ᐅᕒᐆᒪᓇᒃ ᐋᓃᓐ ᑫᔑᓂᓯᑐᑖᑾᒃ ᐅᐅ ᒪᓯᓇᐃᑲᓐ
ᐋᓃᓐ ᑫᔑᓂᓯᑐᑖᑾᒃ ᐅᐅ ᒪᓯᓇᐃᑲᓐ
ᑆᓬ ᐅᑮᐃᔑᐲᐊᒪᐙᐞ ᐅᑌᐺᑕᒨᐞ ᐁᑮᐃᓀᑕᒧᑯᐸᓀᓐ ᐁᐐᐊᑕᐙᐸᒫᒡ᙮ ᑮᐃᓀᑕᒧᑯᐸᓐ ᒋᐐᑕᓄᑮᒫᒡ, ᐯᑭᔥ ᒋᐐᒋᐋᒡ᙮ ᐅᑮᐃᔑᐸᑯᓭᑖᓐ ᓴ ᑫᐐᓐ ᒋᐐᑑᑳᑯᒡ᙮
ᒦᑕᔥ ᐁᔑᒫᒌᐲᐃᑫᒡ ᐁᐐᑕᕽ ᑲᑭᓇ ᐯᒫᑎᓯᐙᒡ ᒎᐗᒃ, ᐃᑭ ᑲᔦ ᑳᒎᐎᐎᓯᒀ ᐁᑎᐯᓂᒥᑯᐙᒡ ᒪᒋᑑᑕᒧᐎᓐ, ᑲᑭᓇ ᐁᓅᑌᓭᐙᒡ ᒋᑮᒥᓄᐐᒌᐙᐙᐸᓐ ᑭᔐᒪᓂᑑᓐ᙮ ᐊᐎᔭ ᓴ ᐁᑕ ᑮᑌᐺᔦᓂᒫᒡ ᒋᓴᔅ Xᑕᓐ, ᒦᐃᒫ ᐌᒋ ᐃᓇᑭᒥᓐᒡ ᐁᒥᓄᐐᒌᐙᒡ ᑭᔐᒪᓂᑑᓐ᙮ ᒦᑕᔥ ᐃᐃ ᐸᔦᔥ ᐊᐎᔭ ᐱᓵᓐ ᒋᐐᒌᐎᑯᒡ ᑭᔐᒪᓂᑑᓐ, ᒦ ᑲᔦ ᐃ ᑭᔐᒪᓂᑑᓐ ᐅᑕᒑᑯᓂ ᒋᔮᐸᐅᑯᒡ ᒦᓇᐙ ᒋᑎᐯᓂᒥᑯᓯᒃ ᒪᒋᑑᑕᒧᐎᓐ᙮
ᐅᑕᔑᑖᓐ ᐃᑕᔥ ᐋᓃᓐ ᒪᔮ ᐁᔑᐊᓄᑮᒪᑲᓂᓂᒃ ᑭᔐᒪᓂᑑᓐ ᐅᑎᓈᑯᓂᑫᐎᓂᓂ, ᒦᐃᒫ ᐁᐅᒋ ᑭᑫᒋᑳᑌᓂᒃ ᒪᒋᑑᑕᒧᐎᓐ; ᑭᔐᒪᓂᑑᓐ ᐅᑕᒑᑯᓂ ᑕᔥ ᐐᓐ ᐁᒪᔥᑲᐎᓰᔥᑲᐙᓂᒡ ᐅᑌᐺᑕᒨᓐ ᒋᔖᑰᒋᑑᓂᒡ ᒪᒋᑑᑕᒧᐎᓐ᙮
ᐅᑕᔑᑖᓐ ᐃᑕᔥ ᑲᔦ ᒎᐗᒃ ᐁᑮᐋᓇᐌᑕᒧᐙᒡ ᑭᔐᒪᓂᑑᓐ ᑳᑮᐃᔑ ᐊᑕᐌᓂᒥᑯᐙᒡ ᒋ ᐃᔑᒋᑫᐙᒡ᙮ ᐅᐅ ᑕᔥ ᐁᑮᐃᔑᓭᒃ, ᒦᓴ ᑫᐐᓇᐙ ᑳᒎᐎᐎᓯᒀ ᑳᐅᒋ ᑲᔥᑭᑑᐙᒡ ᒋᑌᐱᓇᒧᐙᒡ ᑭᔐᒪᓂᑑᓐ ᐁᔑᑭᔐᐙᑎᓯᓂᒡ᙮ ᑭᔐᒪᓂᑑᓐ ᐃᓴ ᐅᐅᐌᓂ ᑳᑮᐅᒋ ᐃᔑᓭᓂᑯᐸᓀᓐ ᐁᑮᓈᑯᑑᓂᒡ ᐁᓵᑭᐋᓂᒡ ᑲᑭᓇ ᐊᐎᔭᐞ᙮
