ᐁᑭᓴᑕᔅ 4
4
ᒨᓯᔅ ᑮᒦᓂᑯᒡ ᑭᔐᒪᓂᑑᓐ ᒪᔥᑲᐎᓰᐎᓐ
1ᒦᑕᔥ ᐅᐅ ᒨᓯᔅ Moses ᑳᐃᔑ ᓇᑴᑕᕽ, ᐌᑯᓀᓐ ᐃᑕᔥ ᐐᓐ ᑌᐺᑕᓯᒀ, ᐱᓯᑕᓯᒀ ᑲᔦ ᐋᓃᓐ ᑫᐃᑭᑐᐗᒃ? ᐅᐅ ᒫᐐᓐ ᓂᑲᐃᑰ, ᑳᐐᓐ ᒫᐐᓐ ᑭᑮ ᓈᑯᓰᑖᑯᓰᑐᒃ ᑳᑎᐯᒋᑫᒡ, ᑮᐃᑭᑐ᙮
2ᒦᔥ ᐅᐅ ᑳᑎᐯᒋᑫᓂᒡ ᑳᐃᑯᒡ, ᐌᑯᓀᓐ ᐃᐃ ᑳᑕᑯᓇᒪᓐ᙮
ᒦᔥ ᑳᐃᓈᒡ, ᓴᑲᐅᓈᒃ, ᐅᑮᐃᓈᓐ᙮
3ᐅᐅᔥ ᐅᑮᐃᑰᓐ, ᒥᑕᑲᒥᒃ ᐊᐸᑭᑑᓐ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᐊᐸᑭᑑᒡ ᒥᑕᑲᒥᒃ᙮ ᒦ ᓴ ᑳᐃᔑ ᑭᓀᐱᑯᓭᓂᒃ᙮ ᒦᔥ ᑳᐃᔑ ᑕᐸᓰᑑᒡ᙮ 4ᒦᔥ ᑳᑎᐯᒋᑫᓂᒡ ᑳᐃᑯᒡ, ᓴᑳᓄᐌᐱᔥ ᐊᐊ ᑭᓀᐱᒃ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᓴᑳᓄᐌᐱᓈᒡ ᐃᓂ ᑭᓀᐱᑰᓐ᙮ ᒦᑕᔥ ᒦᓇᐙ ᑳᑮ ᑮᐌ ᓴᑲᐅᓈᑯᐗᓂᓂᒃ᙮ 5ᒦᑕᔥ ᑳᐊᓂᐃᑯᒡ, ᒦ ᓴ ᐅᐌ ᑫᐃᔑᒋᑫᔭᓐ ᒋᑌᐺᑕᐎᒀ ᐁᑮ ᓈᑯᓰᑕᐎᒥᒃ ᐅᑭᔐᒪᓂᑑᒥᐙᓐ ᐁᐸᕒᐊᐋᒻ Abraham, ᐋᐃᓯᒃ Isaac, ᒉᑲᑉ Jacob ᑲᔦ, ᐅᑮᐃᑰᓐ᙮
6ᒦᓇᐙ ᑕᔥ ᐅᑮ ᐊᓂᐃᑰᓐ, ᔐᑯ ᓂᒌᓂᓐ ᑳᑭᑭᔥᑲᒪᓐ ᑭᑲᔥᑮᑮᐎᓐ, ᐁᑮᐃᑯᒡ᙮ ᒦᔥ ᒨᓯᔅ ᑳᑮ ᔐᑯ ᓂᒌᓂᒡ ᐅᑲᔥᑮᑮᐎᓂᕽ᙮ ᐊᐲ ᓴ ᑳᐐᑯ ᓂᒌᓂᒡ, ᒦ ᓴ ᐃ ᐅᓂᓐᒡ ᑳᑮ ᐙᐹᐱᓀᐎ ᓈᑾᓂᓂᒃ ᑖᐱᔥᑰ ᑰᓂᕽ ᐁᑮ ᐃᔑ ᐙᐱᓈᑾᓂᓂᒃ᙮ 7ᒦᑕᔥ ᑳᑎᐯᒋᑫᓂᒡ ᒦᓇᐙ ᑳᐃᑯᒡ, ᒦᓇᐙ ᓴ ᔐᑯ ᓂᒌᓂᓐ ᑭᑲᔥᑮᑮᐎᓂᕽ, ᐅᑮᐃᑰᓐ᙮ ᒦᔥ ᒨᓯᔅ ᒦᓇᐙ ᑳᐃᔑ ᔐᑯ ᓂᒌᓂᒡ ᐅᑲᔥᑮᑮᐎᓂᕽ᙮ ᐊᐲ ᑕᔥ ᐁᐐᑯ ᓂᒌᓂᒡ, ᒦ ᓴ ᐃ ᑳᑮ ᑮᐌ ᐃᔑᐊᔮᓂᒃ ᑖᐱᔥᑰ ᐁᔑᓈᑾᓂᓂᒃ ᒥᓯᐌ ᐅᐐᔭᐤ᙮ 8ᒦᔥ ᐅᐅ ᑳᐃᑯᒡ, ᑮᔥᐱᓐ ᓴ ᑌᐺᑕᓯᒀ, ᑯᒫ ᑲᔦ ᐸᐹᐱᓯᔅᑭᑕᓯᒀ ᐃᐃ ᓂᑕᒻ ᒫᒪᑳᒋ ᑭᑭᓇᐙᒋᒋᑫᐎᓐ, ᑫᒋᓈᒡ ᒫᐐᓐ ᐅᑲ ᑌᐺᑖᓈᐙ ᐃᐃ ᑯᑕᒃ ᒫᒪᑳᒋ ᑭᑭᓇᐙᒋᒋᑫᐎᓐ᙮ 9ᑮᔥᐱᓐ ᐃᑕᔥ ᑌᐺᑕᓯᒀ ᐅᓄ ᓃᔑᓐ ᒫᒪᑳᒋ ᑭᑭᓇᐙᒋᒋᑫᐎᓇᓐ, ᑯᒫ ᑲᔦ ᐁᑭᑐᐗᒡ, ᒦ ᓴ ᐃ ᑫᐃᔑᒋᑫᔭᓐ ᒋᐅᒋ ᒀᐸᐊᒪᓐ ᐃᐃ ᓂᐱ ᐃᐃᒫ ᓈᔭᓬ Nile ᓰᐱᕽ᙮ ᒥᑕᑲᒥᒃ ᓴ ᑭᑲ ᐃᔑ ᓰᑭᓈᓐ᙮ ᒦᔥ ᒋᒥᔅᑸᐙᑲᒥᓭᒃ ᐃᐃ ᓂᐱ ᐃᐃᒫ ᒥᑕᑲᒥᒃ, ᐅᑮᐃᑰᓐ᙮
10ᒨᓯᔅ ᐃᑕᔥ ᐅᑮᐃᓈᓐ ᑳᑎᐯᒋᑫᓂᒡ, ᑮᓐ, ᑌᐯᒋᑫᔭᓐ, ᑳᐐᓐ ᐄᑐᒃ ᐐᑳ ᓂᐱ ᓂᑖ ᑳᑮᑭᑐᓰ, ᐲᓂᔥ ᐅᐅ ᐃᔑ ᐊᐲ ᓅᑯᒻ ᑳᑲᓅᔑᔭᓐ᙮ ᐁᑕᑕᐌ ᐄᑐᒃ ᑳᐐᓐ ᐋᐱᒋ ᓂᓂᑖᐌᓰ, ᐐᑫ ᑲᔦ ᓂᐸᑆᑕᐎᑮᔗ᙮
11ᒦᑕᔥ ᑳᐃᑯᒡ, ᐊᐌᓀᓇᓐ ᐃᓂᓂ ᑳᐅᔑᑕᒫᑯᒡ ᐅᑑᓐ? ᐊᐌᓀᓇᓐ ᑲᔦ ᑳᐃᔑᐃᑯᒡ ᒋᐅᓯᑌᓯᒃ, ᑯᒫ ᑲᔦ ᒋᐅᑮᑭᑑᐎᓂᓯᒃ? ᐊᐌᓀᓇᓐ ᑲᔦ ᑳᐃᔑᐃᑯᒡ ᒋᐙᐱᒡ ᑯᒫ ᑲᔦ ᒋᐙᐱᓯᒃ? ᓃᓐ ᐅᔕ ᑳᑎᐯᒋᑫᔮᓐ ᐃᐃ ᑳᐃᔑᐃᐌᔮᓐ! 12ᓅᑯᒻ ᐃᑕᔥ ᐊᓂᔑ ᒫᒑᓐ! ᓃᓐ ᓴ ᑯ ᑭᑲ ᐐᒋᐃᓐ ᒋᑮᑭᑐᔭᓐ, ᑭᑲ ᑭᑭᓄᐊᒪᐎᓐ ᑲᔦ ᐋᓃᓐ ᑫᐃᑭᑐᔭᓐ, ᐅᑮᐃᑰᓐ᙮
13ᒨᓯᔅ ᑮᐃᑭᑐ, ᑮᓐ ᑌᐯᒋᑫᔭᓐ, ᑕᑲ ᐸᑳᓐ ᐊᐎᔭ ᐃᔑᓂᔕᐅ ᐅᐅ ᒋᐃᔑᒋᑫᒡ, ᑮᐃᑭᑐ᙮
14ᒦᑕᔥ ᐅᐅ ᐊᐲ ᑳᑮ ᓂᔥᑭᐋᒡ ᑳᑎᐯᒋᑫᓂᒡ ᐅᐅ ᐁᑮᐃᑯᒡ, ᐊᐊ ᑕᔥ ᐐᓐ ᑮᒋᑭᐌᓯ ᐁᕒᐊᓐ Aaron ᓬᐄᐹᐃᕽ Levi ᑳᐅᑕᑳᓀᓯᒡ, ᓂᑭᑫᓂᒫ ᐅᔕ ᐁᓂᑖ ᑳᑮᑭᑐᒡ᙮ ᐃᓇᔥᑫ, ᐋᔕ ᐅᔕ ᑭᐱ ᐊᑕ ᓇᑭᔥᑳᒃ, ᐋᐱᒋ ᓴ ᑕᒥᓉᑕᒻ ᐊᐲ ᐙᐸᒥᒃ᙮ 15ᑮᓐ ᑕᔥ ᑭᑲ ᑲᑲᓅᓈ ᒋᐐᑕᒪᐗᒡ ᐋᓃᓐ ᑫᐃᑭᑐᒡ; ᑭᑲ ᐐᒋᐃᓂᓂᒻ ᓴ ᒥᒋᓃᔥ ᒋᑲᑭᑐᔦᒃ, ᑭᑲ ᑭᑭᓄᐊᒪᐎᓂᓂᒻ ᑲᔦ ᐋᓃᓐ ᑫᐃᔑᒋᑫᔦᒃ᙮ 16ᐐᓐ ᓴ ᑭᑲ ᑮᑭᑑᑕᒫᒃ ᐊᐲ ᑲᑲᓅᓂᒪᒡ ᐯᒫᑎᓯᓂᒡ, ᒦ ᓴ ᐃ ᑫᐃᓀᑖᑾᓂᓂᒃ ᐁᑲᓅᑕᒪᐎᒃ᙮ ᒦᑕᔥ ᒋᐃᓀᑖᑾᒃ ᑲᔦ ᑮᓐ ᑖᐱᔥᑰ ᐁᐅᑭᔐᒪᓂᑑᒥᒥᒃ ᒋᐐᑕᒪᐗᒡ ᐋᓃᓐ ᑫᐃᑭᑐᒡ᙮ 17ᒫᒌᑑᓐ ᐃᑕᔥ ᐅᐅ ᓴᑲᐅᓈᒃ, ᑫᐅᒋ ᑲᔥᑭᑑᔭᓐ ᒋᐃᔑᒋᑫᔭᓐ ᒫᒪᑳᒋ ᑭᑭᓇᐙᒋᒋᑲᓇᓐ, ᐅᑮᐃᑰᓐ᙮
ᒨᓯᔅ ᑮᔑᑮᐌᒡ ᐄᒋᐸᑮᕽ
18ᒨᓯᔅ Moses ᐃᑕᔥ ᐅᑮ ᑮᐌ ᐊᑕ ᐙᐸᒫᓐ ᐅᔑᔐᔕᓐ ᒉᑕᕒᐆᓐ Jethro ᐁᑮᐃᓈᒡ, ᑕᑲ ᐸᑭᑎᓂᔑᓐ ᒋᑮᐌᓄᑕᐗᒀ ᓃᒋᐱᒫᑎᓰᒪᒃ ᐄᒋᐸᑮᕽ Egypt ᐁᔮᐙᒡ, ᐁᐐ ᐊᑕ ᐙᐸᒪᒀ ᑕᑲ ᑫᔮᐱ ᒋᐱᒫᑎᓯᐙᑴᓐ, ᐅᑮᐃᓈᓐ᙮ ᒦᔥ ᑳᐃᑯᒡ, ᐱᓵᓐ ᒫᒑᓐ᙮
19ᒣᒀ ᓴ ᒨᓯᔅ ᑮᐊᔮᑯᐸᓀᓐ ᒥᑎᔭᓐ Midian ᐊᑮᕽ ᑳᑎᐯᒋᑫᓂᒡ ᑮᐃᑰᑯᐸᓐ, ᒫᒑᓐ, ᑮᐌ ᐃᔖᓐ ᐄᒋᐸᑮᕽ, ᑲᑭᓇ ᐅᔕ ᑳᐐ ᓂᓯᓄᒀᐸᓐ ᑳᐐᓐ ᐱᒫᑎᓯᓰᐗᒃ, ᑮᐃᑰᑯᐸᓐ᙮ 20ᒦᑕᔥ ᒨᓯᔅ ᑳᐃᔑ ᒫᒌᓈᒡ ᐐᐗᓐ, ᐅᑯᓯᓴᐞ ᑲᔦ ᐁᑮ ᐅᓇᐱᐋᒡ ᒫᔑᒥᑕᑎᒧᕽ, ᐁᑮ ᒫᒑᒡ ᐁᐃᔖᒡ ᐄᒋᐸᑮᕽ᙮ ᐅᑮ ᑕᑯ ᒫᒌᑑᓐ ᑭᔐᒪᓂᑑᓐ ᐅᓴᑲᐅᓈᑯᓂ᙮
21ᒦᑕᔥ ᑳᑎᐯᒋᑫᓂᒡ ᑳᐃᑯᒡ, ᐊᐲ ᓴ ᑕᑯᔑᓇᓐ ᐌᑎ ᐄᒋᐸᑮᕽ, ᑫᒋᓈᒡ ᓴ ᐃᔑᒋᑫᑲᓐ ᐁᓈᓴᒦᒡ ᐯᕒᐆ Pharaoh ᑲᑭᓇ ᒫᒪᑳᒋ ᑭᑭᓇᐙᒋᒋᑲᓇᓐ ᑳᑮ ᒦᓂᓈᓐ ᒋᑲᔥᑭᐁᐎᓯᔭᓐ ᒋᑑᑕᒪᓐ᙮ ᐋᒌᑫ ᐅᔕ ᓂᐐ ᑑᑕᐙ ᐯᕒᐆ ᒋᔕᔒᐱᑕᕽ ᒋᐸᑭᑎᓈᓯᒃ ᐯᒫᑎᓯᓂᒡ ᒋᒫᒑᓂᒡ᙮ 22ᒦᔥ ᐅᐅ ᑫᐃᓇᒡ ᐯᕒᐆ, ᒦ ᓴ ᐅ ᐁᑭᑐᒡ ᑳᑎᐯᒋᑫᒡ; ᐃᔅᕒᐃᔭᓬᐊᒃ Israel ᓴ ᓂᑯᓯᔅ ᓂᑎᓀᓂᒫᒃ, ᒫᐗᒡ ᓂᑕᒻ ᑳᑮ ᐅᑯᓯᓯᔮᓐ᙮ 23#Exo 12.29. ᒦᑕᔥ ᐁᓂᓈᓐ, ᑕᑲ ᐱᓵᓐ ᐸᑭᑎᓐ ᓂᑯᓯᔅ ᒋᒫᒑᒡ, ᒋᐊᓇᒥᐁᑕᐎᒡ᙮ ᑳᐐᓐ ᐃᑕᔥ ᑭᑎᓀᑕᓰ ᐃᐃ ᒋᐃᔑᒋᑫᔭᓐ; ᒦᔥ ᒋᓂᓴᒃ ᑭᑯᓯᔅ ᓂᑕᒻ ᑳᓂᑖᐎᑭᒡ, ᐅᑮᐃᑰᓐ ᒋᐃᑭᑐᒡ᙮
