ᐅᕒᐆᒪᓇᒃ 10
10
1ᓃᒋᐅᑌᐺᑕᒨᒃ! ᒦᑕᔥ ᒫᐗᒡ ᐁᔑᒥᓴᐌᑕᒫᓐ ᓂᑌᐃᕽ ᐃᑭ ᐯᒫᑎᓯᐙᒡ ᑳᐐᒋᑎᓄᐐᒪᒀ ᒋᐱᒫᒋᐃᑰᐎᓯᐙᐸᓐ, ᒦᑕᔥ ᐃᐃ ᐁᔑᐊᓇᒥᐁᑕᒪᐗᒀ᙮ 2ᓂᑖᑎᐹᒋᒫᒃ ᓴ ᐐᑫ ᐁᑲᑴᐃᔑᒋᑫᐙᒡ ᑫᔑᒥᓍᐸᒥᑯᐙᒡ ᑭᔐᒪᓂᑑᓐ, ᑳᐐᓐ ᑕᔥ ᑌᐺ ᐌᐌᓂ ᐅᑭᑫᑕᓰᓈᐙ ᐋᓃᓐ ᑫᐃᔑᒋᑫᐙᐸᓐ᙮ 3ᑳᐐᓐ ᑕᔥ ᒪᔮ ᐅᑭᑫᑕᓰᓈᐙ ᑫᐃᔑᒋᑫᐙᒡ ᐋᓃᓐ ᑫᔑᒥᓄᐐᒌᐎᑯᐙᐸᓐ ᑭᔐᒪᓂᑑᓐ, ᒦᑕᔥ ᐁᔑᒋᑫᐙᒡ ᐐᓇᐙ ᐱᑯ ᐁᑲᑴᑲᔥᑭᑑᐙᒡ ᐋᓃᓐ ᑫᐅᒋᒥᓄᐐᒌᐎᑯᐙᒡ᙮ ᑳᐐᓐ ᑕᔥ ᐃᐃᒫ ᑮᐃᔑᐸᑭᑎᓂᑎᓱᓰᐗᒃ ᑭᔐᒪᓂᑑᓐ ᑳᐃᔑᐅᓇᓵᓂᒡ ᐊᐎᔭᓐ ᑫᐅᒋᒥᓄᐐᒌᐎᑯᓂᒡ᙮ 4X ᑕᔥ ᐅᑮᐃᔑᓯᑑᓐ ᐃᐃ ᐅᓇᔓᐌᐎᓂᓂ ᒋᐴᓂᐋᐸᑕᓂᓂᒃ᙮ ᐊᐌᓀᓐ ᑕᔥ ᐃᑯ ᑫᑌᐺᑕᕽ ᑕᐃᓇᓵ ᒋᒥᓄᐐᒌᐙᒡ ᑭᔐᒪᓂᑑᓐ᙮
ᑲᑭᓇ ᐊᐎᔭ ᒋᑮᐱᒫᒋᐃᑎᐸᓐ
5 # Lev 18.5. ᒨᓯᔅ Moses ᑕᔥ ᐅᑮᑕᔑᑖᓐ ᐃᐃ ᐊᐎᔭᓐ ᑫᐅᒋᒥᓄᐐᒌᐙᓂᐸᓐ ᑭᔐᒪᓂᑑᓐ ᓇᐃᑕᕽ ᐃᐃ ᐅᓇᔓᐌᐎᓂᓂ, ᒦᑕᔥ ᐅᐅ ᑳᐃᑭᑐᒡ: ᐊᐌᓀᓐ ᓴ ᐱᑯ ᑳᓇᐃᑕᕽ ᑳᐃᓇᑌᓂᒃ ᐃᐃ ᐅᓇᔓᐌᐎᓂᓂ ᒦ ᐃᒫ ᑫᐅᑎᓇᕽ ᐱᒫᑎᓯᐎᓐ᙮ 6#Deut 30.12-14. ᐃᐃ ᑕᔥ ᑾᔭᑾᑭᒥᑰᐎᓐ ᑌᐺᑕᒧᐎᓂᕽ ᑳᐅᒌᒃ ᒦ ᐅᐅ ᐃᔑᑕᔑᑌ: ᑫᑯ ᐅᐅ ᐃᑭᑐᑫᒃ ᑭᑌᐃᐙᕽ: ᐊᐌᓀᓐ ᑕᔥ ᑫᐃᔖᐸᓐ ᑭᒋᑮᔑᑯᕽ? ᒦᑕᔥ ᐅᐅ ᑳᐃᒋᑳᑌᒃ, ᒋᓈᓯᑲᐙᒡ Xᑕᓐ ᒋᐲᓈᒡ ᐅᐅᒫ ᐊᑮᕽ᙮ 7ᑫᑯ ᑲᔦ ᐃᑭᑐᑫᒃ: ᐊᐌᓀᓐ ᑕᔥ ᑫᔑᓈᔒᐸᓐ ᐌᑎ ᐅᓂᐴᐞ ᑳᔑᐊᔮᓂᒡ? ᒦᑕᔥ ᐅᐅ ᑳᐃᒋᑳᑌᒃ, ᒋᐅᒋᐲᓈᒡ Xᑕᓐ ᐃᐃᒫ ᐅᓂᐴᐞ ᑳᐃᔑᐊᔮᓂᒡ᙮ 8ᐅᐅ ᑕᔥ ᐐᓐ ᑭᒋᒪᓯᓇᐃᑲᓐ ᐃᑭᑑᒪᑲᓐ: ᐃᐃ ᓴ ᑭᔐᒪᓂᑑ ᐅᑎᐹᒋᒧᐎᓐ ᐋᐱᒋ ᑭᐯᔣᐸᑕᒧᐙᒻ, ᑭᑑᓂᐙᕽ ᐄᑐᒃ ᑭᑕᔮᒻ, ᑭᑌᐃᐙᕽ ᑲᔦ, ᒦᑕᔥ ᐃᐃ ᒥᓍᒋᒧᐎᓐ ᑌᐺᑕᒧᐎᓐ ᑳᔑᑕᔑᑌᒃ ᑳᑕᔑᑕᒫᕽ᙮ 9ᑮᔥᐱᓐ ᒧᔐᐐᓇᒡ ᒋᓴᔅ ᐁᑎᐯᒋᑫᒡ, ᐐᑫ ᑲᔦ ᑌᐺᑕᒪᓐ ᑲᔦ ᑭᔐᒪᓂᑑ ᐁᑮᑮᐌᐱᒫᑎᓯᐋᒡ Xᑕᓐ ᐃᐃᒫ ᓂᐳᐎᓂᕽ, ᒦ ᓴ ᐃ ᒋᐱᒫᒋᐃᑰᔭᓐ᙮ 10ᐋᓃᔥ ᐐᑫ ᑌᐺᑕᒪᕽ ᒦᐃᒫ ᐌᒋᑾᔭᒀᒋᐃᓇᕽ ᒋᒥᓄᐐᒌᐎᓇᕽ ᑭᔐᒪᓂᑑ; ᐁᒧᔐᐐᑕᒫᑫᔭᕽ ᑕᔥ ᑲᔦ ᑭᑑᒋᐱᒫᒋᐃᑰᒥᓐ᙮ 11#Isa 28.16. ᐋᓃᔥ ᑭᒋᒪᓯᓇᐃᑲᓐ ᐃᑭᑑᒪᑲᓐ: ᐊᐌᓀᓐ ᓴ ᐱᑯ ᑳᑌᐺᑕᐙᒡ, ᑳᐐᓐ ᑕᒥᒋᓇᐌᓯᓰ᙮ 12ᑳᐐᓐ ᑕᔥ ᐯᐸᑳᓐ ᐃᓀᑖᑯᓯᓰᐗᒃ ᐃᑭ ᒎᐗᒃ ᐃᑭ ᑲᔦ ᑳᒎᐎᐎᓯᒀ᙮ ᑭᔐᒪᓂᑑ ᓴ ᐯᔑᑾᓐ ᑲᑭᓇ ᐊᐎᔭᐞ ᐅᑎᔑᑎᐯᓂᒫᐞ, ᐋᐱᒋ ᑲᔦ ᐅᐌᓅᒋᔕᐌᓂᒫᐞ ᐃᐃ ᑲᑭᓇ ᑳᑲᓅᓂᑯᒡ᙮ 13#Joel 3.5. ᑭᒋᒪᓯᓇᐃᑲᓐ ᓴ ᐃᑭᑑᒪᑲᓐ: ᐊᐌᓀᓐ ᓴ ᐱᑯ ᐊᐎᔭ ᑫᑲᓅᓈᒡ ᑳᑎᐯᒋᑫᓂᒡ ᒋᓈᑕᒫᑯᒡ ᑕᐱᒫᒋᐋ᙮
