ᐁᑭᓴᑕᔅ 8
8
ᐅᒪᑲᑮᒃ ᑮᐹᑏᓄᐙᒡ
1ᑳᑎᐯᒋᑫᓂᒡ ᐃᑕᔥ ᒨᓯᔅ Moses ᐅᑮᐃᑰᓐ, ᐊᑕ ᐙᐸᒻ ᐯᕒᐆ Pharaoh ᐅᐅ ᒋᐃᓇᒡ, ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᐊᐎ ᐊᓇᒥᐁᑕᐎᐙᒡ᙮ 2ᑮᔥᐱᓐ ᐃᑕᔥ ᐃᓀᑕᓯᐗᓐ ᐃᐃ ᒋᐃᔑᒋᑫᔭᓐ, ᒦ ᓴ ᐃ ᑫᑑᑕᒫᓐ ᑭᑕᑮᒻ ᒥᓯᐌ ᒋᐊᔮᐙᒡ ᐅᒪᑲᑮᒃ ᑫᐊᐲᒋ ᓴᓇᑳᑯᓂᓈᓐ᙮ 3ᐃᐃᒫ ᓴ ᓈᔭᓬ Nile ᓰᐱᕽ ᐐᑫ ᑕᒨᔥᑭᓀ ᐊᔮᐗᒃ ᐅᒪᑲᑮᒃ᙮ ᒦᑕᔥ ᐃᐃᒫ ᑫᐅᒋ ᐊᒀᓰᐙᒡ ᒋᐲᑎᑫᐙᒡ ᑭᑑᑭᒫᐎᑲᒥᑯᕽ, ᑳᔑ ᓂᐹᔭᓐ ᑲᔦ, ᑭᓂᐯᐎᓈᑯᕽ ᑲᔦ᙮ ᑕᐃᔖᐗᒃ ᑲᔦ ᐅᐙᑳᐃᑲᓂᓃᕽ ᑭᑖᓂᑫᐎᑭᒫᒪᐞ, ᐁᔑᐊᔮᓂᒡ ᑲᔦ ᑭᐱᒫᑎᓰᒪᐞ, ᐊᐙᒡ ᑲᔦ ᑳᔑ ᐲᑖᐱᑲᐃᑫᔦᒃ, ᑳᔑ ᐸᑴᔑᑲᓂᑫᔦᒃ ᑲᔦ᙮ 4ᐅᒪᑲᑮᒃ ᓴ ᑭᑲ ᓈᓯᑳᑰᒃ, ᐅᑲ ᓈᓯᑲᐙᐙᐞ ᑲᔦ ᑭᐱᒫᑎᓰᒪᐞ, ᑭᑖᓂᑫᐎᑭᒫᒪᐞ ᑲᔦ, ᐅᑮᐃᓈᓐ᙮
5ᒦᑕᔥ ᑳᑎᐯᒋᑫᓂᒡ ᑳᐃᑯᒡ, ᐅᐅ ᐃᔑ ᐁᕒᐊᓐ Aaron, ᐃᔑ ᓃᒫᑯᓇᓐ ᐃᐃ ᑭᓴᑲᐅᓈᒃ ᐁᔑ ᓴᓰᐲᑳᒃ ᐃᓇᑫ, ᐁᔑᐊᔮᑭᓐ ᑲᔦ ᓰᐲᓴᓐ, ᓵᑲᐃᑲᓃᓯᑳᓇᓐ ᑲᔦ, ᒦᔥ ᐅᒪᑲᑮᒃ ᒥᓯᐌ ᒋᐊᔮᐙᒡ ᐅᐅᒫ ᐄᒋᐸᑮᕽ Egypt, ᐅᑮᐃᑰᓐ᙮ 6ᒦᑕᔥ ᐁᕒᐊᓐ ᑳᐃᔑᒋᑫᒡ, ᐁᑮ ᐃᔑ ᓃᒥᓇᕽ ᐅᓴᑲᐅᓈᒃ ᐁᔑ ᓇᓂᐲᑳᓂᒃ ᐄᒋᐸᑮᕽ᙮ ᒦᑕᔥ ᐅᒪᑲᑮᐞ ᑳᑮ ᐱᑕᑯᔑᓂᓂᒡ ᒥᓯᐌ ᐁᑮ ᐊᔮᓂᒡ ᐃᐃᒫ ᐊᑮᕽ᙮ 7ᐃᐃ ᑕᔥ ᒣᒫᑖᐎᓯᓂᒡ, ᒦ ᐃ ᐯᔑᑾᓐ ᑳᐃᔑᒋᑫᓂᒡ ᐁᑮ ᒫᒪᑳᒋᒋᑫᓂᒡ, ᐁᑮ ᑲᔥᑭᐋᓂᒡ ᐅᒪᑲᑮᐞ ᒋᐲᔖᓂᒡ ᐃᐃᒫ ᐄᒋᐸᑮᕽ᙮
8ᒦᑕᔥ ᒨᓯᔅ, ᐁᕒᐊᓐ ᑳᐃᑯᐙᒡ ᐯᕒᐆᓐ, ᐊᓇᒥᐁᑕᐎᒃ ᑳᑎᐯᒋᑫᒡ ᒋᐴᓂ ᐊᔮᓂᒡ ᐅᐅ ᐅᒪᑲᑮᐞ ᐅᐅᒫ ᐁᔑᐊᔮᐗᒃ, ᐁᔑᐊᔮᓂᒡ ᑲᔦ ᓂᐱᒫᑎᓰᒪᐞ; ᒦᑕᔥ ᒋᐸᑭᑎᓇᒀ ᑭᐱᒫᑎᓰᒪᒃ ᒋᒫᒑᐙᒡ ᒋᐊᐎ ᐸᑭᑎᓈᓲᑕᒪᐙᐙᒡ ᑳᑎᐯᒋᑫᓂᒡ, ᐅᑮᐃᑯᐙᓐ᙮
9ᒦᔥ ᒨᓯᔅ ᑳᐃᓈᒡ ᐯᕒᐆᓐ, ᑮᓐ ᓴ ᐱᑯ ᐅᓀᑕᓐ ᐋᓃᓐ ᐊᐲ ᐃᔑᓭᒃ ᑫᐊᓇᒥᐁᑕᒪᐎᓈᓐ᙮ ᒦᑕᔥ ᒋᐊᓇᒥᐁᑕᒪᐎᓈᓐ, ᐃᑭ ᑲᔦ ᑭᑖᓂᑫᐎᑭᒫᒃ, ᑭᐱᒫᑎᓰᒪᒃ ᑲᔦ᙮ ᒦᔥ ᒋᐴᓂ ᐊᔮᐙᒡ ᐅᒪᑲᑮᒃ ᑭᐙᑳᐃᑲᓂᐙᕽ᙮ ᐌᑎ ᑕᔥ ᐁᑕ ᓈᔭᓬ Nile ᓰᐱᕽ ᑕᔑ ᐃᔥᑸᓄᐗᒃ, ᐅᑮᐃᓈᓐ᙮
10ᐙᐸᕽ ᐃᓴ ᐊᓇᒥᐁᑕᒪᐎᔒᑲᓐ, ᐃᑕᔥ ᐅᑮᐃᑰᓐ ᐯᕒᐆᓐ᙮
ᒦᔥ ᒨᓯᔅ ᑳᐃᓈᒡ, ᒦ ᓴ ᐃ ᑫᐃᔑᓭᒃ ᑳᐃᑭᑐᔭᓐ, ᒦᔥ ᒋᑭᑫᑕᒪᓐ ᐸᑳᓐ ᑯᑕᒃ ᐊᐎᔭ ᐁᐃᓀᑖᑯᓯᓯᒃ ᐁᔑᐊᔮᓂᒡ ᓂᑭᔐᒪᓂᑑᒥᓈᓂᓐ᙮ 11ᒦᑕᔥ ᐅᒪᑲᑮᒃ ᒋᐴᓂ ᐊᔮᐙᒡ, ᑭᐙᑳᐃᑲᓂᐙᕽ ᑲᔦ, ᐁᔑᐊᔮᓂᒡ ᑲᔦ ᑭᑖᓂᑫᐎᑭᒫᐞ, ᐁᔑᐊᔮᓂᒡ ᑲᔦ ᑭᐱᒫᑎᓰᒪᐞ᙮ ᐃᑭ ᓴ ᐁᑕ ᓈᔭᓬ Nile ᓰᐱᕽ ᐁᔮᐙᒡ ᐅᒪᑲᑮᒃ ᑕᐃᔥᑸᓄᐗᒃ, ᐅᑮᐃᓈᓐ᙮ 12ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᐃᔑ ᓇᑲᓈᐙᒡ ᐯᕒᐆᓐ᙮ ᒨᓯᔅ ᑕᔥ ᐅᑮ ᐊᓇᒥᐁᑕᐙᓐ ᑳᑎᐯᒋᑫᓂᒡ ᒋᐴᓂ ᐊᔮᓂᒡ ᐅᒪᑲᑮᐞ ᑳᑮ ᐲᓈᓂᐸᓐ ᐁᔑᐊᔮᓂᒡ ᐯᕒᐆᓐ᙮ 13ᒦ ᓴ ᐃ ᑳᑎᐯᒋᑫᓂᒡ ᑳᐃᔑᒋᑫᓂᒡ ᒨᓯᔅ ᑳᑮ ᐃᔑ ᑲᑴᒋᒫᒡ᙮ ᐅᒪᑲᑮᐞ ᐁᑮ ᓂᐳᓂᒡ ᐙᑳᐃᑲᓂᑳᕽ, ᐊᑾᒌᕽ ᑲᔦ ᐁᔑ ᐗᐐᐱᒋᑳᑌᓂᒃ, ᒥᔕᐗᑲᒥᒃ ᑲᔦ᙮ 14ᐐᑫ ᓴ ᑯ ᐅᑮᒪᒫᑭ ᐅᑯᔑᒫᐙᐞ ᐅᒪᑲᑮᐞ, ᐐᑫ ᑲᔦ ᑮᒫᔑ ᒫᑾᓐ ᐄᒋᐸᑭ᙮ 15ᐊᐲ ᑕᔥ ᐯᕒᐆ ᐁᐙᐸᑕᕽ ᐅᒪᑲᑮᐞ ᐁᓂᐳᓂᒡ, ᒦ ᐃ ᐋᒌᑫ ᑳᑮ ᐊᓂ ᔕᔒᐱᑕᕽ ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᐁᑮ ᐃᔑᓭᓂᒃ ᒪᔮ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᐱᑯᒌᓭᓴᒃ ᑮᐊᔮᐙᒡ
16ᒦᑕᔥ ᑳᑎᐯᒋᑫᓂᒡ ᒨᓯᔅ Moses ᑳᐃᑯᒡ, ᑲᓅᔥ ᐁᕒᐊᓐ Aaron ᒋᓃᒫᑯᓇᕽ ᐅᓴᑲᐅᓈᒃ, ᒋᐸᑭᑌᐊᕽ ᐃᑕᔥ ᑳᐹᔥᑭᓀᓭᓂᒃ ᐊᑭ, ᒦᑕᔥ ᐃᐃᒫ ᑫᐅᒌᓂᒡ ᐱᑯᒌᓭᓴᐞ ᒥᓯᐌ ᑫᐊᔮᓂᒡ ᐄᒋᐸᑮᕽ Egypt, ᐅᑮᐃᑰᓐ᙮ 17ᒦᑕᔥ ᑳᐃᔑᒋᑫᐙᒡ᙮ ᐁᕒᐊᓐ ᑕᔥ ᐅᑮ ᓃᒫᑯᓈᓐ ᐅᓴᑲᐅᓈᒃ ᐁᑮ ᐸᑭᑌᐊᕽ ᑳᐹᔥᑭᓀᓭᓂᒃ ᐊᑭ᙮ ᒦᑕᔥ ᐃᐃᒫ ᐹᔥᑭᓀᓭᕽ ᑳᐅᒋᓭᓂᒡ ᐱᑯᒌᓭᓴᐞ ᒥᓯᐌ ᐄᒋᐸᑮᕽ ᐁᑮ ᐊᔮᓂᒡ᙮ ᒥᓯᐌ ᓴ ᑮᐊᔮᐗᐞ ᐱᑯᒌᓭᓴᐞ, ᐁᑮ ᐃᔑ ᐴᓃᓴᑕᐙᓂᒡ ᐯᒫᑎᓯᓂᒡ, ᐊᔭᐋᐎᔑᑳᕽ ᑲᔦ᙮ 18ᒣᒫᑖᐎᓯᓂᒡ ᐃᑕᔥ ᐅᑖᓇᑮ ᑯᒋᑑᓂ ᒋᒫᒪᑳᒋᒋᑫᓂᒡ ᐁᐐ ᐲᓈᓂᒡ ᐱᑯᒌᓭᓴᐞ, ᑳᐐᓐ ᐃᑕᔥ ᐅᑮ ᑲᔥᑭᑑᓰᓂ᙮ ᒥᓯᐌ ᓴ ᑯ ᑮᐊᔮᐗᐞ ᐱᑯᒌᓭᓴᐞ ᐯᒫᑎᓯᓂᒡ ᑳᐃᔑᐊᔮᓂᒡ, ᐊᔭᐋᐎᔑᑳᕽ ᑲᔦ᙮ 19#Luk 11.20. ᒦᑕᔥ ᐃᑭ ᒣᒫᑖᐎᓯᐙᒡ ᑳᐃᓈᐙᒡ ᐯᕒᐆᓐ Pharaoh, ᒦᐅᔕᐅᐌᓂ ᑭᔐᒪᓂᑑ ᐅᑎᔑᒋᑫᐎᓐ, ᐅᑮᐃᓈᐙᓐ᙮ ᒦᑕᔥ ᐋᒋᑯ ᐯᕒᐆ ᑳᑮ ᐊᓂ ᔕᔒᐱᑕᕽ, ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᒪᔮ ᐁᑮ ᐃᔑᓭᓂᒃ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᐆᒌᓴᒃ ᑮᐊᔮᐙᒡ
20ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᐐᐸ ᑭᑭᔐᑉ ᐗᓂᔥᑳᑲᓐ ᒋᐊᑕ ᒣᒀᔥᑲᐗᒡ ᐯᕒᐆ Pharaoh ᐊᐲ ᓈᓯᐲᒡ᙮ ᒦᔥ ᐅᐅ ᑫᐃᓇᒡ, ᐅᐅ ᓴ ᐃᑭᑐ ᑳᑎᐯᒋᑫᒡ: ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ, ᒋᐊᑕ ᐊᓇᒥᐁᑕᐎᐙᒡ᙮ 21ᑮᔥᐱᓐ ᐃᑕᔥ ᐸᑭᑎᓈᓯᐗᑣ ᓂᐱᒫᑎᓰᒪᒃ ᒋᒫᒑᐙᒡ, ᒦ ᓴ ᑫᑑᑕᐎᓈᓐ ᒋᐲᒋᓂᔕᐗᒀ ᐆᒌᓴᒃ ᐐᑫ ᒋᐹᑏᓄᐙᒡ᙮ ᒋᐊᔮᐙᒡ ᑲᔦ ᐁᔑᐊᔮᓂᒡ ᑭᑖᓂᑫᐎᑭᒫᒪᐞ, ᑭᐱᒫᑎᓰᒪᐞ ᑲᔦ᙮ ᑭᐙᑳᐃᑲᓂᐙᕽ ᑲᔦ ᑕᐊᔮᐗᒃ᙮ ᐄᒋᑉ Egypt ᑳᐊᔮᐙᒡ ᓴ ᐁᔑ ᐅᐙᑳᐃᑲᓂᐙᒡ ᐐᑫ ᑕᒪᒨᔥᑭᓀᐗᐞ ᐆᒌᓴᐞ, ᒥᓯᐌ ᑲᔦ ᒥᑕᑲᒥᒃ ᐁᔑᑖᓂᐗᓂᓂᒃ ᑕᐊᔮᐗᐞ᙮ 22ᐃᐃ ᑕᔥ ᐊᐲ ᐃᔑ ᑮᔑᑲᓂᓂᒃ ᐸᑳᓐ ᓴ ᐐᓐ ᓂᐐ ᑑᑖᓐ ᐃᐃ ᑰᔑᓐ Goshen ᐊᑭ, ᐁᔑᑖᐙᒡ ᓂᐱᒫᑎᓰᒪᒃ᙮ ᑳᐐᓐ ᐐᓐ ᐌᑎ ᑕᐊᔮᓰᐗᒃ ᒋᐹᑏᓄᐙᒡ ᐆᒌᓴᒃ, ᒋᐅᒋ ᑭᑫᑕᒪᓐ ᓃᓐ ᑳᑎᐯᒋᑫᔮᓐ ᐁᐊᔮᔮᓐ ᐅᒫ ᐊᑮᕽ᙮ 23ᐃᐃ ᑕᔥ ᐊᐲ ᑮᔑᑲᒃ, ᐸᑳᓐ ᓴ ᓂᐐ ᐃᓀᓂᒫᒃ ᓂᐱᒫᑎᓰᒪᒃ, ᐃᑭ ᑕᔥ ᑲᔦ ᑭᐱᒫᑎᓰᒪᒃ᙮ ᐙᐸᕽ ᐃᑕᔥ ᐅᐅ ᒫᒪᑳᒋ ᑭᑭᓇᐙᒋᒋᑫᐎᓐ ᑕᐃᔑᓭ, ᐅᑮᐃᓈᓐ᙮ 24ᒦᑕᔥ ᑳᑎᐯᒋᑫᒡ ᑳᐃᔑᒋᑫᒡ᙮ ᐐᑫ ᓴ ᑮᐹᑏᓄᐗᐞ ᐆᒌᓴᐞ ᑳᑮ ᐸᑲᒥ ᐊᔮᓂᒡ ᐯᕒᐆ ᐅᐙᑳᐃᑲᓂᕽ, ᐅᐙᑳᐃᑲᓂᓃᕽ ᑲᔦ ᐅᑖᓂᑫᐎᑭᒫᒪᐞ᙮ ᐐᑫ ᓴ ᒥᓯᐌ ᑮᓂᔑᐗᓈᓯᓈᑾᓐ ᐋᓃᔥ ᒥᓯᐌ ᑮᐊᔮᐗᐞ ᐆᒌᓴᐞ ᐃᐃᒫ ᐄᒋᐸᑮᕽ᙮
