Caahshowaa 1
1
Kishemanitoon Kii'anoonikotc Caahshowaa Cimahkantwetc Kenan Ahki
1Ahpii tahsh naanaake kaaishkwaa pimaatisitc Moosihs (Moses) kaa‑anohkiihtawaatc kaaTipencikenitc, mii hsa kaaTipenciketc kaakii'inaatc Caahshowaan (Joshua) kaakii otetenitc Nanan (Nun). Caahshowaa iitok kaakii anohkiihtawaatc Moosihsoon. 2O'o ekii'inaatc, “A'a hsa Moosihs nintanohkii'aakan kaawiin pimaatisihsii. Taka tahsh wanishkaan ciaashawishkaayan i'i Cwaartan (Jordan) siipi. Kiin kota, iki kaye kahkina pemaatisiwaatc, ci‑ishaawaatc weti ahkiink kaawii miinakwaa, taapishkoo kaakii'inak Moosihs. 3#Deu 11.24,25. Minihk tahsh iko keni saamishkaamek i'i ahki, mii hsa 'iwe kaamiininakook taapishkoo Moosihs kaakii'inak. 4O'omaa hsa pikwatahkamik piinihsh weti kiiwetinonk Lepanan (Lebanon) inahke, piinihsh itahsh weti kihci siipink Iyoohparetiis (Euphrates) ecikaatek, kahkina kaye i'i ahkiini kaataanotamowaatc iki Heht (Hittites) kaatinowiwaatc, piinihsh tahsh weti kihcikamiink inahke kaashi pankihshimotc kiisihs, mii hsa 'iwe keotahkiimiyek. 5#Deu 31.6,8; Heb 13.5. Kaawiin kaye awiya kika shaakooci'ikohsii minihk kepimaatisiyan; taapishkoo kaakii ishi wiiciiwak Moosihs mii 'i keshi wiiciiwinaan. Mooshak hsa piko kika wiiciiwin, kaawiin wiihkaa kika nakanihsinoon. 6#Deu 31.6,7,23. Mashkawi ayaan, mashkawentan kaye; kiin iitok kaawii miinatwaa oko pemaatisiwaatc citipinawewisiwaatc i'i ahkiini kaakii ahshotamawimak okehteya'aamiwaapanii' ewii miinimakipan. 7Mii ehtako mashkawi ayaan, wawiinke kaye mashkawentan; weweni ishihciken citootamowatc kahkina inaahkonikewinan Moosihs nintanohkii'aakanipan kaakii inihk ci‑ishihcikewatc. Keko kaye kwehkiinotankek kikihcinihkiwaank inahke ci‑ishaayek, komaa kaye kinamantinihkiwaank. Miitahsh i'i ciminohseyek aaniinti piko keishaayek. 8O'o kaye masina'ikan inaahkonikewin kaashi oshipii'ikaatek keko pooni wiintanken, mii hsa iwe kenaanaakatawentaman entahso kiishik, entahso tipihk kaye, weweni hsa ci‑ishihcikeyan kahkina kaaishipii'ikaatek. Miitahsh ciwenoocihseyan, miikaye'i ciminohseyan. 9Miitahsh o'o eninaan, ‘Mashkawi ayaan, mashkawentan kaye, keko kaye sekisihken, keko kaye noonte pakitentanken; kaaTipenciketc kiKishemanitoom ohsha kiwiiciiwik aanti piko eshaayan.’ ”
Caahshowaa Kiikanoonaatc Pemaatisinitc Aaniin Ke'ishihcikenitc
10Caahshowaa (Joshua) tahsh okii inaa' kaakii aanihke niikaanentaakosinitc pemaatisinitc o'o ekii'inaatc, 11“Misiwe ishaak mekweya'ii kaashi kapehshink o'o ci‑inanoonekwaa pemaatisiwaatc, ‘Oshiihtaanotamok miicim kemaaciitooyek. Nihsokiishik (3) hsa ishihsek kika aashawishkaam Cwaartan (Jordan) Siipi, ciawi piintikeshkaayek i'i ahki citipinawewisiyek kaaTipenciketc kiKishemanitoomiwaa kaamiininek, kiinawaa piko citipinawewisiyek,’ ” okii inaa'.
