ᐁᑭᓴᑕᔅ 3
3
ᑭᔐᒪᓂᑑ ᑮᑲᓅᓈᒡ ᒨᓯᓲᓐ
1ᐋᐱᑎᕽ ᑕᔥ ᐁᑮᔑᑲᓂᓂᒃ ᒨᓯᔅ Moses ᐅᑮ ᓈᓈᑲᒋᐋᐞ ᐅᒫᓇᒑᓂᔑᒥᓂ ᒉᑕᕒᐆᓐ Jethro ᐅᔑᔐᔕᓐ, ᑳᑮ ᐊᓇᒥᐁᐎᑭᒫᐎᓂᒡ ᐃᐃᒫ ᒥᑎᔭᓐ Midian ᐊᑮᕽ᙮ ᒦᑕᔥ ᑳᑮ ᐋᔕᐎᐎᓈᒡ ᐌᑎ ᐱᑾᑕᑲᒥᒃ, ᐲᓂᔥ ᐁᑮ ᐊᓂ ᑕᑯᔑᕽ ᑭᔐᒪᓂᑑ ᐅᐗᒌᒥᓃᕽ ᓵᐃᓇᐃ Sinai ᐁᒋᑳᑌᓂᒃ᙮ 2#Act 7.30-34. ᒦᑕᔥ ᐃᐃᒫ ᑳᑎᐯᒋᑫᓂᒡ ᐅᑌᒐᓬᐃᒥᓂ ᑳᐃᔑᓈᑯᓰᑖᑯᒡ ᒣᑴ ᐃᔥᑯᑌ ᐁᔑ ᐅᑯᑯᐹᓂᒃ᙮ ᒨᓯᔅ ᑕᔥ ᐅᑮ ᐙᐸᑖᓐ ᐃᐃ ᐌᑯᑯᐹᓂᒃ ᐁᓴᑭᑌᓂᒃ, ᑳᐐᓐ ᑕᔥ ᑮᐊᒀᑭᑌᓯᓂᓂ᙮ 3ᒦᑕᔥ ᑳᑮ ᐃᓀᑕᕽ, ᐁᑕᑕᐌ ᓂᒫᒪᑳᓯᓇᒻ, ᑕᑲ ᓂᑲ ᐸᑫ ᐁᐐ ᐙᐸᑕᒫᓐ ᐌᑯᓀᓐ ᐌᒋ ᐊᒀᑭᑌᓯᓄᒃ ᐃᐃ ᑳᐱᔅᑲᓀᒃ, ᑮᐃᓀᑕᒻ᙮
4ᐊᐲ ᑕᔥ ᐁᑮ ᐙᐸᒥᑯᒡ ᑭᔐᒪᓂᑑᓐ ᐁᐸᑫᒡ ᐁᐐ ᐃᓈᐱᒡ, ᒦ ᐃᒫ ᒣᑴᔭᐄ ᐁᔑ ᐅᑯᑯᐹᓂᒃ ᐅᑮ ᐅᒋ ᑲᓅᓂᑰᓐ ᑭᔐᒪᓂᑑᓐ ᐁᑮᐃᑯᒡ, ᒨᓯᔅ, ᒨᓯᔅ᙮ ᒦᔥ ᑳᐃᔑ ᓇᑴᑕᕽ, ᐅᐅᒫ ᓂᑕᔮ᙮ 5ᒦᔥ ᐅᐅ ᑳᐃᑯᒡ, ᑫᑯ ᐊᐗᔑᒣ ᐯᔓ ᐲᔖᑫᓐ, ᑮᒋᑯᔥᑲᓐ ᐃᓂ ᒪᑭᓯᓇᓐ ᑳᑭᑭᔥᑲᒪᓐ᙮ ᑯᑖᓀᑖᑾᓐ ᐄᑐᒃ ᐃᐃᒫ ᑳᔑ ᓃᐸᐎᔭᓐ᙮ 6ᓃᓐ ᓴ ᐌᑭᔐᒪᓂᑑᒥᐙᒡ ᑭᑫᑌᔭᐋᒪᒃ, ᐁᐸᕒᐊᐋᒻ Abraham, ᐋᐃᓯᒃ Isaac ᒉᑲᑉ Jacob ᑲᔦ ᓂᑐᑭᔐᒪᓂᑑᒥᒥᑰᒃ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᐋᑲᐐᑴᓂᑎᓱᒡ ᐁᑮ ᓭᑭᓯᒡ ᒋᑲᓇᐙᐸᒫᒡ ᑭᔐᒪᓂᑑᓐ᙮
