ᐊᑭᑖᓱᓇᓐ 20
20
ᒨᓯᔅ ᑮᐅᑎᓇᒫᑫᒡ ᓂᐱ ᑫᒥᓂᑴᐎᓐᒡ
1ᐯᔑᑯ ᑮᓯᓲᓐ ᐁᐱᒪᑭᓱᓂᒡ, ᑲᑭᓇ ᑳᑮ ᑕᔑᐙᒡ ᐃᔅᕒᐃᔭᓬᐊᒃ Israel ᑮᐱ ᑕᑯᔑᓅᒃ ᐃᐃᒫ ᐱᑾᑕᑲᒥᒃ ᓯᓐ Zin ᐁᒋᑳᑌᓂᒃ᙮ ᐃᐃᒫ ᓴ ᑲᑌᔑᕽ Kadesh ᑮᐃᔑ ᑲᐯᔑᐗᒃ᙮ ᒦ ᓴ ᐃᐃᒫ ᒥᕒᐃᔭᒻ Miriam ᑳᑮ ᑕᔑ ᐃᔥᒀ ᐱᒫᑎᓯᒡ, ᒦᑲᔦ ᐃᐃᒫ ᑳᐃᔑ ᓇᐃᓂᓐᒡ᙮
2 # Exo 17.1-7. ᑳᐐᓐ ᑕᔥ ᓂᐲᓂ ᑮᐊᔮᓯᓂᓂ ᑫᒥᓂᒀᑕᒧᐙᒡ ᐃᔅᕒᐃᔭᓬᐊᒃ᙮ ᑲᑭᓇ ᑕᔥ ᐅᑮ ᒫᒪᐎ ᓈᓯᑲᐙᐙᓐ ᒨᓯᓲᓐ Moses ᐃᓂ ᑲᔦ ᐁᕒᐊᓅᓐ Aaron᙮ 3ᒦᔥ ᑳᑮ ᒫᔑ ᑲᑲᓅᓈᐙᒡ ᒨᓯᓲᓐ ᐁᑮ ᐃᑭᑐᐙᒡ, ᓇᐗᒡ ᐄᑐᒃ ᑖᑮ ᐅᓂᔑᔑᓐ ᑫᓃᓇᐎᓐᑦ ᓂᐳᔮᑭᐸᓐ ᐊᐲ ᑮᓂᐳᐙᒡ ᓃᒋᑭᐌᔨᓈᓂᒃ ᐁᓈᓴᒦᓂᒡ ᑳᑎᐯᒋᑫᓂᒡ! 4ᐌᑯᓀᓐ ᑕᔥ ᑳᐅᒋ ᐲᔑᔮᕽ ᐅᐅᒫ ᐱᑾᑕᑲᒥᒃ? ᐅᐅᒫ ᓇ ᒋᑕᔑ ᓂᐳᔮᕽ, ᐃᑭ ᑲᔦ ᓂᑕᐗᑳᓂᓈᓂᒃ? 5ᐌᑯᓀᓐ ᑕᔥ ᑳᐅᒋ ᓵᑭᒋᐎᔑᔮᕽ ᐌᑎ ᐄᒋᐸᑮᕽ, ᐅᐅᒫ ᑕᔥ ᑳᔑ ᐐᓈᐸᑫᑖᑾᓯᓄᒃ ᐁᑮ ᐃᔑ ᐲᔑᔮᕽ? ᐃᓇᔥᑫ ᐅᐅᒫ ᑳᐐᓐ ᑲᓇᑫ ᐸᑴᔑᑲᓐ ᓂᑖᐎᑭᓰ, ᑳᐐᓐ ᑲᔦ ᐱᒃ fig ᑎᓄᐙᑎᑰᒃ, ᔔᒥᓈᑎᑰᒃ ᑲᔦ, ᔒᐎᒥᑎᑰᒃ ᑲᔦ᙮ ᑳᐐᓐ ᑲᔦ ᑫᑰᓐ ᓂᐱ ᑫᒥᓂᑴᔮᕽ ᐊᔮᓯᓅᓐ, ᐅᑮᐃᓈᐙᓐ᙮ 6ᒦᑕᔥ ᒨᓯᔅ ᐊᐊ ᑲᔦ ᐁᕒᐊᓐ ᑳᑮ ᓇᑲᓈᐙᒡ ᐯᒫᑎᓯᓂᒡ, ᐁᑮ ᐃᔖᐙᒡ ᐁᔑ ᐃᔥᒀᑌᒥᐗᓂᓂᒃ ᒫᐗᒋᐃᑎᐎ ᐸᒀᓀᑲᒥᑯᓂ᙮ ᒦᔥ ᐃᐃᒫ ᑳᐃᔑ ᐊᓂᒥᑯᑖᐙᒡ ᒥᑕᑲᒥᒃ᙮ ᒦᔥ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ ᑳᑮ ᓈᑾᓂᓂᒃ ᐃᐃᒫ᙮
7ᒦᑕᔥ ᐅᐅ ᑳᑎᐯᒋᑫᓂᒡ ᑳᐃᑯᒡ ᒨᓯᔅ, 8ᒫᒌᑑᓐ ᐃᐃ ᑭᓴᑲᐆᓈᒃ, ᒋᐐᒌᐗᒡ ᐊᐊ ᑭᓴᔦᔅ ᐁᕒᐊᓐ ᒋᒫᐗᑑᓀᒀ ᑲᑭᓇ ᐯᒫᑎᓯᐙᒡ᙮ ᒦᑕᔥ ᐃᔑ ᑲᓅᓈᑲᓐ ᐊᐊ ᐊᓯᓐ ᒫᓄᑯ ᒋᐙᐸᒥᒀ, ᓂᐱ ᐃᐃᒫ ᒋᐅᒋᒋᐗᕽ᙮ ᒦ ᓴ ᑕᔥ ᐃᐃᒫ ᐊᓯᓃᕽ ᑫᐅᒋ ᐲᑕᒪᐗᑣ ᐃᐃ ᓂᐲᓂ᙮ ᒦ ᓴ ᐃᐃᐌᓂ ᑫᒥᓂᑴᐙᒡ ᑲᑭᓇ ᐯᒫᑎᓯᐙᒡ, ᐃᐃ ᑲᔦ ᐅᑕᐗᑳᓂᐙᐞ, ᐅᑮᐃᑰᓐ᙮ 9ᒦᔥ ᒨᓯᔅ ᑳᑮ ᐃᔖᒡ ᐁᑮ ᒫᒌᑑᒡ ᓴᑲᐅᓈᒃ, ᐁᑮ ᐃᔑᒋᑫᒡ ᑳᑮᐃᑯᒡ ᑳᑎᐯᒋᑫᓂᒡ᙮