12Miitahsh o'o Caahshowaa kaa'inaatc i'i Oroopanink (Reuben) wentahkaanesinitc, Ketink (Gad) kaye, i'i aapihta minihk Manaahsahkaank (Manasseh) wentahkaanesinitc, 13“Maamihkawik o'o kaakii'ininekipan Moosihs (Moses) kaakii anohkiihtawaatc kaaTipencikenitc, ‘KaaTipenciketc kiKishemanitoomiwaa kimiinikowaa anwepiwin, miihsh o'o ahkiini kaamiininek.’ 14Kiwiiwiwaak, kiniicaanihsiwaak kaye, kitawahkaaniwaak hsa kaye ta‑ayaawak o'omaa nahke Cwaartan siipink Moosihs kaakii'ininek ciayaawek. Shaakooc itahsh iki kaashimaakanihshiiwiwaatc ta‑aashawishkaawak cikiishiiwaatc ciwii miikaasowaatc, ciniikaaniihtamawaawaatc owiici onciimaakaniwaa', ciwiici'aawaatc. 15Paanimaa tahsh kika pikiiwem kii‑ishkwaa tepinamowaatc ahkiini aanti keshi anwepiwaatc. I'iweni ketipinawewisiwaatc ninkaapii'anonk inahke Cwaartan siipink ayaani, kaaTipencikenitc kiKishemanitoomiwaan kemiinikowaatc. Ahpii tahsh kahkina Isriyalak (Israel) kiioshi kapehshiwaatc, amiihsh kepishi kiiwenotamek kitahkiimiwaa citipinawewisiyek. Moosihs kaakii anohkiihtawaatc kaaTipencikenitc kikii miinikowaa ciayaawek eyaanik waapanonk inahke Cwaartan siipink,” okii inaa'.
16Miihsh o'o kaaishi nahkwehtaakotc, “Aaniin hsa piko eshi anooshiyaank ninka ishihcikemin, aaniinti piko kaye keishinisha'oyaank ninka ishaamin. 17Taapishkoo hsa misiwe kaakii ishi na'ihtawankitc Moosihs, mii hsa 'i kekiin keshi na'ihtaakooyan; miitahsh ehtako taka kaaTipenciketc kiKishemanitoom kika wiiciiwik, taapishkoo kaakii ishi wiiciiwaatc Moosihsoon. 18Awenen itahsh keshashiipihtank enaahkonikewatc, na'ihtansik kaye kahkina kaaihkitowatc, mii hsa 'a kenihcikaniwitc; kiin itahsh mashkawi ayaan, mashkawentan kaye,” okii'ikoo'.
Currently Selected:
Caahshowaa 1: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Caahshowaa 1
1
Kishemanitoon Kii'anoonikotc Caahshowaa Cimahkantwetc Kenan Ahki
1Ahpii tahsh naanaake kaaishkwaa pimaatisitc Moosihs (Moses) kaa‑anohkiihtawaatc kaaTipencikenitc, mii hsa kaaTipenciketc kaakii'inaatc Caahshowaan (Joshua) kaakii otetenitc Nanan (Nun). Caahshowaa iitok kaakii anohkiihtawaatc Moosihsoon. 2O'o ekii'inaatc, “A'a hsa Moosihs nintanohkii'aakan kaawiin pimaatisihsii. Taka tahsh wanishkaan ciaashawishkaayan i'i Cwaartan (Jordan) siipi. Kiin kota, iki kaye kahkina pemaatisiwaatc, ci‑ishaawaatc weti ahkiink kaawii miinakwaa, taapishkoo kaakii'inak Moosihs. 3#Deu 11.24,25. Minihk tahsh iko keni saamishkaamek i'i ahki, mii hsa 'iwe kaamiininakook taapishkoo Moosihs kaakii'inak. 4O'omaa hsa pikwatahkamik piinihsh weti kiiwetinonk Lepanan (Lebanon) inahke, piinihsh itahsh weti kihci siipink Iyoohparetiis (Euphrates) ecikaatek, kahkina kaye i'i ahkiini kaataanotamowaatc iki Heht (Hittites) kaatinowiwaatc, piinihsh tahsh weti kihcikamiink inahke kaashi pankihshimotc kiisihs, mii hsa 'iwe keotahkiimiyek. 5#Deu 31.6,8; Heb 13.5. Kaawiin kaye awiya kika shaakooci'ikohsii minihk kepimaatisiyan; taapishkoo kaakii ishi wiiciiwak Moosihs mii 'i keshi wiiciiwinaan. Mooshak hsa piko kika wiiciiwin, kaawiin wiihkaa kika nakanihsinoon. 