7ᒦᑕᔥ ᑳᐊᓂᐃᑯᒡ ᑳᑎᐯᒋᑫᓂᒡ, ᑌᐺ ᓴ ᓂᐙᐸᑕᒧᐙᓐ ᑳᔑ ᓈᑲᒋᐋᓯᐎᑣ ᑳᑎᐯᓂᒪᒀ ᐯᒫᑎᓯᐙᒡ ᐁᔮᐙᒡ ᐄᒋᐸᑮᕽ Egypt᙮ ᓂᓅᑕᐙᒃ ᓴ ᑮᔖᑯᐙᔑᐙᒡ ᒋᓈᑕᒪᐗᒀ ᐃᐃ ᐅᒋ ᑳᑲᒀᑕᑭ ᒥᑕᓄᑮᐃᑣ᙮ ᓂᑭᑫᑕᒧᐙᓐ ᑲᔦ ᐃᐃ ᑳᔑ ᑲᒀᑕᑭᑑᐙᒡ᙮ 8ᐋᔕ ᑲᔦ ᓂᑮ ᐱ ᓈᔒ ᐁᐐ ᔖᐾᐊᒀ ᑳᔑ ᒪᔥᑲᐎᓰᓂᒡ ᐄᒋᑉ ᑳᑎᓄᐎᓂᒡ᙮ ᓂᐐ ᓵᑭᒋᐎᓈᒃ ᑲᔦ ᐃᐃᒫ ᐊᑮᕽ ᐁᔑᐊᔮᐙᒡ, ᐁᐐ ᐃᔑᐎᓇᒀ ᐊᑮᕽ ᑳᔑ ᐅᓂᔑᔑᓂᓂᒃ, ᑳᔑ ᒪᑭᑕᐙᓂᒃ ᑲᔦ᙮ ᐐᑫ ᑲᔦ ᐌᓅᑕᓐ ᐃᐃ ᐊᑭ, ᑫᑰᓐ ᐃᐃᒫ ᐁᐗᑫ ᓂᑖᐎᑭᕽ᙮ ᐯᐸᑳᓉᐙᓇᑭᓯᐗᒃ ᐯᒫᑎᓯᐙᒡ ᐃᑕᔥ ᐌᑎ ᑳᑖᐙᒡ, ᑫᓇᓐ ᑳᑎᓄᐎᐙᒡ Canaanites, ᑲᔦ ᐁᑦ Hittites, ᐁᒧᕒᐄ Amorites, ᐯᕒᐃᓰ Perizzites, ᑭᐲ Hivites, ᐃᑭ ᑲᔦ ᒌᐸᔅ Jebusites ᑳᑎᓄᐎᐙᒡ᙮ 9ᐃᓇᔥᑫ ᑕᔥ ᓂᓅᑕᐙᒃ ᐃᔅᕒᐃᔭᓬᐊᒃ ᐁᔖᑯᐙᔑᐙᒡ᙮ ᓂᐙᐸᑕᒧᐙᓐ ᑲᔦ ᐋᓃᓐ ᐁᔑ ᒪᓈᒋᐃᑯᓯᒀ ᐄᒋᑉ ᑳᐊᔮᓂᒡ᙮ 10ᑮᓐ ᑕᔥ ᓅᑯᒻ ᑭᐐ ᐃᔑᓂᔕᐅᓐ ᒋᐊᑕ ᐙᐸᒪᒡ ᑭᒋᐅᑭᒫ ᐯᕒᐆ Pharaoh, ᑮᓐ ᓴ ᒋᐱᐅᒋ ᓵᑭᒋᐎᓇᑣ ᐯᒫᑎᓯᐙᒡ ᐃᔅᕒᐃᔭᓬᐊᒃ ᐌᑎ ᐄᒋᐸᑮᕽ, ᐅᑮᐃᑰᓐ᙮
11ᒨᓯᔅ ᑕᔥ ᐅᑮ ᐃᔑ ᓇᑴᑕᐙᓐ ᑭᔐᒪᓂᑑᓐ, ᐊᐌᓀᓐ ᓃᓐ ᑌᓄᐎᔮᓐ ᒋᐊᑕ ᐙᐸᒪᑭᐸᓐ ᑭᒋᐅᑭᒫ ᐯᕒᐆ, ᒋᓵᑭᒋᐎᓇᒀᐸᓐ ᐃᔅᕒᐃᔭᓬᐊᒃ Israel ᐌᑎ ᐄᒋᐸᑮᕽ?
