Akintaahsonan 23
23
1Miitahsh o'o Pelam (Balaam) kaa'inaatc Pelakoon, “Taka oshihtamawihshin niishwaahso kaashi pakitinaahsonk o'omaa, kwayaanci' kaye niishwaahso ayaape pishihkiwak, niishwaahso kaye ayaape maanahcanihshak,” okii'inaan.
2Miitahsh iko 'i Pelakoon kaaishihcikenitc kaakii'inaatc. Eshi niishiwaatc iko okiih pakitinaawaan ayaape pishihkiwan, ayaape maanahcaanihshan i'imaa pehpeshik pakitinaahsowinink. 3Miihsh Pelam kaakii ihkitotc, “Taka o'omaa ishi niipawin ishi ohpime kaashi ankwaahkisaman kipakitinaahson, niin itahsh pahkeya'ii ninka ishaa. Maakishaa hsa kaaTipenciketc ninka pi'anta waapamik, ciwiintamawitc aaniin ke'ininaan,” kii‑ihkito. Miihsh kaaishi ishaatc eshi pashkwatinaanik. 4Kishemanitoon itahsh okii naasihkaakoon miihsh o'o kaa'inaatc, “Ninkii oshihtoonan hsa niishwaahso kaashi pakitinaahsonk. Pehpeshik itahsh ayaape pishihkiwak, pehpeshik kaye ayaape maanahcaanihshak ninkii ishi pakitinaak entahsinkin ini kaashi pakitinaahsonk,” kii‑ihkito.
5KaaTipencikenitc itahsh Pelam okii miinikon aaniin keihkitotc ekii'ikotc, “Maacaan anta waapam Pelak, o'o tahsh ishi wiintamawaahkan,” okii'ikoon. 6Kii‑ishaa hsa Pelakoon eshi'ayaanitc. Keyaapi tahsh kiiniipawiwan ishi ohpime kaakii ishi pakitinaahsonihpan, ewiicikaapawihtaakonitc kahkina oniikaanisii' i'imaa ko kaaonciinitc Moowap (Moab) ahkiink.
7Miitahsh Pelam kaaishi maataacimotc,
“Pelak hsa Moowap kihci okimaa, Eram ahkiink ninkii onci antomik,
waapanonk inahke kaashi papiihkwatinaanik.
O'o ekii'ishitc, ‘Ampe, macakintamawihshin iki Cekaponk wentahkaanesiwaatc,
Macakim iki Isriyalak.’
8Aaniin itahsh kekii ishi macahshowaanakwaapan
iki Kishemanitoo kaamacakimaahsik?
Aaniin itahsh tanihshiwanaatisiwak keshi inakwaapan
Kishemanitoo enakimaahsik cinihshiwanaatisinitc?
9Weti hsa eshi ayishpaapihkaanik wakicaya'ii nintoosaapamaak,
eshi ayishpaamatinaanik nintoncii kanawaapamaak.
Pemaatisiwaatc hsa niwaapamaak pehkaanentaakosi'itisowaatc,
einakintisohsikwaa ciwiici peshikwentaakosiimaawaatc
kotakwewaan pemaatisinitc.
10Awenen itahsh kekashki'aahpan ciakimaahpan
ehpiihci paahtiinonitc Cekaponk wentahkaanesinitc?
Awenen kaye kekashkihtoohpan ciakimaahpan peshikwaya'ii i'i kaashi niiwewaanakisitc?
Taka niin ninka ishi nip inahke
okwayahkwaatisiik kaashi nipowaatc,
Taka inahke eshi ishkwaa pimaatisiwaatc
Mii 'i keniin i'i nahke keshi ishkwaa pimaatisiyaan!” kii‑ihkito.
11Miihsh o'o Pelakoon kaa'ikotc, “Aaniin itahsh inaa entootawiyan? Mii iitok kaaonci antominaan cimacakimatwaa kaashiinkenimiwaatc! Kaawiin itahsh kekoon mahshi kitishihcikehsii, mii ehta einatwaa ciminohsewaatc!” okii'ikoon.