6#Deu 31.6,7,23. Mashkawi ayaan, mashkawentan kaye; kiin iitok kaawii miinatwaa oko pemaatisiwaatc citipinawewisiwaatc i'i ahkiini kaakii ahshotamawimak okehteya'aamiwaapanii' ewii miinimakipan. 7Mii ehtako mashkawi ayaan, wawiinke kaye mashkawentan; weweni ishihciken citootamowatc kahkina inaahkonikewinan Moosihs nintanohkii'aakanipan kaakii inihk ci‑ishihcikewatc. Keko kaye kwehkiinotankek kikihcinihkiwaank inahke ci‑ishaayek, komaa kaye kinamantinihkiwaank. Miitahsh i'i ciminohseyek aaniinti piko keishaayek. 8O'o kaye masina'ikan inaahkonikewin kaashi oshipii'ikaatek keko pooni wiintanken, mii hsa iwe kenaanaakatawentaman entahso kiishik, entahso tipihk kaye, weweni hsa ci‑ishihcikeyan kahkina kaaishipii'ikaatek. Miitahsh ciwenoocihseyan, miikaye'i ciminohseyan. 9Miitahsh o'o eninaan, ‘Mashkawi ayaan, mashkawentan kaye, keko kaye sekisihken, keko kaye noonte pakitentanken; kaaTipenciketc kiKishemanitoom ohsha kiwiiciiwik aanti piko eshaayan.’ ”
Caahshowaa Kiikanoonaatc Pemaatisinitc Aaniin Ke'ishihcikenitc
10Caahshowaa (Joshua) tahsh okii inaa' kaakii aanihke niikaanentaakosinitc pemaatisinitc o'o ekii'inaatc, 11“Misiwe ishaak mekweya'ii kaashi kapehshink o'o ci‑inanoonekwaa pemaatisiwaatc, ‘Oshiihtaanotamok miicim kemaaciitooyek. Nihsokiishik (3) hsa ishihsek kika aashawishkaam Cwaartan (Jordan) Siipi, ciawi piintikeshkaayek i'i ahki citipinawewisiyek kaaTipenciketc kiKishemanitoomiwaa kaamiininek, kiinawaa piko citipinawewisiyek,’ ” okii inaa'.
12Miitahsh o'o Caahshowaa kaa'inaatc i'i Oroopanink (Reuben) wentahkaanesinitc, Ketink (Gad) kaye, i'i aapihta minihk Manaahsahkaank (Manasseh) wentahkaanesinitc, 13“Maamihkawik o'o kaakii'ininekipan Moosihs (Moses) kaakii anohkiihtawaatc kaaTipencikenitc, ‘KaaTipenciketc kiKishemanitoomiwaa kimiinikowaa anwepiwin, miihsh o'o ahkiini kaamiininek.’ 14Kiwiiwiwaak, kiniicaanihsiwaak kaye, kitawahkaaniwaak hsa kaye ta‑ayaawak o'omaa nahke Cwaartan siipink Moosihs kaakii'ininek ciayaawek. Shaakooc itahsh iki kaashimaakanihshiiwiwaatc ta‑aashawishkaawak cikiishiiwaatc ciwii miikaasowaatc, ciniikaaniihtamawaawaatc owiici onciimaakaniwaa', ciwiici'aawaatc. 15Paanimaa tahsh kika pikiiwem kii‑ishkwaa tepinamowaatc ahkiini aanti keshi anwepiwaatc. I'iweni ketipinawewisiwaatc ninkaapii'anonk inahke Cwaartan siipink ayaani, kaaTipencikenitc kiKishemanitoomiwaan kemiinikowaatc. Ahpii tahsh kahkina Isriyalak (Israel) kiioshi kapehshiwaatc, amiihsh kepishi kiiwenotamek kitahkiimiwaa citipinawewisiyek. Moosihs kaakii anohkiihtawaatc kaaTipencikenitc kikii miinikowaa ciayaawek eyaanik waapanonk inahke Cwaartan siipink,” okii inaa'.
16Miihsh o'o kaaishi nahkwehtaakotc, “Aaniin hsa piko eshi anooshiyaank ninka ishihcikemin, aaniinti piko kaye keishinisha'oyaank ninka ishaamin. 17Taapishkoo hsa misiwe kaakii ishi na'ihtawankitc Moosihs, mii hsa 'i kekiin keshi na'ihtaakooyan; miitahsh ehtako taka kaaTipenciketc kiKishemanitoom kika wiiciiwik, taapishkoo kaakii ishi wiiciiwaatc Moosihsoon. 18Awenen itahsh keshashiipihtank enaahkonikewatc, na'ihtansik kaye kahkina kaaihkitowatc, mii hsa 'a kenihcikaniwitc; kiin itahsh mashkawi ayaan, mashkawentan kaye,” okii'ikoo'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society