25ᒦᔥ ᒨᓯᔅ, ᐊᐊ ᑲᔦ ᐁᕒᐊᓐ Aaron ᑳᑮ ᐊᑐᒥᑯᐙᒡ ᐯᕒᐆᓐ ᐁᑮᐃᑯᐙᒡ, ᒫᒑᒃ ᐊᐎ ᐸᑭᑎᓈᓲᑕᒪᐎᒃ ᑭᑭᔐᒪᓂᑑᒥᐙ ᐅᐅᒫ ᐊᑮᕽ, ᐅᑮᐃᑯᐙᓐ᙮
26ᐅᐅᔥ ᒨᓯᔅ ᑮᐃᑭᑐ, ᑳᐐᓐ ᓴ ᑾᔭᒃ ᓂᑖ ᐃᔑᒋᑫᓰᒥᓐ ᐃᐃ ᐃᔑᒋᑫᔮᕽ᙮ ᑫᐸᑭᑎᓈᔂᑕᒪᐗᑭᒡ ᓴ ᑳᑎᐯᒋᑫᒡ ᓂᑭᔐᒪᓂᑑᒥᓈᓐ ᐅᑖ ᑲᒀᓂᓴᑫᑖᓈᐙ ᐄᒋᐸᑮᕽ ᑳᐊᔮᐙᒡ᙮ ᑮᔥᐱᓐ ᐃᑕᔥ ᐙᐸᒥᔭᒥᑣ ᐋᐸᒋᑖᐗᑭᒡ ᐸᑭᑎᓈᔂᑫᔮᕽ ᑫᒀᓂᓴᑫᑕᒧᐙᒡ, ᒫᑭᔖ ᓂᑖ ᐸᐲᒶᓯᓇᐃᑯᓈᓂᒃ! 27ᒦᑕᔥ ᐁᔑᓈᑾᒃ ᓂᓱᑮᔑᒃ ᒥᓂᒃ ᒋᐱᒥ ᐊᔮᔮᑭᐸᓐ ᒋᐃᔖᔮᕽ ᐌᑎ ᐱᑾᑕᑲᒥᒃ, ᒋᐊᐎ ᐸᑭᑎᓈᓲᑕᒪᐗᑭᒡ ᑳᑎᐯᒋᑫᒡ ᓂᑭᔐᒪᓂᑑᒥᓈᓐ ᑖᐱᔥᑰ ᑳᑮᐃᔑᔭᒥᓐᒡ, ᐅᑮᐃᓈᓐ᙮
28ᒦᔥ ᐅᐅ ᐯᕒᐆᓐ ᑳᐃᑯᒡ, ᑭᑲ ᐸᑭᑎᓂᓂᓂᒻ ᓴ ᒋᒫᒑᔦᒃ, ᒋᐊᐎ ᐸᑭᑎᓈᓲᑕᒪᐌᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐌᑎ ᐱᑾᑕᑲᒥᒃ, ᑫᑯ ᑕᔥ ᐐᓐ ᐙᓴ ᐃᔖᑫᒃ᙮ ᐊᓇᒥᐁᑕᒪᐎᔒᑫᒃ ᐃᑕᔥ, ᐅᑮᐃᑰᓐ᙮
29ᒦᔥ ᐅᐅ ᒨᓯᔅ ᑳᐃᓈᒡ, ᐃᓇᔥᑫᐅ ᑳᓇᑲᓂᓈᓐ, ᒦ ᓴ ᐃ ᒋᑲᑴᒋᒪᒃ ᑳᑎᐯᒋᑫᒡ ᐃᐃ ᑳᐹᑏᓄᓂᒡ ᐆᒌᓴᐞ ᐙᐸᓂᓂᒃ ᓂᑯᒋ ᐃᐃᒫ ᒋᐅᒋ ᐃᔖᓂᒡ ᐁᔑᐊᔮᔭᓐ, ᒋᓇᑲᓈᓂᒡ ᑲᔦ ᑭᑖᓂᑫᐎᑭᒫᒪᐞ, ᑭᐱᒫᑎᓰᒪᐞ ᑲᔦ᙮ ᑳᐐᓐ ᐃᑕᔥ ᑭᑲ ᑲᔦᔑᒥᓰᓈᒻ ᒦᓇᐙ ᒋᐸᑭᑎᓈᓯᐗᑣ ᐯᒫᑎᓯᐙᒡ ᒋᐊᐎ ᐸᑭᑎᓈᓲᑕᒪᐙᐙᒡ ᑳᑎᐯᒋᑫᓂᒡ, ᐅᑮᐃᓈᓐ᙮
30ᒦᑕᔥ ᒨᓯᔅ ᑳᐃᔑ ᓇᑲᓈᒡ ᐯᕒᐆᓐ, ᐁᑮ ᐊᓇᒥᐁᑕᐙᒡ ᑳᑎᐯᒋᑫᓂᒡ᙮ 31ᑳᑎᐯᒋᑫᒡ ᐃᑕᔥ ᑮᐃᔑᒋᑫ ᑳᑮ ᐃᔑ ᑲᑴᒋᒥᑯᒡ ᒨᓯᓲᓐ ᐁᑮ ᐃᔑᐋᒡ ᐆᒌᓴᐞ ᒋᓇᑲᓈᓂᒡ ᐯᕒᐆᓐ, ᐅᑖᓂᑫᐎᑭᒫᒥᓂ ᑲᔦ, ᐅᐱᒫᑎᓰᒥᓂ ᑲᔦ᙮ ᑳᐐᓐ ᓴ ᑯ ᐯᔑᒃ ᐃᑯᒋ ᑮᐊᔮᓰᐗᓐ᙮ 32ᐅᐅ ᑕᔥ ᐃᔑ ᐊᐲ ᐯᕒᐆ ᐋᒌᑫ ᑮᐊᓂ ᔕᔒᐱᑕᒻ᙮ ᑳᐐᓐ ᐅᑮ ᐸᑭᑎᓈᓰᐞ ᒋᒫᒑᓂᒡ ᐯᒫᑎᓯᓂᒡ᙮
Currently Selected:
ᐁᑭᓴᑕᔅ 8: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 8