12O'ohsh Pelam kii‑ishi nahkwehtam, “Mii hsa 'i eshinaakwahk ci‑ihkitowak ehta kaaTipenciketc kaashi miishitc nintoonink ci‑ihkitowak,” kii‑ihkito.
Pelam Niishink Kaakii'ishikakitotc
13Miihsh Pelakoon (Balak) kaa'ikotc, “Taka ampe wiiciiwihshin pahkaan cionsaapamatwaa, aana kota wiin aaninta ehta ciwaapamatwaa Isriyalak (Israel). Kaawiin hsa kahkina kika tetakwaapamaahsiik. Miitahsh eshi anooninaan cimacakimatwaa,” okii'ikoon. 14Weti tahsh okii ishiwinikoon mihshawahkamik Soohpim (Zophim) ecikaatenik, ekii ahkwaamaciwewinikotc waciink Piskah (Pisgah) ecikaatenik. Okii oshihtooni tahsh niishwaahso kaashi pakitinaahsonk, pehpeshik itahsh ayaape pishihkiwan, pehpeshik kaye ayaape maanahcaanihshan okiih pakitinaahsowaakeni entahsininikin kaashi pakitinaahsonk.
15Miihsh Pelam (Balaam) kaa'inaatc Pelakoon, “Mii hsa i'imaa ishi niipawin ishi ohpime kaashi ankwaahkitek kipakitinaahson, niin itahsh wiin weti ninka anta nakishkawaa kaaTipenciketc,” kii‑ihkito.
16KaaTipencikenitc itahsh okii nakishkaakoon, miihsh kaaishi miinikotc otoonink aaniin keihkitotc, “Kiiwe anta waapam Pelak, o'o ci'inatc,” okii'ikoon. 17Miitahsh kaaishi anta waapamaatc, keyaapi tahsh kiiniipawiwan i'imaa ishi ohpime opakitinaahsowininiink, i'i kaye ewiicikaapawihtaakonitc oniikaanisii' i'imaa ko kaaonciinitc Moowap (Moab) ahkiink. Miihsh Pelakoon kaa'ikotc, “Aaniin itahsh kaaTipenciketc ehkitotc,” ekii'ikotc. 18Miitahsh Pelam kaaishi maataacimotc ekii ihkitotc,
“Pelak ampe weteteyan Sihpor cinoontawiyan,
pisintan o'o waa'ininaan!
19Kishemanitoo ohsha kaawiin ininiiwihsii, cikiiwanimohpan,
kaawiin kaye ininiwan otookosihsimikohsiin ciaantentankipan.
Ehkitotc ihsa ko ishihcike.
Ehkitotc ihsa ko mii 'i eshihsenik!
20Inashke hsa ninkii ishi miinikoowis,
ci‑ihkitoyaan awiyak ciminohsewaatc;
Kishemanitoo hsa kiiminohse'iwetc,
kaawiin hsa nintaa aancihtaawaahsiin.
21Niiyaak hsa niwaapantamowaan
cekaponk wentahkaanesiwaatc Isriyalak,
Kekoon ci‑ishi maanshihsehsikwaa,
kekoon kaye ci‑ishi kakwaatakihsehsikwaa.
KaaTipencikenitc hsa oKishemanitoomiwaan owiiciiwikowaan,
miitahsh enaacimowaatc oKihci okimaamiwaan ewiiciiwikowaatc.
22Kishemanitoon iitok Iicipahkiink otoonci saakisi'ikowaan;
Omiikaasoohtamaakowaan einentaakosinitc
taapishkoo pishihkiwan meshkawentaakosinitc.
23Kaawiin hsa takashkihcikaatehsinini
ciaapataninikipan maamaantaawisiwin,
Mitewiwin kaye kekoon citootawintwaapan
cekaponk wentahkaanesiwaatc Isriyalak.
Miitahsh o'o ke'inintwaa Cekaponk wentahkaanesiwaatc Isriyalak,
‘Inashke waapantamowaahk Kishemanitoo eshihciketc.’
