Yohana Nwɔŋ bəraa íí dá bɔbm̀ zɔ̀ŋə núúboòraa rú roó
Nwɔŋ bəraa íí dá bɔbm̀ zɔ̀ŋə núúboòraa rú roó
Yohana bàà bə́n in aa mà', bəǹ bád kə̀ núúboòraa roó. Bàà gə́, bəǹ bád núúboòraa rə, «bɔ̀b ìì kè' kúnú, Yéésù kùmsə̀n Nɛ́ŋə̀ aa Vɛnɛ́b tɔ̀bə̀ gààd kílə́m yílə́ roó, bít Vɛnɛ́b Wàá» (20.31). Nɛɛ̀n aa Yohana ùd nwɔŋ dú Yéésù yílə́ rə, tə́ gɔ̀ŋ kə̀ Nwɔŋ Puu Sɔ̀ɔ̀nkè bəraa nyɛ́d toorə roó. Bə́n sáàn in zùúm Yéésù yílú, kə̀ ɛgǹ bé'ǹmbə̀ nwɔŋ aa gám kə̀ nɛ́b bəd doó.
Zɔ̀ŋə gə́, Yéésù pà' sɛŋ bùúrá, gám nwɔŋ kə̀ nɛ́b bərá, oò yílú. Zɔ̀ŋə aa yée rú gə́, Yéésù bàà bə́n tùsaa Vɛnɛ́b tùm bəǹà yaà bəǹ mà' roó. Kə̀ baàn də́'ǹmbə̀ kíin, Yéésù bàà bə́n gə́, bəǹ kùmsə̀n kpaŋ̀á, vɛ́nà, bít kə̀ gɔ̀ŋsá.
Yéésù mà' inwulubə̀ bəd nə́ŋsínà. Inwulubə̀ bəraa nə́ŋsínà yée kóólé, déè gə́ kóólé, ì' bə́n in nə́ŋ̀ Yéésù yílú, kə̀ kumké oò bə̀ kə̀ Vɛnɛ́b wàà kíin. Kə̀ də́'ǹ i'ǹmbə̀ kíin, nɛɛ̀n aa Yéésù gáŋ nɛ́ŋ váàndo si' val lə kíin (5.1-8), ì' bə́n gə́, bəǹ mà' tù' bəǹ nyi' bə sé, kə̀ Báá bəǹ kíin (5.17). Inwulubə̀ bəraa rə, bàà bə́n gə́, Vɛnɛ́b wàà Yéésù tə́ in aa bé' Báá oò tə́ ma'ǹ də ma'nàá (5.19). In aa yérə ì' gə́, kə̀ nɛɛ̀n aa Báá oò pii nɛ́ŋə̀ aa í' rə gɔ̀ŋsə́ rə kíin, Wàà kɔ̀ pii nɛ́ŋə̀ aa í' rə gɔ̀ŋsá (5.21).
Nwɔŋ yíl bə̀ bəraa zɔ̀ŋə núúboòraa rú roó.
– Yohana bàà gə́, Yéésù kùmsə̀n «Nwɔŋá» (1.1-18)
– Nwɔŋ aa Yohana nɛ́b baptisma bə̀ piìn gám doó (1.19-34)
– Yéésù sààvúŋ nɛ́b sáànmbə̀ éèn də̀gə̀ də̀gə̀ bə̀ oò bərá (1.35-51)
– Yéésù inwulubə̀ bəraa nə́ŋsínà roó (2.1–12.50)
– Lɛ́bke Yéésù bìá, fágə́n oòra, bít kə̀ val oòra (13.1–19.42)
– Yéésù díímì valú (20.1-10)
– Yéésù tə́ yíl oò i'ǹ nɛ́b sáànmbə̀ oò bəd númú (20.11–21.25)
Currently Selected:
Yohana Nwɔŋ bəraa íí dá bɔbm̀ zɔ̀ŋə núúboòraa rú roó: SLNT98
Highlight
Share
Copy
Want to have your highlights saved across all your devices? Sign up or sign in
Nouveau Testament en Samba Leko © Alliance Biblique du Cameroun, 1998.