ᒫᑎᔪ 12

ᐋᓃᓐ ᑫᑮ ᐃᔑᒋᑫᓈᓂᐗᑭᐸᓐ ᐁᐊᓉᐲᐎ ᑮᔑᑲᒃ

(Mark 2.23-28; Luke 6.1-5)

1 # Deut 23.26. ᓂᑯᑎᕽ ᐃᑕᔥ ᐁᐊᓂ ᐃᔑᓭᓂᒃ, ᒋᓴᔅ ᐅᑭᑭᓄᐊᒪᐙᑲᓇᐞ ᑲᔦ ᐁᐱᒧᓭᐙᒡ ᐃᐃᒫ ᐸᑴᔑᑲᓂ ᑭᑎᑳᓂᕽ ᐅᑮᒫᒋ ᐅᒌᔑᐱᑑᓂ ᐸᑴᔑᑲᓂ ᒪᔥᑯᓯᐗᓐ ᐁᑮᐅᒋ ᐐᓯᓂᓂᒡ, ᐋᓃᔥ ᑮᓅᑌᔅᑲᑌᐗᐞ ᐃᐃ ᐊᐲ᙮ ᑮᐊᓉᐲᐎ ᑮᔑᑲᓂᓂ ᑕᔥ᙮ 2ᐊᐲ ᑕᔥ ᐯᕒᐊᓰᒃ Pharisees ᑳᐙᐸᑫᐙᒡ ᐅᑮᐃᓈᐙᓐ ᒋᓴᓲᓐ: ᐃᓇᔥᑫ ᑭᑭᑭᓄᐊᒪᐙᑲᓇᒃ ᐅᐲᑯᓈᓈᐙ ᐅᓇᔓᐌᐎᓐ, ᐋᓃᔥ ᐊᓉᐲᐎ ᑮᔑᑲᓐ ᓅᑯᒻ᙮

3 # 1 Sam 21.1-6. ᒋᓴᔅ ᑕᔥ ᐅᑮᐃᓈᐞ: ᑳᐐᓐ ᐃᓇ ᐐᑳ ᑭᑕᓇᒥᑑᓰᒻ ᐋᓃᓐ ᑌᐱᑦ David ᑳᑮᐃᔑᒋᑫᒡ ᐃᐃ ᑲᔦ ᑳᑮᐐᒌᐎᑯᒡ ᐊᐲ ᐁᐐ ᐐᓯᓂᐙᒡ? 4#Lev 24.9. ᐁᑮ ᐲᑎᑫᒡ ᐃᐃᒫ ᐸᒀᓀᑲᒥᑯᕽ ᑭᔐᒪᓂᑑᓐ ᑳᐃᔑ ᐊᓇᒥᐁᑕᐎᒥᓐᒡ,#12.4 ᐸᒀᓀᑲᒥᑯᕽ ᑭᔐᒪᓂᑑ ᑳᐃᔑ ᐊᓇᒥᐁᑕᐎᓐᒡ: ᒦᓴ ᐅᐌ ᑳᑮᐃᒋᑳᑌᒃ ᑭᒋᐸᒀᓀᑲᒥᑯᕽ ᑳᑮ ᑕᓀᑖᑯᓯᒡ ᑳᑎᐯᒋᑫᒡ᙮ ᓂᑯᑎᕽ ᑲᔦ ᑳᑎᐯᒋᑫᒡ ᐅᐙᑲᐃᑲᓐ ᐃᔑᓂᑳᑌᓂ᙮ ᐁᑮᐊᒸᐙᒡ ᐸᑴᔑᑲᓇᐞ ᑳᑮᒦᓂᒥᑎᐸᓐ ᐃᓂ ᑭᔐᒪᓂᑑᓐ, ᐋᓇᐐᓐ ᐁᑮ ᐲᑯᓇᒧᐙᒡ ᐅᓇᔓᐌᐎᓂᓂ᙮ ᐋᓃᔥ ᐊᓇᒥᐁᐎᑭᒫᒃ ᐁᑕ ᑮᐸᑭᑎᓈᐗᒃ ᒋᐊᒸᐙᐸᓐ ᐃᐃ ᐸᑴᔑᑲᓇᐞ᙮ 5#Num 28.9-20. ᑳᐐᓐ ᐃᓇ ᑭᑕᓇᒥᑑᓰᒻ ᒨᓯᔅ Moses ᐅᑑᓇᔓᐌᐎᓐ ᐁᐃᔑᐲᐃᑳᑌᓂᒃ, ᐊᓇᒥᐁᐎᑭᒫᒃ ᐁᐲᑯᓇᒧᐙᒡ ᐊᓉᐲᐎ ᑮᔑᑲᓂ ᐅᓇᔓᐌᐎᓐ ᐃᐃᒫ ᑭᒋᐊᓇᒥᐁᐎᑲᒥᑯᕽ ᐁᑕᓱ ᐊᓉᐲᐎ ᑮᔑᑲᓂᓂᒃ, ᔑᑾ ᑕᔥ ᑳᐐᓐ ᑫᑰᓐ ᐃᓈᑯᓂᑲᓂᐎᓰᐗᒃ᙮ 6ᑭᐐᑕᒪᐎᓂᓂᒻ, ᑫᑰᓐ ᐅᐅᒫ ᐊᔮ ᓇᐗᒡ ᐁᑭᒋ ᐃᓀᑖᑾᒃ ᐊᐲᒡ ᐐᓐ ᐃᐃᐌ ᑭᒋᐊᓇᒥᐁᐎᑲᒥᒃ᙮ 7#Hosea 6.6; Mat 9.13. ᐅᐅ ᐋᓃᔥ ᐃᔑᐲᐃᑳᑌ: ᑳᐐᓐ ᐃᑭ ᐊᐗᑳᓇᒃ ᒋᐸᑭᑎᓈᔂᓂᐎᐙᒡ ᓂᓇᑕᐌᓂᒫᓰᒃ, ᐃᐃ ᑕᔥ ᑳᐊᑕᐌᑕᒫᓐ, ᒋᒥᓄᑑᑖᑫᔦᑭᐸᓐ᙮ ᑮᔥᐱᓐ ᑭᑫᑕᒣᑭᐸᓐ ᐋᓃᓐ ᐅᐅ ᐁᑭᑑᒪᑲᒃ, ᑳᐐᓐ ᑭᑖ ᒪᒋ ᐃᓈᓯᐙᐙᒃ ᐃᑭ ᑫᑰᓐ ᑳᑮᐃᔑ ᒪᒫᔒᓯᒀ᙮ 8ᐃᓂᓂ ᐅᑯᓯᓴᓐ ᐅᔕ ᐅᑎᐯᑖᓐ ᑳᐊᓉᐲᐎ ᑮᔑᑲᓂᓂᒃ᙮

ᐃᓂᓂ ᑳᑮ ᔒᑯᔥᑳᓂᒃ ᐅᓂᓐᒡ ᐁᑮᒥᓄᐊᔮᐃᓐᒡ

(Mark 3.1-6; Luke 6.6-11)

9ᒋᓴᔅ ᑮᐊᓂᐅᒋ ᒫᒑ ᐁᑮᐊᓂ ᐲᑎᑫᒡ ᐃᐃᒫ ᐊᓇᒥᐁᐎᑲᒥᑯᕽ᙮ 10ᐃᓂᓂ ᑕᔥ ᐃᐃᒫ ᑮᐊᔮ ᐁᑮ ᔒᑯᔥᑳᓂᒃ ᐅᓂᓐᒡ᙮ ᑮᐊᔮᐗᒃ ᑲᔦ ᐃᓂᓂᐗᒃ ᐁᑮᒥᓴᐌᑕᒧᐙᒡ ᐁᐐ ᐊᓈᒥᒫᐙᒡ ᒋᓴᓲᓐ ᒋᒪᒋᑑᑕᒥᓂᒡ᙮ ᒦᑕᔥ ᑳᑮᐃᓈᐙᒡ: ᒦ ᓇ ᐃ ᒋᐲᑯᓂᑳᑌᑭᐸᓐ ᑭᑑᓇᔓᐌᐎᓂᓈᓐ ᑮᔥᐱᓐ ᐊᐎᔭ ᒥᓄᐊᔮᐃᓐᒡ ᐁᐊᓉᐲᐎ ᑮᔑᑲᓂᓂᒃ?

11 # Luke 14.5. ᒋᓴᔅ ᑕᔥ ᑮᐃᔑ ᓇᑴᑕᒻ: ᑮᔥᐱᓐ ᐊᐎᔭ ᐲᑖᓂᑳᓀᓭᓂᒡ, ᑆᓇᐎᐅᓂᒡ ᐅᒫᓇᒑᓂᔑᒪᓐ ᐁᐊᓉᐲᐎ ᑮᔑᑲᓂᓂᒃ, ᑳᐐᓐ ᐃᓇ ᐅᑖᑌᐱᓈᓰᓐ ᒋᑭᑖᓂᑳᓀᐱᓈᒡ? 12ᐃᓂᓂ ᑕᔥ ᓇᐗᒡ ᐃᔥᐯᑖᑯᓯ ᐊᐲᒡ ᐐᓐ ᐊᐊ ᒫᓇᒑᓂᔥ! ᒦᑕᔥ ᐱᓵᓂᑯ ᐅᓇᔓᐌᐎᓂᕽ ᐁᔑ ᐸᑭᑎᓂᑳᑌᒃ ᒋᐐᒋᐃᓐᒡ ᐊᐎᔭ ᐊᓉᐲᐎ ᑮᔑᑲᓂᓂᒃ᙮ 13ᒦᑕᔥ ᑳᐃᓈᒡ ᐃᓂ ᐃᓂᓂᐗᓐ: ᓃᒥᓂᑫᓂᓐ!