10ᒦᔥ ᒨᓯᔅ, ᐊᐊ ᑲᔦ ᐁᕒᐊᓐ ᑳᐃᔑ ᒫᐗᑑᓈᐙᒡ ᑲᑭᓇ ᐃᔅᕒᐃᔭᓬᐊᐞ ᐁᔑᐊᔮᓂᒡ ᐊᓯᓃᓐ, ᒨᓯᔅ ᐅᐅ ᐁᑮ ᐃᑭᑐᒡ, ᐱᓯᑕᐎᔑᒃ ᑮᓇᐙ ᑳᔕᔒᐱᑕᒣᒃ, ᓂᐱ ᓇ ᐅᐅᒫ ᐊᓯᓃᕽ ᑭᑲ ᐅᒋ ᐲᑕᒫᑰᒻ? 11ᒦᑕᔥ ᒨᓯᔅ ᑳᑮ ᐃᔥᐱᓂᑫᓂᒡ ᐁᑮ ᐸᑭᑌᐙᒡ ᐊᓯᓃᓐ ᓃᔣ, ᓴᑲᐅᓈᒃ ᐁᑮ ᐋᐸᒋᑑᒡ᙮ ᓃᐱᐗᐞ ᐃᑕᔥ ᓂᐲᓂ ᐃᐃᒫ ᑮᐅᒋᒋᐗᓂᓂ᙮ ᑲᑭᓇ ᑕᔥ ᐃᔅᕒᐃᔭᓬᐊᒃ ᑮᒥᓂᑴᐗᒃ, ᐃᐃ ᑲᔦ ᐅᑕᐗᑳᓂᐙᐞ᙮
12ᒦᑕᔥ ᒨᓯᔅ, ᐊᐊ ᑲᔦ ᐁᕒᐊᓐ ᑳᑮ ᑭᔒ ᑲᓅᓂᑯᐙᒡ ᐁᑮᐃᑯᐙᒡ ᑳᑎᐯᒋᑫᓂᒡ, ᑮᓇᐙ ᑕᔥ ᑳᔑ ᓃᔑᔦᒃ ᐁᑮ ᑌᐺᑕᐎᓯᐌᒃ ᒋᑮ ᓈᑯᑑᔦᑭᐸᓐ ᓂᑭᒋ ᐃᓀᑖᑯᓯᐎᓐ ᒋᑮ ᐙᐸᑕᒧᐙᐸᓐ ᐯᒫᑎᓯᐙᒡ ᐃᔅᕒᐃᔭᓬᐊᒃ, ᑳᐐᓐ ᓴ ᑮᓇᐙ ᑭᑲ ᐃᔑᐎᓈᓯᐙᐙᒃ ᐅᑯ ᐃᔅᕒᐃᔭᓬᐊᒃ ᐌᑎ ᐊᑮᕽ ᑳᑮ ᐊᔓᑕᒪᐗᒀ ᐁᐐ ᒦᓇᒀ, ᐅᑮᐃᑯᐙᓐ᙮
13ᒦ ᓴ ᐅᐅ ᑳᐃᔑᓭᒃ ᐃᐃᒫ ᒣᕒᐃᐸ#20.13 ᒣᕒᐃᐸ: ᐃᐃᐌ ᒣᕒᐃᐸ ᑳᐃᒋᑳᑌᒃ, ᑖᐱᔥᑰ ᐊᐎᔭ ᑳᒫᔑ ᑲᓅᓂᓐᒡ, ᒦ ᐃᐌ ᐁᓂᑖᑾᓂᓂᒃ ᑳᐃᔑᑮᔗᐙᒡ ᐄᐸᕒᐆᐗᒃ᙮ Meribah ᐊᔮᐎᓂᕽ᙮ ᒦ ᐃ ᐋᓃᔥ ᐃᐃᒫ ᐯᒫᑎᓯᐙᒡ ᐃᔅᕒᐃᔭᓬᐊᒃ ᑳᑮ ᐃᔑ ᒫᔑ ᑲᓅᓈᐙᒡ ᑳᑎᐯᒋᑫᓂᒡ᙮ ᒦᑕᔥ ᐃᐃᒫ ᑳᑎᐯᒋᑫᒡ ᑳᑮ ᐃᔑ ᐙᐸᑕᐋᒡ ᐁᑭᒋ ᐃᓀᑖᑯᓯᒡ᙮
ᐃᔅᕒᐃᔭᓬᐊᒃ ᑮᐸᑭᑎᓈᓯᐎᑣ ᒋᔖᐳᔥᑳᐙᒡ ᐄᑕᒻ ᐊᑮᕽ
