Akintaahsonan 24
24
1Miitahsh Pelam (Balaam) kaakiih kihkentank eishi minwaapantaminitc kaaTipencikenitc ciminohse'aanitc Isriyala' (Israel), kaawiin okii nanaantomaahsiin tino memaantaawisinitc kaakii nihtaa ishihcikehpan. Weti tahsh inahke eshi'ayaanik pikwatahkamik kii‑inaapi. 2Miitahsh kaakii waapamaatc Isriyala' eshi pepahkaanwewaanakisinitc eishi ayohko kapehshinitc. Miihsh kaakii otihsikotc Kishemanitoon otAhcaahkoni. 3Miitahsh Pelam kaakii maacii kaakiikitotc o'o ekii ihkitotc,
“Mii hsa 'owe ehkitoyaan niin Pelam weteteyaan Pii'or,
ehkitoyaan niin inini ne'aapitc,
4Mii hsa ehkitoyaan
kaakii ishi noontawak Kishemanitoo eihkitotc,
Ishinamowinink hsa
ninkii ishi waapamaa kaaMaawaci mashkawisiitc, ekiih kawihseyaan,
shaakooc itahsh ninkii ishi'ikoo ciwaapiyaan.
5Etatawe hsa Cekaponk wentahkaanesiwaatc
ayonishihshininiwaan opakwaanekamikowaan eshitaawaatc Isriyalak.
6Taapishkoo kaakiinwaapiikamowaatc mihtikook
komaa kaye kihtikewin imaa inahke siipink
Taapishkoo kaaminomaakosinitc mihtikoonhsa'
kaakii kihtikaanaatc Kishemanitoo
Komaa kaye kiishkaahtikook imaa inahke nipiink.
7Mooshak ihsa takimiwanini keshi'ayaawaatc,
keshi mino shaapopiihkamikaanik itahsh
oka ayishi kihtikaataanaawaan kihtikaanenhsan.
Okihci okimaamiwaan hsa nawac takihci inentaakosiwan
ahpiihc wiin ini Ekak kaakii'inimintc kihci okimaan,
keshi tipenciketc hsa taishpentaakwanini.
8Iicipahkiink hsa otoonci saakiciwinikowaan Kishemanitoon,
omiikaasoohtamaakowaan kaye
enentaakosinitc taapishkoo pishihkiwan meshkawentaakosinitc.
Oshaakooci'aawaa' hsa kaashiinkenimikowaatc,
opoohpoohkokaneshkawaawaa' kaye,
opihkwahkowaan hsa otaapacihtoonaawaan ehshaakooci'aawaatc.
9 #
Gen 49.9;
Gen 12.3. Mii hsa enentaakosiwaatc
taapishkoo mihshipishiw kaapapimihshink,
awenenan itahsh kekashkite'enihpan ciamaci'ikotc?”
“Awenen hsa iko keminwakimaatc Isriyala',
mii hsa awe keminohsewakinsotc,
Awenen itahsh iko kemacakimaatc Isriyala',
mii hsa awe kemacakimintc,” kii‑ihkito Pelam.
10Pelam itahsh wiinke okii nishki'aan Pelakoon, miihsh kaashi pasinincii'otisonitc ekii'ikotc, “Pelam, kikii antomin ohsha cimacakimatwaa kaashiinkenimiwaatc. Tekwac itahsh mii 'i eshihcikeyan nihswaa einatwaa ciminohsewaatc. 11Maacaan itahsh ani kiiwen. Kikii'inin iitok ewii kihci tipa'amawinaan, kaaTipenciketc tahsh kimiitaakwenik cikiih tipa'amaakooyampan,” okii'ikoon.