24ᑳᐃᔑ ᑲᐯᔑᐙᒡ ᐃᑕᔥ ᐁᐱᒥ ᐊᔮᐙᒡ, ᑳᑎᐯᒋᑫᓂᒡ ᒨᓯᔅ ᐅᑮ ᓇᑭᔥᑳᑰᓐ, ᐁᐐ ᓂᓯᑯᒡ᙮ 25-26ᐐᐗᓐ ᐃᑕᔥ ᓯᐴᕒᐊᐗᓐ Zipporah ᐅᑮ ᐅᑖᐱᓈᓂ ᑳᔖᐱᑲᓯᓃᓐ, ᐁᑮ ᑭᑭᓇᐙᑕᔕᑫᔣᓂᒡ ᐅᑯᓯᓯᓂ, ᒦᔥ ᑳᐃᔑ ᐊᐸᑭᑑᓂᒡ ᒨᓯᔅ ᐁᔑ ᓯᑌᑳᐸᐎᒡ᙮ ᐃᐃ ᑕᔥ ᑭᑭᓇᐙᑕᔕᑫᔑᑫᐎᓐ ᐅᐅ ᑳᑮ ᐅᒋᐃᑯᒡ, ᒦ ᓴ ᐃ ᐁᓀᓂᒥᓈᓐ ᓂᓈᐯᒻ ᑳᒥᔅᑸᐎᒡ ᑳᑭᑭᓇᐙᑕᔕᑫᔓᓐᒡ, ᐅᑮᐃᑰᓐ᙮ ᒦᑕᔥ ᑳᑎᐯᒋᑫᓂᒡ ᑳᐃᔑ ᐴᓂᐃᑯᒡ᙮
27ᑳᑎᐯᒋᑫᒡ ᐃᑕᔥ ᐅᑮᐃᓈᓐ ᐁᕒᐊᓅᓐ Aaron, ᐱᑾᑕᑲᒥᒃ ᐃᔖᓐ ᒋᐊᑕ ᓇᑭᔥᑲᐗᒡ ᒨᓯᔅ, ᐅᑮᐃᓈᓐ᙮ ᒦᑕᔥ ᐁᕒᐊᓐ ᑳᐃᔑ ᐃᔖᒡ ᐁᑮ ᐊᑕ ᓇᑭᔥᑲᐙᒡ ᒨᓯᓲᓐ ᐌᑎ ᑭᔐᒪᓂᑑ ᐅᐗᒌᒥᕽ, ᒦᔥ ᑲᔦ ᑳᐃᔑ ᐅᒌᒫᒡ᙮ 28ᒦᑕᔥ ᒨᓯᔅ ᑳᑮ ᐐᑕᒪᐙᒡ ᐁᕒᐊᓅᓐ ᑲᑭᓇ ᑳᑮ ᐃᑭᑐᓂᒡ ᑳᑎᐯᒋᑫᓂᒡ ᒋᐃᑭᑐᒡ ᐊᐲ ᑕᑯᔑᕽ ᐄᒋᐸᑮᕽ; ᐅᑮ ᐐᑕᒪᐙᓐ ᑲᔦ ᑲᑭᓇ ᒫᒪᑳᒋ ᑭᑭᓇᐙᒋᒋᑫᐎᓇᓐ ᑳᑮ ᐊᓅᓂᑯᒡ ᒋᐃᔑᒋᑫᒡ᙮ 29ᒦᔥ ᒨᓯᔅ ᐊᐊ ᑲᔦ ᐁᕒᐊᓐ ᑮᐃᔖᐗᒃ ᐄᒋᐸᑮᕽ ᐁᑮ ᒫᒪᐎ ᐊᑐᒫᐙᒡ ᑲᑭᓇ ᑳᓃᑳᓂᓯᓂᒡ ᐃᔅᕒᐃᔭᓬᐊᐞ Israel᙮ 30ᒦᑕᔥ ᐁᕒᐊᓐ ᑳᑮ ᐐᑕᒫᑫᒡ ᑲᑭᓇ ᑫᑰᓐ ᒨᓯᓲᓐ ᑳᑮ ᐃᑯᓂᒡ ᑳᑎᐯᒋᑫᓂᒡ᙮ ᒦᑕᔥ ᑳᑮ ᐃᔑ ᐃᔑᒋᑫᒡ ᒫᒪᑳᒋ ᑭᑭᓇᐙᒋᒋᑫᐎᓇᓐ ᐁᓈᓴᒦᓂᒡ ᐯᒫᑎᓯᓂᒡ᙮ 31ᐯᒫᑎᓯᐙᒡ ᓴ ᑮᑌᐺᑕᒨᒃ ᐊᐲ ᑳᓅᑕᒧᐙᒡ ᑳᑎᐯᒋᑫᓂᒡ ᐁᑰᐹᑌᓂᒥᑯᐙᒡ, ᐁᑮ ᐙᐸᑕᒥᓂᒡ ᑲᔦ ᐁᔑ ᑲᒀᑕᑭᐃᑣ᙮ ᒦᔥ ᑳᐃᔑ ᐊᒋᑕᐎᑴᑖᐙᒡ ᐁᑮ ᐊᓇᒥᐁᑕᐙᐙᒡ ᑭᔐᒪᓂᑑᓐ᙮
Currently Selected:
ᐁᑭᓴᑕᔅ 4: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 4