ᔐᒫᒃ ᐃᑕᔥ ᑮᓃᒥᓂᑫᓂᐗᓐ᙮ ᒦᑕᔥ ᑳᐃᔑ ᒥᓄᐊᔮᓂᒡ ᐅᓂᒌᓃᕽ ᑖᐱᔥᑰ ᐃᐃ ᐯᔑᒃ ᑯᑕᒃ ᐅᓂᒌᓂ᙮ 14ᐯᕒᐊᓰᒃ Pharisees ᐃᑕᔥ ᑮᐊᓂ ᒫᒑᐗᒃ ᐁᑮᓈᓈᑲᑕᐌᑕᒧᐙᒡ ᐋᓃᓐ ᑫᑮᐃᔑ ᓂᓵᐙᒡ ᒋᓴᓲᓐ᙮

ᑭᔐᒪᓂᑑ ᑎᐱᓇᐌ ᐅᑕᓄᑮᐋᑲᓇᓐ

15ᒋᓴᔅ ᑕᔥ ᐅᑮ ᑭᑫᑖᓐ᙮ ᒦᔥ ᐃᐃ ᑳᐃᔑ ᒫᒑᒡ᙮ ᐋᐱᒋ ᑲᔦ ᑮᐹᑏᓄᐗᐞ ᑳᑮ ᐱᒥᓂᔕᐅᑯᒡ᙮ ᐅᑮᒥᓄᐊᔮᐋᐞ ᑲᔦ ᑲᑭᓇ ᐅᑖᑯᓰᐞ᙮ 16ᒦᑕᔥ ᑳᐃᓈᒡ ᐊᐎᔭᐞ ᒋᑎᐹᒋᒥᑯᓯᒃ᙮ 17ᒦᐃᐌ ᑳᑮᐅᒋ ᑑᑕᕽ, ᒋᐃᔑᓭᓂᒃ ᒪᔮ ᐱᑯ ᑭᔐᒪᓂᑑᓐ ᑳᑮᐃᑭᑐᓂᑯᐸᓀᓐ, ᐋᐃᓭᔭᐗᓐ Isaiah ᐁᑮᐋᐸᒋᐋᓂᑯᐸᓀᓐ ᑳᑮ ᑲᓅᑕᒫᑯᓂᒡ᙮

18 # Isa 42.1-4. ᒦ ᐊᐊᐌ ᓂᑕᓄᑮᐋᑲᓐ,#12.18 ᓂᑕᓄᑮᐋᑲᓐ: ᑭᔐᒪᓂᑑ ᐅᑕᓄᑮᐋᑲᓇᓐ ᒦᐃᐌ ᑲᔦ ᑳᑮᐃᔑᓂᑳᓂᒥᓐᒡ ᑭᔐᒪᓂᑑ ᑳᑮᐅᓀᓂᒫᒡ ᒋᐱᒫᒋᐃᐌᓂᒡ᙮ ᑳᑮᐅᓀᓂᒪᒃ,