14ᐋᓃᓐ ᑕᔥ ᑫᐅᒋᑲᓅᓈᐙᐸᓐ ᒋᐐᒋᐃᑯᐙᒡ ᒪᔑ ᐁᑌᐺᑕᐙᓯᒀ? ᐋᓃᓐ ᑕᔥ ᑫᐅᒋᑌᐺᑕᐙᐙᐸᓐ ᒪᔑ ᑳᓅᑕᓯᒀ ᐁᑎᐹᒋᒥᒥᓐᒡ? ᐋᓃᓐ ᑕᔥ ᑫᐅᒋᓅᑕᒧᐙᐸᓐ ᐃᐃ ᒥᓍᒋᒧᐎᓐ ᒪᔑ ᐁᐐᑕᒪᐙᓯᐎᑣ? 15#Isa 52.7. ᐋᓃᓐ ᑕᔥ ᑫᐅᒋᐐᑕᒫᑫᐙᐸᓐ ᐃᐃ ᒥᓍᒋᒧᐎᓐ ᐃᑭ ᐅᒥᓍᒋᒨᒃ ᒪᔑ ᑳᒫᒋᓂᔕᐙᓯᐎᑣ? ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᐋᐱᒋ ᓴ ᑕᒥᓄᓈᑯᓯᐗᒃ ᑳᐲᒋᒥᓍᒋᒧᐙᒡ! 16#Isa 53.1. ᑳᐐᓐ ᑕᔥ ᑲᑭᓇ ᐅᑮᐅᑖᐱᓇᓰᓈᐙ ᒥᓍᒋᒧᐎᓐ᙮ ᐅᐅᐌ ᐄᑐᒃ ᐋᐃᓭᔭ Isaiah ᑮᐃᑭᑐ: ᐊᐌᓀᓐ ᑕᔥ ᑳᑌᐺᑕᕽ ᓂᑎᓈᒋᒧᐎᓂᓈᓐ? 17ᓇᔥᑫ ᑕᔥ, ᐊᐎᔭ ᐁᓅᑕᕽ ᐃᐃ ᒥᓍᒋᒧᐎᓐ, ᒦ ᓴ ᐃᐃᒫ ᐌᒋᐅᔑᐆᒪᑲᓂᓂᒃ ᐅᑌᐺᔦᑕᒧᐎᓐ᙮ ᐃᐃᐌᓂ ᑕᔥ ᑎᐹᒋᒧᐎᓐ ᑳᓅᑕᒧᐙᒡ ᒦ ᐃᒫ Xᑕᓐ ᑳᐃᔑᑎᐹᒋᒥᒥᓐᒡ᙮
18 # Psa 19.5. ᐅᐅ ᑕᔥ ᓂᑎᑭᑦ: ᑌᐺ ᓇ ᑳᐐᓐ ᐅᑮᓅᑕᓰᓈᐙ ᐃᐃ ᒥᓍᒋᒧᐎᓐ? ᐅᑮᓅᑖᓈᐙ ᐄᑐᒃ, ᐋᓃᔥ ᑭᒋᒪᓯᓇᐃᑲᓐ ᐃᑭᑑᒪᑲᓐ:
ᐃᓂ ᐅᑮᑭᑐᐎᓂᐙᓐ ᒥᓯᐌ ᐊᑮᕽ ᑮᓅᑖᑾᓂᓂᐗᓐ,
ᐃᓂ ᑲᔦ ᐅᑎᑭᑐᐎᓂᐙᓐ ᑮᐃᔖᒪᑲᓂᓂᐗᓐ ᑳᐊᑯᑕᓀᑖᑯᓯᓂᒡ ᐯᒫᑎᓯᓂᒡ᙮
19 # Deut 32.21. ᑫᔮᐱ ᑕᔥ ᐅᐅ ᓂᑎᔑᑲᑴᑗ: ᑳᐐᓐ ᐃᓇ ᐯᒫᑎᓯᐙᒡ ᐃᐃᒫ ᐃᔅᕒᐃᔭᓬ Israel ᐊᑮᕽ ᑮᓂᓯᑐᑕᓰᐗᒃ? ᒨᓯᔅ ᑕᔥ ᐐᓐ ᓂᑕᒻ ᑮᓇᑴᑕᒻ ᐁᑮᐃᑭᑐᒡ:
ᓂᑲᐋᐸᒋᐋᒃ ᓴ ᑯᑕᒃ ᑳᐯᔑᑴᐙᓇᑭᓯᐙᒡ, ᑫᑰᓂᓂ ᑳᐃᓀᓂᒫᓯᐌᒀ,
ᒋᐅᒋᐋᔮᔐᑕᒣᒃ ᑮᓇᐙ ᑳᑎᐯᓂᒥᓇᑰᒃ ᐯᒫᑎᓯᔦᒃ᙮
ᒦᐗᒃ ᐃᑕᔥ ᐃᑭ ᑳᑕᔑᒪᒀ ᑳ ᐊᔮᓯᒀ ᓂᓯᑐᑕᒧᐎᓐ ᓂᑲᐋᐸᒋᐋᒃ ᒋᓂᔥᑭᐃᓇᑰᒃ᙮
20 # Isa 65.1. ᐊᐗᔑᒣ ᑕᔥ ᑭᔐᒪᓂᑑ ᑮᒪᔥᑲᐎᑮᔗ ᐅᐅ ᑮᐃᑭᑐᒡ ᐋᐃᓭᔭᐗᓐ ᑮᐋᐸᒋᐋᒡ:
ᓂᑮᒥᑳᑰᒃ ᐃᑕᔥ ᐃᑭ ᑳᑮᓇᓈᑕᐙᐸᒥᓯᒀ,
ᓂᑮᓈᑯᓰᑕᐙᒃ ᑕᔥ ᐃᑭ ᑳᑮᑲᑴᑗᓯᒀ ᓃᓐ ᐅᒋ᙮
21 # Isa 65.2. ᐅᐅ ᑕᔥ ᐅᑎᓈᐞ ᐃᔅᕒᐃᔭᓬᐊᐞ: ᑲᐯᑮᔑᒃ ᓴ ᑭᔒᐱᓂᑫᑕᐎᓂᓂᒻ ᒋᓈᓯᑲᐎᔦᒃ ᑮᓇᐙ ᑳᔕᔒᐱᑕᒣᒃ, ᑮᓇᐙ ᑳᓇᓈᑴᑕᒣᒃ ᐯᒫᑎᓯᔦᒃ᙮
Currently Selected:
ᐅᕒᐆᒪᓇᒃ 10: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