4
ᒨᓯᔅ ᑮᒦᓂᑯᒡ ᑭᔐᒪᓂᑑᓐ ᒪᔥᑲᐎᓰᐎᓐ
1ᒦᑕᔥ ᐅᐅ ᒨᓯᔅ Moses ᑳᐃᔑ ᓇᑴᑕᕽ, ᐌᑯᓀᓐ ᐃᑕᔥ ᐐᓐ ᑌᐺᑕᓯᒀ, ᐱᓯᑕᓯᒀ ᑲᔦ ᐋᓃᓐ ᑫᐃᑭᑐᐗᒃ? ᐅᐅ ᒫᐐᓐ ᓂᑲᐃᑰ, ᑳᐐᓐ ᒫᐐᓐ ᑭᑮ ᓈᑯᓰᑖᑯᓰᑐᒃ ᑳᑎᐯᒋᑫᒡ, ᑮᐃᑭᑐ᙮
2ᒦᔥ ᐅᐅ ᑳᑎᐯᒋᑫᓂᒡ ᑳᐃᑯᒡ, ᐌᑯᓀᓐ ᐃᐃ ᑳᑕᑯᓇᒪᓐ᙮
ᒦᔥ ᑳᐃᓈᒡ, ᓴᑲᐅᓈᒃ, ᐅᑮᐃᓈᓐ᙮
3ᐅᐅᔥ ᐅᑮᐃᑰᓐ, ᒥᑕᑲᒥᒃ ᐊᐸᑭᑑᓐ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᐊᐸᑭᑑᒡ ᒥᑕᑲᒥᒃ᙮ ᒦ ᓴ ᑳᐃᔑ ᑭᓀᐱᑯᓭᓂᒃ᙮ ᒦᔥ ᑳᐃᔑ ᑕᐸᓰᑑᒡ᙮ 4ᒦᔥ ᑳᑎᐯᒋᑫᓂᒡ ᑳᐃᑯᒡ, ᓴᑳᓄᐌᐱᔥ ᐊᐊ ᑭᓀᐱᒃ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᓴᑳᓄᐌᐱᓈᒡ ᐃᓂ ᑭᓀᐱᑰᓐ᙮ ᒦᑕᔥ ᒦᓇᐙ ᑳᑮ ᑮᐌ ᓴᑲᐅᓈᑯᐗᓂᓂᒃ᙮ 5ᒦᑕᔥ ᑳᐊᓂᐃᑯᒡ, ᒦ ᓴ ᐅᐌ ᑫᐃᔑᒋᑫᔭᓐ ᒋᑌᐺᑕᐎᒀ ᐁᑮ ᓈᑯᓰᑕᐎᒥᒃ ᐅᑭᔐᒪᓂᑑᒥᐙᓐ ᐁᐸᕒᐊᐋᒻ Abraham, ᐋᐃᓯᒃ Isaac, ᒉᑲᑉ Jacob ᑲᔦ, ᐅᑮᐃᑰᓐ᙮
6ᒦᓇᐙ ᑕᔥ ᐅᑮ ᐊᓂᐃᑰᓐ, ᔐᑯ ᓂᒌᓂᓐ ᑳᑭᑭᔥᑲᒪᓐ ᑭᑲᔥᑮᑮᐎᓐ, ᐁᑮᐃᑯᒡ᙮ ᒦᔥ ᒨᓯᔅ ᑳᑮ ᔐᑯ ᓂᒌᓂᒡ ᐅᑲᔥᑮᑮᐎᓂᕽ᙮ ᐊᐲ ᓴ ᑳᐐᑯ ᓂᒌᓂᒡ, ᒦ ᓴ ᐃ ᐅᓂᓐᒡ ᑳᑮ ᐙᐹᐱᓀᐎ ᓈᑾᓂᓂᒃ ᑖᐱᔥᑰ ᑰᓂᕽ ᐁᑮ ᐃᔑ ᐙᐱᓈᑾᓂᓂᒃ᙮ 7ᒦᑕᔥ ᑳᑎᐯᒋᑫᓂᒡ ᒦᓇᐙ ᑳᐃᑯᒡ, ᒦᓇᐙ ᓴ ᔐᑯ ᓂᒌᓂᓐ ᑭᑲᔥᑮᑮᐎᓂᕽ, ᐅᑮᐃᑰᓐ᙮ ᒦᔥ ᒨᓯᔅ ᒦᓇᐙ ᑳᐃᔑ ᔐᑯ ᓂᒌᓂᒡ ᐅᑲᔥᑮᑮᐎᓂᕽ᙮ ᐊᐲ ᑕᔥ ᐁᐐᑯ ᓂᒌᓂᒡ, ᒦ ᓴ ᐃ ᑳᑮ ᑮᐌ ᐃᔑᐊᔮᓂᒃ ᑖᐱᔥᑰ ᐁᔑᓈᑾᓂᓂᒃ ᒥᓯᐌ ᐅᐐᔭᐤ᙮ 8ᒦᔥ ᐅᐅ ᑳᐃᑯᒡ, ᑮᔥᐱᓐ ᓴ ᑌᐺᑕᓯᒀ, ᑯᒫ ᑲᔦ ᐸᐹᐱᓯᔅᑭᑕᓯᒀ ᐃᐃ ᓂᑕᒻ ᒫᒪᑳᒋ ᑭᑭᓇᐙᒋᒋᑫᐎᓐ, ᑫᒋᓈᒡ ᒫᐐᓐ ᐅᑲ ᑌᐺᑖᓈᐙ ᐃᐃ ᑯᑕᒃ ᒫᒪᑳᒋ ᑭᑭᓇᐙᒋᒋᑫᐎᓐ᙮ 9ᑮᔥᐱᓐ ᐃᑕᔥ ᑌᐺᑕᓯᒀ ᐅᓄ ᓃᔑᓐ ᒫᒪᑳᒋ ᑭᑭᓇᐙᒋᒋᑫᐎᓇᓐ, ᑯᒫ ᑲᔦ ᐁᑭᑐᐗᒡ, ᒦ ᓴ ᐃ ᑫᐃᔑᒋᑫᔭᓐ ᒋᐅᒋ ᒀᐸᐊᒪᓐ ᐃᐃ ᓂᐱ ᐃᐃᒫ ᓈᔭᓬ Nile ᓰᐱᕽ᙮ ᒥᑕᑲᒥᒃ ᓴ ᑭᑲ ᐃᔑ ᓰᑭᓈᓐ᙮ ᒦᔥ ᒋᒥᔅᑸᐙᑲᒥᓭᒃ ᐃᐃ ᓂᐱ ᐃᐃᒫ ᒥᑕᑲᒥᒃ, ᐅᑮᐃᑰᓐ᙮
10ᒨᓯᔅ ᐃᑕᔥ ᐅᑮᐃᓈᓐ ᑳᑎᐯᒋᑫᓂᒡ, ᑮᓐ, ᑌᐯᒋᑫᔭᓐ, ᑳᐐᓐ ᐄᑐᒃ ᐐᑳ ᓂᐱ ᓂᑖ ᑳᑮᑭᑐᓰ, ᐲᓂᔥ ᐅᐅ ᐃᔑ ᐊᐲ ᓅᑯᒻ ᑳᑲᓅᔑᔭᓐ᙮ ᐁᑕᑕᐌ ᐄᑐᒃ ᑳᐐᓐ ᐋᐱᒋ ᓂᓂᑖᐌᓰ, ᐐᑫ ᑲᔦ ᓂᐸᑆᑕᐎᑮᔗ᙮
11ᒦᑕᔥ ᑳᐃᑯᒡ, ᐊᐌᓀᓇᓐ ᐃᓂᓂ ᑳᐅᔑᑕᒫᑯᒡ ᐅᑑᓐ? ᐊᐌᓀᓇᓐ ᑲᔦ ᑳᐃᔑᐃᑯᒡ ᒋᐅᓯᑌᓯᒃ, ᑯᒫ ᑲᔦ ᒋᐅᑮᑭᑑᐎᓂᓯᒃ? ᐊᐌᓀᓇᓐ ᑲᔦ ᑳᐃᔑᐃᑯᒡ ᒋᐙᐱᒡ ᑯᒫ ᑲᔦ ᒋᐙᐱᓯᒃ? ᓃᓐ ᐅᔕ ᑳᑎᐯᒋᑫᔮᓐ ᐃᐃ ᑳᐃᔑᐃᐌᔮᓐ! 12ᓅᑯᒻ ᐃᑕᔥ ᐊᓂᔑ ᒫᒑᓐ! ᓃᓐ ᓴ ᑯ ᑭᑲ ᐐᒋᐃᓐ ᒋᑮᑭᑐᔭᓐ, ᑭᑲ ᑭᑭᓄᐊᒪᐎᓐ ᑲᔦ ᐋᓃᓐ ᑫᐃᑭᑐᔭᓐ, ᐅᑮᐃᑰᓐ᙮
13ᒨᓯᔅ ᑮᐃᑭᑐ, ᑮᓐ ᑌᐯᒋᑫᔭᓐ, ᑕᑲ ᐸᑳᓐ ᐊᐎᔭ ᐃᔑᓂᔕᐅ ᐅᐅ ᒋᐃᔑᒋᑫᒡ, ᑮᐃᑭᑐ᙮
14ᒦᑕᔥ ᐅᐅ ᐊᐲ ᑳᑮ ᓂᔥᑭᐋᒡ ᑳᑎᐯᒋᑫᓂᒡ ᐅᐅ ᐁᑮᐃᑯᒡ, ᐊᐊ ᑕᔥ ᐐᓐ ᑮᒋᑭᐌᓯ ᐁᕒᐊᓐ Aaron ᓬᐄᐹᐃᕽ Levi ᑳᐅᑕᑳᓀᓯᒡ, ᓂᑭᑫᓂᒫ ᐅᔕ ᐁᓂᑖ ᑳᑮᑭᑐᒡ᙮ ᐃᓇᔥᑫ, ᐋᔕ ᐅᔕ ᑭᐱ ᐊᑕ ᓇᑭᔥᑳᒃ, ᐋᐱᒋ ᓴ ᑕᒥᓉᑕᒻ ᐊᐲ ᐙᐸᒥᒃ᙮ 15ᑮᓐ ᑕᔥ ᑭᑲ ᑲᑲᓅᓈ ᒋᐐᑕᒪᐗᒡ ᐋᓃᓐ ᑫᐃᑭᑐᒡ; ᑭᑲ ᐐᒋᐃᓂᓂᒻ ᓴ ᒥᒋᓃᔥ ᒋᑲᑭᑐᔦᒃ, ᑭᑲ ᑭᑭᓄᐊᒪᐎᓂᓂᒻ ᑲᔦ ᐋᓃᓐ ᑫᐃᔑᒋᑫᔦᒃ᙮ 