Maahtiyo 8
8
Ciisahs kii'minoayaa'aatc kaakii'-omikiiwaahpinenitc
(Mark 1.40-45; Luke 5.12-16)
1Ahpii tahsh Ciisahs ekiih piniihsaamaciwetc, aahpici kiihpaahtiinowa' awiya' kaakiih piminisha'okotc. 2Peshik itahsh ininiwan e'omikiiwaahpinenitc okiih pinaasihkaakoon ekii'-ociciinkwanapinitc, ekii'-ikotc: “Tepencikeyan, kiishpin inentaman kitaa kashki'ihsh cipehki'ikoowisiyaan.” 3Ciisahs tahsh shemaak kii'‑ishinihkeni ekiih saaminaatc,#8.3 ekiihsaaminaatc: awiiya hsa kaakii'-omikiiwaahpinetc kii'‑inakimaa ekii'-wiinaahpinetc, miitahsh kaakii'-onci manaa saaminikaniwitc. Waapantan omikiiwaahpinewin, wiinentaakosiwin kaye, ihkitowinan kaashi oshipii'ikaatekin. o'o tahsh okii'-inaan: “Nintinentam ciminoayaa'inaan, mii'i ishiminoayaan.” Shemaak itahsh okii'-nakanikoni i'i kaakii'ishi omikiiwaahpinenitc. 4Ciisahs tahsh okii'-inaan: “Pisintawihshin, keko wiin awiya wiintamawaahken. Shemaak itahsh antawaapam a'a anami'ewikimaa ciantawimihk. Miitahsh ishi pakitinaahsoohkan kaakii'ishi kihkino'amaaketc a'a Moosihs (Moses) kahkina awiya citepwehtawihk aasha ekiih pehki'ikooyan,” okii'-inaan.
Shimaakanihshiiwikimaa otanohkii'aakanan ekii'-minoayaa'imintc
(Luke 7.1-10)
5Ahpii tahsh Ciisahs ehpi takohshink i'imaa Kaparniyamiink (Capernaum), Oroom (Rome) kaaonci tipentaakosinitc shimaakanihshiiwikimaan#8.5 Oroom (Rome) kaaonci tipentaakosinitc shimaakanihshiiwikimaan: waapantan 5.41. okii'-nakishkaakoon ekiih pakohsenimikotc ciwiitoohkawaatc, 6o'o ekii'-ikotc: “Tepencikeyan, peshik nintanohkii'aakan wiinke kihciaahkosi i'iweti kaaishitaayaan. Mihcipimihshin onipewinink, kaawiin kaye waahkawiihsii, maawac iko ehkakwaatakihtootc.” 7Ciisahs tahsh okii'ishi nahkwehtawaan: “Ninka ishaa, ninka antaminoayaa'aa.” 8Shimaakanihshiiwikimaa tahsh kii'‑ihkito: “Kaawiin ninte ahpiihtentaakosihsii cipiintikeyan niwaahkaa'ikanink. Mihcikiikiton ehta, miitahsh ciminoayaatc nintanohkii'aakan. 9Aaniihsh keniin nintayaawaak nintookimaamak, nintookimaahkantawaak kaye shimaakanihshak. Kiishpin peshik kii inak: ‘Maacaan,’ mii'i eshi maacaatc. Miinawaa peshik e'inak: ‘Piishaan,’ mii'i eshi piishaatc. Wa'a kaye kiianoonak kaapamiihtamawitc kekoonini ci‑ishihciketc, mii'i eshihciketc.” 10Ahpii tahsh Ciisahs ekii'-noontank, aahpici kiihkihcimaamahkaatentam, ekii'-inaatc i'i kaakii'-wiiciiwikotc: “Kekoon kitinininim: kaawiin wiihkaa niwaapamaahsii awiya i'imaa Isriyalink (Israel) kaaonciitc ciahpiihci tepweyentank taapishkoo wa'a kaaishi waapamak noonkom. 11#Luk 13.29. Kakwe maamihkawihk tahsh o'owe: Paanimaa maawacihsitootc Kishemanitoo otipencikewin, aahpici tapaahtiinowak awiyak waapanonk kaye nikaapii'anonk kepi onciiwaatc ciwiitapimaawaatc ciwiiciwiihsiniimaawaatc Eparahaaman (Abraham), Aaisikoon (Isaac), Cekapoon (Jacob) kaye kaawii'ishi wiihkwantinaaniwaninik. 12#Mat 22.13; 25.30; Luk 13.28. Iki tahsh mayaa kekii'-ayaawaahpan i'imaa Kishemanitoo oTipencikewinink,#8.12 kekii'-ayaawaahpan i'imaa Kishemanitoo oTipencikewinink: miiwak iitok Isriyalihkaank (Israel) kaaonci tipentaakosiwaatc. miiwakiki keishi wepinintwaa i'imaa wanitipihkanonk, miitahsh weti keshi mawiwaatc, oka matwentaanaawaan kaye wiipitiwaan,” okii'-inaa'. 13Miitahsh okii'-inaan ini shimaakanihshiiwikimaan: “Maacaan, mii'i ishi kiiwen, mii ko piko keishihnaakwahk kaa'ishi tepwehtaman,” okii'-inaan. Otanohkii'aakanan tahsh kii'minoayaawan i'iwe ahpii peshikwan entahso tipa'ikaneyaanik.
Ciisahs okii'-minoayaa'aa' niipiwa' awiya'
(Mark 1.29-34; Luke 4.38-41)
14Ciisahs itahsh kii'‑ishaa Piitaroon (Peter) eshitaanitc. Okii'-waapamaan Piitaroon osikohsini ehkishisowaahpinenitc e'mihcipimihshininitc i'imaa nipewinaahkonk. 15Okiih saaminaan oninciiniink ini ihkwewan. Shemaak itahsh okii'-nakanikoni i'i otaahkosiwinini. Miitahsh kaa'ishi wanishkaanitc shemaak ekiih pami'ikowaatc.
16Ahpii tahsh e'ani onaakohshininik awiyak okiih piitamawaawaan Ciisahsoon i'iweniwa' kaakiih kikishkaakonitc maciahcaahkwa'. Ciisahs tahsh peshik ihkitowin okii'-aapacihtoon ehsaakiciwepinaatc i'i maciahcaahkwa', ekii'-minoayaa'aatc kaye kahkina kaa‑aahkosinitc. 17#Isa 53.4. Miitahsh o'o kaakii'onci ishihciketc, mayaa piko ci‑ishihsenik aaniin kaakii'-ihkitokopanen a'a otipaacimo Aaiseya (Isaiah) a'a kaakiih-kanootamawaatc Kishemanitoon mewisha: “Wiin ihsa piko kikii'-otaahpinamaakonaan kitaahkosiwininaanin kaye okii'-maaciitoonan kahkina kitinaahpinewininaanin.”
Iki kaawiih piminisha'waawaahpan Ciisahsoon
(Luke 9.57-62)
18Ciisahs tahsh ekii'-waapamaatc ehpiihci paahtiinonitc awiya' e'waahkaashkaakotc okiih kanoonaa' okihkino'amawaakana' akaamisaaka'ikan ci‑ishaawaatc. 19Peshik itahsh kaakihkino'amaakenitc Onahshowewin okiih pinaasihkaakoon ekii'-ikotc: “Kihkino'amaake, kika wiiciiwin aanti piko keishaayan.”
20Ciisahs tahsh okii'ishi nahkwehtawaan: “Iki waakohshak owaashiwak, iki kaye pinehshiinshak owasihswaniwak. Niin tahsh Inini oKosihsan kaawiin nintayaahsiin aanti keshi pimihshinaan cianwehshinaan,” kii'‑ihkito.
21Iniweniwan itahsh peshik okihkino'amawaakanan kaakiih piminisha'okotc okiih kanoonikoon: “Tepencikeyan, taka pakitinihshin ahkawe ciwii'awi na'inak nintete,”#8.21 ciwii'-awina'inak nintete: mii maawiin o'o kaanihtaa‑ayihkitowaatc Coowak: ‘Niwii'-naanaakaci'aa hsa nintete minihk iko kepimaatisitc.’ okii'-ikoon.
22Ciisahs itahsh okii'ishi nahkwehtawaan: “Piminisha'ohshin. Nakash iki kaanipowentaakosiwaatc. Wiinawaa ko oka tashiihkaanaawaa cina'inaawaatc otinawemaakaniwaa' kaawii'-niponitc,” okii'-inaan.
Ciisahs otipentaan nootinini
(Mark 4.35-41; Luke 8.22-25)
23Ciisahs tahsh kii'ani poosi i'imaa ciimaanink kaye okihkino'amawaakana' okii'ani wiiciiwikoo'. 24Aahpici tahsh kiihsesakooci pakamaanimanini i'imaa saaka'ikaniink. Aahpici tahsh kiihkihcimamaankaashkaani, ekiih kihci saahsiika'okowaatc. Aanciko tahsh wiin Ciisahs kii'nanipaa. 25Iki tahsh kihkino'amawaakanak pehsho okii'-naasihkawaawaan ekii'-aamaci'aawaatc kaye ekii'-inaawaatc: “Tepencikeyan, pimaaci'ihshinaam! Aasha kinihshiwanaatisimin!”
26Ciisahs okii'-inaa': “Kiinawaa kaa/akaahsink kitepweyentamowiniwaa! Wekonen wenci sekisiyek?” Kii'-waanishkaa tahsh ekiih kanootank nootinini, saaka'ikaniini kaye, wiinke tahsh kii'ani anwaahtinini.
27Kahkina tahsh kiihkihcimaamahkaatentamook ekii'-ihkitowaatc: “Kaanaka awekwen entinoowikwen wa'a inini? Awaac kaye nootin, saaka'ikan kaye ehpisintaakotc!”
Ciisahs ekiih pimaaci'aatc niishin ininiwa' maciahcaahkwa' kaakikishkaakonitc
(Mark 5.1-20; Luke 8.26-39)
28Ciisahs tahsh ahpii kaahpi takohshink i'imaa Kaatara#8.28 Kaatara: mii hsa 'owe ootena kaakii'-icikaatek kaakii'-ishitaawaatc kaakiih Coowiwisikwaa, niishwaahso (7) tipa'ikan (11 km) minihk shaawanoo waapanonk inahke kaashi ayaak Kaalaliiwi Saaka'ikan. (Gadara) ahkiink akaamink okii'-nakishkaakoo' niishin ininiwa' ekii'-onciinitc i'imaa kaaishitaanitc na'initiiwikamikonk e'ayaanikin kaashi wiimpahkamikaanikin. I'i tahsh kaa'‑ahpiihci kohtaanentaakosinitc ininiwa' kaawiin awiya kii'‑ishaahsii i'imaa ciikaya'ii, aaniihsh maciahcaahkwa' okiih kikishkaakoni. 29Miitahsh kaa'ishipiipaakiwaatc: “Aaniin waahtootawiyaank kiin Kishemanitoo oKosihsan! Mii na 'i aasha ewiih kakwaataki'iyaank cipwaa ocihcihsek ahpii kaawiih kakwaatakihtooyaank?”
30Kaawiin aahpici waahsa i'imaa kiihtashi wiihsiniwak ekiih paahtiinowaatc koohkoohshak. 31Iki tahsh maciahcaahkwak okii'-inaawaan: “Kiishpin wiih saakicinisha'ohshiyaank i'imaa ishi piintikenisha'ohshinaam koohkoohshihkaank.”
32Ciisahs tahsh okii'-inaa': “Maacaak.” Miitahsh kaa'ishi saaka'aminitc, ekii'awi piintikeshkawaanitc i'i koohkoohsha'. Shemaak tahsh kahkina kaaohkwenonitc koohkoohsha' kii'maaciipa'itiwa' eshi kiishkaamatinaanik ekiih kahkaciwe pahkopiipahtoonitc i'imaa saaka'ikaniink, kahkina tahsh kii'nihsaapaawewa'.
33Kaakiih kanawenimaawaatc itahsh i'i koohkoohsha' kiihtapasiiwak. Ootenaank kii'‑ishaawak ekiih caakitipaacimowaatc aaniin kaa'inahkamikaninik. Okiih tipaacimaawaa' kaye aaniin kaa'ishihsenitc i'i ininiwa' kaakiih kikishkaakonihpan maciahcaahkwa'. 34Kahkina tahsh i'imaa kaakii'-onciiwaatc ootenaank okiihpianta nakishkawaawaan Ciisahsoon. Ahpii tahsh kaawaapamaawaatc, okii'-antawenimaawaan inkoci 'imaa cionci ishaanitc otahkiimiwaank.
Currently Selected:
Maahtiyo 8: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Maahtiyo 8
8
Ciisahs kii'minoayaa'aatc kaakii'-omikiiwaahpinenitc
(Mark 1.40-45; Luke 5.12-16)
1Ahpii tahsh Ciisahs ekiih piniihsaamaciwetc, aahpici kiihpaahtiinowa' awiya' kaakiih piminisha'okotc. 2Peshik itahsh ininiwan e'omikiiwaahpinenitc okiih pinaasihkaakoon ekii'-ociciinkwanapinitc, ekii'-ikotc: “Tepencikeyan, kiishpin inentaman kitaa kashki'ihsh cipehki'ikoowisiyaan.” 3Ciisahs tahsh shemaak kii'‑ishinihkeni ekiih saaminaatc,#8.3 ekiihsaaminaatc: awiiya hsa kaakii'-omikiiwaahpinetc kii'‑inakimaa ekii'-wiinaahpinetc, miitahsh kaakii'-onci manaa saaminikaniwitc. Waapantan omikiiwaahpinewin, wiinentaakosiwin kaye, ihkitowinan kaashi oshipii'ikaatekin. o'o tahsh okii'-inaan: “Nintinentam ciminoayaa'inaan, mii'i ishiminoayaan.” Shemaak itahsh okii'-nakanikoni i'i kaakii'ishi omikiiwaahpinenitc. 4Ciisahs tahsh okii'-inaan: “Pisintawihshin, keko wiin awiya wiintamawaahken. Shemaak itahsh antawaapam a'a anami'ewikimaa ciantawimihk. Miitahsh ishi pakitinaahsoohkan kaakii'ishi kihkino'amaaketc a'a Moosihs (Moses) kahkina awiya citepwehtawihk aasha ekiih pehki'ikooyan,” okii'-inaan.
Shimaakanihshiiwikimaa otanohkii'aakanan ekii'-minoayaa'imintc
(Luke 7.1-10)
5Ahpii tahsh Ciisahs ehpi takohshink i'imaa Kaparniyamiink (Capernaum), Oroom (Rome) kaaonci tipentaakosinitc shimaakanihshiiwikimaan#8.5 Oroom (Rome) kaaonci tipentaakosinitc shimaakanihshiiwikimaan: waapantan 5.41. okii'-nakishkaakoon ekiih pakohsenimikotc ciwiitoohkawaatc, 6o'o ekii'-ikotc: “Tepencikeyan, peshik nintanohkii'aakan wiinke kihciaahkosi i'iweti kaaishitaayaan. Mihcipimihshin onipewinink, kaawiin kaye waahkawiihsii, maawac iko ehkakwaatakihtootc.” 7Ciisahs tahsh okii'ishi nahkwehtawaan: “Ninka ishaa, ninka antaminoayaa'aa.” 8Shimaakanihshiiwikimaa tahsh kii'‑ihkito: “Kaawiin ninte ahpiihtentaakosihsii cipiintikeyan niwaahkaa'ikanink. Mihcikiikiton ehta, miitahsh ciminoayaatc nintanohkii'aakan. 9Aaniihsh keniin nintayaawaak nintookimaamak, nintookimaahkantawaak kaye shimaakanihshak. Kiishpin peshik kii inak: ‘Maacaan,’ mii'i eshi maacaatc. Miinawaa peshik e'inak: ‘Piishaan,’ mii'i eshi piishaatc. Wa'a kaye kiianoonak kaapamiihtamawitc kekoonini ci‑ishihciketc, mii'i eshihciketc.” 10Ahpii tahsh Ciisahs ekii'-noontank, aahpici kiihkihcimaamahkaatentam, ekii'-inaatc i'i kaakii'-wiiciiwikotc: “Kekoon kitinininim: kaawiin wiihkaa niwaapamaahsii awiya i'imaa Isriyalink (Israel) kaaonciitc ciahpiihci tepweyentank taapishkoo wa'a kaaishi waapamak noonkom. 11#Luk 13.29. Kakwe maamihkawihk tahsh o'owe: Paanimaa maawacihsitootc Kishemanitoo otipencikewin, aahpici tapaahtiinowak awiyak waapanonk kaye nikaapii'anonk kepi onciiwaatc ciwiitapimaawaatc ciwiiciwiihsiniimaawaatc Eparahaaman (Abraham), Aaisikoon (Isaac), Cekapoon (Jacob) kaye kaawii'ishi wiihkwantinaaniwaninik. 12#Mat 22.13; 25.30; Luk 13.28. Iki tahsh mayaa kekii'-ayaawaahpan i'imaa Kishemanitoo oTipencikewinink,#8.12 kekii'-ayaawaahpan i'imaa Kishemanitoo oTipencikewinink: miiwak iitok Isriyalihkaank (Israel) kaaonci tipentaakosiwaatc. miiwakiki keishi wepinintwaa i'imaa wanitipihkanonk, miitahsh weti keshi mawiwaatc, oka matwentaanaawaan kaye wiipitiwaan,” okii'-inaa'. 13Miitahsh okii'-inaan ini shimaakanihshiiwikimaan: “Maacaan, mii'i ishi kiiwen, mii ko piko keishihnaakwahk kaa'ishi tepwehtaman,” okii'-inaan. Otanohkii'aakanan tahsh kii'minoayaawan i'iwe ahpii peshikwan entahso tipa'ikaneyaanik.
Ciisahs okii'-minoayaa'aa' niipiwa' awiya'
(Mark 1.29-34; Luke 4.38-41)
14Ciisahs itahsh kii'‑ishaa Piitaroon (Peter) eshitaanitc. Okii'-waapamaan Piitaroon osikohsini ehkishisowaahpinenitc e'mihcipimihshininitc i'imaa nipewinaahkonk. 15Okiih saaminaan oninciiniink ini ihkwewan. Shemaak itahsh okii'-nakanikoni i'i otaahkosiwinini. Miitahsh kaa'ishi wanishkaanitc shemaak ekiih pami'ikowaatc.
16Ahpii tahsh e'ani onaakohshininik awiyak okiih piitamawaawaan Ciisahsoon i'iweniwa' kaakiih kikishkaakonitc maciahcaahkwa'. Ciisahs tahsh peshik ihkitowin okii'-aapacihtoon ehsaakiciwepinaatc i'i maciahcaahkwa', ekii'-minoayaa'aatc kaye kahkina kaa‑aahkosinitc. 17#Isa 53.4. Miitahsh o'o kaakii'onci ishihciketc, mayaa piko ci‑ishihsenik aaniin kaakii'-ihkitokopanen a'a otipaacimo Aaiseya (Isaiah) a'a kaakiih-kanootamawaatc Kishemanitoon mewisha: “Wiin ihsa piko kikii'-otaahpinamaakonaan kitaahkosiwininaanin kaye okii'-maaciitoonan kahkina kitinaahpinewininaanin.”
Iki kaawiih piminisha'waawaahpan Ciisahsoon
(Luke 9.57-62)
18Ciisahs tahsh ekii'-waapamaatc ehpiihci paahtiinonitc awiya' e'waahkaashkaakotc okiih kanoonaa' okihkino'amawaakana' akaamisaaka'ikan ci‑ishaawaatc. 19Peshik itahsh kaakihkino'amaakenitc Onahshowewin okiih pinaasihkaakoon ekii'-ikotc: “Kihkino'amaake, kika wiiciiwin aanti piko keishaayan.”
20Ciisahs tahsh okii'ishi nahkwehtawaan: “Iki waakohshak owaashiwak, iki kaye pinehshiinshak owasihswaniwak. Niin tahsh Inini oKosihsan kaawiin nintayaahsiin aanti keshi pimihshinaan cianwehshinaan,” kii'‑ihkito.
21Iniweniwan itahsh peshik okihkino'amawaakanan kaakiih piminisha'okotc okiih kanoonikoon: “Tepencikeyan, taka pakitinihshin ahkawe ciwii'awi na'inak nintete,”#8.21 ciwii'-awina'inak nintete: mii maawiin o'o kaanihtaa‑ayihkitowaatc Coowak: ‘Niwii'-naanaakaci'aa hsa nintete minihk iko kepimaatisitc.’ okii'-ikoon.
22Ciisahs itahsh okii'ishi nahkwehtawaan: “Piminisha'ohshin. Nakash iki kaanipowentaakosiwaatc. Wiinawaa ko oka tashiihkaanaawaa cina'inaawaatc otinawemaakaniwaa' kaawii'-niponitc,” okii'-inaan.
