Ekihsatahs 18
18
Cehtaroo Kii'antawaapamaatc Moosihsoon
1Moosihs oshihshenshan Cehtaroo (Jethro) eshinihkaasonitc kiianami'ewikimaawiwan Miitiyan (Midian) ahkiink. Kiinoontamoon iinsan aaniin Kishemanitoon kaaishi wiici'ikotc Moosihs (Moses), aaniin kaye kaaTipencikenitc kaaishi wiici'ikowaatc Isriyalak kiinakatamowaatc Iicipahki. 2#Exo 2.21,22. Moosihs itahsh iinsan kiihkaanoonaakopan cikiiwenitc wiiwan Sihpoora (Zipporah) eshinihkaasonitc. Miinawaahsh oshihshenshan okiih piitamaakokopan wiiwan eshi'ayaatc. 3#Act 7.29. Niishin ihsa kaye okosihsa' kiihtako piinimaawa'. Peshik ihsa ini okosihsan Kersham (Gershom) kii‑ishinihkaasowan. Moosihs iitok kii‑ihkitokopan, “Piiwitenk nintinentaakos pahkaan ahkiink.” Miihsh i'i kaakii onci ishinihkaanaakopan ini okosihsan. 4O'o tahsh kaye kii‑ihkitokopan, “Nintete oKishemanitooman ihsa ninkii naatamaak, ekiih pimaaci'itc cinihshihsik a'a Iicip kihciokimaa.” Miihsh kaakii onci ishinihkaanaakopan ini kotak okosihsan Eli'iisar (Eliezer). 5Miitahsh Moosihs oshihshenshan Cehtaroowan kaakiih piitamaakotc wiiwan, i'i kaye niishin okosihsa' eshi'ayaatc pikwatahkamik ekii ishi kapehshitc ciikaya'ii i'imaa kihci waciink entanentaakosinitc Kishemanitoon. 6Niiyaak iitok okiih pi wiintamaakoon ini oshihshenshan ewiih pitakohshininitc, ewiih piinaanitc wiiwan ini kaye niishin okosihsa'. 7Moosihs itahsh okii anta nakishkawaan oshihshenshan ekii animihkohtaatc, kaye ekii ociimaatc. Kaa‑ayishkwaa pooshoo'itiwaatc itahsh, kiihpiintikewak pakwaanekamikonk. 8Miitahsh Moosihs kaakii wiintamawaatc Cehtaroon kahkina kekoon aaniin kaaTipencikenitc kaahtootawaanitc Iicip (Egypt) kihciokimaan, i'i kaye pemaatisinitc wenciinitc Iicipahkiink. Okii wiintamawaan kaye aaniin kaapi ishi sanakihsewaatc, kaaTipencikenitc itahsh ekii wiici'ikowaatc. 9Ahpii tahsh kaanoontaminitc ono kahkina, wiinke hsa kiiminohtamoon aaniin kaakii ishi wiici'ikowaatc kaaTipencikenitc. 10Miihsh kaaihkitonitc, “Miikwehc hsa ta'inaakaniwi kaaTipenciketc, kaakiih pimaaci'inek mekwaa ehkakwaataki'inekipan Iicip kihciokimaa, kaye miikwehc taicikaniwi ekiih pimaaci'inek kaakii ishi koohpaaci'inekwaapan pemaatisiwaatc Iicipahkiink eyaawaatc. 11Miitahsh noonkom ekihkentamaan kaaTipenciketc nawac ekihci inentaakositc ahpiihc wiin i'i kotak manitoo', aaniihsh mii 'i kaahtootawaatc iniweniwa' Iicipahkiink wenciinitc weweni kaakiih tootawaahsinik Isriyala' (Israel),” kii‑ihkitowan. 12Miitahsh Cehtaroo kaakiih piitootc kepakitinaahswaatank kiki misiwe piko keankwaahkisikaatenik. Kotak kaye pakitinaahsowinan okiih piitoonan cipakitinamawimintc Kishemanitoon. A'a hsa kaye Eran (Aaron) kiihpiishaa ekiih pi wiiciiwaatc kahkina kaaniikaanisinitc i'imaa Isriyalihkaank. Miihsh kaaishi wiici wiihsiniimaawaatc Cehtaroon enaahsamiinitc Kishemanitoon.
Kii'onaapamintwaa Onaahkonikek
13Eani waapaninik itahsh Moosihs (Moses) okii nana'ahtoonan pemaatisinitc eshi kihci kakanoonitinitc onci kekoonan, wiinke ekii oncaanimiitc. Ehkishepaawakaninik ekii onci waahkaa kaapawinitc eshi apitc piinihsh ekii ani onaakohshininik. 14Oshihshenshan itahsh ewaapantaminitc kahkina Moosihs eshihciketc mii 'i kaa'ikotc, “Aaniin itahsh inaa o'oweni wenci ishihcikehtamawatwaa oko pemaatisiwaatc? Wekonen wenci mihci peshikoyan eonaahkoniweyan pemaatisiwaatc ewaahkaa kaapawinotawihkwaa ehkishepaawakaninik piinihsh itahsh eani onaakohshininik?”
15Miitahsh Moosihs kaaihkitotc, “Oncita ko ishinaakwan o'o ci‑ishihcikeyaan. Pemaatisiwaatc ohsha nimpi naasihkaakook ewii kihkentamowaatc Kishemanitoon enentaminitc. 16Inashke niishin awiyak kiikihci kakanoonitiwaatc, niin nimpi naasihkaakook. Niin itahsh nintoonentaan awenen a'a kwayahk ehkitotc kaashi niishiwaatc, miihsh eshi wiintamawakwaa aaniin Kishemanitoon ehkitonitc, aaniin kaye eshi onahshowenitc.”
17Miihsh kaa'ikotc oshihshenshan, “Kaawiin onishihshinsinoon i'i kaaishihcikeyan. 18Kiin ihsa ko, iki kaye kaanaasihkawihkwaa kika caakiim. Onsaam kikihci anohkii, kaawiin kitaa kashkihtoohsiin cimihci peshikoohkaman. 19Inashke pisintawihshin ewii wiintamawinaan aaniin keishihcikeyampan ciwiiciiwihk Kishemanitoo. Mii hsa 'i kwayahk ehtootaman ehtinowiihtamawatwaa pemaatisiwaatc enaahsamiinitc Kishemanitoon, kaye tahsh ehpiitamawimatc wenci kihci kakanoonitiwaatc. 20Kihkino'amaw ehkitonitc Kishemanitoon, aaniin kaye enahshowenitc ciwiintamawatwaa aaniin keshi pimaatisiwaatc, aaniin kaye mayaa keishihcikewaatc. 21Onaapam itahsh kaakashkihtoowaatc kekoon, kaanakaciiwaatc ininiwak misiwe ciontinatwaa. Onaapam kwehtaanenimaawaatc Kishemanitoon, kaatepweyentaakosiwaatc kaashiinkentamowaatc kakayenisiwin. Miiwak itahsh iki keonaahkonaawaatc citatahshinitc, memitaahswaahk (1,000), neninkotwaahk (100), nenaanimitana (50), memitaahso (10) kaye. 22Miiwak itahsh iki keonaahkonaawaatc mooshak iko pemaatisinitc. Kahkina kekoonan senakahkin ihsa kiin kika piitamaakoo. Ini tahsh wiin kaawentaninikin wiinawaa oka onentaanaawaan. Miitahsh ciwentahk enanohkiiyan aaniihsh kotak kika wiitoohkaakook. 23Kiishpin itahsh o'o ishihcikeyan kaashi anoonihk Kishemanitoo, kaawiin kika noonte caakiihsii. Miitahsh kahkina pemaatisiwaatc cikiiwewaatc cina'entamowaatc,” okii'ikoon oshihshenshan.
24Miihsh iko 'i Moosihs kaaishihciketc kahkina kaakii'ikotc oshihshenshan. 25Okii onaapamaa' nekacihtoocinitc kekoonan misiwe ekii ontinaatc Isriyalihkaank keonaahkonaanitc pemaatisinitc citatahshinitc, memitaahswaahk, neninkotwaahk, nenaanimitana, memitaahso kaye. 26Miiwa' itahsh o'o kaakii onaahkonaanitc mooshak iko pemaatisinitc. Kahkina kekoonan senakaninikin ihsa Moosihs kiihpiitamawaa. Ini tahsh wiin kaawentaninikin wiinawaa ko okii onentaanaawaa.
27Miitahsh Moosihs kaaishi pooshoo'aatc oshihshenshan eani maacaanitc, otahkiiminiink ekii ishi kiiwenitc.