16ᐐᓐ ᓴ ᑭᑲ ᑮᑭᑑᑕᒫᒃ ᐊᐲ ᑲᑲᓅᓂᒪᒡ ᐯᒫᑎᓯᓂᒡ, ᒦ ᓴ ᐃ ᑫᐃᓀᑖᑾᓂᓂᒃ ᐁᑲᓅᑕᒪᐎᒃ᙮ ᒦᑕᔥ ᒋᐃᓀᑖᑾᒃ ᑲᔦ ᑮᓐ ᑖᐱᔥᑰ ᐁᐅᑭᔐᒪᓂᑑᒥᒥᒃ ᒋᐐᑕᒪᐗᒡ ᐋᓃᓐ ᑫᐃᑭᑐᒡ᙮ 17ᒫᒌᑑᓐ ᐃᑕᔥ ᐅᐅ ᓴᑲᐅᓈᒃ, ᑫᐅᒋ ᑲᔥᑭᑑᔭᓐ ᒋᐃᔑᒋᑫᔭᓐ ᒫᒪᑳᒋ ᑭᑭᓇᐙᒋᒋᑲᓇᓐ, ᐅᑮᐃᑰᓐ᙮
ᒨᓯᔅ ᑮᔑᑮᐌᒡ ᐄᒋᐸᑮᕽ
18ᒨᓯᔅ Moses ᐃᑕᔥ ᐅᑮ ᑮᐌ ᐊᑕ ᐙᐸᒫᓐ ᐅᔑᔐᔕᓐ ᒉᑕᕒᐆᓐ Jethro ᐁᑮᐃᓈᒡ, ᑕᑲ ᐸᑭᑎᓂᔑᓐ ᒋᑮᐌᓄᑕᐗᒀ ᓃᒋᐱᒫᑎᓰᒪᒃ ᐄᒋᐸᑮᕽ Egypt ᐁᔮᐙᒡ, ᐁᐐ ᐊᑕ ᐙᐸᒪᒀ ᑕᑲ ᑫᔮᐱ ᒋᐱᒫᑎᓯᐙᑴᓐ, ᐅᑮᐃᓈᓐ᙮ ᒦᔥ ᑳᐃᑯᒡ, ᐱᓵᓐ ᒫᒑᓐ᙮
19ᒣᒀ ᓴ ᒨᓯᔅ ᑮᐊᔮᑯᐸᓀᓐ ᒥᑎᔭᓐ Midian ᐊᑮᕽ ᑳᑎᐯᒋᑫᓂᒡ ᑮᐃᑰᑯᐸᓐ, ᒫᒑᓐ, ᑮᐌ ᐃᔖᓐ ᐄᒋᐸᑮᕽ, ᑲᑭᓇ ᐅᔕ ᑳᐐ ᓂᓯᓄᒀᐸᓐ ᑳᐐᓐ ᐱᒫᑎᓯᓰᐗᒃ, ᑮᐃᑰᑯᐸᓐ᙮ 20ᒦᑕᔥ ᒨᓯᔅ ᑳᐃᔑ ᒫᒌᓈᒡ ᐐᐗᓐ, ᐅᑯᓯᓴᐞ ᑲᔦ ᐁᑮ ᐅᓇᐱᐋᒡ ᒫᔑᒥᑕᑎᒧᕽ, ᐁᑮ ᒫᒑᒡ ᐁᐃᔖᒡ ᐄᒋᐸᑮᕽ᙮ ᐅᑮ ᑕᑯ ᒫᒌᑑᓐ ᑭᔐᒪᓂᑑᓐ ᐅᓴᑲᐅᓈᑯᓂ᙮
21ᒦᑕᔥ ᑳᑎᐯᒋᑫᓂᒡ ᑳᐃᑯᒡ, ᐊᐲ ᓴ ᑕᑯᔑᓇᓐ ᐌᑎ ᐄᒋᐸᑮᕽ, ᑫᒋᓈᒡ ᓴ ᐃᔑᒋᑫᑲᓐ ᐁᓈᓴᒦᒡ ᐯᕒᐆ Pharaoh ᑲᑭᓇ ᒫᒪᑳᒋ ᑭᑭᓇᐙᒋᒋᑲᓇᓐ ᑳᑮ ᒦᓂᓈᓐ ᒋᑲᔥᑭᐁᐎᓯᔭᓐ ᒋᑑᑕᒪᓐ᙮ ᐋᒌᑫ ᐅᔕ ᓂᐐ ᑑᑕᐙ ᐯᕒᐆ ᒋᔕᔒᐱᑕᕽ ᒋᐸᑭᑎᓈᓯᒃ ᐯᒫᑎᓯᓂᒡ ᒋᒫᒑᓂᒡ᙮ 22ᒦᔥ ᐅᐅ ᑫᐃᓇᒡ ᐯᕒᐆ, ᒦ ᓴ ᐅ ᐁᑭᑐᒡ ᑳᑎᐯᒋᑫᒡ; ᐃᔅᕒᐃᔭᓬᐊᒃ Israel ᓴ ᓂᑯᓯᔅ ᓂᑎᓀᓂᒫᒃ, ᒫᐗᒡ ᓂᑕᒻ ᑳᑮ ᐅᑯᓯᓯᔮᓐ᙮ 23#Exo 12.29. ᒦᑕᔥ ᐁᓂᓈᓐ, ᑕᑲ ᐱᓵᓐ ᐸᑭᑎᓐ ᓂᑯᓯᔅ ᒋᒫᒑᒡ, ᒋᐊᓇᒥᐁᑕᐎᒡ᙮ ᑳᐐᓐ ᐃᑕᔥ ᑭᑎᓀᑕᓰ ᐃᐃ ᒋᐃᔑᒋᑫᔭᓐ; ᒦᔥ ᒋᓂᓴᒃ ᑭᑯᓯᔅ ᓂᑕᒻ ᑳᓂᑖᐎᑭᒡ, ᐅᑮᐃᑰᓐ ᒋᐃᑭᑐᒡ᙮