ᐅᐐᑕᒪᐙᐞ ᐃᑕᔥ ᐅᑌᐺᑕᒨᐞ ᐋᓃᓐ ᑫᔑᐱᒫᑎᓯᓂᐸᓐ, ᐋᓃᓐ ᑲᔦ ᑫᔑᐙᐐᒌᑎᓂᐸᓐ᙮ ᐅᑕᔑᑖᓐ ᐃᑕᔥ ᑲᔦ ᐋᓃᓐ ᐊᐎᔭᓐ ᑫᐃᔑᐊᔮᓂᐸᓐ ᐊᓄᑮᑕᐙᓂᒡ ᑭᔐᒪᓂᑑᓐ᙮ ᐁᐊᑕᐌᓂᒫᒡ ᑲᔦ ᐅᑌᐺᑕᒨᐞ ᑾᔭᒃ ᒋ ᐃᔑᒋᑫᓂᐸᓐ ᒋᒥᓍᐸᒥᑯᓂᒡ ᐌᑭᒫᐙᑎᓯᓂᒡ, ᐌᐌᓂ ᒋᑲᑴᐱᒫᑎᓯᓂᒡ ᐋᓃᓐ ᐃᑯ ᐁᔑᒋᑫᓂᒡ᙮ ᑳᐐᓐ ᑕᔥ ᑫᑰᓐ ᐅᑲᒥᑯᔥᑳᑌᑕᒧᐃᑯᓰᓂ ᐅᐅᒫ ᐊᑮᕽ᙮
ᒦᑕᔥ ᐁᔑᐴᔔᐋᒡ ᐅᑌᐺᑕᒨᐞ ᐁᐙᐐᓈᒡ ᒥᓂᒃ ᑫᑫᓂᒫᒡ᙮
ᐁᑕᓱᐯᐸᑳᓂᐲᐃᑳᑌᒃ ᐅᐅ ᒪᓯᓇᐃᑲᓐ
ᐁᔑᒫᒌᐲᐃᑫᒡ 1.1-17
ᑲᑭᓇ ᐊᐎᔭ ᒋᑮᐱᒫᒋᐃᑎᐸᓐ 1.18—3.20
ᑭᔐᒪᓂᑑ ᐅᐱᒫᒋᐃᐌᐎᓐ 3.21—4.25
ᐅᔥᑭᐱᒫᑎᓯᐎᓐ X ᑳᒦᑭᐌᒡ 5.1—8.39
ᑭᔐᒪᓂᑑ ᑳᑮᐃᓀᓂᒫᒡ ᐃᔅᕒᐃᔭᓬᐊᐞ ᒋ ᐃᔑᐌᐱᓯᓂᒡ 9.1—11.36
ᐅᑌᐺᑕᒨ ᑫᐃᔑᒋᑫᐸᓐ 12.1—15.13
ᑆᓬ ᐃᔥᒀᒡ ᑳᑮᐃᑭᑐᒡ 15.14—16.27
Currently Selected:
ᐅᕒᐆᒪᓇᒃ ᐋᓃᓐ ᑫᔑᓂᓯᑐᑖᑾᒃ ᐅᐅ ᒪᓯᓇᐃᑲᓐ: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society