ᒦ ᐊᐌ ᑳᓵᑭᐊᒃ ᑳᒥᓉᑕᒧᐃᒡ᙮

ᓂᑲ ᐸᑭᑎᓇᒪᐙ ᓂᑕᒑᑾᓐ,

ᐅᑲ ᐐᑕᒪᐙᐞ ᓂᑎᓈᑯᓂᑫᐎᓐ ᑲᑭᓇ ᐁᑕᓶᐙᓇᑭᓯᓂᒡ ᐊᐎᔭᐞ᙮

19ᑳᐐᓐ ᑕᑲᑴ ᔖᑰᓱᑖᑯᓯᓰ, ᑳᐐᓐ ᑲᔦ ᑕᐲᐹᑭᓰ,

ᑳᐐᓐ ᑲᔦ ᑕᑭᔒᐌᓰ ᒋᒫᒦᒀᓂᑎᓱᒡ ᐃᐃᒫ ᒦᑲᓈᑳᕽ᙮

20ᐃᐃ ᑲᔦ ᑳᐴᑯᔥᑳᓂᒃ ᒪᔥᑯᓰᐙᑎᒃ ᑳᐐᓐ ᐊᐗᔑᒣ ᐅᑲ ᐲᑯᓇᓰᓐ,

ᐙᓴᑯᓀᒋᑲᓀᔮᐲᓂ ᑲᔦ ᑳᓂ ᐋᑕᐌᓂᒃ

ᑳᐐᓐ ᐅᑲ ᐋᑕᐌᐊᓰᓐ᙮#12.20 ᐃᐃ ᓴ ᑳᐴᑯᔥᑳᒃ ᒪᔥᑯᓰᐙᑎᒃ, ᐃᐃ ᑲᔦ ᐙᓴᑯᓀᒋᑲᓀᔮᑉ ᑳᓂ ᐋᑕᐌᒃ, ᒦᓴ ᐃᑭ ᑳᑕᔑᒥᑣ ᑳᑲᔥᑭᑑᓯᒀ ᒋᐐᒋᐃᑎᓱᐙᒡ, ᑳᓃᓇᒫᑎᓯᐙᒡ ᑲᔦ᙮

ᑳᐐᓐ ᑕᐸᑭᒌᓰ ᐹᒫ ᑮᑲᔥᑭᑑᒡ ᑾᔭᒃ ᐃᓈᑯᓂᑫᐎᓐ ᒥᓯᐌ ᒋᐊᔮᓂᒃ᙮

21ᑲᑭᓇ ᑕᔥ ᐁᑕᓶᐙᓇᑭᓯᐙᒡ ᑳᐱᒫᑎᓯᐙᒡ

ᐅᑲ ᐊᐯᓂᒧᓄᑕᐙᐙᓐ᙮

ᒋᓴᔅ ᔑᑾ ᐱᐁᓬᓯᐳᓬ

(Mark 3.20-30; Luke 11.14-23)

22ᒋᓴᔅ ᑕᔥ ᑮᐲᑕᒪᐙ ᐯᔑᒃ ᐊᐎᔭᓐ ᐁᐙᐱᓯᓂᒃ, ᐁᑮᑭᑐᓯᓂᒃ, ᐋᓃᔥ ᐅᑮ ᑭᑭᔥᑳᑯᓂ ᒪᒋᐊᒑᑯᓂ᙮ ᔐᒫᒃ ᐃᑕᔥ ᐅᑮᒥᓄᐊᔮᐋᓐ᙮ ᒦᑕᔥ ᑳᐃᔑ ᐙᐱᓂᒡ, ᐁᑮ ᑮᑭᑐᓂᒡ ᑲᔦ᙮ 23ᐋᐱᒋ ᑕᔥ ᑮᑭᒋ ᒫᒪᑳᑌᑕᒨᒃ ᐁᑭᒋᐹᑏᓄᐙᒡ ᐊᐎᔭᒃ, ᐁᑮᐃᑭᑐᐙᒡ: ᑰᓂᑫ ᒦ ᐗᐊ ᑌᐱᑎᕽ David ᑳᐅᑕᑳᓀᓯᒡ?#12.23 ᑌᐱᑎᕽ ᑳᐅᑕᑳᓀᓯᒡ: ᐙᐸᑕᓐ 9.27᙮

24 # Mat 9.34; 10.25. ᐯᕒᐊᓰᒃ Pharisees ᑕᔥ ᐁᑮᓅᑕᒧᐙᒡ ᑮᐃᑭᑐᐗᒃ: ᑭᒋᐅᑭᒫ ᒪᒋᐊᒑᑾᓐ ᐱᐁᓬᓯᐳᓬᐆᓐ Beelzebul ᐅᔕ ᐅᒦᓂᑰᓐ ᒪᔥᑲᐎᓰᐎᓐ ᒋᓵᑭᒋᐌᐱᓈᒡ ᒪᒋᐊᒑᑾᐞ᙮