24ᑳᐃᔑ ᑲᐯᔑᐙᒡ ᐃᑕᔥ ᐁᐱᒥ ᐊᔮᐙᒡ, ᑳᑎᐯᒋᑫᓂᒡ ᒨᓯᔅ ᐅᑮ ᓇᑭᔥᑳᑰᓐ, ᐁᐐ ᓂᓯᑯᒡ᙮ 25-26ᐐᐗᓐ ᐃᑕᔥ ᓯᐴᕒᐊᐗᓐ Zipporah ᐅᑮ ᐅᑖᐱᓈᓂ ᑳᔖᐱᑲᓯᓃᓐ, ᐁᑮ ᑭᑭᓇᐙᑕᔕᑫᔣᓂᒡ ᐅᑯᓯᓯᓂ, ᒦᔥ ᑳᐃᔑ ᐊᐸᑭᑑᓂᒡ ᒨᓯᔅ ᐁᔑ ᓯᑌᑳᐸᐎᒡ᙮ ᐃᐃ ᑕᔥ ᑭᑭᓇᐙᑕᔕᑫᔑᑫᐎᓐ ᐅᐅ ᑳᑮ ᐅᒋᐃᑯᒡ, ᒦ ᓴ ᐃ ᐁᓀᓂᒥᓈᓐ ᓂᓈᐯᒻ ᑳᒥᔅᑸᐎᒡ ᑳᑭᑭᓇᐙᑕᔕᑫᔓᓐᒡ, ᐅᑮᐃᑰᓐ᙮ ᒦᑕᔥ ᑳᑎᐯᒋᑫᓂᒡ ᑳᐃᔑ ᐴᓂᐃᑯᒡ᙮
27ᑳᑎᐯᒋᑫᒡ ᐃᑕᔥ ᐅᑮᐃᓈᓐ ᐁᕒᐊᓅᓐ Aaron, ᐱᑾᑕᑲᒥᒃ ᐃᔖᓐ ᒋᐊᑕ ᓇᑭᔥᑲᐗᒡ ᒨᓯᔅ, ᐅᑮᐃᓈᓐ᙮ ᒦᑕᔥ ᐁᕒᐊᓐ ᑳᐃᔑ ᐃᔖᒡ ᐁᑮ ᐊᑕ ᓇᑭᔥᑲᐙᒡ ᒨᓯᓲᓐ ᐌᑎ ᑭᔐᒪᓂᑑ ᐅᐗᒌᒥᕽ, ᒦᔥ ᑲᔦ ᑳᐃᔑ ᐅᒌᒫᒡ᙮ 28ᒦᑕᔥ ᒨᓯᔅ ᑳᑮ ᐐᑕᒪᐙᒡ ᐁᕒᐊᓅᓐ ᑲᑭᓇ ᑳᑮ ᐃᑭᑐᓂᒡ ᑳᑎᐯᒋᑫᓂᒡ ᒋᐃᑭᑐᒡ ᐊᐲ ᑕᑯᔑᕽ ᐄᒋᐸᑮᕽ; ᐅᑮ ᐐᑕᒪᐙᓐ ᑲᔦ ᑲᑭᓇ ᒫᒪᑳᒋ ᑭᑭᓇᐙᒋᒋᑫᐎᓇᓐ ᑳᑮ ᐊᓅᓂᑯᒡ ᒋᐃᔑᒋᑫᒡ᙮ 29ᒦᔥ ᒨᓯᔅ ᐊᐊ ᑲᔦ ᐁᕒᐊᓐ ᑮᐃᔖᐗᒃ ᐄᒋᐸᑮᕽ ᐁᑮ ᒫᒪᐎ ᐊᑐᒫᐙᒡ ᑲᑭᓇ ᑳᓃᑳᓂᓯᓂᒡ ᐃᔅᕒᐃᔭᓬᐊᐞ Israel᙮ 30ᒦᑕᔥ ᐁᕒᐊᓐ ᑳᑮ ᐐᑕᒫᑫᒡ ᑲᑭᓇ ᑫᑰᓐ ᒨᓯᓲᓐ ᑳᑮ ᐃᑯᓂᒡ ᑳᑎᐯᒋᑫᓂᒡ᙮ ᒦᑕᔥ ᑳᑮ ᐃᔑ ᐃᔑᒋᑫᒡ ᒫᒪᑳᒋ ᑭᑭᓇᐙᒋᒋᑫᐎᓇᓐ ᐁᓈᓴᒦᓂᒡ ᐯᒫᑎᓯᓂᒡ᙮ 31ᐯᒫᑎᓯᐙᒡ ᓴ ᑮᑌᐺᑕᒨᒃ ᐊᐲ ᑳᓅᑕᒧᐙᒡ ᑳᑎᐯᒋᑫᓂᒡ ᐁᑰᐹᑌᓂᒥᑯᐙᒡ, ᐁᑮ ᐙᐸᑕᒥᓂᒡ ᑲᔦ ᐁᔑ ᑲᒀᑕᑭᐃᑣ᙮ ᒦᔥ ᑳᐃᔑ ᐊᒋᑕᐎᑴᑖᐙᒡ ᐁᑮ ᐊᓇᒥᐁᑕᐙᐙᒡ ᑭᔐᒪᓂᑑᓐ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society