkəti əmta vanani. 6Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa. 7Vi an ɗəf amtəka, nan akohuk səva sembe na mambray səkay. 8An məmtək də Krestu, mətafək wənnan na, asna waməmbəl dəndən. 9Məsənək gesiŋ na Krestu asilik səkəti əmta, amtəna ɗaah əmpa ɓa, əmta tay də sembe akan əmpa ɓa. 10Klaza mambray na təl takayi amtə, amma yaŋ kadawsan kan kakaŋ də zeŋgille meleketeni, vi Maŋgəlva. 11Vaski nokum bo, mula zukum va məmtukum klaza mambraya, mula zukum bo va madorokum vi Maŋgəlva vi wəsap nokum taka də Zezu Krestu.
12Ya vas kana, kədapanən mambray dəsan gən məlĩ aka gəɓa zukum an namtaŋ ɓa, kədasbanən wəsim zəga nan ɓa. 13Kədapanən mambray dəɗɗe gin zigeɗ naza zukum ɓa, ka zigeɗ naɗɗa wəza na mambray ɓa. Amma məpsən zukum sən Maŋgəlva dərəŋ, vi kəgulyoŋguk səza əmta, kətoŋgoŋguk atəki nawkoho. Məppan Maŋgəlva dəgəɗ wəza dit zigeɗ naza gəɓa zukum, va zigeɗ naɗɗa wəza an təstəssə. 14Vas na, mambray azəm na məlĩ akokum əmpa ɓa, vi kəsbanən wənna ma henziŋ ɓa, say wənna mbəlembəle na Maŋgəlva.
Balam na zəga an təstəssə
15Adan mbəlembəle na Maŋgəlvayi dədaw zəm məlĩ akamə, məza ma henziŋgi ɓa, asna say məsban gən wəɗɗa mambray kana sa? Kay tay vas ɓa! 16Kəsənən ɓa sa? Ɗəf məs kəppanən zukum ka balemɗe nani, man kədapprəmaŋ. An munokum tatəpprəmən ma mambray na, asna wakukum atəki əmta. Ya an munokum tatəpprəmən ma Maŋgəlva, asna wakəsoŋ təstəs aba Maŋgəlva. 17Soko sən Maŋgəlva, lahəŋ na balemɗe na mambray kənanaŋ, amma kakaŋ na munokum tatəsbanən goŋga nan də makrokum taka, ndəni məs kərəhaŋ də iyagani. 18Məmokumi səka balam na mambraya, kəkpaŋgaŋgək balemɗe na goŋga. 19Əntatə nah sukum wən məkpaŋga, də wənna balam vi karban sukum an məs dəslə. Lahəŋ na kəppanənək zukum pak balemɗe na zəga darnyaw də garzlaw pak vi kaɗɗa mambraya. Vaski bo kakaŋ kana, məppan zukum pak ka balemɗe na goŋga vi kədawaŋ gən va an Maŋgəlva aŋgələ.
20Gala kəsoŋ balemɗe na mambraya, də mokum kənanaŋ ndol ɗar aza goŋga. 21Mi kərəhaŋ kan də wəza nan di? Gesiŋ wil tay dukumən sən wənnan kakaŋka, vi wəgrak na wəza nani, ndəni əmta. 22Amma kakaŋ na balemɗe na mambray kənanaŋ əmpa ɓa, nokum kəkpaŋgaŋgək balemɗe na Maŋgəlva. Vini say kədawaŋ gən va an məs Maŋgəlva aŋgələ, wəgrak na wəza nokum ndəni zeŋgille ana suwa ha faɗə. 23Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.
Currently Selected:
Roma 6: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Roma 6
6
Mimtitəŋ kəla za mambray maderetiŋ adəv Krestu
1Mbar mədawnəh kandi? Aməsban wəɗɗa mambray abe abe vi mərah gən mbəlembəle na Maŋgəlva diiɗa sa? 2Midi haya agəɗ na vas ɓa! Klaza mambray məmtəm mənani, ya mədəray mədaw sam adəv mambray əmpa di? 3Adan mətafək baptem, məsapək də Zezu Krestu. Kəsənənək na lewi wəsap də əmta nani. 4Ɗə wətaf baptem nani məndəkəm dəndən. Amma va nan van asil səkəti əmta də sembe na Maŋgəlva məs də gakdaka, vaski nam bo mərah wəsam madaram də zeŋgille meleketeni.
