ᐁᑭᓴᑕᔅ 7
7
1ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᓇᔥᑫ ᑭᐐ ᐃᔑᐃᓐ ᑖᐱᔥᑰ ᐁᑭᔐᒪᓂᑑᐎᐗᒡ ᒋᓈᓯᑲᐗᒡ ᑭᒋᐅᑭᒫ᙮ ᐊᐊ ᑕᔥ ᑭᓴᔦᔅ ᐁᕒᐊᓐ Aaron ᑭᑲ ᑮᑭᑑᑕᒫᒃ᙮ 2ᑲᑭᓇ ᑕᔥ ᑫᑰᓐ ᑭᑲᐃᑭᑦ ᑳᐃᔑ ᐊᓅᓂᓈᓐ, ᐊᐊ ᓴ ᑭᓴᔦᔅ ᐁᕒᐊᓐ ᐅᑲ ᑲᓅᓈᓐ ᐯᕒᐆᓐ ᒋᐸᑭᑎᓈᓂᒡ ᐃᔅᕒᐃᔭᓬᐊᐞ Israel ᒋᐅᒋ ᒫᒑᓂᒡ ᐅᑕᑮᒥᕽ᙮ 3ᓂᐐ ᑑᑕᐙ ᓴ ᐯᕒᐆ ᒋᔕᔒᐱᑕᕽ᙮ ᒫᓄ ᓴ ᐃᓂ ᓂᑭᑭᓇᐙᒋᒋᑲᓇᓐ, ᓂᒪᔥᑲᐎᓰᐎᓇᓐ ᑲᔦ ᒋᐙᐸᒋᑳᑌᑭᓐ ᐃᐃᒫ ᐄᒋᐸᑮᕽ᙮ 4ᐊᐲ ᑕᔥ ᐱᓯᑕᐎᓯᓄᒃ, ᒦᑕᔥ ᐃᐃ ᑳᐐ ᑭᒋ ᓴᓇᑳᑯᓂᒪᒃ ᐅᐱᒫᑎᓰᒪᐞ ᐄᒋᐸᑮᕽ ᐁᔮᓂᒡ᙮ ᓂᐐ ᓵᑭᒋᐎᓈᒃ ᐃᔅᕒᐃᔭᓬᐊᒃ ᑳᑎᐯᓂᒪᒀ ᐃᐃᒫ ᐄᒋᐸᑮᕽ᙮ 5ᒦᑕᔥ ᐄᒋᐸᑮᕽ ᐁᔮᐙᒡ ᒋᑭᑫᓂᒥᐙᒡ ᓃᓐ ᐁᑎᐯᒋᑫᐗᒃ ᐊᐲ ᑭᒋ ᓴᓇᑳᑯᓇᒀ ᐐᓵᑭᒋᐎᓂᒪᒃ ᐃᔅᕒᐃᔭᓬᐊᐞ ᐁᔮᓂᒡ ᐅᑕᑮᐙᕽ, ᐅᑮᐃᑰᓐ᙮ 6ᒦᔥ ᒨᓯᔅ, ᐁᕒᐊᓐ ᑲᔦ ᑳᑮ ᐃᔑᒋᑫᐙᒡ ᑳᑮ ᐃᔑ ᐊᓅᓂᑯᐙᒡ ᑳᑎᐯᒋᑫᓂᒡ᙮ 7ᒨᓯᔅ ᐃᓴ ᓂᔣᓯᒥᑕᓇ 80 ᑮᑕᓱ ᐱᐴᓉ᙮ ᐁᕒᐊᓐ ᑕᔥ ᓂᔣᓯᒥᑕᓇᔑᓂᓯᓐ 83 ᑮᑕᓱ ᐱᐴᓉ ᐊᐲ ᑳᑮ ᑲᓅᓈᐙᒡ ᐯᕒᐆᓐ᙮
ᐁᕒᐊᓐ ᐅᓴᑲᐅᓈᒃ ᐁᑕᔑᑌᓂᒃ
8ᒦᑕᔥ ᒨᓯᔅ Moses, ᐊᐊ ᑲᔦ ᐁᕒᐊᓐ Aaron ᑳᐃᑯᐙᒡ ᑳᑎᐯᒋᑫᓂᒡ, 9ᐊᐲ ᓴ ᐯᕒᐆ Pharaoh ᐅᐅ ᐃᓂᓀᒃ, ᒫᒪᑳᒋᒋᑫᒃ, ᐅᐅ ᓴ ᑕᔥ ᐃᓈᑲᓐ ᐁᕒᐊᓐ, ᐃᐃ ᑳᑕᑯᓇᒪᓐ ᑭᓴᑲᐅᓈᒃ, ᐊᐸᑭᑑᓐ ᐁᓈᓴᒥᐊᔮᒡ ᐯᕒᐆ, ᒦᑕᔥ ᒋᑭᓀᐱᑯᓭᓂᒃ, ᐅᑮᐃᑯᐙᓐ᙮ 10ᒦᑕᔥ ᑳᑮ ᐊᑕ ᐙᐸᒫᐙᒡ ᐯᕒᐆᓐ, ᐁᑮ ᐃᔑᒋᑫᐙᒡ ᑳᑮᐃᑯᐙᒡ ᑳᑎᐯᒋᑫᓂᒡ᙮ ᒦᔥ ᐁᕒᐊᓐ ᑳᑮ ᐊᐸᑭᑑᒡ ᐅᓴᑲᐅᓈᒃ ᐁᓈᓴᒥᐊᔮᓂᒡ ᐯᕒᐆᓐ, ᐃᐃ ᑲᔦ ᐅᑖᓂᑫᐎᑭᒫᒥᓂ, ᒦᔥ ᑳᐃᔑ ᑭᓀᐱᑯᓭᓂᒃ᙮ 11ᒦᑕᔥ ᐯᕒᐆ ᑫᐐᓐ ᑳᑮ ᐊᑐᒫᒡ ᑫᑮᑖᐗᑭᓱᓂᒡ ᐃᓂᓂᐗᐞ, ᒣᒫᑖᐎᓯᓂᒡ ᑲᔦ᙮ ᒦᔥ ᐯᔑᑾᓐ ᑳᐃᔑ ᒪᒫᑖᐎᒋᑫᓂᒡ ᐃᐃ ᐄᒋᐸᑮᕽ Egypt ᐌᒌᓂᒡ᙮ 12ᐁᑕᔑᓂᒡ ᓴ ᐅᑮ ᐊᐸᑭᑑᓂ ᐅᓴᑲᐅᓈᑯᓂ, ᒦᔥ ᑳᐃᔑ ᑭᓀᐱᑯᓭᓂᑭᓐ᙮ ᐁᕒᐊᓐ ᐃᑕᔥ ᐅᓴᑲᐅᓈᒃ ᑳᑮ ᑭᓀᐱᑯᓭᓂᒃ, ᐅᑮ ᑯᑕᒦᓂ ᐃᓂ ᐅᓴᑲᐅᓈᑯᓂ ᑳᑮ ᑭᓀᐱᑯᓭᓂᑭᓐ᙮ 13ᒦᑕᔥ ᐯᕒᐆ ᐋᒌᑫ ᑳᑮ ᐊᓂ ᔕᔒᐱᑕᕽ ᐁᑮ ᐱᓯᑕᐙᓯᒃ, ᐁᑮ ᐃᔑᓭᓂᒃ ᒪᔮ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᑮᑭᒋᐗᓯᑖᐎᓭᕽ ᐄᒋᐸᑮᕽ
14ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐯᕒᐆ ᓴ ᐋᒌᑫ ᐊᓂ ᔕᔒᐱᑕᒻ, ᒦᔥ ᑳᐅᒋ ᐃᓀᑕᓯᒃ ᒋᐸᑭᑎᓈᒡ ᐯᒫᑎᓯᓂᒡ ᒋᒫᒑᓂᒡ᙮ 15ᑭᔐᐹᐗᑲᓂᓂᒃ ᐃᑕᔥ ᐊᑕ ᒣᒀᔥᑲᐙᑲᓐ ᐯᕒᐆ ᐊᐲ ᓈᓯᐲᒡ ᓈᔭᓬ Nile ᓰᐱᕽ᙮ ᒦᑕᔥ ᐌᑎ ᑫᔑ ᐲᐊᒡ ᐲᓂᔥ ᒋᑕᑯᔑᕽ᙮ ᒫᒌᑑᑲᓐ ᐃᑕᔥ ᐃᐃ ᓴᑲᐅᓈᒃ ᑳᑮ ᑭᓀᐱᑯᓭᒃ᙮ 16ᒦᑕᔥ ᑫᐃᓇᒡ, ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ, ᓂᑮ ᐲᒋᓂᔕᐅᒃ ᐅᐅ ᒋᐃᓂᓈᓐ, ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ ᒋᐊᑕ ᐊᓇᒥᐁᑕᐎᐙᒡ ᐌᑎ ᐱᑾᑕᑲᒥᒃ᙮ ᐅᐅ ᑕᔥ ᐃᔑ ᐊᐲ ᑳᐐᓐ ᒪᔑ ᑭᐱᓯᑕᓰ᙮ 17#Rev 16.4. ᒦ ᓴ ᑕᔥ ᐅᐅ ᑳᑎᐯᒋᑫᒡ ᐁᑭᑐᒡ: ᒦᑕᔥ ᐅᐅ ᑫᐅᒋ ᑭᑫᑕᒪᓐ ᓃᓐ ᐁᑎᓄᐎᔮᓐ ᑳᑎᐯᒋᑫᒡ᙮ ᐃᓇᔥᑫ ᓂᐐ ᐋᐸᒋᑑᓐ ᐅᐅ ᓴᑲᐅᓈᒃ ᑳᑕᑯᓇᒫᓐ ᐁᐐ ᐸᑭᑌᐊᒫᓐ ᐅᐅ ᓈᔭᓬ ᓰᐱ, ᒦᔥ ᑫᔑ ᐋᑖᑲᒥᓭᒃ ᒋᒥᔅᑸᐙᑲᒥᒃ᙮ 18ᑮᑰᔭᒃ ᓴ ᑕᓂᐳᐗᒃ ᐃᐃᒫ ᓈᔭᓬ ᓰᐱᕽ, ᐐᑫ ᑕᐐᒌᑳᑲᒥᓐ ᐃᐃ ᓰᐱ; ᐄᒋᐸᑮᕽ Egypt ᑳᐊᔮᐙᒡ ᐃᑕᔥ ᑳᐐᓐ ᐅᑲ ᑲᔥᑭᑑᓰᓈᐙ ᒋᒥᓂᑴᐙᒡ ᐃᐃ ᓂᐲᓂ, ᐅᑮᐃᑰᓐ ᒋᐃᑭᑐᒡ᙮
19ᒦᔥ ᑳᐃᑯᒡ ᑳᑎᐯᒋᑫᓂᒡ, ᑲᓅᔥ ᐁᕒᐊᓐ ᒋᐅᑖᐱᓇᕽ ᐃᐃ ᐅᓴᑲᐅᓈᒃ ᒋᐃᔑ ᓃᒥᓇᕽ ᐃᓇᑫ ᐁᔑ ᓂᐲᑳᓂᒃ ᐄᒋᐸᑮᕽ, ᐁᔑ ᓴᓰᐲᑳᓂᒃ ᑲᔦ, ᐁᔑ ᐊᔭᔮᓂᑭᓐ ᑲᔦ ᓰᐲᓯᑳᓇᓐ, ᓵᑲᐃᑲᓃᓯᑳᓇᓐ ᑲᔦ, ᒥᓯᐌ ᑲᔦ ᓂᐱ ᐁᔑ ᑲᓇᐌᒋᑳᑌᓂᒃ, ᒦᔥ ᒋᐊᓂ ᒥᔅᑸᐙᑲᒥᓭᓂᑭᓐ᙮ ᒥᓯᐌ ᓴ ᒥᔅᑶ ᑕᐊᔮ ᐄᒋᐸᑮᕽ, ᒥᓴᐙ ᑯ ᒥᑎᑯᐎ ᐊᑑᐹᓂᕽ, ᐊᓯᓃᐎ ᐊᑑᐹᓂᕽ ᑲᔦ, ᐅᑮᐃᑰᓐ᙮
