ᒫᑎᔪ 8

ᒋᓴᔅ ᑮᒥᓄᐊᔮᐋᒡ ᑳᑮᐅᒥᑮᐙᐱᓀᓂᒡ

(Mark 1.40-45; Luke 5.12-16)

1ᐊᐲ ᑕᔥ ᒋᓴᔅ ᐁᑮ ᐱᓃᓵᒪᒋᐌᒡ, ᐋᐱᒋ ᑮᐹᑏᓄᐗᐞ ᐊᐎᔭᐞ ᑳᑮ ᐱᒥᓂᔕᐅᑯᒡ᙮ 2ᐯᔑᒃ ᐃᑕᔥ ᐃᓂᓂᐗᓐ ᐁᐅᒥᑮᐙᐱᓀᓂᒡ ᐅᑮ ᐱᓈᓯᑳᑰᓐ ᐁᑮᐅᒋᒌᑾᓇᐱᓂᒡ, ᐁᑮᐃᑯᒡ: ᑌᐯᒋᑫᔭᓐ, ᑮᔥᐱᓐ ᐃᓀᑕᒪᓐ ᑭᑖ ᑲᔥᑭᐃᔥ ᒋᐯᑭᐃᑰᐎᓯᔮᓐ᙮ 3ᒋᓴᔅ ᑕᔥ ᔐᒫᒃ ᑮᐃᔑᓂᑫᓂ ᐁᑮ ᓵᒥᓈᒡ,#8.3 ᐁᑮᓵᒥᓈᒡ: ᐊᐐᔭ ᓴ ᑳᑮᐅᒥᑮᐙᐱᓀᒡ ᑮᐃᓇᑭᒫ ᐁᑮᐐᓈᐱᓀᒡ, ᒦᑕᔥ ᑳᑮᐅᒋ ᒪᓈ ᓵᒥᓂᑲᓂᐎᒡ᙮ ᐙᐸᑕᓐ ᐅᒥᑮᐙᐱᓀᐎᓐ, ᐐᓀᑖᑯᓯᐎᓐ ᑲᔦ, ᐃᑭᑐᐎᓇᓐ ᑳᔑ ᐅᔑᐲᐃᑳᑌᑭᓐ᙮ ᐅᐅ ᑕᔥ ᐅᑮᐃᓈᓐ: ᓂᑎᓀᑕᒻ ᒋᒥᓄᐊᔮᐃᓈᓐ, ᒦᐃ ᐃᔑᒥᓄᐊᔮᓐ᙮ ᔐᒫᒃ ᐃᑕᔥ ᐅᑮᓇᑲᓂᑯᓂ ᐃᐃ ᑳᑮᐃᔑ ᐅᒥᑮᐙᐱᓀᓂᒡ᙮ 4#Lev 14.1-32. ᒋᓴᔅ ᑕᔥ ᐅᑮᐃᓈᓐ: ᐱᓯᑕᐎᔑᓐ, ᑫᑯ ᐐᓐ ᐊᐎᔭ ᐐᑕᒪᐙᑫᓐ᙮ ᔐᒫᒃ ᐃᑕᔥ ᐊᑕᐙᐸᒻ ᐊᐊ ᐊᓇᒥᐁᐎᑭᒫ ᒋᐊᑕᐎᒥᒃ᙮ ᒦᑕᔥ ᐃᔑ ᐸᑭᑎᓈᓲᑲᓐ ᑳᑮᐃᔑ ᑭᑭᓄᐊᒫᑫᒡ ᐊᐊ ᒨᓯᔅ Moses ᑲᑭᓇ ᐊᐎᔭ ᒋᑌᐺᑕᐎᒃ ᐋᔕ ᐁᑮ ᐯᑭᐃᑰᔭᓐ, ᐅᑮᐃᓈᓐ᙮

ᔑᒫᑲᓂᔒᐎᑭᒫ ᐅᑕᓄᑮᐋᑲᓇᓐ ᐁᑮᒥᓄᐊᔮᐃᒥᓐᒡ

(Luke 7.1-10)

5ᐊᐲ ᑕᔥ ᒋᓴᔅ ᐁᐱ ᑕᑯᔑᕽ ᐃᐃᒫ ᑲᐸᕒᓂᔭᒦᕽ Capernaum, ᐅᕒᐆᒻ Rome ᑳᐅᒋ ᑎᐯᑖᑯᓯᓂᒡ ᔑᒫᑲᓂᔒᐎᑭᒫᓐ#8.5 ᐅᕒᐆᒻ Rome ᑳᐅᒋ ᑎᐯᑖᑯᓯᓂᒡ ᔑᒫᑲᓂᔒᐎᑭᒫᓐ: ᐙᐸᑕᓐ 5.41᙮ ᐅᑮᓇᑭᔥᑳᑰᓐ ᐁᑮ ᐸᑯᓭᓂᒥᑯᒡ ᒋᐐᑑᑲᐙᒡ, 6ᐅᐅ ᐁᑮᐃᑯᒡ: ᑌᐯᒋᑫᔭᓐ, ᐯᔑᒃ ᓂᑕᓄᑮᐋᑲᓐ ᐐᑫ ᑭᒋᐋᑯᓯ ᐃᐃᐌᑎ ᑳᐃᔑᑖᔮᓐ᙮ ᒥᒋᐱᒥᔑᓐ ᐅᓂᐯᐎᓂᕽ, ᑳᐐᓐ ᑲᔦ ᐙᑲᐐᓰ, ᒫᐗᒡ ᐃᑯ ᐁᑲᒀᑕᑭᑑᒡ᙮ 7ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ: ᓂᑲ ᐃᔖ, ᓂᑲ ᐊᑕᒥᓄᐊᔮᐋ᙮ 8ᔑᒫᑲᓂᔒᐎᑭᒫ ᑕᔥ ᑮᐃᑭᑐ: ᑳᐐᓐ ᓂᑌ ᐊᐲᑌᑖᑯᓯᓰ ᒋᐲᑎᑫᔭᓐ ᓂᐙᑳᐃᑲᓂᕽ᙮ ᒥᒋᑮᑭᑐᓐ ᐁᑕ, ᒦᑕᔥ ᒋᒥᓄᐊᔮᒡ ᓂᑕᓄᑮᐋᑲᓐ᙮ 9ᐋᓃᔥ ᑫᓃᓐ ᓂᑕᔮᐙᒃ ᓂᑑᑭᒫᒪᒃ, ᓂᑑᑭᒫᑲᑕᐙᒃ ᑲᔦ ᔑᒫᑲᓂᔕᒃ᙮ ᑮᔥᐱᓐ ᐯᔑᒃ ᑮ ᐃᓇᒃ: ᒫᒑᓐ, ᒦᐃ ᐁᔑ ᒫᒑᒡ᙮ ᒦᓇᐙ ᐯᔑᒃ ᐁᐃᓇᒃ: ᐲᔖᓐ, ᒦᐃ ᐁᔑ ᐲᔖᒡ᙮ ᐗᐊ ᑲᔦ ᑮᐊᓅᓇᒃ ᑳᐸᒦᑕᒪᐎᒡ ᑫᑰᓂᓂ ᒋᐃᔑᒋᑫᒡ, ᒦᐃ ᐁᔑᒋᑫᒡ᙮ 10ᐊᐲ ᑕᔥ ᒋᓴᔅ ᐁᑮᓅᑕᕽ, ᐋᐱᒋ ᑮᑭᒋᒫᒪᑳᑌᑕᒻ, ᐁᑮᐃᓈᒡ ᐃᐃ ᑳᑮᐐᒌᐎᑯᒡ: ᑫᑰᓐ ᑭᑎᓂᓂᓂᒻ: ᑳᐐᓐ ᐐᑳ ᓂᐙᐸᒫᓰ ᐊᐎᔭ ᐃᐃᒫ ᐃᔅᕒᐃᔭᓬᐃᕽ Israel ᑳᐅᒌᒡ ᒋᐊᐲᒋ ᑌᐺᔦᑕᕽ ᑖᐱᔥᑰ ᐗᐊ ᑳᐃᔑ ᐙᐸᒪᒃ ᓅᑯᒻ᙮ 11#Luke 13.29. ᑲᑴ ᒫᒥᑲᐎᒃ ᑕᔥ ᐅᐅᐌ: ᐹᓂᒫ ᒫᐗᒋᓯᑑᒡ ᑭᔐᒪᓂᑑ ᐅᑎᐯᒋᑫᐎᓐ, ᐋᐱᒋ ᑕᐹᑏᓄᐗᒃ ᐊᐎᔭᒃ ᐙᐸᓄᕽ ᑲᔦ ᓂᑳᐲᐊᓄᕽ ᑫᐱ ᐅᒌᐙᒡ ᒋᐐᑕᐱᒫᐙᒡ ᒋᐐᒋᐐᓯᓃᒫᐙᒡ ᐁᐸᕒᐊᐋᒪᓐ Abraham, ᐋᐃᓯᑰᓐ Isaac, ᒉᑲᐴᓐ Jacob ᑲᔦ ᑳᐐᐃᔑ ᐐᑾᑎᓈᓂᐗᓂᓂᒃ᙮ 12#Mat 22.13; 25.30; Luke 13.28. ᐃᑭ ᑕᔥ ᒪᔮ ᑫᑮᐊᔮᐙᐸᓐ ᐃᐃᒫ ᑭᔐᒪᓂᑑ ᐅᑎᐯᒋᑫᐎᓂᕽ,#8.12 ᑫᑮᐊᔮᐙᐸᓐ ᐃᐃᒫ ᑭᔐᒪᓂᑑ ᐅᑎᐯᒋᑫᐎᓂᕽ: ᒦᐗᒃ ᐄᑐᒃ ᐃᔅᕒᐃᔭᓬᐃᑳᕽ Israel ᑳᐅᒋ ᑎᐯᑖᑯᓯᐙᒡ᙮ ᒦᐗᑭᑭ ᑫᐃᔑ ᐌᐱᓂᑣ ᐃᐃᒫ ᐗᓂᑎᐱᑲᓄᕽ, ᒦᑕᔥ ᐌᑎ ᑫᔑ ᒪᐎᐙᒡ, ᐅᑲ ᒪᑗᑖᓈᐙᓐ ᑲᔦ ᐐᐱᑎᐙᓐ, ᐅᑮᐃᓈᐞ᙮ 13ᒦᑕᔥ ᐅᑮᐃᓈᓐ ᐃᓂ ᔑᒫᑲᓂᔒᐎᑭᒫᓐ: ᒫᒑᓐ, ᒦᐃ ᐃᔑ ᑮᐌᓐ, ᒦ ᑯ ᐱᑯ ᑫᐃᔑᓈᑾᒃ ᑳᐃᔑ ᑌᐺᑕᒪᓐ, ᐅᑮᐃᓈᓐ᙮ ᐅᑕᓄᑮᐋᑲᓇᓐ ᑕᔥ ᑮᒥᓄᐊᔮᐗᓐ ᐃᐃᐌ ᐊᐲ ᐯᔑᑾᓐ ᐁᑕᓱ ᑎᐸᐃᑲᓀᔮᓂᒃ᙮

ᒋᓴᔅ ᐅᑮᒥᓄᐊᔮᐋᐞ ᓃᐱᐗᐞ ᐊᐎᔭᐞ

(Mark 1.29-34; Luke 4.38-41)

14ᒋᓴᔅ ᐃᑕᔥ ᑮᐃᔖ ᐲᑕᕒᐆᓐ Peter ᐁᔑᑖᓂᒡ᙮ ᐅᑮᐙᐸᒫᓐ ᐲᑕᕒᐆᓐ ᐅᓯᑯᓯᓂ ᐁᑭᔑᓱᐙᐱᓀᓂᒡ ᐁᒥᒋᐱᒥᔑᓂᓂᒡ ᐃᐃᒫ ᓂᐯᐎᓈᑯᕽ᙮ 15ᐅᑮ ᓵᒥᓈᓐ ᐅᓂᒌᓃᕽ ᐃᓂ ᐃᑴᐗᓐ᙮ ᔐᒫᒃ ᐃᑕᔥ ᐅᑮᓇᑲᓂᑯᓂ ᐃᐃ ᐅᑖᑯᓯᐎᓂᓂ᙮ ᒦᑕᔥ ᑳᐃᔑ ᐗᓂᔥᑳᓂᒡ ᔐᒫᒃ ᐁᑮ ᐸᒥᐃᑯᐙᒡ᙮

16ᐊᐲ ᑕᔥ ᐁᐊᓂ ᐅᓈᑯᔑᓂᓂᒃ ᐊᐎᔭᒃ ᐅᑮ ᐲᑕᒪᐙᐙᓐ ᒋᓴᓲᓐ ᐃᐃᐌᓂᐗᐞ ᑳᑮ ᑭᑭᔥᑳᑯᓂᒡ ᒪᒋᐊᒑᑾᐞ᙮ ᒋᓴᔅ ᑕᔥ ᐯᔑᒃ ᐃᑭᑐᐎᓐ ᐅᑮᐋᐸᒋᑑᓐ ᐁᓵᑭᒋᐌᐱᓈᒡ ᐃᐃ ᒪᒋᐊᒑᑾᐞ, ᐁᑮᒥᓄᐊᔮᐋᒡ ᑲᔦ ᑲᑭᓇ ᑳᐋᑯᓯᓂᒡ᙮ 17#Isa 53.4. ᒦᑕᔥ ᐅᐅ ᑳᑮᐅᒋ ᐃᔑᒋᑫᒡ, ᒪᔮ ᐱᑯ ᒋᐃᔑᓭᓂᒃ ᐋᓃᓐ ᑳᑮᐃᑭᑐᑯᐸᓀᓐ ᐊᐊ ᐅᑎᐹᒋᒧ ᐋᐃᓭᔭ Isaiah ᐊᐊ ᑳᑮ ᑲᓅᑕᒪᐙᒡ ᑭᔐᒪᓂᑑᓐ ᒣᐎᔕ: ᐐᓐ ᐃᓴ ᐱᑯ ᑭᑮᐅᑖᐱᓇᒫᑯᓈᓐ ᑭᑖᑯᓯᐎᓂᓈᓂᓐ ᑲᔦ ᐅᑮᒫᒌᑑᓇᓐ ᑲᑭᓇ ᑭᑎᓈᐱᓀᐎᓂᓈᓂᓐ᙮

ᐃᑭ ᑳᐐ ᐱᒥᓂᔕᐙᐙᐸᓐ ᒋᓴᓲᓐ

(Luke 9.57-62)

18ᒋᓴᔅ ᑕᔥ ᐁᑮᐙᐸᒫᒡ ᐁᐲᒋ ᐹᑏᓄᓂᒡ ᐊᐎᔭᐞ ᐁᐙᑳᔥᑳᑯᒡ ᐅᑮ ᑲᓅᓈᐞ ᐅᑭᑭᓄᐊᒪᐙᑲᓇᐞ ᐊᑳᒥᓵᑲᐃᑲᓐ ᒋᐃᔖᐙᒡ᙮ 19ᐯᔑᒃ ᐃᑕᔥ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ ᐅᑮ ᐱᓈᓯᑳᑰᓐ ᐁᑮᐃᑯᒡ: ᑭᑭᓄᐊᒫᑫ, ᑭᑲ ᐐᒌᐎᓐ ᐋᑎ ᐱᑯ ᑫᐃᔖᔭᓐ᙮

20ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ: ᐃᑭ ᐙᑯᔕᒃ ᐅᐙᔑᐗᒃ, ᐃᑭ ᑲᔦ ᐱᓀᔒᔕᒃ ᐅᐗᓯᔀᓂᐗᒃ᙮ ᓃᓐ ᑕᔥ ᐃᓂᓂ ᐅᑯᓯᓴᓐ ᑳᐐᓐ ᓂᑕᔮᓰᓐ ᐋᑎ ᑫᔑ ᐱᒥᔑᓈᓐ ᒋᐊᓉᔑᓈᓐ, ᑮᐃᑭᑐ᙮

21ᐃᓂᐌᓂᐗᓐ ᐃᑕᔥ ᐯᔑᒃ ᐅᑭᑭᓄᐊᒪᐙᑲᓇᓐ ᑳᑮ ᐱᒥᓂᔕᐅᑯᒡ ᐅᑮ ᑲᓅᓂᑰᓐ: ᑌᐯᒋᑫᔭᓐ, ᑕᑲ ᐸᑭᑎᓂᔑᓐ ᐊᑲᐌ ᒋᐐᐊᐎ ᓇᐃᓇᒃ ᓂᑌᑌ,#8.21 ᒋᐐᐊᐎᓇᐃᓇᒃ ᓂᑌᑌ: ᒦ ᒫᐐᓐ ᐅᐅ ᑳᓂᑖᐊᔨᑭᑐᐙᒡ ᒎᐗᒃ: ᓂᐐᓈᓈᑲᒋᐋ ᓴ ᓂᑌᑌ ᒥᓂᒃ ᐃᑯ ᑫᐱᒫᑎᓯᒡ᙮ ᐅᑮᐃᑰᓐ᙮

22ᒋᓴᔅ ᐃᑕᔥ ᐅᑮᐃᔑ ᓇᑴᑕᐙᓐ: ᐱᒥᓂᔕᐅᔑᓐ᙮ ᓇᑲᔥ ᐃᑭ ᑳᓂᐳᐌᑖᑯᓯᐙᒡ᙮ ᐐᓇᐙ ᑯ ᐅᑲ ᑕᔒᑳᓈᐙ ᒋᓇᐃᓈᐙᒡ ᐅᑎᓇᐌᒫᑲᓂᐙᐞ ᑳᐐᓂᐳᓂᒡ, ᐅᑮᐃᓈᓐ᙮

ᒋᓴᔅ ᐅᑎᐯᑖᓐ ᓅᑎᓂᓂ

(Mark 4.35-41; Luke 8.22-25)

23ᒋᓴᔅ ᑕᔥ ᑮᐊᓂ ᐴᓯ ᐃᐃᒫ ᒌᒫᓂᕽ ᑲᔦ ᐅᑭᑭᓄᐊᒪᐙᑲᓇᐞ ᐅᑮᐊᓂ ᐐᒌᐎᑰᐞ᙮ 24ᐋᐱᒋ ᑕᔥ ᑮᓭᓴᑰᒋ ᐸᑲᒫᓂᒪᓂᓂ ᐃᐃᒫ ᓵᑲᐃᑲᓃᕽ᙮ ᐋᐱᒋ ᑕᔥ ᑮᑭᒋᒪᒫᑳᔥᑳᓂ, ᐁᑮ ᑭᒋ ᓵᓰᑲᐅᑯᐙᒡ᙮ ᐋᒋᑯ ᑕᔥ ᐐᓐ ᒋᓴᔅ ᑮᓇᓂᐹ᙮ 25ᐃᑭ ᑕᔥ ᑭᑭᓄᐊᒪᐙᑲᓇᒃ ᐯᔓ ᐅᑮᓈᓯᑲᐙᐙᓐ ᐁᑮᐋᒪᒋᐋᐙᒡ ᑲᔦ ᐁᑮᐃᓈᐙᒡ: ᑌᐯᒋᑫᔭᓐ, ᐱᒫᒋᐃᔑᓈᒻ! ᐋᔕ ᑭᓂᔑᐗᓈᑎᓯᒥᓐ!