12Miitahsh o'o Pelam kaaishi nahkwehtank, “Ninkii wiintamawaak iitok ininiwak kaakiih piicinisha'amawiyan, o'o ekii inakwaapan, 13‘Kiishpin hsa Pelak miishitc minihk osaawi shooniyaa waapihkoon, waapaapihko shooniyaa waapihkoon cimooshkinenitc owaahkaa'ikanink, kaawiin hsa nahpaac nintaa ishihcikewaahsiin enaahkoniketc kaaTipenciketc, cikakiikinasiiwaan niin iko keishihcikeyaan mihsawaa ko onishihshininik, komaa kaye wenishihshihsininik. Aaniin hsa ko kaaTipenciketc ehkitotc, mii hsa ehta ko 'i keihkitoyaan.’ ”
Pelam Ishkwaac Kaakii'ihkitotc
14“Miitahsh noonkom kaawii ani kiiweyaan ewii ishaayaan eshi'ayaawaatc niwiitaatisiimaakanak. Ampe tahsh kiwii wiintamawin aaniin iki Isriyalak (Israel) keni tootawaawaatc i'i kipimaatisiima' piciinak,” kii‑ihkito. 15Miihsh Pelam (Balaam) miinawaa kaakii maacii kaakiikitotc,
“Mii hsa 'o niin Pelam weteteyaan Pii'or ehkitoyaan,
niin hsa inini weweni kaana'aapitc,
16mii hsa 'i ehkitoyaan ekii noontawak Kishemanitoo ehkitotc,
ekii ontinamaan kaye kihkentamaawin
kaaMaawaci ishpentaakositc,
Niin hsa ishinamowinink kaakii waapamak
Kishemanitoo kaaMaawaci mashkawisiitc,
Ekiih kawihseyaan shaakooc itahsh niwaapi'ikoo.
17Niiyaak hsa niwaapamaak,
kaawiin wiin noonkom kaa'itamaan,
Niwaapamaak hsa pemaatisiwaatc Isriyalak.
Miitahsh i'imaa keonciitc kihci okimaa,
wanankohshink ci‑inentaakositc.
Taapishkoo hsa wanankohsh kaaonsowitc taishinaakosi
cionciitc Isriyalink.
Oka shikohtikwaaneshkawaa' hsa oniikaanisii'
wenciinitc Moowap ahkiink,
Oka shaakooci'aa' kaye kahkina pemaatisinitc
Sehtink wentahkaanesinitc.
18Iitam ahkiink wenciinitc hsa
oka shaakooci'aa';
Siiyar ahkiink hsa kaye wenciinitc
kaashiinkenimikotc oka shaakooci'aa',
Isriyalak hsa wiinke tani mashkawentaakosiwak.
19Keni tipenciketc itahsh Cekaponk taani oncii,
oka nihsaa' itahsh kaye i'imaa ootenaank wenci ishko'imintc.”
20Pelam tahsh ewaapamaatc Amalehk kaatinowinitc, miihsh kaaishi maacii kaakiikitotc,
“Amalehk kaatinowiwaatc hsa
maawac niikaan kiimashkawentaakosiwak,
Weti tahsh ishkwaac tanehpici nihshiwanaacihcikaniwiwak.”
21Einaapitc itahsh okii waapamaa' Ken kaatinowinitc, miihsh kaaishi maacii kaakiikitotc,
“Kaaishitaayek hsa wiinke kehcinaa'owentaakwan,
taapishkoo wasihson kaa‑ayaak piintaapihk inentaakwan,
22Shaakooc itahsh kiinawaa Kenan kaatinowiwaatc
kika nihshiwanaaci'ikoom,
Ahpii Ahsiiriya ahkiink wenciiwaatc
kaahcitininekwaa,” kii‑ihkito.
23Miihsh Pelam kaa‑ani ihkitotc,
“Awenen itahsh kekashkihtoohpan cipimaatisihpan,
o'o kota Kishemanitoo eishihciketc?
24Pemaatisiwaatc hsa Saaiparahs ahkiink
tapionci pakamaahshiwak
kihci ciimaanink cipipoosiwaatc,
Miiwak itahsh iki keshaakooci'aawaatc
Ahsiiriya ahkiink wenciinitc,
Iipar ahkiink kaye wenciinitc,
Shaakooc kewiinawaa tanehpici nihshiwanaatisiwak,” kii‑ihkito.
25Miitahsh Pelam kaaishi pasikwiitc ekii ani maacaatc ehkiiwetc otaawinink. Pelakoon itahsh kiiani maacaawan.
Currently Selected:
Akintaahsonan 24: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Akintaahsonan 24
24
1Miitahsh Pelam (Balaam) kaakiih kihkentank eishi minwaapantaminitc kaaTipencikenitc ciminohse'aanitc Isriyala' (Israel), kaawiin okii nanaantomaahsiin tino memaantaawisinitc kaakii nihtaa ishihcikehpan. Weti tahsh inahke eshi'ayaanik pikwatahkamik kii‑inaapi. 2Miitahsh kaakii waapamaatc Isriyala' eshi pepahkaanwewaanakisinitc eishi ayohko kapehshinitc. Miihsh kaakii otihsikotc Kishemanitoon otAhcaahkoni. 3Miitahsh Pelam kaakii maacii kaakiikitotc o'o ekii ihkitotc,
“Mii hsa 'owe ehkitoyaan niin Pelam weteteyaan Pii'or,
ehkitoyaan niin inini ne'aapitc,
4Mii hsa ehkitoyaan
kaakii ishi noontawak Kishemanitoo eihkitotc,
Ishinamowinink hsa
ninkii ishi waapamaa kaaMaawaci mashkawisiitc, ekiih kawihseyaan,
shaakooc itahsh ninkii ishi'ikoo ciwaapiyaan.
5Etatawe hsa Cekaponk wentahkaanesiwaatc
ayonishihshininiwaan opakwaanekamikowaan eshitaawaatc Isriyalak.
6Taapishkoo kaakiinwaapiikamowaatc mihtikook
komaa kaye kihtikewin imaa inahke siipink
Taapishkoo kaaminomaakosinitc mihtikoonhsa'
kaakii kihtikaanaatc Kishemanitoo
Komaa kaye kiishkaahtikook imaa inahke nipiink.
7Mooshak ihsa takimiwanini keshi'ayaawaatc,
keshi mino shaapopiihkamikaanik itahsh
oka ayishi kihtikaataanaawaan kihtikaanenhsan.
Okihci okimaamiwaan hsa nawac takihci inentaakosiwan
ahpiihc wiin ini Ekak kaakii'inimintc kihci okimaan,
keshi tipenciketc hsa taishpentaakwanini.
8Iicipahkiink hsa otoonci saakiciwinikowaan Kishemanitoon,
omiikaasoohtamaakowaan kaye
enentaakosinitc taapishkoo pishihkiwan meshkawentaakosinitc.
Oshaakooci'aawaa' hsa kaashiinkenimikowaatc,
opoohpoohkokaneshkawaawaa' kaye,
opihkwahkowaan hsa otaapacihtoonaawaan ehshaakooci'aawaatc.
9 #
Gen 49.9;
Gen 12.3. Mii hsa enentaakosiwaatc
taapishkoo mihshipishiw kaapapimihshink,
awenenan itahsh kekashkite'enihpan ciamaci'ikotc?”
“Awenen hsa iko keminwakimaatc Isriyala',
mii hsa awe keminohsewakinsotc,
Awenen itahsh iko kemacakimaatc Isriyala',
mii hsa awe kemacakimintc,” kii‑ihkito Pelam.
10Pelam itahsh wiinke okii nishki'aan Pelakoon, miihsh kaashi pasinincii'otisonitc ekii'ikotc, “Pelam, kikii antomin ohsha cimacakimatwaa kaashiinkenimiwaatc. Tekwac itahsh mii 'i eshihcikeyan nihswaa einatwaa ciminohsewaatc. 11Maacaan itahsh ani kiiwen. Kikii'inin iitok ewii kihci tipa'amawinaan, kaaTipenciketc tahsh kimiitaakwenik cikiih tipa'amaakooyampan,” okii'ikoon.