12ᒦᔥ ᐅᐅ ᑭᔐᒪᓂᑑᓐ ᑳᐃᑯᒡ, ᑌᐺ ᓴ ᑭᑲ ᐐᒌᐎᓐ, ᐊᐲ ᑕᔥ ᓵᑭᒋᐎᓇᑣ ᓂᐱᒫᑎᓰᒪᒃ ᐌᑎ ᐄᒋᐸᑮᕽ ᒦ ᓴ ᐅᐅᒫ ᑭᒋ ᐗᒌᕽ ᑫᑕᔑ ᐊᓇᒥᐁᑕᐎᔦᒃ᙮ ᒦ ᓴ ᑕᔥ ᐃᐃ ᑫᔑ ᑭᑭᓇᐙᒋᑕᒪᐎᓈᓐ ᓃᓐ ᐁᑮ ᐃᔑᓂᔕᐅᓈᓐ, ᐅᑮᐃᑰᓐ᙮
13 # Exo 6.2,3. ᒦᔥ ᐅᐅ ᑳᐃᓈᒡ ᑭᔐᒪᓂᑑᓐ, ᐃᓇᔥᑫ ᐊᐲ ᐊᑕ ᐙᐸᒪᒀ ᐃᔅᕒᐃᔭᓬᐊᒃ ᐃᓇᒀ, ᑳᑮ ᐅᑭᔐᒪᓂᑑᒥᐙᒡ ᑭᑫᑌᔭᐋᒥᓈᓂᒃ ᓴ ᓂᑮ ᐲᒋᓂᔕᐅᒃ ᐅᐅᒫ ᐁᔑᐊᔮᔦᒃ᙮ ᑫᒋᓈᒡ ᐄᑐᒃ ᓂᑲᐃᑰᒃ, ᐋᓃᓐ ᐃᑕᔥ ᐁᔑᓂᑳᓱᒡ? ᐋᓃᓐ ᐃᑕᔥ ᑫᐃᓇᒀ?
14 # Rev 1.4,8. ᒦᑕᔥ ᐅᐅ ᑭᔐᒪᓂᑑᓐ ᑳᐃᑯᒡ ᒨᓯᔅ, ᓃᓐ ᓴ ᐊᐊ ᓂᑎᓄᐤ ᑳᑎᓄᐎᔮᓐ᙮ ᒦ ᓴ ᐃ ᑫᐃᓇᑣ, ᐊᐊ ᓴ ᓂᑎᓄᐤ ᐁᔑᓂᑳᓱᒡ ᓂᑮ ᐲᒋᓂᔕᐅᒃ᙮ 15ᐐᑕᒪᐤ ᐃᔅᕒᐃᔭᓬᐊᒃ, ᓃᓐ ᑳᑎᐯᒋᑫᒡ, ᐌᑭᔐᒪᓂᑑᒥᐙᒡ ᑭᑫᑌᔭᐋᒥᐙᒃ ᐁᐸᕒᐊᐋᒻ, ᐋᐃᓯᒃ, ᐊᐊ ᑲᔦ ᒉᑲᑉ, ᒦ ᓴ ᐊᐊᐌ ᑳᐲᒋᓂᔕᐅᒡ᙮ ᒦ ᓴ ᐃᐌ ᑫᓀᐱᒋ ᐃᔑᓂᑳᓱᔮᓐ, ᑫᐅᒋ ᑭᑭᓇᐙᒋ ᓂᑳᔑᐙᒡ ᑲᑭᓇ ᐊᐎᔭᒃ ᑫᓂ ᐊᔮᓂᑫ ᐱᒫᑎᓯᐙᒡ᙮ 16ᒫᒑᓐ ᒫᐗᑑᓐ ᐃᔅᕒᐃᔭᓬᐊᒃ ᑳᓃᑳᓂᓯᐙᒡ ᒋᐅᑯ ᐊᔮᐙᒡ ᐅᐅ ᒋᐃᓇᑣ, ᑳᑎᐯᒋᑫᒡ ᐌᑭᔐᒪᓂᑑᒥᐙᒡ ᑭᑫᑌᔭᐋᒥᓈᓃᒃ ᐁᐸᕒᐊᐋᒻ, ᐋᐃᓯᒃ, ᐊᐊ ᑲᔦ ᒉᑲᑉ, ᐐᓐ ᓴ ᑯ ᓂᑮ ᓈᑯᓰᑖᒃ, ᒦᑕᔥ ᐅᐅᐌ ᑳᐃᑭᑐᒡ, ᑌᐺ ᓴ ᑭᓈᓈᑲᑕᐌᓂᒥᓂᓂᒻ ᐃᐃ ᑳᑑᑖᑰᔦᒃ ᐃᐃᒫ ᐄᒋᐸᑮᕽ᙮ 17ᒦᑕᔥ ᐅᐅ ᐁᓂᓇᑰᒃ, ᐁᐐ ᓵᑭᓯᐃᓇᑰᒃ ᐃᐃᒫ ᑳᔑ ᒪᓈᒋᐃᑰᓯᐌᒃ ᐄᒋᐸᑮᕽ, ᑭᑲ ᐃᔑᐎᓂᓂᒻ ᐌᑎ ᐁᔑᐊᔮᐙᒡ ᑫᓇᓐ ᑳᑎᓄᐎᐙᒡ, ᑲᔦ ᐁᑦ, ᐁᒧᕒᐄ, ᐯᕒᐃᓰ, ᑭᐲ, ᐃᑭ ᑲᔦ ᒌᐸᔅ ᑳᑎᓄᐎᐙᒡ᙮ ᐋᐱᒋ ᑕᔥ ᐌᓅᑕᓐ ᐃᐃ ᐊᑭ, ᐋᐱᒋ ᑲᔦ ᑫᑰᓐ ᐗᑫ ