Caahshowaa 2
2
Caahshowaa Kii'ishinisha'waatc Okiimoosaapii' Ci'antawaapantaminitc Kihci'ootenaani Cerahko
1 #
Heb 11.31; Jas 2.25. Caahshowaa (Joshua) tahsh kaakii otetetc Nanan (Nun) i'imaa Akesha (Acacia) ayaawinink ecikaatenik okii onci maacinisha'waa' niishin (2) ininiwa' cianta kiimoosaapinitc o'o ekii'inaatc, “Maacaak anta waapantamok i'i ahki, memintake ko i'i kihci ootena Cerahko (Jericho). Miitahsh kaaishi maacaawaatc iki niishin ininiwak. Weti tahsh kii‑ishi takohshinook owaahkaa'ikaninink ini pihshikwaacihkwewan Orehaap (Rahab) eshinihkaasonitc.” Miitahsh i'imaa kaaishi tipihkihshiwaatc. 2A'a tahsh kaakiih kihciokimaawitc i'imaa Cerahko kiinoontam ekii'inintc, “Inashke hsa ininiwak Isriyalihkaank onciiwak kaapiishaawaatc o'omaa noonkom kaaonaakohshininik, ehpi anta kihkentamowaatc o'o ahkiini.” 3Miitahsh a'a kihciokimaa kaa'inaatc Orehaapoon, “Saakisi' hsa iki ininiwak kaakii otihsihkwaa i'imaa kiwaahkaa'ikanink. Kiihpiishaawak ohsha ekiih pi'anta kihkentamowaatc o'o ahkiini,” kii‑ihkito.
4A'a tahsh ihkwe kii‑ishihcike ekiih kaanaatc i'i niishin ininiwa', miitahsh kaaihkitotc, “Eya', tepwe hsa ininiwak ninkiih pi otihsikook, kaawiin hsa ninkihkenimaahsiik tipi kaahpi onciiwaakwen. 5Ahpii hsa ko kiiani ocihcihsek cikipa'ikaatek maawac iko kihci ishkwaantem kiini tipihkahk, mii 'i ahpii kaamaacaawaatc, kaawiin tahsh ninkihkenimaahsiik tipi kaaishaawaakwen, inashke wewiip iko piminisha'ohkwak, ciatimekwaa,” kii‑ihkito. 6A'a tahsh ihkwe kii‑ishiwinaakopan i'i ininiwa' wakitapahk, ekii ishi kaanaakopanen i'imaa anaamaaya'ii kaakii ishi ohkwaahkohsininikin mihtikonhsan ishiikin wenci oshihcikaatenik. Wakitapahk hsa kiiahtookopan a'a ihkwe ini mihtikonhsan. 7Kaaishkwaa maacaanitc itahsh i'i kihciokimaa otininiima' ehpiminisha'waanitc okiimoosaapii', mii hsa 'i kaaishi kipa'ikaatenik i'i kihci ishkwaantem. Weti kii‑ishi antone'ikewa' miihkanaank enamoninik inahke Cwaartan siipink.
8Miihsh iinsan kaakii anta waapamaatc i'i ininiwa' cipwaa kawihshimonitc weti wakitapahk. 9Miitahsh kaa'inaatc, “Ninkihkentaan hsa kaaTipenciketc ekii miininek o'o ahkiini, wawiinke kaye kikohsikoom, kahkina hsa ko pemaatisiwaatc o'omaa ahkiink nininkaanimisiwak wiinke ekohtaaciwaatc. 10#Exo 14.21. Ninkii noontaamin ohsha aaniin kaaTipenciketc kaakii ishi paankwahkamikihtootc i'i Misko kihcikamiini (Red Sea) keshi pimohsewek ahpii Iicipahkiink (Egypt) kiihpi'onci saaka'amek. Ninkii noontaamin kaye aaniin kaahtootawekwaa iki niishin kihciokimaak Saaihaan (Sihon), a'a kaye Aak (Og) kaakii ishinihkaasowaatc kaakiih tipenimaawaatc Emorii kaatinowinitc (Amorites) weti akaamink Cwaartan Siipink. 11Ahpii tahsh kiinoontamaank ninkii nininkite'eyaanimisimin, kahkina hsa ninkiih pakitaanimisimin kiinawaa onci, aaniihsh kaaTipenciketc kiKishemanitoomiwaa, Kishemanitoowi weti ishpimink kiishikonk o'omaa kaye ahkiink. 12Taka tahsh kaaTipenciketc ahpimok, niin ekii minotootawinakook, kekiinawaa tahsh ciminotootawekwaa nintetenk kaaonciiwaatc, kekoon hsa kihkinawaacihcikek keonci tepweyeniminakook. 13I'iwe tahsh ahpii ishihsek keko nihsaahkek, nintete, nimaamaa, nintawemaak, niicihkwek kaye, i'i kaye kahkina kaatipenimaawaatc, keko pakitinihshinaahkaank cinihsikoyaank,” kii‑ihkito a'a ihkwe.
14Miihsh o'o iki ininiwak kaa'inaawaatc, “Taka niinawint meshkwac pisaan ninka nihsikoomin ahpiihc kiin kiishpin tipaacimohsiwan wekonen wenci piishaayaank. Ahpii tahsh kaaTipenciketc miininankitc o'o ahkiini aahpici hsa kika minotootaakoo, weweni kaye kika tootaakoo,” okii'inaawaan.
15A'a tahsh ihkwe Orehaap i'imaa kaakii ishi waahkaayaapihkinikaatenik kihci ootenaani kii‑ishitaa. Mii hsa tahsh kaaishihciketc, ekii niihsaapiikinaatc i'i ininiwa' owaahsehcikanink. 16Mii hsa kaa'inaatc, “Weti hsa kaashi papiihkwatinaak ahpa'iwek ciatimihsinowinekwaa iki kepiminisha'onekwaa! Nihsokiishik itahsh weti kaasoohkek, paanimaa tahsh kiihkiiwewaatc kepiminisha'onekwaa, miitahsh payesh ishi kiiwehkek,” okii inaa'.
17Miihsh o'o okiimoosaapiik kaa'inaawaatc ini ihkwewan, “Ninka kanawentaamin hsa i'i kashi ahpimoyaank e'ishiyaank ciaayiici ahshotamaakooyan, 18ahpii pikacishkinamaakeyaank o'o ahki. Kiishpin kota ehta kiiakootooyan o'o miskweyaap i'imaa waahsehcikanink kaakii onci niihsaapiikiniyaank, kiishpin kaye ehta kiihpiinatwaapan kitete, kimaamaa kaye, kiicishaanak kaye, i'i kaye kahkina enawemaawaatc i'imaa kiwaahkaa'ikanink. 19Kiishpin itahsh wiin awiya kiwaahkaa'ikanink onci saaka'ank miihkanaank itahsh ishaatc, wiin hsa i'i otishihcikewin, kaawiin niinawint kekoon ninka ishi anaamentaakosihsiimin. Kiishpin itahsh wiin awiya kiwaahkaa'ikanink eyaatc nihsintc itahsh, niinawint hsa ninka anaamentaakosimin aaniin keishihsetc. 20Kiishpin itahsh kaye tipaacimiyaank aaniin eshihcikeyaank, mii hsa 'i cipakicishkaakoyaank i'i kaakiih tootawiyaank ciaayiici ahshotamaakooyan,” okii'inaawaan. 21Miihsh o'o kaaikowaatc ini ihkwewan, “Mii hsa 'i keishinaakwahk kaaihkitoyek.” Miitahsh kaaishi maacinisha'okowaatc. Okiih tahkopitooni tahsh kaye miskweyaap owaahsehcikaniniink. Miitahsh kaaishi maacaawaatc.
22Eshi papiihkwatinaanik itahsh inahke kii‑ishi maacaawak, nihsokiishik weti ekii ayaawaatc paanimaa hsa kaahkiiwenitc i'i kaakiih piminisha'okowaatc. I'i hsa kaakiih piminisha'okowaatc misiwe miihkanaank okii ishi nanaantone'okowaa', kaawiin itahsh okii mihkaakohsiiwaa'. 23Miihsh iki niishin ininiwak kiiniihsaamaciwewak eshi papiihkwatinaanik, siipiini kaye ekii aashawishkaawaatc ekiih kiiwewaatc. Kii‑ishi takohshinook itahsh eshi'ayaanitc Caahshowaan kaakii otetenitc Nanan. Miihsh kaakii wiintamawaawaatc kahkina kaaishihsewaatc. 24O'o hsa okii'inaawaan Caahshowaan, “KaaTipenciketc hsa tepwe kimiinikonaan i'i misiwe ahkiini cimahkantwewank; kahkina kaye pemaatisiwaatc weti eyaawaatc ishi'ayaawak taapishkoo enininkishkaawaatc ehpiihtaanimisiwaatc, kiinawint onci,” okii'inaawaan.
Currently Selected:
Caahshowaa 2: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Caahshowaa 2
2
Caahshowaa Kii'ishinisha'waatc Okiimoosaapii' Ci'antawaapantaminitc Kihci'ootenaani Cerahko
1 #
Heb 11.31; Jas 2.25. Caahshowaa (Joshua) tahsh kaakii otetetc Nanan (Nun) i'imaa Akesha (Acacia) ayaawinink ecikaatenik okii onci maacinisha'waa' niishin (2) ininiwa' cianta kiimoosaapinitc o'o ekii'inaatc, “Maacaak anta waapantamok i'i ahki, memintake ko i'i kihci ootena Cerahko (Jericho). Miitahsh kaaishi maacaawaatc iki niishin ininiwak. Weti tahsh kii‑ishi takohshinook owaahkaa'ikaninink ini pihshikwaacihkwewan Orehaap (Rahab) eshinihkaasonitc.” Miitahsh i'imaa kaaishi tipihkihshiwaatc. 2A'a tahsh kaakiih kihciokimaawitc i'imaa Cerahko kiinoontam ekii'inintc, “Inashke hsa ininiwak Isriyalihkaank onciiwak kaapiishaawaatc o'omaa noonkom kaaonaakohshininik, ehpi anta kihkentamowaatc o'o ahkiini.” 3Miitahsh a'a kihciokimaa kaa'inaatc Orehaapoon, “Saakisi' hsa iki ininiwak kaakii otihsihkwaa i'imaa kiwaahkaa'ikanink. Kiihpiishaawak ohsha ekiih pi'anta kihkentamowaatc o'o ahkiini,” kii‑ihkito.
4A'a tahsh ihkwe kii‑ishihcike ekiih kaanaatc i'i niishin ininiwa', miitahsh kaaihkitotc, “Eya', tepwe hsa ininiwak ninkiih pi otihsikook, kaawiin hsa ninkihkenimaahsiik tipi kaahpi onciiwaakwen. 5Ahpii hsa ko kiiani ocihcihsek cikipa'ikaatek maawac iko kihci ishkwaantem kiini tipihkahk, mii 'i ahpii kaamaacaawaatc, kaawiin tahsh ninkihkenimaahsiik tipi kaaishaawaakwen, inashke wewiip iko piminisha'ohkwak, ciatimekwaa,” kii‑ihkito. 6A'a tahsh ihkwe kii‑ishiwinaakopan i'i ininiwa' wakitapahk, ekii ishi kaanaakopanen i'imaa anaamaaya'ii kaakii ishi ohkwaahkohsininikin mihtikonhsan ishiikin wenci oshihcikaatenik. Wakitapahk hsa kiiahtookopan a'a ihkwe ini mihtikonhsan. 7Kaaishkwaa maacaanitc itahsh i'i kihciokimaa otininiima' ehpiminisha'waanitc okiimoosaapii', mii hsa 'i kaaishi kipa'ikaatenik i'i kihci ishkwaantem. Weti kii‑ishi antone'ikewa' miihkanaank enamoninik inahke Cwaartan siipink.
8Miihsh iinsan kaakii anta waapamaatc i'i ininiwa' cipwaa kawihshimonitc weti wakitapahk. 9Miitahsh kaa'inaatc, “Ninkihkentaan hsa kaaTipenciketc ekii miininek o'o ahkiini, wawiinke kaye kikohsikoom, kahkina hsa ko pemaatisiwaatc o'omaa ahkiink nininkaanimisiwak wiinke ekohtaaciwaatc. 10#Exo 14.21. Ninkii noontaamin ohsha aaniin kaaTipenciketc kaakii ishi paankwahkamikihtootc i'i Misko kihcikamiini (Red Sea) keshi pimohsewek ahpii Iicipahkiink (Egypt) kiihpi'onci saaka'amek. Ninkii noontaamin kaye aaniin kaahtootawekwaa iki niishin kihciokimaak Saaihaan (Sihon), a'a kaye Aak (Og) kaakii ishinihkaasowaatc kaakiih tipenimaawaatc Emorii kaatinowinitc (Amorites) weti akaamink Cwaartan Siipink. 11Ahpii tahsh kiinoontamaank ninkii nininkite'eyaanimisimin, kahkina hsa ninkiih pakitaanimisimin kiinawaa onci, aaniihsh kaaTipenciketc kiKishemanitoomiwaa, Kishemanitoowi weti ishpimink kiishikonk o'omaa kaye ahkiink. 12Taka tahsh kaaTipenciketc ahpimok, niin ekii minotootawinakook, kekiinawaa tahsh ciminotootawekwaa nintetenk kaaonciiwaatc, kekoon hsa kihkinawaacihcikek keonci tepweyeniminakook. 13I'iwe tahsh ahpii ishihsek keko nihsaahkek, nintete, nimaamaa, nintawemaak, niicihkwek kaye, i'i kaye kahkina kaatipenimaawaatc, keko pakitinihshinaahkaank cinihsikoyaank,” kii‑ihkito a'a ihkwe.
14Miihsh o'o iki ininiwak kaa'inaawaatc, “Taka niinawint meshkwac pisaan ninka nihsikoomin ahpiihc kiin kiishpin tipaacimohsiwan wekonen wenci piishaayaank. Ahpii tahsh kaaTipenciketc miininankitc o'o ahkiini aahpici hsa kika minotootaakoo, weweni kaye kika tootaakoo,” okii'inaawaan.
15A'a tahsh ihkwe Orehaap i'imaa kaakii ishi waahkaayaapihkinikaatenik kihci ootenaani kii‑ishitaa. Mii hsa tahsh kaaishihciketc, ekii niihsaapiikinaatc i'i ininiwa' owaahsehcikanink. 16Mii hsa kaa'inaatc, “Weti hsa kaashi papiihkwatinaak ahpa'iwek ciatimihsinowinekwaa iki kepiminisha'onekwaa! Nihsokiishik itahsh weti kaasoohkek, paanimaa tahsh kiihkiiwewaatc kepiminisha'onekwaa, miitahsh payesh ishi kiiwehkek,” okii inaa'.
17Miihsh o'o okiimoosaapiik kaa'inaawaatc ini ihkwewan, “Ninka kanawentaamin hsa i'i kashi ahpimoyaank e'ishiyaank ciaayiici ahshotamaakooyan, 18ahpii pikacishkinamaakeyaank o'o ahki. Kiishpin kota ehta kiiakootooyan o'o miskweyaap i'imaa waahsehcikanink kaakii onci niihsaapiikiniyaank, kiishpin kaye ehta kiihpiinatwaapan kitete, kimaamaa kaye, kiicishaanak kaye, i'i kaye kahkina enawemaawaatc i'imaa kiwaahkaa'ikanink. 19Kiishpin itahsh wiin awiya kiwaahkaa'ikanink onci saaka'ank miihkanaank itahsh ishaatc, wiin hsa i'i otishihcikewin, kaawiin niinawint kekoon ninka ishi anaamentaakosihsiimin. Kiishpin itahsh wiin awiya kiwaahkaa'ikanink eyaatc nihsintc itahsh, niinawint hsa ninka anaamentaakosimin aaniin keishihsetc. 20Kiishpin itahsh kaye tipaacimiyaank aaniin eshihcikeyaank, mii hsa 'i cipakicishkaakoyaank i'i kaakiih tootawiyaank ciaayiici ahshotamaakooyan,” okii'inaawaan. 21Miihsh o'o kaaikowaatc ini ihkwewan, “Mii hsa 'i keishinaakwahk kaaihkitoyek.” Miitahsh kaaishi maacinisha'okowaatc. Okiih tahkopitooni tahsh kaye miskweyaap owaahsehcikaniniink. Miitahsh kaaishi maacaawaatc.
22Eshi papiihkwatinaanik itahsh inahke kii‑ishi maacaawak, nihsokiishik weti ekii ayaawaatc paanimaa hsa kaahkiiwenitc i'i kaakiih piminisha'okowaatc. I'i hsa kaakiih piminisha'okowaatc misiwe miihkanaank okii ishi nanaantone'okowaa', kaawiin itahsh okii mihkaakohsiiwaa'. 23Miihsh iki niishin ininiwak kiiniihsaamaciwewak eshi papiihkwatinaanik, siipiini kaye ekii aashawishkaawaatc ekiih kiiwewaatc. Kii‑ishi takohshinook itahsh eshi'ayaanitc Caahshowaan kaakii otetenitc Nanan. Miihsh kaakii wiintamawaawaatc kahkina kaaishihsewaatc. 24O'o hsa okii'inaawaan Caahshowaan, “KaaTipenciketc hsa tepwe kimiinikonaan i'i misiwe ahkiini cimahkantwewank; kahkina kaye pemaatisiwaatc weti eyaawaatc ishi'ayaawak taapishkoo enininkishkaawaatc ehpiihtaanimisiwaatc, kiinawint onci,” okii'inaawaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society