25ᒋᓴᔅ ᐅᑮ ᑭᑫᓂᒫᐞ ᐋᓐ ᐁᓀᑕᒥᓂᒡ᙮ ᒦᑕᔥ ᑳᐃᓈᒡ: ᑮᔥᐱᓐ ᓴ ᑎᐯᒋᑫᐎᓂᕽ ᐊᐎᔭᒃ ᑳᐊᔮᐙᒡ ᐐᐯᐸᑳᓂᑑᐙᒡ ᒋᒦᑳᑎᐙᒡ, ᐋᐱᒋ ᐐᐸ ᑕᓂᔑᐗᓈᑕᓂᓂ ᐃᐃ ᑎᐯᒋᑫᐎᓐ᙮ ᑮᔥᐱᓐ ᑲᔦ ᐆᑌᓇ ᑯᒫ ᑲᔦ ᑖᐎᓐ ᐯᐸᑳᓂᐃᑎᓲᒪᑲᑭᓐ, ᒫᒦᑳᑎᓈᓂᐗᕽ ᑲᔦ, ᐋᐱᒋ ᐐᐸ ᑕᓂᔑᐗᓈᑕᓅᓐ᙮ 26ᑮᔥᐱᓐ ᓭᑕᓐ Satan ᑳᑕᔑᐅᑭᒫᐎᒡ ᒫᒦᑳᑎᓈᓂᐗᓂᓂᒃ, ᐋᐱᒋ ᐐᐸ ᑕᐸᑭᓯᓂᓂ᙮ 27ᑭᑎᔑᒻ ᐃᑕᔥ ᑲᔦ ᐁᒦᔑᒡ ᐱᐁᓬᓯᐳᓬᐆᓐ ᒪᔥᑲᐎᓰᐎᓐ ᑳᐅᒋ ᓵᑭᒋᐌᐱᓂᒪᒃ ᒪᒋᐊᒑᑾᐞ᙮ ᐋᑎ ᑕᔥ ᑮᓇᐙ ᐌᑎᓇᒧᐙᒡ ᐃᑭ ᑳᐱᒥᓂᔕᐅᓀᒀ ᒪᔥᑲᐎᓰᐎᓐ ᒋᓵᑭᒋᐌᐱᓈᐙᒡ ᒪᒋᐊᒑᑾᐞ? ᐃᑭ ᓴ ᑳᐱᒥᓂᔕᐅᓀᒀ ᐅᓈᑯᑑᓈᐙ ᑮᓇᐙ ᐊᓂᔖ ᐁᐃᔑᔦᒃ᙮ 28ᑭᔐᒪᓂᑑ ᐅᑕᒑᑾᓐ ᐅᔕ ᓃᓐ ᑳᒦᔑᒥᒡ ᒪᔥᑲᐎᓰᐎᓐ ᒋᓵᑭᒋᐌᐱᓂᒪᒃ ᐃᐃ ᒪᒋᐊᒑᑾᐞ᙮ ᒦᑕᔥ ᐅᐅᒫ ᐁᔑᓈᑾᒃ ᑭᔐᒪᓂᑑ ᐅᑎᐯᒋᑫᐎᓐ ᐋᔕ ᐁᑮᓈᓯᑳᑯᔦᒃ᙮

29ᑳᐐᓐ ᑲᔦ ᐊᐎᔭ ᐅᑖᑲᔥᑭᑑᓰᓐ ᒋᐲᑎᑫᒡ ᒋᑮ ᒪᑲᒫᒡ ᐅᑕᔭᐄᒥᓂ ᐅᐙᑳᐃᑲᓂᓃᕽ ᐃᓂ ᑳᒪᔥᑲᐎᓰᓂᒡ ᐃᓂᓂᐗᓐ᙮ ᐱᓇᒫ ᐁᑕ ᑕᑯᐱᓈᒡ ᐃᓂ ᐃᓂᓂᐗᓐ ᒦᐃ ᐹᒫ ᒋᑲᔥᑭᑑᐸᓐ ᒋᑮ ᒪᑲᒫᒡ ᐅᑕᔭᐄᒥᓂ ᐅᐙᑳᐃᑲᓂᓃᕽ᙮ 30#Mark 9.40. ᐊᐌᓀᓐ ᐃᓴ ᑳᐐᒌᐎᓯᒃ ᒦᐃ ᐁᔑᓈᑯᓯᒡ ᐁᓂᔥᑫᓂᒥᒡ, ᐊᐌᓀᓐ ᑲᔦ ᑳᐐᒋᐃᓯᒃ ᑮᒫᐗᑑᓂᑫᔮᓐ ᒦᐃ ᐁᔑᓈᑯᓯᒡ ᑳᐅᓶᐌᐱᓂᑫᒡ᙮ 31ᒦᑕᔥ ᑳᐅᒋ ᐐᑕᒪᐎᓇᑰᒃ ᐅᐅ: ᐋᓃᓂᑯ ᐃᓂᓂ ᐁᔑ ᒪᒋ ᐃᔑᒋᑫᒡ, ᐋᓃᓂᑯ ᑲᔦ ᐁᔑ ᒪᒋ ᐃᑭᑐᒡ ᑕᐴᓀᑕᒪᐙ᙮ ᐊᐎᔭ ᑕᔥ ᐐᓐ ᒪᒋ ᐃᓈᒡ ᑭᔐᒪᓂᑑᓐ ᐅᑕᒑᑯᓂ ᑳᐐᓐ ᑕᐴᓀᑕᒪᐙᓰ᙮ 32#Luke 12.10. ᐊᐎᔭ ᐱᑯ ᑫᒪᒋ ᐃᓈᒡ ᐃᓂ ᑭᔐᒪᓂᑑᓐ ᐅᑲᔥᑭᐁᐎᓰᒥᓂ, ᑕᐴᓀᑕᒪᐙᑲᓂᐎ᙮ ᐊᐎᔭ ᑕᔥ ᐐᓐ ᒪᒋ ᐃᓈᒡ ᑭᔐᒪᓂᑑᓐ ᐅᑕᒑᑯᓂ ᑳᐐᓐ ᑕᐴᓀᑕᒪᐙᓰ, ᑳᐐᓐ ᓅᑯᒻ ᑕᐴᓀᑕᒪᐙᓰ ᑲᔦ ᑳᐐᓐ ᐐᑳ ᑕᐴᓀᑕᒪᐙᓰ᙮

ᒥᑎᒃ ᑳᓂᑖᐎᑭᑑᒡ ᐅᒋ ᑭᑫᒋᑲᓂᐎ

(Luke 6.43-45)

33 # Mat 7.20; Luke 6.44. ᒥᓄᒥᑎᒃ ᐅᓂᑖᐎᑭᑑᓐ ᒥᓄᔒᐎᒦᒋᒻ᙮ ᒪᒋᒥᑎᒃ ᐃᑕᔥ ᐐᓐ ᐅᓂᑖᐎᑭᑑᓇᓐ ᐐᓴᑭᒥᓇᓐ᙮ ᐋᓃᔥ ᐊᐊ ᒥᑎᒃ ᐋᓃᓐ ᐁᔑ ᓂᑖᐎᑭᒋᑫᒡ ᐅᒋ ᑭᑫᒋᑲᓂᐎ ᐊᐌᓀᓐ ᐁᑎᓄᐙᑎᑯᐎᒡ᙮ 34#Mat 3.7; 15.18; 23.33; Luke 3.7; 6.45. ᑮᓇᐙ ᑭᓀᐱᑰᒃ! ᐋᓃᓐ ᐃᑕᔥ ᑾᔭᒃ ᑫᐅᒋ ᐃᑭᑐᔦᑭᐸᓐ ᐁᒪᒋ ᐃᓂᓃᐎᔦᒃ᙮ ᐋᓃᔥ ᐊᐎᔭ ᑳᐃᔑ ᒨᔥᑭᓀᓂᒃ ᐅᑌᐞ ᐃᔑᑮᑭᑐ᙮ 35ᑾᔭᒃ ᐃᓂᓂ ᐅᑑᒋᐲᑑᓇᓐ ᑾᔭᒃ ᑫᑰᓇᓐ ᐃᐃᒫ ᑳᐃᔑ ᑲᓇᐌᒋᑫᒡ ᐅᑌᐃᕽ, ᑲᔦ ᐊᐊ ᒪᒋ ᐃᓂᓂ ᐅᑑᒋᐲᑑᓇᓐ ᒪᒋᑫᑰᓇᓐ ᐃᐃᒫ ᑳᐃᔑ ᑲᓇᐌᒋᑫᒡ ᐅᑌᐃᕽ᙮ 36ᑭᐐᑕᒪᐎᓂᓂᒻ, ᐊᐎᔭ ᑳᑕᓱ ᐃᔑᑮᔗᒡ, ᒥᓴᐙ ᑯ ᑌᐱᓈᒃ ᐁᐃᔑᑮᔗᒡ ᑕᑕᑾᑭᑕᒪᐙ ᐊᐲ ᑎᐹᑯᓂᑫᐎᑮᔑᑲᓂᓂᒃ᙮ 37ᑭᑎᑭᑐᐎᓇᓐ ᐅᔕ ᑕᐋᐸᑕᓅᓐ ᐊᐲ ᐐᑎᐹᑯᓂᑰᔭᓐ᙮ ᑯᒫ ᑲᔦ ᑭᑎᑭᑐᐎᓂᕽ ᑭᑲᐅᒋ ᐃᑰ ᐁᑾᔭᒀᑎᓯᔭᓐ, ᑯᒫ ᑲᔦ ᑭᑎᑭᑐᐎᓂᕽ ᑭᑲᐅᒋ ᐃᑰ ᐁᑳ ᐁᑾᔭᒀᑎᓯᓯᐗᓐ᙮

ᐁᐊᑕᐌᓂᒥᓐᒡ ᒋᓴᔅ ᒋᒫᒪᑳᒋᒋᑫᒡ

(Mark 8.11-12; Luke 11.29-32)

38 # Mat 16.1; Mark 8.11; Luke 11.16. ᐃᑭ ᑕᔥ ᐅᓇᔓᐌᐎ ᑭᑭᓄᐊᒫᑫᐎᓂᓂᐗᒃ, ᐯᕒᐊᓰᒃ Pharisees ᑲᔦ ᐅᑮᐃᓈᐙᓐ: ᐅᑭᑭᓄᐊᒫᑫ, ᑭᒥᓴᐌᓂᒥᑰ ᐁᐐ ᐙᐸᒥᑰᔭᓐ ᒋᒫᒪᑳᒋᒋᑫᔭᓐ᙮

39 # Mat 16.4; Mark 8.12. ᒋᓴᔅ ᑕᔥ ᑮᐃᑭᑐ: ᐋᐱᒋ ᒪᒋ ᐃᓇᑫ, ᐊᓅᒋᑯ ᑲᔦ ᐃᔑᐱᒫᑎᓯᐗᒃ ᓅᑯᒻ ᑳᐱᒫᑎᓯᐙᒡ, ᒦ ᐁᑕ ᑯ ᐁᔑᒋᑫᐙᒡ ᐁᓇᓈᑕᐙᐸᑕᒧᐙᒡ ᒫᒪᑳᒋᒋᑫᐎᓇᓐ᙮ ᐃᐃᐌᓂ ᑕᔥ ᐁᑕ ᒫᒪᑳᒋᒋᑫᐎᓐ ᑫᐙᐸᑕᒧᐙᒡ, ᑖᐱᔥᑰ ᒎᓇ Jonah ᑳᑮᐃᔑ ᒫᒪᑳᒋᓭᒡ᙮ 40#Jonah 2.1. ᒎᓇ ᑳᑮ ᐲᓱᒡ ᑭᒋᑮᑰᔭᓐ ᐅᒥᓴᑖᓃᕽ ᓂᓱᑮᔑᒃ 3 ᓂᓱᑎᐱᒃ ᑲᔦ, ᒦ ᑖᐱᔥᑰ ᐃᓂᓂ ᐅᑯᓯᓴᓐ ᓂᓱᑮᔑᒃ ᓂᓱᑎᐱᒃ ᑲᔦ ᑫᐃᔑ ᐊᔮᓂᒡ ᐊᓈᒪᑲᒥᒃ᙮ 41#Jonah 3.5. ᐊᐲ ᑕᔥ ᑎᐹᑯᓂᑫᐎᑮᔑᑲᒃ, ᓂᓂᐯ Nineveh ᐆᑌᓈᕽ ᑳᑮ ᑖᐙᒡ ᐊᐎᔭᒃ ᑕᐸᓯᑸᐗᒃ ᒋᐊᓈᒥᒥᓀᒀ, ᐋᓃᔥ ᑮᑴᑳᑎᓯᐗᒃ ᐐᓇᐙ ᐊᐲ ᐁᑮᓅᑕᐙᐙᒡ ᒎᓇᐗᓐ ᐁᑲᑮᑴᓂᒡ᙮ ᑭᑎᓂᓂᓂᒻ ᐃᑕᔥ, ᓇᐗᒡ ᑫᑰᓐ ᐁᑭᒋ ᐃᓀᑖᑾᒃ ᐊᐲᒡ ᐐᓐ ᒎᓇ ᐅᐅᒫ ᐊᔮ᙮ 42#1 Kings 10.1-10; 2 Chron 9.1-12. ᐊᐲ ᑕᔥ ᑎᐹᑯᓂᑫᐎᑮᔑᑲᒃ ᑭᒋᐅᑭᒫᑴ ᔖᐗᓄᕽ ᑳᑮᐅᒌᒡ ᑕᐸᓯᑸ ᒋᐊᓈᒥᒥᓀᒃ᙮ ᐋᓃᔥ ᐐᓐ ᐙᓴ ᑮᐱ ᐃᔖ ᐁᐐ ᓅᑕᐙᒡ ᔂᓬᐊᒪᓇᓐ Solomon ᑳᑮᐃᔑ ᑲᑮᑖᐎ ᑭᑭᓄᐊᒫᑫᓂᒡ᙮ ᑭᐐᑕᒪᐎᓂᓂᒻ ᐃᑕᔥ ᓇᐗᒡ ᐁᑭᒋ ᐃᓀᑖᑾᒃ ᐊᐲᒡ ᐐᓐ ᔂᓬᐊᒪᓐ ᐅᐅᒫ ᐊᔮ ᓅᑯᒻ᙮

ᑫᑮᐱ ᐃᔑᑮᐌᒡ ᒪᒋᐊᒑᒃ ᑳᑮᐅᒋ ᓵᑭᒋᐌᐱᓂᑲᓂᐎᐸᓐ

(Luke 11.24-26)

