ᐊᑭᑖᓱᓇᓐ 21
21
ᐃᔅᕒᐃᔭᓬᐊᒃ ᑮᔖᑰᒋᐋᐙᒡ ᑫᓇᓐ ᑳᑎᓄᐎᓂᒡ
1 # Num 33.40. ᐊᐲ ᑕᔥ ᐊᐊ ᑭᒋ ᐅᑭᒫ ᐁᕒᐊᑎᕽ Arad ᑳᑮ ᐅᒌᒡ ᓀᑫᑉ Negev ᐃᓇᑫ ᑳᑮ ᐃᔑᑖᒡ ᑫᓇᓐ Canaan ᐊᑮᕽ, ᐁᓅᑕᕽ ᐃᔅᕒᐃᔭᓬᐊᐞ Israel ᐁᐱᐱᒥ ᐊᔮᓂᒡ ᒦᑲᓈᕽ ᐁᓇᒧᓂᓂᒃ ᐋᑕᕒᐃᒻ Atharim, ᒦ ᓴ ᐃ ᑳᐃᔑ ᒦᑳᓈᒡ, ᐋᓂᑕ ᑕᔥ ᐅᑮ ᑳᒋᑎᓈᐞ᙮ 2ᒦᑕᔥ ᐃᔅᕒᐃᔭᓬᐊᒃ ᑳᐃᔑ ᐊᐱᒧᐙᒡ ᐅᐅ ᐁᑮᐃᓈᐙᒡ ᑳᑎᐯᒋᑫᓂᒡ, ᑮᔥᐱᓐ ᓴ ᑑᑕᐗᑣ ᐃᑭ ᐯᒫᑎᓯᐙᒡ ᒋᔖᑰᒋᐊᑭᑣ, ᐐᑫ ᓴ ᑯ ᓂᑲ ᓂᔑᐗᓈᒋᑖᐙᒥᓐ ᐅᑑᑌᓈᒥᐙᓐ, ᐅᑮᐃᓈᐙᓐ᙮ 3ᑳᑎᐯᒋᑫᓂᒡ ᐃᑕᔥ ᐅᑮ ᓅᑖᑯᐙᓐ ᑳᑮ ᐃᔑ ᐸᑯᓭᓂᒫᐙᒡ, ᒦᔥ ᑳᑮ ᐃᔑᒋᑫᐃᑯᐙᒡ ᒋᔖᑰᒋᐋᐙᒡ ᑫᓇᓐ ᑳᑎᓄᐎᓂᒡ᙮ ᐐᑫ ᑕᔥ ᐅᑮ ᒑᑭᐋᐙᐞ, ᐅᑑᑌᓈᒥᓂ ᑲᔦ ᐐᑫ ᐅᑮ ᓂᔑᐗᓈᒋᑕᒪᐙᐙᐞ᙮ ᒦᑕᔥ ᐅᐅ ᐌᒋ ᐃᔑᓂᑳᑌᒃ ᐃᐃᒫ ᐊᕒᒪᐃᕽ Hormah, ᓂᔑᐗᓈᒋᐃᑰᐎᓂᕽ᙮
ᒨᓯᔅ ᑮᐅᔑᐋᒡ ᑭᓀᐱᑯᑳᓇᓐ
4 # Deu 2.1. ᐃᐃᒫ ᑕᔥ ᑭᒋ ᐗᒌᕽ ᐅᕒ Hor ᐁᒋᑳᑌᓂᒃ ᑮᐅᒋ ᒫᒑᐗᒃ ᐁᑮ ᐊᓂ ᐃᔖᐙᒡ ᒥᔅᑯ ᑭᒋᑲᒦᕽ ᐃᓇᑫ ᐁᑮ ᐌᒫᔥᑲᒧᐙᒡ ᐃᐃ ᐊᑮᓂ ᐄᑕᒻ Edom ᐁᒋᑳᑌᓂᒃ᙮ ᐯᒫᑎᓯᐙᒡ ᐃᔅᕒᐃᔭᓬᐊᒃ Israel ᐃᑕᔥ ᑮᐊᓂ ᐸᑭᑌᑕᒧᒃ ᒣᒀ ᐁᐱᒥ ᐊᔮᐙᒡ᙮ 5#1Co 10.9. ᒦ ᓴ ᑕᔥ ᑳᐃᓈᐙᒡ ᑭᔐᒪᓂᑑᓐ, ᒨᓯᓲᓐ Moses ᑲᔦ, ᐌᑯᓀᓐ ᑕᔥ ᑳᐅᒋ ᓵᑭᒋᐎᔑᔮᕽ ᐌᑎ ᐄᒋᐸᑮᕽ, ᐅᐅᒫ ᐱᑾᑕᑲᒥᒃ ᒋᑕᔑ ᓂᐳᔮᕽ? ᑳᐐᓐ ᐄᑐᒃ ᑫᑰᓐ ᒦᒋᒻ ᐅᐅᒫ ᐊᔮᓯᓅᓐ, ᑳᐐᓐ ᑲᔦ ᑫᑰᓐ ᓂᐱ, ᑳᐐᓐ ᐋᔕ ᓂᓵᐯᑕᓰᒥᓐ ᐅᐅ ᒦᒋᒥᔥ ᑳᒦᒋᔮᕽ, ᑮᐃᑭᑐᐗᒃ᙮ 6ᒦᑕᔥ ᑳᑎᐯᒋᑫᒡ ᑳᑮ ᐃᔑᓂᔕᐙᒡ ᑭᓀᐱᑰᐞ ᑳᐱᒋᐴᐎ ᒌᓱᐌᓂᒡ ᐃᐃᒫ ᐁᔑᐊᔮᓂᒡ ᐯᒫᑎᓯᓂᒡ᙮ ᐅᑮ ᒫᑾᒥᑯᓂ ᑕᔥ, ᓃᐱᐗᐞ ᐃᑕᔥ ᐯᒫᑎᓯᓂᒡ ᐃᔅᕒᐃᔭᓬᐊᐞ ᑮᓂᐳᐗᐞ ᐃᐃ ᐁᑮᔑᑲᓂᓂᒃ᙮ 7ᒦᔥ ᒨᓯᔅ ᑳᑮ ᐱ ᓈᓯᑳᑯᒡ ᐯᒫᑎᓯᓂᒡ ᐁᑮᐃᑯᒡ, ᓂᑮ ᒪᒫᔒᒥᓐ ᐊᐲ ᑮᒪᒋᐃᓇᑭᒡ ᑳᑎᐯᒋᑫᒡ, ᑫᑮᓐ ᑕᔥ ᑮᒪᒋᐃᑰᔭᓐ᙮ ᑕᑲ ᑲᓅᔥ ᑳᑎᐯᒋᑫᒡ ᒋᐅᑖᐱᓈᒡ ᐅᐅ ᑭᓀᐱᑰᐞ ᑳᒫᑾᑫᓂᒡ ᐅᐅᒫ ᐁᔑᐊᔮᐗᑭᒡ, ᐅᑮᐃᑰᐞ᙮ ᒦᔥ ᒨᓯᔅ ᑳᑮ ᑲᓅᒋᑫᑕᒪᐙᒡ ᐯᒫᑎᓯᓂᒡ᙮ 8ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐅᔑᐞ ᐲᐙᐱᑯ ᑭᓀᐱᑯᑳᓐ, ᒥᑎᑯᕽ ᐃᔑ ᐅᐹᑾᐅ᙮ ᐊᐌᓀᓐ ᑕᔥ ᐃᑯ ᑳᑮ ᒫᑾᒥᑯᒡ ᑭᓀᐱᑰᓐ, ᑲᓇᐙᐸᒫᒡ ᐃᑕᔥ ᐃᓂ ᑭᓀᐱᑯᑳᓇᓐ, ᒦ ᓴ ᐃ ᒋᐱᒫᑎᓯᒡ, ᐅᑮᐃᑰᓐ᙮ 9#2Ki 18.4; Jhn 3.14. ᒨᓯᔅ ᑕᔥ ᐅᑮ ᐅᔑᐋᓐ ᐅᓵᐙᐱᑯ ᑭᓀᐱᑯᑳᓇᓐ, ᐁᑮ ᐅᐹᑾᐙᒡ ᒥᑎᑯᕽ᙮ ᐊᐌᓀᓇᓐ ᑕᔥ ᐃᑯ ᑳᑮ ᒫᑾᒥᑯᓂᒡ ᑭᓀᐱᑰᓐ, ᐊᐲ ᐁᑲᓇᐙᐸᒫᓂᒡ ᐃᓂ ᑭᓀᐱᑯᑳᓇᓐ, ᒦ ᓴ ᐃ ᑳᐃᔑ ᒥᓄᐊᔮᓂᒡ᙮
Currently Selected:
ᐊᑭᑖᓱᓇᓐ 21: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐊᑭᑖᓱᓇᓐ 21
21
ᐃᔅᕒᐃᔭᓬᐊᒃ ᑮᔖᑰᒋᐋᐙᒡ ᑫᓇᓐ ᑳᑎᓄᐎᓂᒡ
1 # Num 33.40. ᐊᐲ ᑕᔥ ᐊᐊ ᑭᒋ ᐅᑭᒫ ᐁᕒᐊᑎᕽ Arad ᑳᑮ ᐅᒌᒡ ᓀᑫᑉ Negev ᐃᓇᑫ ᑳᑮ ᐃᔑᑖᒡ ᑫᓇᓐ Canaan ᐊᑮᕽ, ᐁᓅᑕᕽ ᐃᔅᕒᐃᔭᓬᐊᐞ Israel ᐁᐱᐱᒥ ᐊᔮᓂᒡ ᒦᑲᓈᕽ ᐁᓇᒧᓂᓂᒃ ᐋᑕᕒᐃᒻ Atharim, ᒦ ᓴ ᐃ ᑳᐃᔑ ᒦᑳᓈᒡ, ᐋᓂᑕ ᑕᔥ ᐅᑮ ᑳᒋᑎᓈᐞ᙮ 2ᒦᑕᔥ ᐃᔅᕒᐃᔭᓬᐊᒃ ᑳᐃᔑ ᐊᐱᒧᐙᒡ ᐅᐅ ᐁᑮᐃᓈᐙᒡ ᑳᑎᐯᒋᑫᓂᒡ, ᑮᔥᐱᓐ ᓴ ᑑᑕᐗᑣ ᐃᑭ ᐯᒫᑎᓯᐙᒡ ᒋᔖᑰᒋᐊᑭᑣ, ᐐᑫ ᓴ ᑯ ᓂᑲ ᓂᔑᐗᓈᒋᑖᐙᒥᓐ ᐅᑑᑌᓈᒥᐙᓐ, ᐅᑮᐃᓈᐙᓐ᙮ 3ᑳᑎᐯᒋᑫᓂᒡ ᐃᑕᔥ ᐅᑮ ᓅᑖᑯᐙᓐ ᑳᑮ ᐃᔑ ᐸᑯᓭᓂᒫᐙᒡ, ᒦᔥ ᑳᑮ ᐃᔑᒋᑫᐃᑯᐙᒡ ᒋᔖᑰᒋᐋᐙᒡ ᑫᓇᓐ ᑳᑎᓄᐎᓂᒡ᙮ ᐐᑫ ᑕᔥ ᐅᑮ ᒑᑭᐋᐙᐞ, ᐅᑑᑌᓈᒥᓂ ᑲᔦ ᐐᑫ ᐅᑮ ᓂᔑᐗᓈᒋᑕᒪᐙᐙᐞ᙮ ᒦᑕᔥ ᐅᐅ ᐌᒋ ᐃᔑᓂᑳᑌᒃ ᐃᐃᒫ ᐊᕒᒪᐃᕽ Hormah, ᓂᔑᐗᓈᒋᐃᑰᐎᓂᕽ᙮
ᒨᓯᔅ ᑮᐅᔑᐋᒡ ᑭᓀᐱᑯᑳᓇᓐ
4 # Deu 2.1. ᐃᐃᒫ ᑕᔥ ᑭᒋ ᐗᒌᕽ ᐅᕒ Hor ᐁᒋᑳᑌᓂᒃ ᑮᐅᒋ ᒫᒑᐗᒃ ᐁᑮ ᐊᓂ ᐃᔖᐙᒡ ᒥᔅᑯ ᑭᒋᑲᒦᕽ ᐃᓇᑫ ᐁᑮ ᐌᒫᔥᑲᒧᐙᒡ ᐃᐃ ᐊᑮᓂ ᐄᑕᒻ Edom ᐁᒋᑳᑌᓂᒃ᙮ ᐯᒫᑎᓯᐙᒡ ᐃᔅᕒᐃᔭᓬᐊᒃ Israel ᐃᑕᔥ ᑮᐊᓂ ᐸᑭᑌᑕᒧᒃ ᒣᒀ ᐁᐱᒥ ᐊᔮᐙᒡ᙮ 5#1Co 10.9. ᒦ ᓴ ᑕᔥ ᑳᐃᓈᐙᒡ ᑭᔐᒪᓂᑑᓐ, ᒨᓯᓲᓐ Moses ᑲᔦ, ᐌᑯᓀᓐ ᑕᔥ ᑳᐅᒋ ᓵᑭᒋᐎᔑᔮᕽ ᐌᑎ ᐄᒋᐸᑮᕽ, ᐅᐅᒫ ᐱᑾᑕᑲᒥᒃ ᒋᑕᔑ ᓂᐳᔮᕽ? ᑳᐐᓐ ᐄᑐᒃ ᑫᑰᓐ ᒦᒋᒻ ᐅᐅᒫ ᐊᔮᓯᓅᓐ, ᑳᐐᓐ ᑲᔦ ᑫᑰᓐ ᓂᐱ, ᑳᐐᓐ ᐋᔕ ᓂᓵᐯᑕᓰᒥᓐ ᐅᐅ ᒦᒋᒥᔥ ᑳᒦᒋᔮᕽ, ᑮᐃᑭᑐᐗᒃ᙮ 6ᒦᑕᔥ ᑳᑎᐯᒋᑫᒡ ᑳᑮ ᐃᔑᓂᔕᐙᒡ ᑭᓀᐱᑰᐞ ᑳᐱᒋᐴᐎ ᒌᓱᐌᓂᒡ ᐃᐃᒫ ᐁᔑᐊᔮᓂᒡ ᐯᒫᑎᓯᓂᒡ᙮ ᐅᑮ ᒫᑾᒥᑯᓂ ᑕᔥ, ᓃᐱᐗᐞ ᐃᑕᔥ ᐯᒫᑎᓯᓂᒡ ᐃᔅᕒᐃᔭᓬᐊᐞ ᑮᓂᐳᐗᐞ ᐃᐃ ᐁᑮᔑᑲᓂᓂᒃ᙮ 7ᒦᔥ ᒨᓯᔅ ᑳᑮ ᐱ ᓈᓯᑳᑯᒡ ᐯᒫᑎᓯᓂᒡ ᐁᑮᐃᑯᒡ, ᓂᑮ ᒪᒫᔒᒥᓐ ᐊᐲ ᑮᒪᒋᐃᓇᑭᒡ ᑳᑎᐯᒋᑫᒡ, ᑫᑮᓐ ᑕᔥ ᑮᒪᒋᐃᑰᔭᓐ᙮ ᑕᑲ ᑲᓅᔥ ᑳᑎᐯᒋᑫᒡ ᒋᐅᑖᐱᓈᒡ ᐅᐅ ᑭᓀᐱᑰᐞ ᑳᒫᑾᑫᓂᒡ ᐅᐅᒫ ᐁᔑᐊᔮᐗᑭᒡ, ᐅᑮᐃᑰᐞ᙮ ᒦᔥ ᒨᓯᔅ ᑳᑮ ᑲᓅᒋᑫᑕᒪᐙᒡ ᐯᒫᑎᓯᓂᒡ᙮ 8ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐅᔑᐞ ᐲᐙᐱᑯ ᑭᓀᐱᑯᑳᓐ, ᒥᑎᑯᕽ ᐃᔑ ᐅᐹᑾᐅ᙮ ᐊᐌᓀᓐ ᑕᔥ ᐃᑯ ᑳᑮ ᒫᑾᒥᑯᒡ ᑭᓀᐱᑰᓐ, ᑲᓇᐙᐸᒫᒡ ᐃᑕᔥ ᐃᓂ ᑭᓀᐱᑯᑳᓇᓐ, ᒦ ᓴ ᐃ ᒋᐱᒫᑎᓯᒡ, ᐅᑮᐃᑰᓐ᙮ 9#2Ki 18.4; Jhn 3.14. ᒨᓯᔅ ᑕᔥ ᐅᑮ ᐅᔑᐋᓐ ᐅᓵᐙᐱᑯ ᑭᓀᐱᑯᑳᓇᓐ, ᐁᑮ ᐅᐹᑾᐙᒡ ᒥᑎᑯᕽ᙮ ᐊᐌᓀᓇᓐ ᑕᔥ ᐃᑯ ᑳᑮ ᒫᑾᒥᑯᓂᒡ ᑭᓀᐱᑰᓐ, ᐊᐲ ᐁᑲᓇᐙᐸᒫᓂᒡ ᐃᓂ ᑭᓀᐱᑯᑳᓇᓐ, ᒦ ᓴ ᐃ ᑳᐃᔑ ᒥᓄᐊᔮᓂᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society