Currently Selected:
Ekihsatahs 18: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
Ekihsatahs 18
18
Cehtaroo Kii'antawaapamaatc Moosihsoon
1Moosihs oshihshenshan Cehtaroo (Jethro) eshinihkaasonitc kiianami'ewikimaawiwan Miitiyan (Midian) ahkiink. Kiinoontamoon iinsan aaniin Kishemanitoon kaaishi wiici'ikotc Moosihs (Moses), aaniin kaye kaaTipencikenitc kaaishi wiici'ikowaatc Isriyalak kiinakatamowaatc Iicipahki. 2#Exo 2.21,22. Moosihs itahsh iinsan kiihkaanoonaakopan cikiiwenitc wiiwan Sihpoora (Zipporah) eshinihkaasonitc. Miinawaahsh oshihshenshan okiih piitamaakokopan wiiwan eshi'ayaatc. 3#Act 7.29. Niishin ihsa kaye okosihsa' kiihtako piinimaawa'. Peshik ihsa ini okosihsan Kersham (Gershom) kii‑ishinihkaasowan. Moosihs iitok kii‑ihkitokopan, “Piiwitenk nintinentaakos pahkaan ahkiink.” Miihsh i'i kaakii onci ishinihkaanaakopan ini okosihsan. 4O'o tahsh kaye kii‑ihkitokopan, “Nintete oKishemanitooman ihsa ninkii naatamaak, ekiih pimaaci'itc cinihshihsik a'a Iicip kihciokimaa.” Miihsh kaakii onci ishinihkaanaakopan ini kotak okosihsan Eli'iisar (Eliezer). 5Miitahsh Moosihs oshihshenshan Cehtaroowan kaakiih piitamaakotc wiiwan, i'i kaye niishin okosihsa' eshi'ayaatc pikwatahkamik ekii ishi kapehshitc ciikaya'ii i'imaa kihci waciink entanentaakosinitc Kishemanitoon. 6Niiyaak iitok okiih pi wiintamaakoon ini oshihshenshan ewiih pitakohshininitc, ewiih piinaanitc wiiwan ini kaye niishin okosihsa'. 7Moosihs itahsh okii anta nakishkawaan oshihshenshan ekii animihkohtaatc, kaye ekii ociimaatc. Kaa‑ayishkwaa pooshoo'itiwaatc itahsh, kiihpiintikewak pakwaanekamikonk. 8Miitahsh Moosihs kaakii wiintamawaatc Cehtaroon kahkina kekoon aaniin kaaTipencikenitc kaahtootawaanitc Iicip (Egypt) kihciokimaan, i'i kaye pemaatisinitc wenciinitc Iicipahkiink. Okii wiintamawaan kaye aaniin kaapi ishi sanakihsewaatc, kaaTipencikenitc itahsh ekii wiici'ikowaatc. 9Ahpii tahsh kaanoontaminitc ono kahkina, wiinke hsa kiiminohtamoon aaniin kaakii ishi wiici'ikowaatc kaaTipencikenitc. 10Miihsh kaaihkitonitc, “Miikwehc hsa ta'inaakaniwi kaaTipenciketc, kaakiih pimaaci'inek mekwaa ehkakwaataki'inekipan Iicip kihciokimaa, kaye miikwehc taicikaniwi ekiih pimaaci'inek kaakii ishi koohpaaci'inekwaapan pemaatisiwaatc Iicipahkiink eyaawaatc. 11Miitahsh noonkom ekihkentamaan kaaTipenciketc nawac ekihci inentaakositc ahpiihc wiin i'i kotak manitoo', aaniihsh mii 'i kaahtootawaatc iniweniwa' Iicipahkiink wenciinitc weweni kaakiih tootawaahsinik Isriyala' (Israel),” kii‑ihkitowan. 12Miitahsh Cehtaroo kaakiih piitootc kepakitinaahswaatank kiki misiwe piko keankwaahkisikaatenik. Kotak kaye pakitinaahsowinan okiih piitoonan cipakitinamawimintc Kishemanitoon. A'a hsa kaye Eran (Aaron) kiihpiishaa ekiih pi wiiciiwaatc kahkina kaaniikaanisinitc i'imaa Isriyalihkaank. Miihsh kaaishi wiici wiihsiniimaawaatc Cehtaroon enaahsamiinitc Kishemanitoon.