43ᐊᐲ ᒪᒋᐊᒑᒃ ᑮᐅᒋ ᓵᑭᒋᐌᐱᓂᑲᓂᐎᒡ ᐃᓂᓃᕽ, ᒦᐃ ᒥᓯᐌ ᐁᔑ ᐸᐹᒥ ᐊᔮᒡ ᐱᑾᑕᑲᒥᒃ ᑳᐃᔑ ᐹᑌᓂᒃ ᐁᑲᑴ ᒥᑲᕽ ᐋᑎ ᑫᐃᔑ ᐊᓉᐱᒡ, ᑳᐐᓐ ᑕᔥ ᑫᑰᓂᓂ ᐅᒥᑲᓰᓐ᙮ 44ᒦᑕᔥ ᐁᑭᑐᒡ: ᓂᑲ ᑮᐌ ᓂᐙᑳᐃᑲᓂᕽ ᐋᑎ ᑳᑮᐅᒋ ᓵᑲᐊᒫᓐ᙮ ᒦᑕᔥ ᐁᔑ ᑮᐌᒡ ᐁᒥᑲᕽ ᐅᐙᑳᐃᑲᓐ ᐐᑫ ᐁᐱᔑᔑᒀᓂᒃ, ᐁᑮ ᐯᑭᒋᑳᑌᓂᒃ, ᐁᓴᑲᑭᒋᑳᑌᓂᒃ ᑲᔦ᙮ 45ᒦᑕᔥ ᐁᔑ ᑮᐌ ᑕᑯᔑᕽ ᐁᑕᑯᐲᓈᒡ ᓃᔣᓱ ᒪᒋᐊᒑᑾᐞ ᓇᐗᒡ ᐁᒪᒑᑎᓯᓂᒡ ᐊᐲᒡ ᐐᓐ᙮ ᒦᑕᔥ ᐁᔑ ᐲᑎᑫᐙᒡ ᐃᐃᒫ ᐁᐃᔑᑖᐙᒡ᙮ ᐊᐊ ᑕᔥ ᐃᓂᓂ ᓇᐗᒡ ᑭᒋ ᐃᔑ ᐊᔮ ᐊᐲᒡ ᐐᓐ ᑳᑮᐃᔑ ᐊᔮᐸᓐ ᓂᑕᒻ᙮ ᒦᑕᔥ ᒪᔮ ᑫᔑᓈᑯᓯᐙᒡ ᐅᑯ ᑳᒪᒑᑎᓯᐙᒡ ᓅᑯᒻ ᑳᐱᒫᑎᓯᐙᒡ᙮

ᒋᓴᔅ ᐁᑎᐹᒋᒫᒡ ᐊᐌᓀᓇᐞ ᒪᔮ ᐁᓇᐌᒫᒡ

(Mark 3.31-35; Luke 8.19-21)

46ᒣᒀ ᑕᔥ ᒋᓴᔅ ᐁᑲᑲᓅᓈᒡ ᐃᐃ ᑳᒫᒪᐌᓄᓂᒡ, ᐅᒫᒫᓐ, ᐐᒋᑭᐌᔭᐞ ᑲᔦ ᑮᐱ ᑕᑯᔑᓅᐞ ᐁᐐ ᑲᓅᓂᑯᒡ᙮ ᐊᑾᒌᕽ ᐃᑕᔥ ᑮᓃᐸᐎᐗᐞ᙮ 47ᐯᔑᒃ ᐃᑕᔥ ᐊᐎᔭᓐ ᐅᑮᐃᑰᓐ: ᑕᑲ ᐱᓇᒫ, ᑭᒫᒫ ᑮᒋᑭᐌᔭᒃ ᑲᔦ ᐊᑾᒌᕽ ᓃᐸᐎᐗᒃ ᐁᐐ ᑲᓅᓂᒀ᙮ 48ᒋᓴᔅ ᑕᔥ ᐅᑮᐃᓈᓐ: ᐊᐌᓀᓐ ᐃᑕᔥ ᓂᒫᒫ, ᐊᐌᓀᓇᒃ ᑲᔦ ᓃᒋᑭᐌᔭᒃ? 49ᑮᐃᔑᓂᑫᓂ ᑕᔥ ᐃᓇᑫ ᐁᔑ ᐊᔮᓂᒡ ᐃᐃ ᐅᑭᑭᓄᐊᒪᐙᑲᓇᐞ, ᒦᑕᔥ ᑳᐃᑭᑐᒡ: ᒦᐗᒃ ᐅᔕ ᐅᑯ ᓂᒫᒫ, ᓃᒋᑭᐌᔭᒃ ᑲᔦ᙮ 50ᐊᐌᓀᓐ ᐃᑕᔥ ᑳᐃᔑᒋᑫᒡ ᑳᔑ ᐊᑕᐌᓂᒥᑯᒡ ᓂᑌᑌᓐ ᑭᒋᑮᔑᑯᕽ ᑳᐊᔮᓂᒡ, ᒦᐃ ᐅᔕ ᐊᐊᐌ ᓃᒋᑭᐌᓯ, ᓂᑕᐌᒫ, ᓂᒫᒫ ᑲᔦ᙮

Currently Selected:

ᒫᑎᔪ 12: OJBS

Highlight

Copy