24Iki hsa Isriyalak pemaatisiwaatc
mii 'i enentaakosiwaatc taapishkoo noonshe mihshipishiw,
Taapishkoo mihshipishiw kaapasikwiitc;
kaaoshihshinsik itahsh paanimaa hsa ehkitamwaatc kaakii nihsaatc,
Miihsh eshi minihkwetc omiskwiimini kaakii nihsaatc,”
kii‑ishi kakito.
25Miihsh Pelakoon kaa'ikotc, “Keko tahsh intawaa awaac pankii macakimaahken, keko kaye intawaa awaac pankii inaahken ciminohsewaatc!” okii'ikoon.
26Miitahsh o'o Pelam kaaihkitotc, “Kitaanakii wiintamawin iitok kahkina ci‑ihkitowak kaaTipenciketc eshi anooshitc,” kii‑ihkito.
Pelam Nihsink Kaakii'ihkitotc
27Miihsh o'o Pelakoon (Balak) kaa'ikotc, “Ampe wiiciiwihshin, kiwii ishiwinin kotakiyonk. Maakishaa mii weti Kishemanitoo keshi inentank pisaan cimacakimimatc Isriyala' (Israel), niin onci ciwiici'iyan,” okii'ikoon. 28Miihsh kaaishiwinikotc weti waciink Piiyor (Peor) ecikaatenik, kaakii onci na'inaakwaninik i'i pikwatahkamik. 29Pelam (Balaam) itahsh kii‑ihkito, “Oshihtamawihshin niishwaahso kaashi pakitinaahsonk o'omaa, kwayaanci' kaye niishwaahso ayaape pishihkiwak, niishwaahso kaye ayaape maanahcaanihshak,” kii‑ihkito. 30Miitahsh Pelakoon kaaishihcikenitc kaakii'inaatc, ekiih pakitinaahsowaakenitc pehpeshik ayaape pishihkiwa', pehpeshik kaye ayaape maanahcaanihsa' entahsininikin kaashi pakitinaahsonk.
Currently Selected:
Akintaahsonan 23: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Akintaahsonan 23
23
1Miitahsh o'o Pelam (Balaam) kaa'inaatc Pelakoon, “Taka oshihtamawihshin niishwaahso kaashi pakitinaahsonk o'omaa, kwayaanci' kaye niishwaahso ayaape pishihkiwak, niishwaahso kaye ayaape maanahcanihshak,” okii'inaan.
2Miitahsh iko 'i Pelakoon kaaishihcikenitc kaakii'inaatc. Eshi niishiwaatc iko okiih pakitinaawaan ayaape pishihkiwan, ayaape maanahcaanihshan i'imaa pehpeshik pakitinaahsowinink. 3Miihsh Pelam kaakii ihkitotc, “Taka o'omaa ishi niipawin ishi ohpime kaashi ankwaahkisaman kipakitinaahson, niin itahsh pahkeya'ii ninka ishaa. Maakishaa hsa kaaTipenciketc ninka pi'anta waapamik, ciwiintamawitc aaniin ke'ininaan,” kii‑ihkito. Miihsh kaaishi ishaatc eshi pashkwatinaanik. 4Kishemanitoon itahsh okii naasihkaakoon miihsh o'o kaa'inaatc, “Ninkii oshihtoonan hsa niishwaahso kaashi pakitinaahsonk. Pehpeshik itahsh ayaape pishihkiwak, pehpeshik kaye ayaape maanahcaanihshak ninkii ishi pakitinaak entahsinkin ini kaashi pakitinaahsonk,” kii‑ihkito.
5KaaTipencikenitc itahsh Pelam okii miinikon aaniin keihkitotc ekii'ikotc, “Maacaan anta waapam Pelak, o'o tahsh ishi wiintamawaahkan,” okii'ikoon. 6Kii‑ishaa hsa Pelakoon eshi'ayaanitc. Keyaapi tahsh kiiniipawiwan ishi ohpime kaakii ishi pakitinaahsonihpan, ewiicikaapawihtaakonitc kahkina oniikaanisii' i'imaa ko kaaonciinitc Moowap (Moab) ahkiink.