20ᒦ ᓴ ᒨᓯᔅ, ᐁᕒᐊᓐ ᑲᔦ ᒪᔮ ᑳᐃᔑᒋᑫᐙᒡ ᑳᑎᐯᒋᑫᓂᒡ ᑳᑮ ᐃᔑ ᐊᓅᓂᑯᐙᒡ᙮ ᐁᕒᐊᓐ ᐅᑮ ᐅᐹᑯᓈᓐ ᐅᓴᑲᐅᓈᒃ ᐁᑮ ᐸᑭᑌᐊᕽ ᓂᐱ ᐃᐃᒫ ᓈᔭᓬ Nile ᓰᐲᕽ, ᑫᔑ ᐙᐸᑕᒥᓂᒡ ᐯᕒᐆᓐ, ᐃᐃ ᑲᔦ ᑲᑭᓇ ᐅᑖᓂᑫᐎᑭᒫᒥᓂ᙮ ᒥᓯᐌ ᑕᔥ ᓂᐲᓂ ᑮᐋᑖᑲᒥᓭᓂ ᐁᑮ ᒥᔅᑸᐙᑲᒥᓂᓂᒃ᙮ 21ᒦᑕᔥ ᑲᑭᓇ ᑮᑰᔭᒃ ᐃᐃᒫ ᓈᔭᓬ ᓰᐲᕽ ᑳᑮ ᓂᐳᐙᒡ᙮ ᒦᔥ ᐐᑫ ᐃᐃ ᓰᐱ ᑳᑮ ᒫᔑ ᒫᑾᒃ᙮ ᐄᒋᑉ ᑳᐊᔮᐙᒡ ᐃᑕᔥ ᑳᐐᓐ ᐅᑮ ᑲᔥᑭᑑᓰᓈᐙ ᒋᐅᒋ ᒥᓂᑴᐙᒡ ᐃᐃᒫ ᓰᐲᕽ᙮ ᒥᓯᐌ ᓴ ᐄᒋᐸᑮᕽ ᑮᐊᔮ ᒥᔅᑶ᙮ 22ᒦᑕᔥ ᐯᔑᑾᓐ ᐃᐃ ᓇᑫ ᑳᐃᔑ ᒫᒪᑳᒋᒋᑫᓂᒡ ᒣᒫᑖᐎᓯᓂᒡ ᐃᐃᒫ ᐄᒋᐸᑮᕽ ᐌᒌᓂᒡ᙮ ᒦᔥ ᐯᕒᐆᓐ ᐋᒌᑫ ᑳᑮ ᐊᓂ ᔕᔒᐱᑕᒥᓂᒡ, ᐁᑮ ᐱᓯᑕᐙᓯᓂᒃ ᒨᓯᓲᓐ, ᐁᕒᐊᓅᓐ ᑲᔦ, ᒪᔮ ᐁᑮ ᐃᔑᓭᓂᒃ ᑳᑎᐯᒋᑫᓂᒡ ᐁᑭᑐᓂᒡ᙮ 23ᐋᒋᑯ ᑕᔥ ᑮᐊᓂ ᑴᑭᑳᐸᐎᐗᓐ ᐁᑮ ᐊᓂ ᑮᐌᓂᒡ ᐁᐃᔖᓂᒡ ᐅᑑᑭᒫᐎᑲᒥᑯᓃᕽ, ᑳᐐᓐ ᐊᐙᒡ ᐅᑮ ᐸᐹᐱᓯᔅᑫᑕᓰᓂ ᐅᐅ ᑳᑮ ᐃᓇᑲᒥᑲᓂᓂᒃ᙮ 24ᑲᑭᓇ ᓴ ᐄᒋᐸᑮᕽ ᑳᐊᔮᐙᒡ ᑮᐙᓂᑫᐗᐞ ᐁᓈᓀᐌ ᐊᔮᓂᒃ ᓈᔭᓬ ᓰᐱᕽ, ᐁᐊᑣᓂᑳᑕᒥᓂᒡ ᑫᒥᓂᒀᑕᒥᓂᒡ ᓂᐱ, ᐋᓃᔥ ᑳᐐᓐ ᐅᑮ ᑲᔥᑭᑑᓰᓂ ᒋᒥᓂᑴᓂᒡ ᐃᐃ ᓂᐲᓂ ᓰᐱᕽ ᐁᔮᓂᒃ᙮
25ᓃᔣᓱᑮᔑᒃ 7 ᐃᑕᔥ ᑮᐊᓂ ᐃᔑᓭᓂ ᐊᐲ ᑳᑎᐯᒋᑫᒡ ᑫᑰᓐ ᑳᑮ ᑑᑕᕽ ᓂᐲᓂ᙮
Currently Selected:
ᐁᑭᓴᑕᔅ 7: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 7