5An məsapək adəv əmta nan dəndən, əmta məs dəgil vanani, asna nam bo waməsil səkəti əmta vanani. 6Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa. 7Vi an ɗəf amtəka, nan akohuk səva sembe na mambray səkay. 8An məmtək də Krestu, mətafək wənnan na, asna waməmbəl dəndən. 9Məsənək gesiŋ na Krestu asilik səkəti əmta, amtəna ɗaah əmpa ɓa, əmta tay də sembe akan əmpa ɓa. 10Klaza mambray na təl takayi amtə, amma yaŋ kadawsan kan kakaŋ də zeŋgille meleketeni, vi Maŋgəlva. 11Vaski nokum bo, mula zukum va məmtukum klaza mambraya, mula zukum bo va madorokum vi Maŋgəlva vi wəsap nokum taka də Zezu Krestu.
12Ya vas kana, kədapanən mambray dəsan gən məlĩ aka gəɓa zukum an namtaŋ ɓa, kədasbanən wəsim zəga nan ɓa. 13Kədapanən mambray dəɗɗe gin zigeɗ naza zukum ɓa, ka zigeɗ naɗɗa wəza na mambray ɓa. Amma məpsən zukum sən Maŋgəlva dərəŋ, vi kəgulyoŋguk səza əmta, kətoŋgoŋguk atəki nawkoho. Məppan Maŋgəlva dəgəɗ wəza dit zigeɗ naza gəɓa zukum, va zigeɗ naɗɗa wəza an təstəssə. 14Vas na, mambray azəm na məlĩ akokum əmpa ɓa, vi kəsbanən wənna ma henziŋ ɓa, say wənna mbəlembəle na Maŋgəlva.
Balam na zəga an təstəssə
15Adan mbəlembəle na Maŋgəlvayi dədaw zəm məlĩ akamə, məza ma henziŋgi ɓa, asna say məsban gən wəɗɗa mambray kana sa? Kay tay vas ɓa! 16Kəsənən ɓa sa? Ɗəf məs kəppanən zukum ka balemɗe nani, man kədapprəmaŋ. An munokum tatəpprəmən ma mambray na, asna wakukum atəki əmta. Ya an munokum tatəpprəmən ma Maŋgəlva, asna wakəsoŋ təstəs aba Maŋgəlva. 17Soko sən Maŋgəlva, lahəŋ na balemɗe na mambray kənanaŋ, amma kakaŋ na munokum tatəsbanən goŋga nan də makrokum taka, ndəni məs kərəhaŋ də iyagani. 18Məmokumi səka balam na mambraya, kəkpaŋgaŋgək balemɗe na goŋga. 19Əntatə nah sukum wən məkpaŋga, də wənna balam vi karban sukum an məs dəslə. Lahəŋ na kəppanənək zukum pak balemɗe na zəga darnyaw də garzlaw pak vi kaɗɗa mambraya. Vaski bo kakaŋ kana, məppan zukum pak ka balemɗe na goŋga vi kədawaŋ gən va an Maŋgəlva aŋgələ.
20Gala kəsoŋ balemɗe na mambraya, də mokum kənanaŋ ndol ɗar aza goŋga. 21Mi kərəhaŋ kan də wəza nan di? Gesiŋ wil tay dukumən sən wənnan kakaŋka, vi wəgrak na wəza nani, ndəni əmta. 22Amma kakaŋ na balemɗe na mambray kənanaŋ əmpa ɓa, nokum kəkpaŋgaŋgək balemɗe na Maŋgəlva. Vini say kədawaŋ gən va an məs Maŋgəlva aŋgələ, wəgrak na wəza nokum ndəni zeŋgille ana suwa ha faɗə. 23Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.