7Miitahsh Pelam kaaishi maataacimotc,
“Pelak hsa Moowap kihci okimaa, Eram ahkiink ninkii onci antomik,
waapanonk inahke kaashi papiihkwatinaanik.
O'o ekii'ishitc, ‘Ampe, macakintamawihshin iki Cekaponk wentahkaanesiwaatc,
Macakim iki Isriyalak.’
8Aaniin itahsh kekii ishi macahshowaanakwaapan
iki Kishemanitoo kaamacakimaahsik?
Aaniin itahsh tanihshiwanaatisiwak keshi inakwaapan
Kishemanitoo enakimaahsik cinihshiwanaatisinitc?
9Weti hsa eshi ayishpaapihkaanik wakicaya'ii nintoosaapamaak,
eshi ayishpaamatinaanik nintoncii kanawaapamaak.
Pemaatisiwaatc hsa niwaapamaak pehkaanentaakosi'itisowaatc,
einakintisohsikwaa ciwiici peshikwentaakosiimaawaatc
kotakwewaan pemaatisinitc.
10Awenen itahsh kekashki'aahpan ciakimaahpan
ehpiihci paahtiinonitc Cekaponk wentahkaanesinitc?
Awenen kaye kekashkihtoohpan ciakimaahpan peshikwaya'ii i'i kaashi niiwewaanakisitc?
Taka niin ninka ishi nip inahke
okwayahkwaatisiik kaashi nipowaatc,
Taka inahke eshi ishkwaa pimaatisiwaatc
Mii 'i keniin i'i nahke keshi ishkwaa pimaatisiyaan!” kii‑ihkito.
11Miihsh o'o Pelakoon kaa'ikotc, “Aaniin itahsh inaa entootawiyan? Mii iitok kaaonci antominaan cimacakimatwaa kaashiinkenimiwaatc! Kaawiin itahsh kekoon mahshi kitishihcikehsii, mii ehta einatwaa ciminohsewaatc!” okii'ikoon.
12O'ohsh Pelam kii‑ishi nahkwehtam, “Mii hsa 'i eshinaakwahk ci‑ihkitowak ehta kaaTipenciketc kaashi miishitc nintoonink ci‑ihkitowak,” kii‑ihkito.
Pelam Niishink Kaakii'ishikakitotc
13Miihsh Pelakoon (Balak) kaa'ikotc, “Taka ampe wiiciiwihshin pahkaan cionsaapamatwaa, aana kota wiin aaninta ehta ciwaapamatwaa Isriyalak (Israel). Kaawiin hsa kahkina kika tetakwaapamaahsiik. Miitahsh eshi anooninaan cimacakimatwaa,” okii'ikoon. 14Weti tahsh okii ishiwinikoon mihshawahkamik Soohpim (Zophim) ecikaatenik, ekii ahkwaamaciwewinikotc waciink Piskah (Pisgah) ecikaatenik. Okii oshihtooni tahsh niishwaahso kaashi pakitinaahsonk, pehpeshik itahsh ayaape pishihkiwan, pehpeshik kaye ayaape maanahcaanihshan okiih pakitinaahsowaakeni entahsininikin kaashi pakitinaahsonk.
15Miihsh Pelam (Balaam) kaa'inaatc Pelakoon, “Mii hsa i'imaa ishi niipawin ishi ohpime kaashi ankwaahkitek kipakitinaahson, niin itahsh wiin weti ninka anta nakishkawaa kaaTipenciketc,” kii‑ihkito.
16KaaTipencikenitc itahsh okii nakishkaakoon, miihsh kaaishi miinikotc otoonink aaniin keihkitotc, “Kiiwe anta waapam Pelak, o'o ci'inatc,” okii'ikoon. 17Miitahsh kaaishi anta waapamaatc, keyaapi tahsh kiiniipawiwan i'imaa ishi ohpime opakitinaahsowininiink, i'i kaye ewiicikaapawihtaakonitc oniikaanisii' i'imaa ko kaaonciinitc Moowap (Moab) ahkiink. Miihsh Pelakoon kaa'ikotc, “Aaniin itahsh kaaTipenciketc ehkitotc,” ekii'ikotc. 18Miitahsh Pelam kaaishi maataacimotc ekii ihkitotc,
“Pelak ampe weteteyan Sihpor cinoontawiyan,
pisintan o'o waa'ininaan!