Kii'onaapamintwaa Onaahkonikek
13Eani waapaninik itahsh Moosihs (Moses) okii nana'ahtoonan pemaatisinitc eshi kihci kakanoonitinitc onci kekoonan, wiinke ekii oncaanimiitc. Ehkishepaawakaninik ekii onci waahkaa kaapawinitc eshi apitc piinihsh ekii ani onaakohshininik. 14Oshihshenshan itahsh ewaapantaminitc kahkina Moosihs eshihciketc mii 'i kaa'ikotc, “Aaniin itahsh inaa o'oweni wenci ishihcikehtamawatwaa oko pemaatisiwaatc? Wekonen wenci mihci peshikoyan eonaahkoniweyan pemaatisiwaatc ewaahkaa kaapawinotawihkwaa ehkishepaawakaninik piinihsh itahsh eani onaakohshininik?”
15Miitahsh Moosihs kaaihkitotc, “Oncita ko ishinaakwan o'o ci‑ishihcikeyaan. Pemaatisiwaatc ohsha nimpi naasihkaakook ewii kihkentamowaatc Kishemanitoon enentaminitc. 16Inashke niishin awiyak kiikihci kakanoonitiwaatc, niin nimpi naasihkaakook. Niin itahsh nintoonentaan awenen a'a kwayahk ehkitotc kaashi niishiwaatc, miihsh eshi wiintamawakwaa aaniin Kishemanitoon ehkitonitc, aaniin kaye eshi onahshowenitc.”
17Miihsh kaa'ikotc oshihshenshan, “Kaawiin onishihshinsinoon i'i kaaishihcikeyan. 18Kiin ihsa ko, iki kaye kaanaasihkawihkwaa kika caakiim. Onsaam kikihci anohkii, kaawiin kitaa kashkihtoohsiin cimihci peshikoohkaman. 19Inashke pisintawihshin ewii wiintamawinaan aaniin keishihcikeyampan ciwiiciiwihk Kishemanitoo. Mii hsa 'i kwayahk ehtootaman ehtinowiihtamawatwaa pemaatisiwaatc enaahsamiinitc Kishemanitoon, kaye tahsh ehpiitamawimatc wenci kihci kakanoonitiwaatc. 20Kihkino'amaw ehkitonitc Kishemanitoon, aaniin kaye enahshowenitc ciwiintamawatwaa aaniin keshi pimaatisiwaatc, aaniin kaye mayaa keishihcikewaatc. 21Onaapam itahsh kaakashkihtoowaatc kekoon, kaanakaciiwaatc ininiwak misiwe ciontinatwaa. Onaapam kwehtaanenimaawaatc Kishemanitoon, kaatepweyentaakosiwaatc kaashiinkentamowaatc kakayenisiwin. Miiwak itahsh iki keonaahkonaawaatc citatahshinitc, memitaahswaahk (1,000), neninkotwaahk (100), nenaanimitana (50), memitaahso (10) kaye. 22Miiwak itahsh iki keonaahkonaawaatc mooshak iko pemaatisinitc. Kahkina kekoonan senakahkin ihsa kiin kika piitamaakoo. Ini tahsh wiin kaawentaninikin wiinawaa oka onentaanaawaan. Miitahsh ciwentahk enanohkiiyan aaniihsh kotak kika wiitoohkaakook. 23Kiishpin itahsh o'o ishihcikeyan kaashi anoonihk Kishemanitoo, kaawiin kika noonte caakiihsii. Miitahsh kahkina pemaatisiwaatc cikiiwewaatc cina'entamowaatc,” okii'ikoon oshihshenshan.
24Miihsh iko 'i Moosihs kaaishihciketc kahkina kaakii'ikotc oshihshenshan. 25Okii onaapamaa' nekacihtoocinitc kekoonan misiwe ekii ontinaatc Isriyalihkaank keonaahkonaanitc pemaatisinitc citatahshinitc, memitaahswaahk, neninkotwaahk, nenaanimitana, memitaahso kaye. 26Miiwa' itahsh o'o kaakii onaahkonaanitc mooshak iko pemaatisinitc. Kahkina kekoonan senakaninikin ihsa Moosihs kiihpiitamawaa. Ini tahsh wiin kaawentaninikin wiinawaa ko okii onentaanaawaa.
27Miitahsh Moosihs kaaishi pooshoo'aatc oshihshenshan eani maacaanitc, otahkiiminiink ekii ishi kiiwenitc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society