26ᒋᓴᔅ ᐅᑮᐃᓈᐞ: ᑮᓇᐙ ᑳᔭᑳᓯᕽ ᑭᑌᐺᔦᑕᒧᐎᓂᐙ! ᐌᑯᓀᓐ ᐌᒋ ᓭᑭᓯᔦᒃ? ᑮᐙᓂᔥᑳ ᑕᔥ ᐁᑮ ᑲᓅᑕᕽ ᓅᑎᓂᓂ, ᓵᑲᐃᑲᓃᓂ ᑲᔦ, ᐐᑫ ᑕᔥ ᑮᐊᓂ ᐊᓍᑎᓂᓂ᙮

27ᑲᑭᓇ ᑕᔥ ᑮᑭᒋᒫᒪᑳᑌᑕᒨᒃ ᐁᑮᐃᑭᑐᐙᒡ: ᑳᓇᑲ ᐊᐌᑴᓐ ᐁᑎᓅᐎᑴᓐ ᐗᐊ ᐃᓂᓂ? ᐊᐙᒡ ᑲᔦ ᓅᑎᓐ, ᓵᑲᐃᑲᓐ ᑲᔦ ᐁᐱᓯᑖᑯᒡ!

ᒋᓴᔅ ᐁᑮ ᐱᒫᒋᐋᒡ ᓃᔑᓐ ᐃᓂᓂᐗᐞ ᒪᒋᐊᒑᑾᐞ ᑳᑭᑭᔥᑳᑯᓂᒡ

(Mark 5.1-20; Luke 8.26-39)

28ᒋᓴᔅ ᑕᔥ ᐊᐲ ᑳᐱ ᑕᑯᔑᕽ ᐃᐃᒫ ᑳᑕᕒᐊ#8.28 ᑳᑕᕒᐊ: ᒦᓴ ᐅᐌ ᐆᑌᓇ ᑳᑮᐃᒋᑳᑌᒃ ᑳᑮᐃᔑᑖᐙᒡ ᑳᑮ ᒎᐎᐎᓯᒀ, ᓃᔣᓱ 7 ᑎᐸᐃᑲᓐ 11 km ᒥᓂᒃ ᔖᐗᓅ ᐙᐸᓄᕽ ᐃᓇᑫ ᑳᔑ ᐊᔮᒃ ᑳᓬᐊᓬᐄᐎ ᓵᑲᐃᑲᓐ᙮ Gadara ᐊᑮᕽ ᐊᑳᒥᕽ ᐅᑮᓇᑭᔥᑳᑰᐞ ᓃᔑᓐ ᐃᓂᓂᐗᐞ ᐁᑮᐅᒌᓂᒡ ᐃᐃᒫ ᑳᐃᔑᑖᓂᒡ ᓇᐃᓂᑏᐎᑲᒥᑯᕽ ᐁᐊᔮᓂᑭᓐ ᑳᔑ ᐐᐸᑲᒥᑳᓂᑭᓐ᙮ ᐃᐃ ᑕᔥ ᑳᐊᐲᒋ ᑯᑖᓀᑖᑯᓯᓂᒡ ᐃᓂᓂᐗᐞ ᑳᐐᓐ ᐊᐎᔭ ᑮᐃᔖᓰ ᐃᐃᒫ ᒌᑲᔭᐄ, ᐋᓃᔥ ᒪᒋᐊᒑᑾᐞ ᐅᑮ ᑭᑭᔥᑳᑯᓂ᙮ 29ᒦᑕᔥ ᑳᐃᔑᐲᐹᑭᐙᒡ: ᐋᓃᓐ ᐙᑑᑕᐎᔮᕽ ᑮᓐ ᑭᔐᒪᓂᑑ ᐅᑯᓯᓴᓐ! ᒦ ᓇ ᐃ ᐋᔕ ᐁᐐ ᑲᒀᑕᑭᐃᔮᕽ ᒋᑆ ᐅᒋᒋᓭᒃ ᐊᐲ ᑳᐐ ᑲᒀᑕᑭᑑᔮᕽ?