Ciisahs otipentaan nootinini
(Mark 4.35-41; Luke 8.22-25)
23Ciisahs tahsh kii'ani poosi i'imaa ciimaanink kaye okihkino'amawaakana' okii'ani wiiciiwikoo'. 24Aahpici tahsh kiihsesakooci pakamaanimanini i'imaa saaka'ikaniink. Aahpici tahsh kiihkihcimamaankaashkaani, ekiih kihci saahsiika'okowaatc. Aanciko tahsh wiin Ciisahs kii'nanipaa. 25Iki tahsh kihkino'amawaakanak pehsho okii'-naasihkawaawaan ekii'-aamaci'aawaatc kaye ekii'-inaawaatc: “Tepencikeyan, pimaaci'ihshinaam! Aasha kinihshiwanaatisimin!”
26Ciisahs okii'-inaa': “Kiinawaa kaa/akaahsink kitepweyentamowiniwaa! Wekonen wenci sekisiyek?” Kii'-waanishkaa tahsh ekiih kanootank nootinini, saaka'ikaniini kaye, wiinke tahsh kii'ani anwaahtinini.
27Kahkina tahsh kiihkihcimaamahkaatentamook ekii'-ihkitowaatc: “Kaanaka awekwen entinoowikwen wa'a inini? Awaac kaye nootin, saaka'ikan kaye ehpisintaakotc!”
Ciisahs ekiih pimaaci'aatc niishin ininiwa' maciahcaahkwa' kaakikishkaakonitc
(Mark 5.1-20; Luke 8.26-39)
28Ciisahs tahsh ahpii kaahpi takohshink i'imaa Kaatara#8.28 Kaatara: mii hsa 'owe ootena kaakii'-icikaatek kaakii'-ishitaawaatc kaakiih Coowiwisikwaa, niishwaahso (7) tipa'ikan (11 km) minihk shaawanoo waapanonk inahke kaashi ayaak Kaalaliiwi Saaka'ikan. (Gadara) ahkiink akaamink okii'-nakishkaakoo' niishin ininiwa' ekii'-onciinitc i'imaa kaaishitaanitc na'initiiwikamikonk e'ayaanikin kaashi wiimpahkamikaanikin. I'i tahsh kaa'‑ahpiihci kohtaanentaakosinitc ininiwa' kaawiin awiya kii'‑ishaahsii i'imaa ciikaya'ii, aaniihsh maciahcaahkwa' okiih kikishkaakoni. 29Miitahsh kaa'ishipiipaakiwaatc: “Aaniin waahtootawiyaank kiin Kishemanitoo oKosihsan! Mii na 'i aasha ewiih kakwaataki'iyaank cipwaa ocihcihsek ahpii kaawiih kakwaatakihtooyaank?”
30Kaawiin aahpici waahsa i'imaa kiihtashi wiihsiniwak ekiih paahtiinowaatc koohkoohshak. 31Iki tahsh maciahcaahkwak okii'-inaawaan: “Kiishpin wiih saakicinisha'ohshiyaank i'imaa ishi piintikenisha'ohshinaam koohkoohshihkaank.”
32Ciisahs tahsh okii'-inaa': “Maacaak.” Miitahsh kaa'ishi saaka'aminitc, ekii'awi piintikeshkawaanitc i'i koohkoohsha'. Shemaak tahsh kahkina kaaohkwenonitc koohkoohsha' kii'maaciipa'itiwa' eshi kiishkaamatinaanik ekiih kahkaciwe pahkopiipahtoonitc i'imaa saaka'ikaniink, kahkina tahsh kii'nihsaapaawewa'.
33Kaakiih kanawenimaawaatc itahsh i'i koohkoohsha' kiihtapasiiwak. Ootenaank kii'‑ishaawak ekiih caakitipaacimowaatc aaniin kaa'inahkamikaninik. Okiih tipaacimaawaa' kaye aaniin kaa'ishihsenitc i'i ininiwa' kaakiih kikishkaakonihpan maciahcaahkwa'. 34Kahkina tahsh i'imaa kaakii'-onciiwaatc ootenaank okiihpianta nakishkawaawaan Ciisahsoon. Ahpii tahsh kaawaapamaawaatc, okii'-antawenimaawaan inkoci 'imaa cionci ishaanitc otahkiimiwaank.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society