8
ᐅᒪᑲᑮᒃ ᑮᐹᑏᓄᐙᒡ
1ᑳᑎᐯᒋᑫᓂᒡ ᐃᑕᔥ ᒨᓯᔅ Moses ᐅᑮᐃᑰᓐ, ᐊᑕ ᐙᐸᒻ ᐯᕒᐆ Pharaoh ᐅᐅ ᒋᐃᓇᒡ, ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᐊᐎ ᐊᓇᒥᐁᑕᐎᐙᒡ᙮ 2ᑮᔥᐱᓐ ᐃᑕᔥ ᐃᓀᑕᓯᐗᓐ ᐃᐃ ᒋᐃᔑᒋᑫᔭᓐ, ᒦ ᓴ ᐃ ᑫᑑᑕᒫᓐ ᑭᑕᑮᒻ ᒥᓯᐌ ᒋᐊᔮᐙᒡ ᐅᒪᑲᑮᒃ ᑫᐊᐲᒋ ᓴᓇᑳᑯᓂᓈᓐ᙮ 3ᐃᐃᒫ ᓴ ᓈᔭᓬ Nile ᓰᐱᕽ ᐐᑫ ᑕᒨᔥᑭᓀ ᐊᔮᐗᒃ ᐅᒪᑲᑮᒃ᙮ ᒦᑕᔥ ᐃᐃᒫ ᑫᐅᒋ ᐊᒀᓰᐙᒡ ᒋᐲᑎᑫᐙᒡ ᑭᑑᑭᒫᐎᑲᒥᑯᕽ, ᑳᔑ ᓂᐹᔭᓐ ᑲᔦ, ᑭᓂᐯᐎᓈᑯᕽ ᑲᔦ᙮ ᑕᐃᔖᐗᒃ ᑲᔦ ᐅᐙᑳᐃᑲᓂᓃᕽ ᑭᑖᓂᑫᐎᑭᒫᒪᐞ, ᐁᔑᐊᔮᓂᒡ ᑲᔦ ᑭᐱᒫᑎᓰᒪᐞ, ᐊᐙᒡ ᑲᔦ ᑳᔑ ᐲᑖᐱᑲᐃᑫᔦᒃ, ᑳᔑ ᐸᑴᔑᑲᓂᑫᔦᒃ ᑲᔦ᙮ 4ᐅᒪᑲᑮᒃ ᓴ ᑭᑲ ᓈᓯᑳᑰᒃ, ᐅᑲ ᓈᓯᑲᐙᐙᐞ ᑲᔦ ᑭᐱᒫᑎᓰᒪᐞ, ᑭᑖᓂᑫᐎᑭᒫᒪᐞ ᑲᔦ, ᐅᑮᐃᓈᓐ᙮
5ᒦᑕᔥ ᑳᑎᐯᒋᑫᓂᒡ ᑳᐃᑯᒡ, ᐅᐅ ᐃᔑ ᐁᕒᐊᓐ Aaron, ᐃᔑ ᓃᒫᑯᓇᓐ ᐃᐃ ᑭᓴᑲᐅᓈᒃ ᐁᔑ ᓴᓰᐲᑳᒃ ᐃᓇᑫ, ᐁᔑᐊᔮᑭᓐ ᑲᔦ ᓰᐲᓴᓐ, ᓵᑲᐃᑲᓃᓯᑳᓇᓐ ᑲᔦ, ᒦᔥ ᐅᒪᑲᑮᒃ ᒥᓯᐌ ᒋᐊᔮᐙᒡ ᐅᐅᒫ ᐄᒋᐸᑮᕽ Egypt, ᐅᑮᐃᑰᓐ᙮ 6ᒦᑕᔥ ᐁᕒᐊᓐ ᑳᐃᔑᒋᑫᒡ, ᐁᑮ ᐃᔑ ᓃᒥᓇᕽ ᐅᓴᑲᐅᓈᒃ ᐁᔑ ᓇᓂᐲᑳᓂᒃ ᐄᒋᐸᑮᕽ᙮ ᒦᑕᔥ ᐅᒪᑲᑮᐞ ᑳᑮ ᐱᑕᑯᔑᓂᓂᒡ ᒥᓯᐌ ᐁᑮ ᐊᔮᓂᒡ ᐃᐃᒫ ᐊᑮᕽ᙮ 7ᐃᐃ ᑕᔥ ᒣᒫᑖᐎᓯᓂᒡ, ᒦ ᐃ ᐯᔑᑾᓐ ᑳᐃᔑᒋᑫᓂᒡ ᐁᑮ ᒫᒪᑳᒋᒋᑫᓂᒡ, ᐁᑮ ᑲᔥᑭᐋᓂᒡ ᐅᒪᑲᑮᐞ ᒋᐲᔖᓂᒡ ᐃᐃᒫ ᐄᒋᐸᑮᕽ᙮
8ᒦᑕᔥ ᒨᓯᔅ, ᐁᕒᐊᓐ ᑳᐃᑯᐙᒡ ᐯᕒᐆᓐ, ᐊᓇᒥᐁᑕᐎᒃ ᑳᑎᐯᒋᑫᒡ ᒋᐴᓂ ᐊᔮᓂᒡ ᐅᐅ ᐅᒪᑲᑮᐞ ᐅᐅᒫ ᐁᔑᐊᔮᐗᒃ, ᐁᔑᐊᔮᓂᒡ ᑲᔦ ᓂᐱᒫᑎᓰᒪᐞ; ᒦᑕᔥ ᒋᐸᑭᑎᓇᒀ ᑭᐱᒫᑎᓰᒪᒃ ᒋᒫᒑᐙᒡ ᒋᐊᐎ ᐸᑭᑎᓈᓲᑕᒪᐙᐙᒡ ᑳᑎᐯᒋᑫᓂᒡ, ᐅᑮᐃᑯᐙᓐ᙮
9ᒦᔥ ᒨᓯᔅ ᑳᐃᓈᒡ ᐯᕒᐆᓐ, ᑮᓐ ᓴ ᐱᑯ ᐅᓀᑕᓐ ᐋᓃᓐ ᐊᐲ ᐃᔑᓭᒃ ᑫᐊᓇᒥᐁᑕᒪᐎᓈᓐ᙮ ᒦᑕᔥ ᒋᐊᓇᒥᐁᑕᒪᐎᓈᓐ, ᐃᑭ ᑲᔦ ᑭᑖᓂᑫᐎᑭᒫᒃ, ᑭᐱᒫᑎᓰᒪᒃ ᑲᔦ᙮ ᒦᔥ ᒋᐴᓂ ᐊᔮᐙᒡ ᐅᒪᑲᑮᒃ ᑭᐙᑳᐃᑲᓂᐙᕽ᙮ ᐌᑎ ᑕᔥ ᐁᑕ ᓈᔭᓬ Nile ᓰᐱᕽ ᑕᔑ ᐃᔥᑸᓄᐗᒃ, ᐅᑮᐃᓈᓐ᙮