12Miitahsh o'o Pelam kaaishi nahkwehtank, “Ninkii wiintamawaak iitok ininiwak kaakiih piicinisha'amawiyan, o'o ekii inakwaapan, 13‘Kiishpin hsa Pelak miishitc minihk osaawi shooniyaa waapihkoon, waapaapihko shooniyaa waapihkoon cimooshkinenitc owaahkaa'ikanink, kaawiin hsa nahpaac nintaa ishihcikewaahsiin enaahkoniketc kaaTipenciketc, cikakiikinasiiwaan niin iko keishihcikeyaan mihsawaa ko onishihshininik, komaa kaye wenishihshihsininik. Aaniin hsa ko kaaTipenciketc ehkitotc, mii hsa ehta ko 'i keihkitoyaan.’ ”
Pelam Ishkwaac Kaakii'ihkitotc
14“Miitahsh noonkom kaawii ani kiiweyaan ewii ishaayaan eshi'ayaawaatc niwiitaatisiimaakanak. Ampe tahsh kiwii wiintamawin aaniin iki Isriyalak (Israel) keni tootawaawaatc i'i kipimaatisiima' piciinak,” kii‑ihkito. 15Miihsh Pelam (Balaam) miinawaa kaakii maacii kaakiikitotc,
“Mii hsa 'o niin Pelam weteteyaan Pii'or ehkitoyaan,
niin hsa inini weweni kaana'aapitc,
16mii hsa 'i ehkitoyaan ekii noontawak Kishemanitoo ehkitotc,
ekii ontinamaan kaye kihkentamaawin
kaaMaawaci ishpentaakositc,
Niin hsa ishinamowinink kaakii waapamak
Kishemanitoo kaaMaawaci mashkawisiitc,
Ekiih kawihseyaan shaakooc itahsh niwaapi'ikoo.
17Niiyaak hsa niwaapamaak,
kaawiin wiin noonkom kaa'itamaan,
Niwaapamaak hsa pemaatisiwaatc Isriyalak.
Miitahsh i'imaa keonciitc kihci okimaa,
wanankohshink ci‑inentaakositc.
Taapishkoo hsa wanankohsh kaaonsowitc taishinaakosi
cionciitc Isriyalink.
Oka shikohtikwaaneshkawaa' hsa oniikaanisii'
wenciinitc Moowap ahkiink,
Oka shaakooci'aa' kaye kahkina pemaatisinitc
Sehtink wentahkaanesinitc.
18Iitam ahkiink wenciinitc hsa
oka shaakooci'aa';
Siiyar ahkiink hsa kaye wenciinitc
kaashiinkenimikotc oka shaakooci'aa',
Isriyalak hsa wiinke tani mashkawentaakosiwak.
19Keni tipenciketc itahsh Cekaponk taani oncii,
oka nihsaa' itahsh kaye i'imaa ootenaank wenci ishko'imintc.”
20Pelam tahsh ewaapamaatc Amalehk kaatinowinitc, miihsh kaaishi maacii kaakiikitotc,
“Amalehk kaatinowiwaatc hsa
maawac niikaan kiimashkawentaakosiwak,
Weti tahsh ishkwaac tanehpici nihshiwanaacihcikaniwiwak.”
21Einaapitc itahsh okii waapamaa' Ken kaatinowinitc, miihsh kaaishi maacii kaakiikitotc,
“Kaaishitaayek hsa wiinke kehcinaa'owentaakwan,
taapishkoo wasihson kaa‑ayaak piintaapihk inentaakwan,
22Shaakooc itahsh kiinawaa Kenan kaatinowiwaatc
kika nihshiwanaaci'ikoom,
Ahpii Ahsiiriya ahkiink wenciiwaatc
kaahcitininekwaa,” kii‑ihkito.
23Miihsh Pelam kaa‑ani ihkitotc,
“Awenen itahsh kekashkihtoohpan cipimaatisihpan,
o'o kota Kishemanitoo eishihciketc?
24Pemaatisiwaatc hsa Saaiparahs ahkiink
tapionci pakamaahshiwak
kihci ciimaanink cipipoosiwaatc,
Miiwak itahsh iki keshaakooci'aawaatc
Ahsiiriya ahkiink wenciinitc,
Iipar ahkiink kaye wenciinitc,
Shaakooc kewiinawaa tanehpici nihshiwanaatisiwak,” kii‑ihkito.
25Miitahsh Pelam kaaishi pasikwiitc ekii ani maacaatc ehkiiwetc otaawinink. Pelakoon itahsh kiiani maacaawan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society