14ᒨᓯᔅ Moses ᐃᑕᔥ ᐃᐃᒫ ᑲᑌᔥ Kadesh ᐅᑮ ᐅᒋ ᒫᒋᓂᔕᐙᐞ ᐊᐎᔭᐞ ᒋᐊᐎ ᑲᓅᓈᓂᒡ ᐄᑕᒻ Edom ᑭᒋᐅᑭᒫᓐ᙮ ᒦᔥ ᐅᐅ ᑳᐃᓈᓂᒡ, ᓃᓇᐎᓐᑦ ᓴ ᐃᔅᕒᐃᔭᓬᐊᒃ ᑮᒋᑭᐌᓯᐗᒃ ᐁᐃᓈᑰᒥᑰᔦᒃ, ᐅᐅ ᓴ ᑭᑎᑰᒻ; ᑭᑭᑫᑖᒻ ᐄᑐᒃ ᐋᓃᓐ ᑲᑭᓇ ᑳᐱᔑ ᑲᒀᑕᑭᓭᔮᕽ᙮ 15ᓂᑫᑌᔭᐋᒥᓈᐸᓃᒃ ᓴ ᑮᐃᔖᐙᑯᐸᓐ ᐄᒋᐸᑮᕽ Egypt, ᑭᓉᔥ ᐌᑎ ᑮᐊᔮᐙᑯᐸᓐ᙮ ᐄᒋᑉ ᑳᑎᓄᐎᐙᒡ ᐃᑕᔥ ᑳᐐᓐ ᑾᔭᒃ ᓂᑮ ᑑᑖᑯᓰᓈᓂᒃ, ᓂᑫᑌᔭᐋᒥᓈᐸᓃᐞ ᑲᔦ ᑳᐐᓐ ᑾᔭᒃ ᐅᑮ ᑑᑕᐙᓯᐙᐙᐞ᙮ 16ᐊᐲ ᑕᔥ ᑳᔖᑯᐙᓇᑭᒡ ᑳᑎᐯᒋᑫᒡ, ᓂᑮ ᓅᑖᑯᓈᓐ᙮ ᒦᔥ ᑳᑮ ᐲᒋᓂᔕᐙᒡ ᐅᑌᒐᓬᐃᒪᓐ ᐁᑮ ᓵᑭᒋᐎᔑᔭᒥᓐᒡ ᐌᑎ ᐄᒋᐸᑮᕽ᙮ ᐃᓇᔥᑫ ᑕᔥ ᓅᑯᒻ ᐅᐅᒫ ᑫᑌᔥ ᐆᑌᓈᕽ ᓂᑕᔮᒥᓐ, ᓵᑭᒐᔭᐄ ᑭᑕᑮᒥᐙᕽ᙮ 17ᑕᑲ ᑕᔥ ᐱᓵᓐ ᐸᑭᑎᓂᔑᓈᒻ ᒋᔖᐳᔥᑳᔮᕽ ᑭᑕᑮᒥᐙ᙮ ᑳᐐᓐ ᓂᑲ ᐃᔖᓰᒥᓐ ᑭᑭᑎᑫᐗᑲᒥᑯᐙᕽ, ᔔᒥᓇᒃ ᑲᔦ ᐁᔑ ᑭᑎᑳᓀᒀ, ᑳᐐᓐ ᑲᔦ ᑭᑑᑕᐃᐹᓂᐙᕽ ᓂᑲ ᐅᒋ ᒥᓂᑴᓰᒥᓐ ᓂᐱ᙮ ᐌᑎ ᑭᒋ ᐅᑭᒫ ᐅᒦᑲᓈᒥᕽ ᓂᑲᔑ ᐱᒥ ᐊᔮᒥᓐ, ᑳᐐᓐ ᐊᐙᒡ ᓂᓇᒪᑎᓂᑭᓈᓂᕽ, ᓂᑭᒋᓂᑭᓈᓂᕽ ᑲᔦ ᐃᓇᑫ ᓂᑲᔑ ᐸᑫᓰᒥᓐ, ᐲᓂᔥ ᒋᐊᓂ ᐅᑎᑕᒫᕽ ᐁᔑ ᐴᓂᓭᒃ ᑭᑕᑮᒥᐙ, ᑮᐃᑭᑐᐗᐞ᙮
18ᐅᐅ ᑕᔥ ᐄᑕᒻ ᐌᒌᓂᒡ ᐅᑮᐃᑯᐙᐞ, ᑳᐐᓐ ᑭᑲ ᔖᐳᔥᑳᓰᒻ ᓂᑕᑮᒥᓈᓐ; ᑮᔥᐱᓐ ᐃᑕᔥ ᐐᑯᒋᑑᔦᒃ, ᑭᑲ ᐊᑕ ᓇᑭᔥᑳᑰᒻ ᒋᒦᑳᓂᑰᔦᒃ, ᐸᔑᐸᐃᑫᐎᑯᒫᓇᓐ ᒋᐋᐸᒋᑑᔮᕽ, ᐅᑮᐃᑯᐙᐞ᙮
19ᒦᔥ ᐅᐅ ᐃᔅᕒᐃᔭᓬᐊᒃ ᑳᑮᐃᓈᐙᒡ, ᐌᑎ ᓴ ᐁᑕ ᑭᒋ ᒦᑲᓈᕽ ᓂᑲ ᐃᔑ ᐱᒥ ᐊᔮᒥᓐ᙮ ᑮᔥᐱᓐ ᐃᑕᔥ ᒥᓂᑴᔮᕽ ᓂᐱ, ᑯᒫ ᑲᔦ ᓂᑕᔭᐋᐎᔑᒥᓈᓂᒃ ᒥᓂᑴᐙᒡ, ᑭᑲ ᑎᐸᐊᒫᑰᒻ ᐃᑕᔥ᙮ ᐁᐐ ᔖᐳ ᐱᒧᓭᔮᕽ ᐅᔐᑕ ᓂᑎᔑ ᐊᑕᐌᑖᒥᓐ, ᑳᐐᓐ ᐐᓐ ᑫᑰᓐ ᐸᑳᓐ, ᑮᐃᑭᑐᐗᒃ᙮
20ᐅᐅ ᑕᔥ ᐅᑮ ᐱᐃᑯᐙᐞ, ᑳᐐᓐ ᓴ ᑭᑲ ᔖᐳᔥᑳᓰᒻ! ᒦᑕᔥ ᑳᑮ ᐱᐊᑕ ᓇᑭᔥᑳᑯᐙᒡ ᐄᑕᒥᐎ ᔑᒫᑲᓂᔕᐞ ᐁᑮ ᐹᑏᓄᓂᒡ, ᐐᑫ ᑲᔦ ᐁᑮ ᒪᔥᑲᐌᑖᑯᓯᓂᒡ᙮ 21ᐁᑮ ᐸᑭᑎᓂᑯᓯᒀ ᑕᔥ ᐄᑕᒻ ᑳᑎᓄᐎᓂᒡ ᒋᔖᐳᔥᑳᐙᒡ ᐅᑕᑮᒥᓃᕽ, ᐃᔅᕒᐃᔭᓬᐊᒃ ᓴ ᐸᑳᓐ ᐃᓇᑫ ᐅᑮ ᐃᔑ ᐌᒫᔥᑲᐙᐙᐞ᙮