10ᐙᐸᕽ ᐃᓴ ᐊᓇᒥᐁᑕᒪᐎᔒᑲᓐ, ᐃᑕᔥ ᐅᑮᐃᑰᓐ ᐯᕒᐆᓐ᙮
ᒦᔥ ᒨᓯᔅ ᑳᐃᓈᒡ, ᒦ ᓴ ᐃ ᑫᐃᔑᓭᒃ ᑳᐃᑭᑐᔭᓐ, ᒦᔥ ᒋᑭᑫᑕᒪᓐ ᐸᑳᓐ ᑯᑕᒃ ᐊᐎᔭ ᐁᐃᓀᑖᑯᓯᓯᒃ ᐁᔑᐊᔮᓂᒡ ᓂᑭᔐᒪᓂᑑᒥᓈᓂᓐ᙮ 11ᒦᑕᔥ ᐅᒪᑲᑮᒃ ᒋᐴᓂ ᐊᔮᐙᒡ, ᑭᐙᑳᐃᑲᓂᐙᕽ ᑲᔦ, ᐁᔑᐊᔮᓂᒡ ᑲᔦ ᑭᑖᓂᑫᐎᑭᒫᐞ, ᐁᔑᐊᔮᓂᒡ ᑲᔦ ᑭᐱᒫᑎᓰᒪᐞ᙮ ᐃᑭ ᓴ ᐁᑕ ᓈᔭᓬ Nile ᓰᐱᕽ ᐁᔮᐙᒡ ᐅᒪᑲᑮᒃ ᑕᐃᔥᑸᓄᐗᒃ, ᐅᑮᐃᓈᓐ᙮ 12ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᐃᔑ ᓇᑲᓈᐙᒡ ᐯᕒᐆᓐ᙮ ᒨᓯᔅ ᑕᔥ ᐅᑮ ᐊᓇᒥᐁᑕᐙᓐ ᑳᑎᐯᒋᑫᓂᒡ ᒋᐴᓂ ᐊᔮᓂᒡ ᐅᒪᑲᑮᐞ ᑳᑮ ᐲᓈᓂᐸᓐ ᐁᔑᐊᔮᓂᒡ ᐯᕒᐆᓐ᙮ 13ᒦ ᓴ ᐃ ᑳᑎᐯᒋᑫᓂᒡ ᑳᐃᔑᒋᑫᓂᒡ ᒨᓯᔅ ᑳᑮ ᐃᔑ ᑲᑴᒋᒫᒡ᙮ ᐅᒪᑲᑮᐞ ᐁᑮ ᓂᐳᓂᒡ ᐙᑳᐃᑲᓂᑳᕽ, ᐊᑾᒌᕽ ᑲᔦ ᐁᔑ ᐗᐐᐱᒋᑳᑌᓂᒃ, ᒥᔕᐗᑲᒥᒃ ᑲᔦ᙮ 14ᐐᑫ ᓴ ᑯ ᐅᑮᒪᒫᑭ ᐅᑯᔑᒫᐙᐞ ᐅᒪᑲᑮᐞ, ᐐᑫ ᑲᔦ ᑮᒫᔑ ᒫᑾᓐ ᐄᒋᐸᑭ᙮ 15ᐊᐲ ᑕᔥ ᐯᕒᐆ ᐁᐙᐸᑕᕽ ᐅᒪᑲᑮᐞ ᐁᓂᐳᓂᒡ, ᒦ ᐃ ᐋᒌᑫ ᑳᑮ ᐊᓂ ᔕᔒᐱᑕᕽ ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᐁᑮ ᐃᔑᓭᓂᒃ ᒪᔮ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᐱᑯᒌᓭᓴᒃ ᑮᐊᔮᐙᒡ
16ᒦᑕᔥ ᑳᑎᐯᒋᑫᓂᒡ ᒨᓯᔅ Moses ᑳᐃᑯᒡ, ᑲᓅᔥ ᐁᕒᐊᓐ Aaron ᒋᓃᒫᑯᓇᕽ ᐅᓴᑲᐅᓈᒃ, ᒋᐸᑭᑌᐊᕽ ᐃᑕᔥ ᑳᐹᔥᑭᓀᓭᓂᒃ ᐊᑭ, ᒦᑕᔥ ᐃᐃᒫ ᑫᐅᒌᓂᒡ ᐱᑯᒌᓭᓴᐞ ᒥᓯᐌ ᑫᐊᔮᓂᒡ ᐄᒋᐸᑮᕽ Egypt, ᐅᑮᐃᑰᓐ᙮ 17ᒦᑕᔥ ᑳᐃᔑᒋᑫᐙᒡ᙮ ᐁᕒᐊᓐ ᑕᔥ ᐅᑮ ᓃᒫᑯᓈᓐ ᐅᓴᑲᐅᓈᒃ ᐁᑮ ᐸᑭᑌᐊᕽ ᑳᐹᔥᑭᓀᓭᓂᒃ ᐊᑭ᙮ ᒦᑕᔥ ᐃᐃᒫ ᐹᔥᑭᓀᓭᕽ ᑳᐅᒋᓭᓂᒡ ᐱᑯᒌᓭᓴᐞ ᒥᓯᐌ ᐄᒋᐸᑮᕽ ᐁᑮ ᐊᔮᓂᒡ᙮ ᒥᓯᐌ ᓴ ᑮᐊᔮᐗᐞ ᐱᑯᒌᓭᓴᐞ, ᐁᑮ ᐃᔑ ᐴᓃᓴᑕᐙᓂᒡ ᐯᒫᑎᓯᓂᒡ, ᐊᔭᐋᐎᔑᑳᕽ ᑲᔦ᙮ 18ᒣᒫᑖᐎᓯᓂᒡ ᐃᑕᔥ ᐅᑖᓇᑮ ᑯᒋᑑᓂ ᒋᒫᒪᑳᒋᒋᑫᓂᒡ ᐁᐐ ᐲᓈᓂᒡ ᐱᑯᒌᓭᓴᐞ, ᑳᐐᓐ ᐃᑕᔥ ᐅᑮ ᑲᔥᑭᑑᓰᓂ᙮ ᒥᓯᐌ ᓴ ᑯ ᑮᐊᔮᐗᐞ ᐱᑯᒌᓭᓴᐞ ᐯᒫᑎᓯᓂᒡ ᑳᐃᔑᐊᔮᓂᒡ, ᐊᔭᐋᐎᔑᑳᕽ ᑲᔦ᙮ 19#Luk 11.20. ᒦᑕᔥ ᐃᑭ ᒣᒫᑖᐎᓯᐙᒡ ᑳᐃᓈᐙᒡ ᐯᕒᐆᓐ Pharaoh, ᒦᐅᔕᐅᐌᓂ ᑭᔐᒪᓂᑑ ᐅᑎᔑᒋᑫᐎᓐ, ᐅᑮᐃᓈᐙᓐ᙮ ᒦᑕᔥ ᐋᒋᑯ ᐯᕒᐆ ᑳᑮ ᐊᓂ ᔕᔒᐱᑕᕽ, ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᒪᔮ ᐁᑮ ᐃᔑᓭᓂᒃ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᐆᒌᓴᒃ ᑮᐊᔮᐙᒡ
20ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᐐᐸ ᑭᑭᔐᑉ ᐗᓂᔥᑳᑲᓐ ᒋᐊᑕ ᒣᒀᔥᑲᐗᒡ ᐯᕒᐆ Pharaoh ᐊᐲ ᓈᓯᐲᒡ᙮ ᒦᔥ ᐅᐅ ᑫᐃᓇᒡ, ᐅᐅ ᓴ ᐃᑭᑐ ᑳᑎᐯᒋᑫᒡ: ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ, ᒋᐊᑕ ᐊᓇᒥᐁᑕᐎᐙᒡ᙮ 21ᑮᔥᐱᓐ ᐃᑕᔥ ᐸᑭᑎᓈᓯᐗᑣ ᓂᐱᒫᑎᓰᒪᒃ ᒋᒫᒑᐙᒡ, ᒦ ᓴ ᑫᑑᑕᐎᓈᓐ ᒋᐲᒋᓂᔕᐗᒀ ᐆᒌᓴᒃ ᐐᑫ ᒋᐹᑏᓄᐙᒡ᙮ ᒋᐊᔮᐙᒡ ᑲᔦ ᐁᔑᐊᔮᓂᒡ ᑭᑖᓂᑫᐎᑭᒫᒪᐞ, ᑭᐱᒫᑎᓰᒪᐞ ᑲᔦ᙮ ᑭᐙᑳᐃᑲᓂᐙᕽ ᑲᔦ ᑕᐊᔮᐗᒃ᙮ ᐄᒋᑉ Egypt ᑳᐊᔮᐙᒡ ᓴ ᐁᔑ ᐅᐙᑳᐃᑲᓂᐙᒡ ᐐᑫ ᑕᒪᒨᔥᑭᓀᐗᐞ ᐆᒌᓴᐞ, ᒥᓯᐌ ᑲᔦ ᒥᑕᑲᒥᒃ ᐁᔑᑖᓂᐗᓂᓂᒃ ᑕᐊᔮᐗᐞ᙮ 22ᐃᐃ ᑕᔥ ᐊᐲ ᐃᔑ ᑮᔑᑲᓂᓂᒃ ᐸᑳᓐ ᓴ ᐐᓐ ᓂᐐ ᑑᑖᓐ ᐃᐃ ᑰᔑᓐ Goshen ᐊᑭ, ᐁᔑᑖᐙᒡ ᓂᐱᒫᑎᓰᒪᒃ᙮ ᑳᐐᓐ ᐐᓐ ᐌᑎ ᑕᐊᔮᓰᐗᒃ ᒋᐹᑏᓄᐙᒡ ᐆᒌᓴᒃ, ᒋᐅᒋ ᑭᑫᑕᒪᓐ ᓃᓐ ᑳᑎᐯᒋᑫᔮᓐ ᐁᐊᔮᔮᓐ ᐅᒫ ᐊᑮᕽ᙮ 23ᐃᐃ ᑕᔥ ᐊᐲ ᑮᔑᑲᒃ, ᐸᑳᓐ ᓴ ᓂᐐ ᐃᓀᓂᒫᒃ ᓂᐱᒫᑎᓰᒪᒃ, ᐃᑭ ᑕᔥ ᑲᔦ ᑭᐱᒫᑎᓰᒪᒃ᙮ ᐙᐸᕽ ᐃᑕᔥ ᐅᐅ ᒫᒪᑳᒋ ᑭᑭᓇᐙᒋᒋᑫᐎᓐ ᑕᐃᔑᓭ, ᐅᑮᐃᓈᓐ᙮ 24ᒦᑕᔥ ᑳᑎᐯᒋᑫᒡ ᑳᐃᔑᒋᑫᒡ᙮ ᐐᑫ ᓴ ᑮᐹᑏᓄᐗᐞ ᐆᒌᓴᐞ ᑳᑮ ᐸᑲᒥ ᐊᔮᓂᒡ ᐯᕒᐆ ᐅᐙᑳᐃᑲᓂᕽ, ᐅᐙᑳᐃᑲᓂᓃᕽ ᑲᔦ ᐅᑖᓂᑫᐎᑭᒫᒪᐞ᙮ ᐐᑫ ᓴ ᒥᓯᐌ ᑮᓂᔑᐗᓈᓯᓈᑾᓐ ᐋᓃᔥ ᒥᓯᐌ ᑮᐊᔮᐗᐞ ᐆᒌᓴᐞ ᐃᐃᒫ ᐄᒋᐸᑮᕽ᙮
25ᒦᔥ ᒨᓯᔅ, ᐊᐊ ᑲᔦ ᐁᕒᐊᓐ Aaron ᑳᑮ ᐊᑐᒥᑯᐙᒡ ᐯᕒᐆᓐ ᐁᑮᐃᑯᐙᒡ, ᒫᒑᒃ ᐊᐎ ᐸᑭᑎᓈᓲᑕᒪᐎᒃ ᑭᑭᔐᒪᓂᑑᒥᐙ ᐅᐅᒫ ᐊᑮᕽ, ᐅᑮᐃᑯᐙᓐ᙮
26ᐅᐅᔥ ᒨᓯᔅ ᑮᐃᑭᑐ, ᑳᐐᓐ ᓴ ᑾᔭᒃ ᓂᑖ ᐃᔑᒋᑫᓰᒥᓐ ᐃᐃ ᐃᔑᒋᑫᔮᕽ᙮ ᑫᐸᑭᑎᓈᔂᑕᒪᐗᑭᒡ ᓴ ᑳᑎᐯᒋᑫᒡ ᓂᑭᔐᒪᓂᑑᒥᓈᓐ ᐅᑖ ᑲᒀᓂᓴᑫᑖᓈᐙ ᐄᒋᐸᑮᕽ ᑳᐊᔮᐙᒡ᙮ ᑮᔥᐱᓐ ᐃᑕᔥ ᐙᐸᒥᔭᒥᑣ ᐋᐸᒋᑖᐗᑭᒡ ᐸᑭᑎᓈᔂᑫᔮᕽ ᑫᒀᓂᓴᑫᑕᒧᐙᒡ, ᒫᑭᔖ ᓂᑖ ᐸᐲᒶᓯᓇᐃᑯᓈᓂᒃ! 27ᒦᑕᔥ ᐁᔑᓈᑾᒃ ᓂᓱᑮᔑᒃ ᒥᓂᒃ ᒋᐱᒥ ᐊᔮᔮᑭᐸᓐ ᒋᐃᔖᔮᕽ ᐌᑎ ᐱᑾᑕᑲᒥᒃ, ᒋᐊᐎ ᐸᑭᑎᓈᓲᑕᒪᐗᑭᒡ ᑳᑎᐯᒋᑫᒡ ᓂᑭᔐᒪᓂᑑᒥᓈᓐ ᑖᐱᔥᑰ ᑳᑮᐃᔑᔭᒥᓐᒡ, ᐅᑮᐃᓈᓐ᙮
28ᒦᔥ ᐅᐅ ᐯᕒᐆᓐ ᑳᐃᑯᒡ, ᑭᑲ ᐸᑭᑎᓂᓂᓂᒻ ᓴ ᒋᒫᒑᔦᒃ, ᒋᐊᐎ ᐸᑭᑎᓈᓲᑕᒪᐌᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐌᑎ ᐱᑾᑕᑲᒥᒃ, ᑫᑯ ᑕᔥ ᐐᓐ ᐙᓴ ᐃᔖᑫᒃ᙮ ᐊᓇᒥᐁᑕᒪᐎᔒᑫᒃ ᐃᑕᔥ, ᐅᑮᐃᑰᓐ᙮
29ᒦᔥ ᐅᐅ ᒨᓯᔅ ᑳᐃᓈᒡ, ᐃᓇᔥᑫᐅ ᑳᓇᑲᓂᓈᓐ, ᒦ ᓴ ᐃ ᒋᑲᑴᒋᒪᒃ ᑳᑎᐯᒋᑫᒡ ᐃᐃ ᑳᐹᑏᓄᓂᒡ ᐆᒌᓴᐞ ᐙᐸᓂᓂᒃ ᓂᑯᒋ ᐃᐃᒫ ᒋᐅᒋ ᐃᔖᓂᒡ ᐁᔑᐊᔮᔭᓐ, ᒋᓇᑲᓈᓂᒡ ᑲᔦ ᑭᑖᓂᑫᐎᑭᒫᒪᐞ, ᑭᐱᒫᑎᓰᒪᐞ ᑲᔦ᙮ ᑳᐐᓐ ᐃᑕᔥ ᑭᑲ ᑲᔦᔑᒥᓰᓈᒻ ᒦᓇᐙ ᒋᐸᑭᑎᓈᓯᐗᑣ ᐯᒫᑎᓯᐙᒡ ᒋᐊᐎ ᐸᑭᑎᓈᓲᑕᒪᐙᐙᒡ ᑳᑎᐯᒋᑫᓂᒡ, ᐅᑮᐃᓈᓐ᙮
30ᒦᑕᔥ ᒨᓯᔅ ᑳᐃᔑ ᓇᑲᓈᒡ ᐯᕒᐆᓐ, ᐁᑮ ᐊᓇᒥᐁᑕᐙᒡ ᑳᑎᐯᒋᑫᓂᒡ᙮ 31ᑳᑎᐯᒋᑫᒡ ᐃᑕᔥ ᑮᐃᔑᒋᑫ ᑳᑮ ᐃᔑ ᑲᑴᒋᒥᑯᒡ ᒨᓯᓲᓐ ᐁᑮ ᐃᔑᐋᒡ ᐆᒌᓴᐞ ᒋᓇᑲᓈᓂᒡ ᐯᕒᐆᓐ, ᐅᑖᓂᑫᐎᑭᒫᒥᓂ ᑲᔦ, ᐅᐱᒫᑎᓰᒥᓂ ᑲᔦ᙮ ᑳᐐᓐ ᓴ ᑯ ᐯᔑᒃ ᐃᑯᒋ ᑮᐊᔮᓰᐗᓐ᙮ 32ᐅᐅ ᑕᔥ ᐃᔑ ᐊᐲ ᐯᕒᐆ ᐋᒌᑫ ᑮᐊᓂ ᔕᔒᐱᑕᒻ᙮ ᑳᐐᓐ ᐅᑮ ᐸᑭᑎᓈᓰᐞ ᒋᒫᒑᓂᒡ ᐯᒫᑎᓯᓂᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society