7
1ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᓇᔥᑫ ᑭᐐ ᐃᔑᐃᓐ ᑖᐱᔥᑰ ᐁᑭᔐᒪᓂᑑᐎᐗᒡ ᒋᓈᓯᑲᐗᒡ ᑭᒋᐅᑭᒫ᙮ ᐊᐊ ᑕᔥ ᑭᓴᔦᔅ ᐁᕒᐊᓐ Aaron ᑭᑲ ᑮᑭᑑᑕᒫᒃ᙮ 2ᑲᑭᓇ ᑕᔥ ᑫᑰᓐ ᑭᑲᐃᑭᑦ ᑳᐃᔑ ᐊᓅᓂᓈᓐ, ᐊᐊ ᓴ ᑭᓴᔦᔅ ᐁᕒᐊᓐ ᐅᑲ ᑲᓅᓈᓐ ᐯᕒᐆᓐ ᒋᐸᑭᑎᓈᓂᒡ ᐃᔅᕒᐃᔭᓬᐊᐞ Israel ᒋᐅᒋ ᒫᒑᓂᒡ ᐅᑕᑮᒥᕽ᙮ 3ᓂᐐ ᑑᑕᐙ ᓴ ᐯᕒᐆ ᒋᔕᔒᐱᑕᕽ᙮ ᒫᓄ ᓴ ᐃᓂ ᓂᑭᑭᓇᐙᒋᒋᑲᓇᓐ, ᓂᒪᔥᑲᐎᓰᐎᓇᓐ ᑲᔦ ᒋᐙᐸᒋᑳᑌᑭᓐ ᐃᐃᒫ ᐄᒋᐸᑮᕽ᙮ 4ᐊᐲ ᑕᔥ ᐱᓯᑕᐎᓯᓄᒃ, ᒦᑕᔥ ᐃᐃ ᑳᐐ ᑭᒋ ᓴᓇᑳᑯᓂᒪᒃ ᐅᐱᒫᑎᓰᒪᐞ ᐄᒋᐸᑮᕽ ᐁᔮᓂᒡ᙮ ᓂᐐ ᓵᑭᒋᐎᓈᒃ ᐃᔅᕒᐃᔭᓬᐊᒃ ᑳᑎᐯᓂᒪᒀ ᐃᐃᒫ ᐄᒋᐸᑮᕽ᙮ 5ᒦᑕᔥ ᐄᒋᐸᑮᕽ ᐁᔮᐙᒡ ᒋᑭᑫᓂᒥᐙᒡ ᓃᓐ ᐁᑎᐯᒋᑫᐗᒃ ᐊᐲ ᑭᒋ ᓴᓇᑳᑯᓇᒀ ᐐᓵᑭᒋᐎᓂᒪᒃ ᐃᔅᕒᐃᔭᓬᐊᐞ ᐁᔮᓂᒡ ᐅᑕᑮᐙᕽ, ᐅᑮᐃᑰᓐ᙮ 6ᒦᔥ ᒨᓯᔅ, ᐁᕒᐊᓐ ᑲᔦ ᑳᑮ ᐃᔑᒋᑫᐙᒡ ᑳᑮ ᐃᔑ ᐊᓅᓂᑯᐙᒡ ᑳᑎᐯᒋᑫᓂᒡ᙮ 7ᒨᓯᔅ ᐃᓴ ᓂᔣᓯᒥᑕᓇ 80 ᑮᑕᓱ ᐱᐴᓉ᙮ ᐁᕒᐊᓐ ᑕᔥ ᓂᔣᓯᒥᑕᓇᔑᓂᓯᓐ 83 ᑮᑕᓱ ᐱᐴᓉ ᐊᐲ ᑳᑮ ᑲᓅᓈᐙᒡ ᐯᕒᐆᓐ᙮
ᐁᕒᐊᓐ ᐅᓴᑲᐅᓈᒃ ᐁᑕᔑᑌᓂᒃ
8ᒦᑕᔥ ᒨᓯᔅ Moses, ᐊᐊ ᑲᔦ ᐁᕒᐊᓐ Aaron ᑳᐃᑯᐙᒡ ᑳᑎᐯᒋᑫᓂᒡ, 9ᐊᐲ ᓴ ᐯᕒᐆ Pharaoh ᐅᐅ ᐃᓂᓀᒃ, ᒫᒪᑳᒋᒋᑫᒃ, ᐅᐅ ᓴ ᑕᔥ ᐃᓈᑲᓐ ᐁᕒᐊᓐ, ᐃᐃ ᑳᑕᑯᓇᒪᓐ ᑭᓴᑲᐅᓈᒃ, ᐊᐸᑭᑑᓐ ᐁᓈᓴᒥᐊᔮᒡ ᐯᕒᐆ, ᒦᑕᔥ ᒋᑭᓀᐱᑯᓭᓂᒃ, ᐅᑮᐃᑯᐙᓐ᙮ 10ᒦᑕᔥ ᑳᑮ ᐊᑕ ᐙᐸᒫᐙᒡ ᐯᕒᐆᓐ, ᐁᑮ ᐃᔑᒋᑫᐙᒡ ᑳᑮᐃᑯᐙᒡ ᑳᑎᐯᒋᑫᓂᒡ᙮ ᒦᔥ ᐁᕒᐊᓐ ᑳᑮ ᐊᐸᑭᑑᒡ ᐅᓴᑲᐅᓈᒃ ᐁᓈᓴᒥᐊᔮᓂᒡ ᐯᕒᐆᓐ, ᐃᐃ ᑲᔦ ᐅᑖᓂᑫᐎᑭᒫᒥᓂ, ᒦᔥ ᑳᐃᔑ ᑭᓀᐱᑯᓭᓂᒃ᙮ 11ᒦᑕᔥ ᐯᕒᐆ ᑫᐐᓐ ᑳᑮ ᐊᑐᒫᒡ ᑫᑮᑖᐗᑭᓱᓂᒡ ᐃᓂᓂᐗᐞ, ᒣᒫᑖᐎᓯᓂᒡ ᑲᔦ᙮ ᒦᔥ ᐯᔑᑾᓐ ᑳᐃᔑ ᒪᒫᑖᐎᒋᑫᓂᒡ ᐃᐃ ᐄᒋᐸᑮᕽ Egypt ᐌᒌᓂᒡ᙮ 12ᐁᑕᔑᓂᒡ ᓴ ᐅᑮ ᐊᐸᑭᑑᓂ ᐅᓴᑲᐅᓈᑯᓂ, ᒦᔥ ᑳᐃᔑ ᑭᓀᐱᑯᓭᓂᑭᓐ᙮ ᐁᕒᐊᓐ ᐃᑕᔥ ᐅᓴᑲᐅᓈᒃ ᑳᑮ ᑭᓀᐱᑯᓭᓂᒃ, ᐅᑮ ᑯᑕᒦᓂ ᐃᓂ ᐅᓴᑲᐅᓈᑯᓂ ᑳᑮ ᑭᓀᐱᑯᓭᓂᑭᓐ᙮ 13ᒦᑕᔥ ᐯᕒᐆ ᐋᒌᑫ ᑳᑮ ᐊᓂ ᔕᔒᐱᑕᕽ ᐁᑮ ᐱᓯᑕᐙᓯᒃ, ᐁᑮ ᐃᔑᓭᓂᒃ ᒪᔮ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮
ᑮᑭᒋᐗᓯᑖᐎᓭᕽ ᐄᒋᐸᑮᕽ
14ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐯᕒᐆ ᓴ ᐋᒌᑫ ᐊᓂ ᔕᔒᐱᑕᒻ, ᒦᔥ ᑳᐅᒋ ᐃᓀᑕᓯᒃ ᒋᐸᑭᑎᓈᒡ ᐯᒫᑎᓯᓂᒡ ᒋᒫᒑᓂᒡ᙮ 15ᑭᔐᐹᐗᑲᓂᓂᒃ ᐃᑕᔥ ᐊᑕ ᒣᒀᔥᑲᐙᑲᓐ ᐯᕒᐆ ᐊᐲ ᓈᓯᐲᒡ ᓈᔭᓬ Nile ᓰᐱᕽ᙮ ᒦᑕᔥ ᐌᑎ ᑫᔑ ᐲᐊᒡ ᐲᓂᔥ ᒋᑕᑯᔑᕽ᙮ ᒫᒌᑑᑲᓐ ᐃᑕᔥ ᐃᐃ ᓴᑲᐅᓈᒃ ᑳᑮ ᑭᓀᐱᑯᓭᒃ᙮ 16ᒦᑕᔥ ᑫᐃᓇᒡ, ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ, ᓂᑮ ᐲᒋᓂᔕᐅᒃ ᐅᐅ ᒋᐃᓂᓈᓐ, ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ ᒋᐊᑕ ᐊᓇᒥᐁᑕᐎᐙᒡ ᐌᑎ ᐱᑾᑕᑲᒥᒃ᙮ ᐅᐅ ᑕᔥ ᐃᔑ ᐊᐲ ᑳᐐᓐ ᒪᔑ ᑭᐱᓯᑕᓰ᙮ 17#Rev 16.4. ᒦ ᓴ ᑕᔥ ᐅᐅ ᑳᑎᐯᒋᑫᒡ ᐁᑭᑐᒡ: ᒦᑕᔥ ᐅᐅ ᑫᐅᒋ ᑭᑫᑕᒪᓐ ᓃᓐ ᐁᑎᓄᐎᔮᓐ ᑳᑎᐯᒋᑫᒡ᙮ ᐃᓇᔥᑫ ᓂᐐ ᐋᐸᒋᑑᓐ ᐅᐅ ᓴᑲᐅᓈᒃ ᑳᑕᑯᓇᒫᓐ ᐁᐐ ᐸᑭᑌᐊᒫᓐ ᐅᐅ ᓈᔭᓬ ᓰᐱ, ᒦᔥ ᑫᔑ ᐋᑖᑲᒥᓭᒃ ᒋᒥᔅᑸᐙᑲᒥᒃ᙮ 18ᑮᑰᔭᒃ ᓴ ᑕᓂᐳᐗᒃ ᐃᐃᒫ ᓈᔭᓬ ᓰᐱᕽ, ᐐᑫ ᑕᐐᒌᑳᑲᒥᓐ ᐃᐃ ᓰᐱ; ᐄᒋᐸᑮᕽ Egypt ᑳᐊᔮᐙᒡ ᐃᑕᔥ ᑳᐐᓐ ᐅᑲ ᑲᔥᑭᑑᓰᓈᐙ ᒋᒥᓂᑴᐙᒡ ᐃᐃ ᓂᐲᓂ, ᐅᑮᐃᑰᓐ ᒋᐃᑭᑐᒡ᙮
19ᒦᔥ ᑳᐃᑯᒡ ᑳᑎᐯᒋᑫᓂᒡ, ᑲᓅᔥ ᐁᕒᐊᓐ ᒋᐅᑖᐱᓇᕽ ᐃᐃ ᐅᓴᑲᐅᓈᒃ ᒋᐃᔑ ᓃᒥᓇᕽ ᐃᓇᑫ ᐁᔑ ᓂᐲᑳᓂᒃ ᐄᒋᐸᑮᕽ, ᐁᔑ ᓴᓰᐲᑳᓂᒃ ᑲᔦ, ᐁᔑ ᐊᔭᔮᓂᑭᓐ ᑲᔦ ᓰᐲᓯᑳᓇᓐ, ᓵᑲᐃᑲᓃᓯᑳᓇᓐ ᑲᔦ, ᒥᓯᐌ ᑲᔦ ᓂᐱ ᐁᔑ ᑲᓇᐌᒋᑳᑌᓂᒃ, ᒦᔥ ᒋᐊᓂ ᒥᔅᑸᐙᑲᒥᓭᓂᑭᓐ᙮ ᒥᓯᐌ ᓴ ᒥᔅᑶ ᑕᐊᔮ ᐄᒋᐸᑮᕽ, ᒥᓴᐙ ᑯ ᒥᑎᑯᐎ ᐊᑑᐹᓂᕽ, ᐊᓯᓃᐎ ᐊᑑᐹᓂᕽ ᑲᔦ, ᐅᑮᐃᑰᓐ᙮