ᐁᕒᐊᓐ ᑮᐃᔥᒀᐱᒫᑎᓯᒡ
22ᑲᑭᓇ ᑕᔥ ᑳᑮ ᑕᔑᐙᒡ ᐃᔅᕒᐃᔭᓬᐊᒃ ᑫᑌᔥ Kedash ᑮᐅᒋ ᒫᒑᐗᒃ, ᐌᑎ ᑕᔥ ᐗᒌᕽ ᐅᕒ Hor ᐁᒋᑳᑌᓂᒃ ᑮᐃᔑ ᑕᑯᔑᓅᒃ᙮ 23ᐃᐃ ᐗᒋᐤ ᐅᕒ ᐁᔑᓂᑳᑌᒃ ᑮᐃᔑᐊᔮ ᐃᐃᒫ ᒌᑲᔭᐄ ᐄᑕᒻ Edom ᐊᑭ᙮ ᒦᑕᔥ ᐃᐃᒫ ᒨᓯᔅ Moses ᑳᑮ ᑲᓅᓂᑯᒡ ᑳᑎᐯᒋᑫᓂᒡ ᐁᑮᐃᑯᒡ, 24ᐁᕒᐊᓐ Aaron ᓴ ᐋᔕ ᑫᑳ ᑕᐃᔥᒀ ᐱᒫᑎᓯ, ᑳᐐᓐ ᐃᑕᔥ ᑕᐲᑎᑫᔥᑳᓰ ᐃᐃ ᐊᑮᓂ ᑳᑮ ᐊᔓᑕᒪᐎᒪᒃ ᐃᔅᕒᐃᔭᓬᐊᐞ Israel ᐁᐐ ᒦᓂᒪᒃ᙮ ᐅᓵᒻ ᐋᓃᔥ ᐁᔑ ᓃᔑᔦᒃ ᑳᐐᓐ ᑭᑮ ᓇᐃᑕᐎᓰᒻ ᑳᐃᓂᓇᑰᑭᐸᓐ ᐌᑎ ᒣᕒᐃᐸ ᐊᔮᐎᓂᕽ ᓂᐱ ᑳᔑ ᐊᔮᒃ᙮ 25ᐱᐊᒀᒪᒋᐌᐎᔥ ᐃᑕᔥ ᐁᕒᐊᓐ, ᐃᓂ ᑲᔦ ᐅᑯᓯᓴᓐ ᐁᓬᐃᐁᓴᕒ Eleazar ᑳᐃᔑᓂᑳᓱᓂᒡ ᐅᐅᒫ ᐗᒌᕽ ᐅᕒ᙮ 26ᑭᑲ ᑮᒋᑯᔥᑲᒧᐋ ᑕᔥ ᐁᕒᐊᓐ ᐅᑕᓇᒥᐁ ᑭᑭᔥᑭᑲᓇᓐ, ᐅᑯᓯᓴᓐ ᐃᑕᔥ ᐁᓬᐃᐁᓴᕒᐆᓐ ᑭᑲ ᐱᓯᑲᒨᐃᒫᓐ᙮ ᒦᑕᔥ ᐌᑎ ᐁᕒᐊᓐ ᑫᑕᔑ ᐃᔥᒀ ᐱᒫᑎᓯᒡ, ᐅᑮᐃᑰᓐ᙮ 27ᒨᓯᔅ ᐃᑕᔥ ᑮᐃᔑᒋᑫ ᑳᑮᐃᑯᒡ ᑳᑎᐯᒋᑫᓂᒡ, ᐁᑮ ᐊᒀᒪᒋᐌᐎᓈᒡ ᐗᒌᕽ ᐅᕒ, ᑲᑭᓇ ᐃᔅᕒᐃᔭᓬᐊᐞ ᑫᔑ ᑲᓇᐙᐸᒥᑯᐙᒡ᙮ 28#Exo 29.29; Num 33.38; Deu 10.6. ᒦᔥ ᒨᓯᔅ ᑳᑮ ᑮᒋᑯᔥᑲᒧᐋᒡ ᐁᕒᐊᓅᓐ ᐅᑭᑭᔥᑭᑲᓂᓂ, ᐅᑯᓯᓯᓂ ᑕᔥ ᐁᓬᐃᐁᓴᕒᐆᓐ ᐅᑮ ᐱᓯᑲᒨᓈᓐ᙮ ᒦᑕᔥ ᐌᑎ ᐁᕒᐊᓅᓐ ᐗᑭᒋ ᐗᒋᐤ ᑳᑕᔑ ᐃᔥᒀ ᐱᒫᑎᓯᓂᒡ᙮ ᒨᓯᔅ, ᐊᐊ ᑕᔥ ᑲᔦ ᐁᓬᐃᐁᓴᕒ ᑮᐱᐅᒋ ᓃᓴᒋᐌᐗᒃ ᐃᐃᒫ ᐗᒌᕽ᙮ 29ᐊᐲ ᑕᔥ ᑲᑭᓇ ᐃᔅᕒᐃᔭᓬᐊᒃ ᐁᑭᑫᑕᒧᐙᒡ ᐁᕒᐊᓅᓐ ᐁᑮ ᐃᔥᒀ ᐱᒫᑎᓯᓂᒡ, ᑲᑭᓇ ᓴ ᑯ ᑳᑮ ᑕᔑᐙᒡ ᐅᑮ ᒪᐎᒫᐙᓐ ᓂᓯᒥᑕᓇ 30 ᑕᓱ ᑮᔑᒃ ᒥᓂᒃ᙮
Currently Selected:
ᐊᑭᑖᓱᓇᓐ 20: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐊᑭᑖᓱᓇᓐ 20
20
ᒨᓯᔅ ᑮᐅᑎᓇᒫᑫᒡ ᓂᐱ ᑫᒥᓂᑴᐎᓐᒡ
1ᐯᔑᑯ ᑮᓯᓲᓐ ᐁᐱᒪᑭᓱᓂᒡ, ᑲᑭᓇ ᑳᑮ ᑕᔑᐙᒡ ᐃᔅᕒᐃᔭᓬᐊᒃ Israel ᑮᐱ ᑕᑯᔑᓅᒃ ᐃᐃᒫ ᐱᑾᑕᑲᒥᒃ ᓯᓐ Zin ᐁᒋᑳᑌᓂᒃ᙮ ᐃᐃᒫ ᓴ ᑲᑌᔑᕽ Kadesh ᑮᐃᔑ ᑲᐯᔑᐗᒃ᙮ ᒦ ᓴ ᐃᐃᒫ ᒥᕒᐃᔭᒻ Miriam ᑳᑮ ᑕᔑ ᐃᔥᒀ ᐱᒫᑎᓯᒡ, ᒦᑲᔦ ᐃᐃᒫ ᑳᐃᔑ ᓇᐃᓂᓐᒡ᙮
2 # Exo 17.1-7. ᑳᐐᓐ ᑕᔥ ᓂᐲᓂ ᑮᐊᔮᓯᓂᓂ ᑫᒥᓂᒀᑕᒧᐙᒡ ᐃᔅᕒᐃᔭᓬᐊᒃ᙮ ᑲᑭᓇ ᑕᔥ ᐅᑮ ᒫᒪᐎ ᓈᓯᑲᐙᐙᓐ ᒨᓯᓲᓐ Moses ᐃᓂ ᑲᔦ ᐁᕒᐊᓅᓐ Aaron᙮ 3ᒦᔥ ᑳᑮ ᒫᔑ ᑲᑲᓅᓈᐙᒡ ᒨᓯᓲᓐ ᐁᑮ ᐃᑭᑐᐙᒡ, ᓇᐗᒡ ᐄᑐᒃ ᑖᑮ ᐅᓂᔑᔑᓐ ᑫᓃᓇᐎᓐᑦ ᓂᐳᔮᑭᐸᓐ ᐊᐲ ᑮᓂᐳᐙᒡ ᓃᒋᑭᐌᔨᓈᓂᒃ ᐁᓈᓴᒦᓂᒡ ᑳᑎᐯᒋᑫᓂᒡ! 4ᐌᑯᓀᓐ ᑕᔥ ᑳᐅᒋ ᐲᔑᔮᕽ ᐅᐅᒫ ᐱᑾᑕᑲᒥᒃ? ᐅᐅᒫ ᓇ ᒋᑕᔑ ᓂᐳᔮᕽ, ᐃᑭ ᑲᔦ ᓂᑕᐗᑳᓂᓈᓂᒃ? 5ᐌᑯᓀᓐ ᑕᔥ ᑳᐅᒋ ᓵᑭᒋᐎᔑᔮᕽ ᐌᑎ ᐄᒋᐸᑮᕽ, ᐅᐅᒫ ᑕᔥ ᑳᔑ ᐐᓈᐸᑫᑖᑾᓯᓄᒃ ᐁᑮ ᐃᔑ ᐲᔑᔮᕽ? ᐃᓇᔥᑫ ᐅᐅᒫ ᑳᐐᓐ ᑲᓇᑫ ᐸᑴᔑᑲᓐ ᓂᑖᐎᑭᓰ, ᑳᐐᓐ ᑲᔦ ᐱᒃ fig ᑎᓄᐙᑎᑰᒃ, ᔔᒥᓈᑎᑰᒃ ᑲᔦ, ᔒᐎᒥᑎᑰᒃ ᑲᔦ᙮ ᑳᐐᓐ ᑲᔦ ᑫᑰᓐ ᓂᐱ ᑫᒥᓂᑴᔮᕽ ᐊᔮᓯᓅᓐ, ᐅᑮᐃᓈᐙᓐ᙮ 6ᒦᑕᔥ ᒨᓯᔅ ᐊᐊ ᑲᔦ ᐁᕒᐊᓐ ᑳᑮ ᓇᑲᓈᐙᒡ ᐯᒫᑎᓯᓂᒡ, ᐁᑮ ᐃᔖᐙᒡ ᐁᔑ ᐃᔥᒀᑌᒥᐗᓂᓂᒃ ᒫᐗᒋᐃᑎᐎ ᐸᒀᓀᑲᒥᑯᓂ᙮ ᒦᔥ ᐃᐃᒫ ᑳᐃᔑ ᐊᓂᒥᑯᑖᐙᒡ ᒥᑕᑲᒥᒃ᙮ ᒦᔥ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ ᑳᑮ ᓈᑾᓂᓂᒃ ᐃᐃᒫ᙮
7ᒦᑕᔥ ᐅᐅ ᑳᑎᐯᒋᑫᓂᒡ ᑳᐃᑯᒡ ᒨᓯᔅ, 8ᒫᒌᑑᓐ ᐃᐃ ᑭᓴᑲᐆᓈᒃ, ᒋᐐᒌᐗᒡ ᐊᐊ ᑭᓴᔦᔅ ᐁᕒᐊᓐ ᒋᒫᐗᑑᓀᒀ ᑲᑭᓇ ᐯᒫᑎᓯᐙᒡ᙮ ᒦᑕᔥ ᐃᔑ ᑲᓅᓈᑲᓐ ᐊᐊ ᐊᓯᓐ ᒫᓄᑯ ᒋᐙᐸᒥᒀ, ᓂᐱ ᐃᐃᒫ ᒋᐅᒋᒋᐗᕽ᙮ ᒦ ᓴ ᑕᔥ ᐃᐃᒫ ᐊᓯᓃᕽ ᑫᐅᒋ ᐲᑕᒪᐗᑣ ᐃᐃ ᓂᐲᓂ᙮ ᒦ ᓴ ᐃᐃᐌᓂ ᑫᒥᓂᑴᐙᒡ ᑲᑭᓇ ᐯᒫᑎᓯᐙᒡ, ᐃᐃ ᑲᔦ ᐅᑕᐗᑳᓂᐙᐞ, ᐅᑮᐃᑰᓐ᙮ 9ᒦᔥ ᒨᓯᔅ ᑳᑮ ᐃᔖᒡ ᐁᑮ ᒫᒌᑑᒡ ᓴᑲᐅᓈᒃ, ᐁᑮ ᐃᔑᒋᑫᒡ ᑳᑮᐃᑯᒡ ᑳᑎᐯᒋᑫᓂᒡ᙮
10ᒦᔥ ᒨᓯᔅ, ᐊᐊ ᑲᔦ ᐁᕒᐊᓐ ᑳᐃᔑ ᒫᐗᑑᓈᐙᒡ ᑲᑭᓇ ᐃᔅᕒᐃᔭᓬᐊᐞ ᐁᔑᐊᔮᓂᒡ ᐊᓯᓃᓐ, ᒨᓯᔅ ᐅᐅ ᐁᑮ ᐃᑭᑐᒡ, ᐱᓯᑕᐎᔑᒃ ᑮᓇᐙ ᑳᔕᔒᐱᑕᒣᒃ, ᓂᐱ ᓇ ᐅᐅᒫ ᐊᓯᓃᕽ ᑭᑲ ᐅᒋ ᐲᑕᒫᑰᒻ? 11ᒦᑕᔥ ᒨᓯᔅ ᑳᑮ ᐃᔥᐱᓂᑫᓂᒡ ᐁᑮ ᐸᑭᑌᐙᒡ ᐊᓯᓃᓐ ᓃᔣ, ᓴᑲᐅᓈᒃ ᐁᑮ ᐋᐸᒋᑑᒡ᙮ ᓃᐱᐗᐞ ᐃᑕᔥ ᓂᐲᓂ ᐃᐃᒫ ᑮᐅᒋᒋᐗᓂᓂ᙮ ᑲᑭᓇ ᑕᔥ ᐃᔅᕒᐃᔭᓬᐊᒃ ᑮᒥᓂᑴᐗᒃ, ᐃᐃ ᑲᔦ ᐅᑕᐗᑳᓂᐙᐞ᙮
12ᒦᑕᔥ ᒨᓯᔅ, ᐊᐊ ᑲᔦ ᐁᕒᐊᓐ ᑳᑮ ᑭᔒ ᑲᓅᓂᑯᐙᒡ ᐁᑮᐃᑯᐙᒡ ᑳᑎᐯᒋᑫᓂᒡ, ᑮᓇᐙ ᑕᔥ ᑳᔑ ᓃᔑᔦᒃ ᐁᑮ ᑌᐺᑕᐎᓯᐌᒃ ᒋᑮ ᓈᑯᑑᔦᑭᐸᓐ ᓂᑭᒋ ᐃᓀᑖᑯᓯᐎᓐ ᒋᑮ ᐙᐸᑕᒧᐙᐸᓐ ᐯᒫᑎᓯᐙᒡ ᐃᔅᕒᐃᔭᓬᐊᒃ, ᑳᐐᓐ ᓴ ᑮᓇᐙ ᑭᑲ ᐃᔑᐎᓈᓯᐙᐙᒃ ᐅᑯ ᐃᔅᕒᐃᔭᓬᐊᒃ ᐌᑎ ᐊᑮᕽ ᑳᑮ ᐊᔓᑕᒪᐗᒀ ᐁᐐ ᒦᓇᒀ, ᐅᑮᐃᑯᐙᓐ᙮
13ᒦ ᓴ ᐅᐅ ᑳᐃᔑᓭᒃ ᐃᐃᒫ ᒣᕒᐃᐸ#20.13 ᒣᕒᐃᐸ: ᐃᐃᐌ ᒣᕒᐃᐸ ᑳᐃᒋᑳᑌᒃ, ᑖᐱᔥᑰ ᐊᐎᔭ ᑳᒫᔑ ᑲᓅᓂᓐᒡ, ᒦ ᐃᐌ ᐁᓂᑖᑾᓂᓂᒃ ᑳᐃᔑᑮᔗᐙᒡ ᐄᐸᕒᐆᐗᒃ᙮ Meribah ᐊᔮᐎᓂᕽ᙮ ᒦ ᐃ ᐋᓃᔥ ᐃᐃᒫ ᐯᒫᑎᓯᐙᒡ ᐃᔅᕒᐃᔭᓬᐊᒃ ᑳᑮ ᐃᔑ ᒫᔑ ᑲᓅᓈᐙᒡ ᑳᑎᐯᒋᑫᓂᒡ᙮ ᒦᑕᔥ ᐃᐃᒫ ᑳᑎᐯᒋᑫᒡ ᑳᑮ ᐃᔑ ᐙᐸᑕᐋᒡ ᐁᑭᒋ ᐃᓀᑖᑯᓯᒡ᙮
ᐃᔅᕒᐃᔭᓬᐊᒃ ᑮᐸᑭᑎᓈᓯᐎᑣ ᒋᔖᐳᔥᑳᐙᒡ ᐄᑕᒻ ᐊᑮᕽ
14ᒨᓯᔅ Moses ᐃᑕᔥ ᐃᐃᒫ ᑲᑌᔥ Kadesh ᐅᑮ ᐅᒋ ᒫᒋᓂᔕᐙᐞ ᐊᐎᔭᐞ ᒋᐊᐎ ᑲᓅᓈᓂᒡ ᐄᑕᒻ Edom ᑭᒋᐅᑭᒫᓐ᙮ ᒦᔥ ᐅᐅ ᑳᐃᓈᓂᒡ, ᓃᓇᐎᓐᑦ ᓴ ᐃᔅᕒᐃᔭᓬᐊᒃ ᑮᒋᑭᐌᓯᐗᒃ ᐁᐃᓈᑰᒥᑰᔦᒃ, ᐅᐅ ᓴ ᑭᑎᑰᒻ; ᑭᑭᑫᑖᒻ ᐄᑐᒃ ᐋᓃᓐ ᑲᑭᓇ ᑳᐱᔑ ᑲᒀᑕᑭᓭᔮᕽ᙮ 15ᓂᑫᑌᔭᐋᒥᓈᐸᓃᒃ ᓴ ᑮᐃᔖᐙᑯᐸᓐ ᐄᒋᐸᑮᕽ Egypt, ᑭᓉᔥ ᐌᑎ ᑮᐊᔮᐙᑯᐸᓐ᙮ ᐄᒋᑉ ᑳᑎᓄᐎᐙᒡ ᐃᑕᔥ ᑳᐐᓐ ᑾᔭᒃ ᓂᑮ ᑑᑖᑯᓰᓈᓂᒃ, ᓂᑫᑌᔭᐋᒥᓈᐸᓃᐞ ᑲᔦ ᑳᐐᓐ ᑾᔭᒃ ᐅᑮ ᑑᑕᐙᓯᐙᐙᐞ᙮ 16ᐊᐲ ᑕᔥ ᑳᔖᑯᐙᓇᑭᒡ ᑳᑎᐯᒋᑫᒡ, ᓂᑮ ᓅᑖᑯᓈᓐ᙮ ᒦᔥ ᑳᑮ ᐲᒋᓂᔕᐙᒡ ᐅᑌᒐᓬᐃᒪᓐ ᐁᑮ ᓵᑭᒋᐎᔑᔭᒥᓐᒡ ᐌᑎ ᐄᒋᐸᑮᕽ᙮ ᐃᓇᔥᑫ ᑕᔥ ᓅᑯᒻ ᐅᐅᒫ ᑫᑌᔥ ᐆᑌᓈᕽ ᓂᑕᔮᒥᓐ, ᓵᑭᒐᔭᐄ ᑭᑕᑮᒥᐙᕽ᙮ 17ᑕᑲ ᑕᔥ ᐱᓵᓐ ᐸᑭᑎᓂᔑᓈᒻ ᒋᔖᐳᔥᑳᔮᕽ ᑭᑕᑮᒥᐙ᙮ ᑳᐐᓐ ᓂᑲ ᐃᔖᓰᒥᓐ ᑭᑭᑎᑫᐗᑲᒥᑯᐙᕽ, ᔔᒥᓇᒃ ᑲᔦ ᐁᔑ ᑭᑎᑳᓀᒀ, ᑳᐐᓐ ᑲᔦ ᑭᑑᑕᐃᐹᓂᐙᕽ ᓂᑲ ᐅᒋ ᒥᓂᑴᓰᒥᓐ ᓂᐱ᙮ ᐌᑎ ᑭᒋ ᐅᑭᒫ ᐅᒦᑲᓈᒥᕽ ᓂᑲᔑ ᐱᒥ ᐊᔮᒥᓐ, ᑳᐐᓐ ᐊᐙᒡ ᓂᓇᒪᑎᓂᑭᓈᓂᕽ, ᓂᑭᒋᓂᑭᓈᓂᕽ ᑲᔦ ᐃᓇᑫ ᓂᑲᔑ ᐸᑫᓰᒥᓐ, ᐲᓂᔥ ᒋᐊᓂ ᐅᑎᑕᒫᕽ ᐁᔑ ᐴᓂᓭᒃ ᑭᑕᑮᒥᐙ, ᑮᐃᑭᑐᐗᐞ᙮
18ᐅᐅ ᑕᔥ ᐄᑕᒻ ᐌᒌᓂᒡ ᐅᑮᐃᑯᐙᐞ, ᑳᐐᓐ ᑭᑲ ᔖᐳᔥᑳᓰᒻ ᓂᑕᑮᒥᓈᓐ; ᑮᔥᐱᓐ ᐃᑕᔥ ᐐᑯᒋᑑᔦᒃ, ᑭᑲ ᐊᑕ ᓇᑭᔥᑳᑰᒻ ᒋᒦᑳᓂᑰᔦᒃ, ᐸᔑᐸᐃᑫᐎᑯᒫᓇᓐ ᒋᐋᐸᒋᑑᔮᕽ, ᐅᑮᐃᑯᐙᐞ᙮
19ᒦᔥ ᐅᐅ ᐃᔅᕒᐃᔭᓬᐊᒃ ᑳᑮᐃᓈᐙᒡ, ᐌᑎ ᓴ ᐁᑕ ᑭᒋ ᒦᑲᓈᕽ ᓂᑲ ᐃᔑ ᐱᒥ ᐊᔮᒥᓐ᙮ ᑮᔥᐱᓐ ᐃᑕᔥ ᒥᓂᑴᔮᕽ ᓂᐱ, ᑯᒫ ᑲᔦ ᓂᑕᔭᐋᐎᔑᒥᓈᓂᒃ ᒥᓂᑴᐙᒡ, ᑭᑲ ᑎᐸᐊᒫᑰᒻ ᐃᑕᔥ᙮ ᐁᐐ ᔖᐳ ᐱᒧᓭᔮᕽ ᐅᔐᑕ ᓂᑎᔑ ᐊᑕᐌᑖᒥᓐ, ᑳᐐᓐ ᐐᓐ ᑫᑰᓐ ᐸᑳᓐ, ᑮᐃᑭᑐᐗᒃ᙮
20ᐅᐅ ᑕᔥ ᐅᑮ ᐱᐃᑯᐙᐞ, ᑳᐐᓐ ᓴ ᑭᑲ ᔖᐳᔥᑳᓰᒻ! ᒦᑕᔥ ᑳᑮ ᐱᐊᑕ ᓇᑭᔥᑳᑯᐙᒡ ᐄᑕᒥᐎ ᔑᒫᑲᓂᔕᐞ ᐁᑮ ᐹᑏᓄᓂᒡ, ᐐᑫ ᑲᔦ ᐁᑮ ᒪᔥᑲᐌᑖᑯᓯᓂᒡ᙮ 21ᐁᑮ ᐸᑭᑎᓂᑯᓯᒀ ᑕᔥ ᐄᑕᒻ ᑳᑎᓄᐎᓂᒡ ᒋᔖᐳᔥᑳᐙᒡ ᐅᑕᑮᒥᓃᕽ, ᐃᔅᕒᐃᔭᓬᐊᒃ ᓴ ᐸᑳᓐ ᐃᓇᑫ ᐅᑮ ᐃᔑ ᐌᒫᔥᑲᐙᐙᐞ᙮
ᐁᕒᐊᓐ ᑮᐃᔥᒀᐱᒫᑎᓯᒡ
22ᑲᑭᓇ ᑕᔥ ᑳᑮ ᑕᔑᐙᒡ ᐃᔅᕒᐃᔭᓬᐊᒃ ᑫᑌᔥ Kedash ᑮᐅᒋ ᒫᒑᐗᒃ, ᐌᑎ ᑕᔥ ᐗᒌᕽ ᐅᕒ Hor ᐁᒋᑳᑌᓂᒃ ᑮᐃᔑ ᑕᑯᔑᓅᒃ᙮ 23ᐃᐃ ᐗᒋᐤ ᐅᕒ ᐁᔑᓂᑳᑌᒃ ᑮᐃᔑᐊᔮ ᐃᐃᒫ ᒌᑲᔭᐄ ᐄᑕᒻ Edom ᐊᑭ᙮ ᒦᑕᔥ ᐃᐃᒫ ᒨᓯᔅ Moses ᑳᑮ ᑲᓅᓂᑯᒡ ᑳᑎᐯᒋᑫᓂᒡ ᐁᑮᐃᑯᒡ, 24ᐁᕒᐊᓐ Aaron ᓴ ᐋᔕ ᑫᑳ ᑕᐃᔥᒀ ᐱᒫᑎᓯ, ᑳᐐᓐ ᐃᑕᔥ ᑕᐲᑎᑫᔥᑳᓰ ᐃᐃ ᐊᑮᓂ ᑳᑮ ᐊᔓᑕᒪᐎᒪᒃ ᐃᔅᕒᐃᔭᓬᐊᐞ Israel ᐁᐐ ᒦᓂᒪᒃ᙮ ᐅᓵᒻ ᐋᓃᔥ ᐁᔑ ᓃᔑᔦᒃ ᑳᐐᓐ ᑭᑮ ᓇᐃᑕᐎᓰᒻ ᑳᐃᓂᓇᑰᑭᐸᓐ ᐌᑎ ᒣᕒᐃᐸ ᐊᔮᐎᓂᕽ ᓂᐱ ᑳᔑ ᐊᔮᒃ᙮ 25ᐱᐊᒀᒪᒋᐌᐎᔥ ᐃᑕᔥ ᐁᕒᐊᓐ, ᐃᓂ ᑲᔦ ᐅᑯᓯᓴᓐ ᐁᓬᐃᐁᓴᕒ Eleazar ᑳᐃᔑᓂᑳᓱᓂᒡ ᐅᐅᒫ ᐗᒌᕽ ᐅᕒ᙮ 26ᑭᑲ ᑮᒋᑯᔥᑲᒧᐋ ᑕᔥ ᐁᕒᐊᓐ ᐅᑕᓇᒥᐁ ᑭᑭᔥᑭᑲᓇᓐ, ᐅᑯᓯᓴᓐ ᐃᑕᔥ ᐁᓬᐃᐁᓴᕒᐆᓐ ᑭᑲ ᐱᓯᑲᒨᐃᒫᓐ᙮ ᒦᑕᔥ ᐌᑎ ᐁᕒᐊᓐ ᑫᑕᔑ ᐃᔥᒀ ᐱᒫᑎᓯᒡ, ᐅᑮᐃᑰᓐ᙮ 27ᒨᓯᔅ ᐃᑕᔥ ᑮᐃᔑᒋᑫ ᑳᑮᐃᑯᒡ ᑳᑎᐯᒋᑫᓂᒡ, ᐁᑮ ᐊᒀᒪᒋᐌᐎᓈᒡ ᐗᒌᕽ ᐅᕒ, ᑲᑭᓇ ᐃᔅᕒᐃᔭᓬᐊᐞ ᑫᔑ ᑲᓇᐙᐸᒥᑯᐙᒡ᙮ 28#Exo 29.29; Num 33.38; Deu 10.6. ᒦᔥ ᒨᓯᔅ ᑳᑮ ᑮᒋᑯᔥᑲᒧᐋᒡ ᐁᕒᐊᓅᓐ ᐅᑭᑭᔥᑭᑲᓂᓂ, ᐅᑯᓯᓯᓂ ᑕᔥ ᐁᓬᐃᐁᓴᕒᐆᓐ ᐅᑮ ᐱᓯᑲᒨᓈᓐ᙮ ᒦᑕᔥ ᐌᑎ ᐁᕒᐊᓅᓐ ᐗᑭᒋ ᐗᒋᐤ ᑳᑕᔑ ᐃᔥᒀ ᐱᒫᑎᓯᓂᒡ᙮ ᒨᓯᔅ, ᐊᐊ ᑕᔥ ᑲᔦ ᐁᓬᐃᐁᓴᕒ ᑮᐱᐅᒋ ᓃᓴᒋᐌᐗᒃ ᐃᐃᒫ ᐗᒌᕽ᙮ 29ᐊᐲ ᑕᔥ ᑲᑭᓇ ᐃᔅᕒᐃᔭᓬᐊᒃ ᐁᑭᑫᑕᒧᐙᒡ ᐁᕒᐊᓅᓐ ᐁᑮ ᐃᔥᒀ ᐱᒫᑎᓯᓂᒡ, ᑲᑭᓇ ᓴ ᑯ ᑳᑮ ᑕᔑᐙᒡ ᐅᑮ ᒪᐎᒫᐙᓐ ᓂᓯᒥᑕᓇ 30 ᑕᓱ ᑮᔑᒃ ᒥᓂᒃ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society