30ᑳᐐᓐ ᐋᐱᒋ ᐙᓴ ᐃᐃᒫ ᑮᑕᔑ ᐐᓯᓂᐗᒃ ᐁᑮ ᐹᑏᓄᐙᒡ ᑰᑰᔕᒃ᙮ 31ᐃᑭ ᑕᔥ ᒪᒋᐊᒑᑾᒃ ᐅᑮᐃᓈᐙᓐ: ᑮᔥᐱᓐ ᐐ ᓵᑭᒋᓂᔕᐅᔑᔮᕽ ᐃᐃᒫ ᐃᔑ ᐲᑎᑫᓂᔕᐅᔑᓈᒻ ᑰᑰᔑᑳᕽ᙮

32ᒋᓴᔅ ᑕᔥ ᐅᑮᐃᓈᐞ: ᒫᒑᒃ᙮ ᒦᑕᔥ ᑳᐃᔑ ᓵᑲᐊᒥᓂᒡ, ᐁᑮᐊᐎ ᐲᑎᑫᔥᑲᐙᓂᒡ ᐃᐃ ᑰᑰᔕᐞ᙮ ᔐᒫᒃ ᑕᔥ ᑲᑭᓇ ᑳᐅᑴᓄᓂᒡ ᑰᑰᔕᐞ ᑮᒫᒌᐸᐃᑎᐗᐞ ᐁᔑ ᑮᔥᑳᒪᑎᓈᓂᒃ ᐁᑮ ᑲᑲᒋᐌ ᐸᑯᐲᐸᑑᓂᒡ ᐃᐃᒫ ᓵᑲᐃᑲᓃᕽ, ᑲᑭᓇ ᑕᔥ ᑮᓂᓵᐹᐌᐗᐞ᙮

33ᑳᑮ ᑲᓇᐌᓂᒫᐙᒡ ᐃᑕᔥ ᐃᐃ ᑰᑰᔕᐞ ᑮᑕᐸᓰᐗᒃ᙮ ᐆᑌᓈᕽ ᑮᐃᔖᐗᒃ ᐁᑮ ᒑᑭᑎᐹᒋᒧᐙᒡ ᐋᓃᓐ ᑳᐃᓇᑲᒥᑲᓂᓂᒃ᙮ ᐅᑮ ᑎᐹᒋᒫᐙᐞ ᑲᔦ ᐋᓃᓐ ᑳᐃᔑᓭᓂᒡ ᐃᐃ ᐃᓂᓂᐗᐞ ᑳᑮ ᑭᑭᔥᑳᑯᓂᐸᓐ ᒪᒋᐊᒑᑾᐞ᙮ 34ᑲᑭᓇ ᑕᔥ ᐃᐃᒫ ᑳᑮᐅᒌᐙᒡ ᐆᑌᓈᕽ ᐅᑮᐱᐊᑕ ᓇᑭᔥᑲᐙᐙᓐ ᒋᓴᓲᓐ᙮ ᐊᐲ ᑕᔥ ᑳᐙᐸᒫᐙᒡ, ᐅᑮᐊᑕᐌᓂᒫᐙᓐ ᐃᑯᒋ ᐃᒫ ᒋᐅᒋ ᐃᔖᓂᒡ ᐅᑕᑮᒥᐙᕽ᙮

Currently Selected:

ᒫᑎᔪ 8: OJBS

Highlight

Copy