20ᒦ ᓴ ᒨᓯᔅ, ᐁᕒᐊᓐ ᑲᔦ ᒪᔮ ᑳᐃᔑᒋᑫᐙᒡ ᑳᑎᐯᒋᑫᓂᒡ ᑳᑮ ᐃᔑ ᐊᓅᓂᑯᐙᒡ᙮ ᐁᕒᐊᓐ ᐅᑮ ᐅᐹᑯᓈᓐ ᐅᓴᑲᐅᓈᒃ ᐁᑮ ᐸᑭᑌᐊᕽ ᓂᐱ ᐃᐃᒫ ᓈᔭᓬ Nile ᓰᐲᕽ, ᑫᔑ ᐙᐸᑕᒥᓂᒡ ᐯᕒᐆᓐ, ᐃᐃ ᑲᔦ ᑲᑭᓇ ᐅᑖᓂᑫᐎᑭᒫᒥᓂ᙮ ᒥᓯᐌ ᑕᔥ ᓂᐲᓂ ᑮᐋᑖᑲᒥᓭᓂ ᐁᑮ ᒥᔅᑸᐙᑲᒥᓂᓂᒃ᙮ 21ᒦᑕᔥ ᑲᑭᓇ ᑮᑰᔭᒃ ᐃᐃᒫ ᓈᔭᓬ ᓰᐲᕽ ᑳᑮ ᓂᐳᐙᒡ᙮ ᒦᔥ ᐐᑫ ᐃᐃ ᓰᐱ ᑳᑮ ᒫᔑ ᒫᑾᒃ᙮ ᐄᒋᑉ ᑳᐊᔮᐙᒡ ᐃᑕᔥ ᑳᐐᓐ ᐅᑮ ᑲᔥᑭᑑᓰᓈᐙ ᒋᐅᒋ ᒥᓂᑴᐙᒡ ᐃᐃᒫ ᓰᐲᕽ᙮ ᒥᓯᐌ ᓴ ᐄᒋᐸᑮᕽ ᑮᐊᔮ ᒥᔅᑶ᙮ 22ᒦᑕᔥ ᐯᔑᑾᓐ ᐃᐃ ᓇᑫ ᑳᐃᔑ ᒫᒪᑳᒋᒋᑫᓂᒡ ᒣᒫᑖᐎᓯᓂᒡ ᐃᐃᒫ ᐄᒋᐸᑮᕽ ᐌᒌᓂᒡ᙮ ᒦᔥ ᐯᕒᐆᓐ ᐋᒌᑫ ᑳᑮ ᐊᓂ ᔕᔒᐱᑕᒥᓂᒡ, ᐁᑮ ᐱᓯᑕᐙᓯᓂᒃ ᒨᓯᓲᓐ, ᐁᕒᐊᓅᓐ ᑲᔦ, ᒪᔮ ᐁᑮ ᐃᔑᓭᓂᒃ ᑳᑎᐯᒋᑫᓂᒡ ᐁᑭᑐᓂᒡ᙮ 23ᐋᒋᑯ ᑕᔥ ᑮᐊᓂ ᑴᑭᑳᐸᐎᐗᓐ ᐁᑮ ᐊᓂ ᑮᐌᓂᒡ ᐁᐃᔖᓂᒡ ᐅᑑᑭᒫᐎᑲᒥᑯᓃᕽ, ᑳᐐᓐ ᐊᐙᒡ ᐅᑮ ᐸᐹᐱᓯᔅᑫᑕᓰᓂ ᐅᐅ ᑳᑮ ᐃᓇᑲᒥᑲᓂᓂᒃ᙮ 24ᑲᑭᓇ ᓴ ᐄᒋᐸᑮᕽ ᑳᐊᔮᐙᒡ ᑮᐙᓂᑫᐗᐞ ᐁᓈᓀᐌ ᐊᔮᓂᒃ ᓈᔭᓬ ᓰᐱᕽ, ᐁᐊᑣᓂᑳᑕᒥᓂᒡ ᑫᒥᓂᒀᑕᒥᓂᒡ ᓂᐱ, ᐋᓃᔥ ᑳᐐᓐ ᐅᑮ ᑲᔥᑭᑑᓰᓂ ᒋᒥᓂᑴᓂᒡ ᐃᐃ ᓂᐲᓂ ᓰᐱᕽ ᐁᔮᓂᒃ᙮
25ᓃᔣᓱᑮᔑᒃ 7 ᐃᑕᔥ ᑮᐊᓂ ᐃᔑᓭᓂ ᐊᐲ ᑳᑎᐯᒋᑫᒡ ᑫᑰᓐ ᑳᑮ ᑑᑕᕽ ᓂᐲᓂ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society