Tootaraanamii 26
26
Pakitinikewinan Ehtashintekin
1“Ahpii tahsh kiihpiintikeshkaayek i'i ahki kaaTipenciketc kiKishemanitoomiwaa kaamiininek citipinawewisiyek, ahpii tahsh otaahpinamek, kiihkapehshiinotamek itahsh, 2#Exo 23.19. kika otaahpinaam hsa kahkina nihtam kekoon kikihtikewahkamikowaank kaaonci nihtaawikihtooyek i'imaa ahkiink kaaTipenciketc kiKishemanitoomiwaa kaamiininek. Watapiiwashink itahsh kika ishi piina'aam. Kika ishaam itahsh aanti kaaTipenciketc kiKishemanitoomiwaa kaashi onentank ewiih tanentaakohtootc owiinsowin. 3Kika anta waapamaawaa tahsh anami'ewikimaa kaa‑ayaatc entananohkiitc i'i ahpii o'o ci'inatc, ‘Noonkom hsa kaakiishikaninik niwiintamawaa kaaTipenciketc ninKishemanitoom ekiih pi takohshinowak o'omaa ahkiink kaaTipenciketc kaakii aayiici ahshotamawaakopanen kikehteya'aaminaanii' ewii miininank.’ ”
4“Miihsh anami'ewikimaa ciotaahpinank i'i watapiiwash kaatahkonamowatc, i'imaa tahsh okashi ahtoon eshi'ayaanik kaashi pakitinaahsonk enaahsamiinitc kaaTipencikenitc kiKishemanitooman. 5Miitahsh keihkitowatc enaahsamiitc kaaTipenciketc kiKishemanitoom, ‘Kaakii oteteyaan hsa kiihpapaami ayaa Eramiyan (Aramean) ekiih tinowitc, Iicipahkiink (Egypt) ekii ishaakopanen, miihsh weti kaaishi kapehshikopanen. Aahpici hsa kiiakaahsiinowaakopan. Miitahsh kaakii ani kihci inentaakosiwaakopanen, kaakii ani soonkentaakosiwaakopanen kaye, wiinke tahsh ekii ani paahtiinowaakopanen. 6Iicip kaatinowiwaatc itahsh ninkiih sanaki'ikonaanik, kaawiin kaye ninkii manaaci'ikohsiinaanik, wiinke kaye ninkiih kakwaataki mihtanohkii'ikonaanik. 7Miitahsh kaakiih shaakowaanankitc kaaTipenciketc, kaakii oKishemanitoomiwaatc ninkehteya'aaminaapaniik. KaaTipenciketc ninkii noontaakonaan, okii waapantaan kaye aaniin kaakii ishi manaaci'ikoohsiwaank, kaakii inanohkii'ikooyaank, kaakii ishi wehsaani'ikooyaank kaye. 8Miihsh kaaTipenciketc kaakiih saakiciwiniyamintc Iicipahkiink ekii aapacihtootc oninc meshkawentaakwaninik, ekiih shiipinihkenitc kaye ehsoonkinaakohciketc ekiih kihkinawaasinaakohciketc, ekii maamahkaacihciketc kaye. 9Miihsh kaakiih piishiyamintc o'omaa ahkiink, kaashi wenooci nihtaawikininik kekoon. 10Inashke tahsh noonkom nimpiitoon nihtam kekoon nehtaawikink mihtahkamikonk kiin Tepencikeyan kaakii miishiyan.’ ”
“Miihsh cipakitinamawatc i'i watapiiwash enaahsamiitc kaaTipenciketc kiKishemanitoom, citako animihkohtaawatc. 11Kiin itahsh, iki kaye Liipaaink (Levites) wentahkaanesiwaatc, iki kaye kaamayakisiwaatc eyaawaatc kaashi ayaayek, maamaw kika ciihkentaam ini kahkina kekoonan wenishihshininikin kaaTipenciketc kiKishemanitoomiwaa kaakii miininek, kitaawiniwaank kaye eyaanitc.”
12“Ahpii tahsh kii‑ishkwaa onahtooyan peshik kekoon entahso mitaahso kahkina kekoon nehtaawikihtooyan nihsopipoon ishihsek. Ahpii tahsh iwe pipoonk kaamiikiwenaaniwank peshik kekoon entahso mitaahso, kika miinaawaak hsa Liipaaink wentahkaanesiwaatc, meyakisiwaatc kaye, kiiwahshishaanak kaye, kiiwaacihkwewak itahsh kaye. Kitootenaamiwaank itahsh tatashi wiihsiniwak, cite'inamanci'owaatc. 13Miitahsh ke'inatc kaaTipenciketc kiKishemanitoom, ‘Ninkii otaahpinaanan hsa nintaawinink kaakihtentaakwahkin kekoonan, ekii miinakwaa kaye Liipaaink wentahkaanesiwaatc, meyakisiwaatc, kiiwahshishaanak, kiiwaacihkwewak kaye, ekii ishihcikeyaan kahkina kaakii inaahkonikeyan. Kaawiin hsa ninkii pahkenotansiinan kitinaahkonikewinan, kaawiin kaye ninkii waniihkenotansiinan. 14Kaawiin hsa nintoonci miicihsiin mekwaa kiimawiyaan, kaawiin kaye ninkii otaahpinansiin mekwaa kiiwiinentaakosiyaan, kaawiin kaye nintoonci pakitinamawaahsiik iki nepowaatc. Ninkii na'ihtawaa hsa kaaTipenciketc ninKishemanitoom, kahkina hsa ninkii ishihcike kaakii ishi anooshiyan. 15Kihci kiishikonk kaakihtentaakwahk eshitaayan kika onsaap o'omaa nahke naashaya'ii cipiinaapiyan, ciminohse'atwaa kipimaatisiimak Isriyalak (Israel), ciminohsehtooyan kaye ahki kaakii miishiyaank, ahkiink kaashi wenooci nihtaawikink kekoon, kaakii ishi aayiici ahshotamawatwaa ninkehteya'aaminaapaniik.’ ”
KaaTipenciketc Wiin Iko Tepenimaatc Pemaatisinitc
16“Noonkom itahsh kaakiishikaninik kaaTipenciketc kiKishemanitoomiwaa kikanoonikowaa cipiminisha'amowek otihkitowinan, otoonahshowewinan kaye. Weweni hsa kika ishihcikem citootamowek enikohkote'eyek, misiwe kaye kitahcaahkowaank. 17Noonkom hsa kaakiishikahk kikii ihkitom kaaTipenciketc cioKishemanitoomiyek, ewii ishi pimohsewek kaye otishihtwaawinink, ewiih kanawentamowek kaye otihkitowinan, otinaahkonikewinan kaye, otanami'ehcikewinan kaye, ewiih pisintamowek kaye aaniin eninek. 18#Exo 19.5; Deu 4.20; 7.6; Titus 2.14; 1Pe 2.9. Noonkom itahsh kaakiishikaninik kaaTipenciketc kitikowaa ewiih tipinawewisiiminek, kaakii ishi ahshotamawinek, cikanawentamowek kahkina otinaahkonikewinan; 19kii‑ihkito kaye ewii inahsinek nawac cikihci inentaakosiwek, cikihkenimikoowek, cikihtentaakosiyek kaye ahpiihc wiin kahkina kaapepahkaanwewaanakisinitc pemaatisinitc kaakii oshi'aatc. Wiin hsa ko tipinawe kiwiih tipinawewisiimikowaa kaaTipenciketc kiKishemanitoomiwaa taapishkoo kaakii ishi ahshotank.”
Currently Selected:
Tootaraanamii 26: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