19Kishemanitoo ohsha kaawiin ininiiwihsii, cikiiwanimohpan,
kaawiin kaye ininiwan otookosihsimikohsiin ciaantentankipan.
Ehkitotc ihsa ko ishihcike.
Ehkitotc ihsa ko mii 'i eshihsenik!
20Inashke hsa ninkii ishi miinikoowis,
ci‑ihkitoyaan awiyak ciminohsewaatc;
Kishemanitoo hsa kiiminohse'iwetc,
kaawiin hsa nintaa aancihtaawaahsiin.
21Niiyaak hsa niwaapantamowaan
cekaponk wentahkaanesiwaatc Isriyalak,
Kekoon ci‑ishi maanshihsehsikwaa,
kekoon kaye ci‑ishi kakwaatakihsehsikwaa.
KaaTipencikenitc hsa oKishemanitoomiwaan owiiciiwikowaan,
miitahsh enaacimowaatc oKihci okimaamiwaan ewiiciiwikowaatc.
22Kishemanitoon iitok Iicipahkiink otoonci saakisi'ikowaan;
Omiikaasoohtamaakowaan einentaakosinitc
taapishkoo pishihkiwan meshkawentaakosinitc.
23Kaawiin hsa takashkihcikaatehsinini
ciaapataninikipan maamaantaawisiwin,
Mitewiwin kaye kekoon citootawintwaapan
cekaponk wentahkaanesiwaatc Isriyalak.
Miitahsh o'o ke'inintwaa Cekaponk wentahkaanesiwaatc Isriyalak,
‘Inashke waapantamowaahk Kishemanitoo eshihciketc.’
24Iki hsa Isriyalak pemaatisiwaatc
mii 'i enentaakosiwaatc taapishkoo noonshe mihshipishiw,
Taapishkoo mihshipishiw kaapasikwiitc;
kaaoshihshinsik itahsh paanimaa hsa ehkitamwaatc kaakii nihsaatc,
Miihsh eshi minihkwetc omiskwiimini kaakii nihsaatc,”
kii‑ishi kakito.
25Miihsh Pelakoon kaa'ikotc, “Keko tahsh intawaa awaac pankii macakimaahken, keko kaye intawaa awaac pankii inaahken ciminohsewaatc!” okii'ikoon.
26Miitahsh o'o Pelam kaaihkitotc, “Kitaanakii wiintamawin iitok kahkina ci‑ihkitowak kaaTipenciketc eshi anooshitc,” kii‑ihkito.
Pelam Nihsink Kaakii'ihkitotc
27Miihsh o'o Pelakoon (Balak) kaa'ikotc, “Ampe wiiciiwihshin, kiwii ishiwinin kotakiyonk. Maakishaa mii weti Kishemanitoo keshi inentank pisaan cimacakimimatc Isriyala' (Israel), niin onci ciwiici'iyan,” okii'ikoon. 28Miihsh kaaishiwinikotc weti waciink Piiyor (Peor) ecikaatenik, kaakii onci na'inaakwaninik i'i pikwatahkamik. 29Pelam (Balaam) itahsh kii‑ihkito, “Oshihtamawihshin niishwaahso kaashi pakitinaahsonk o'omaa, kwayaanci' kaye niishwaahso ayaape pishihkiwak, niishwaahso kaye ayaape maanahcaanihshak,” kii‑ihkito. 30Miitahsh Pelakoon kaaishihcikenitc kaakii'inaatc, ekiih pakitinaahsowaakenitc pehpeshik ayaape pishihkiwa', pehpeshik kaye ayaape maanahcaanihsa' entahsininikin kaashi pakitinaahsonk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society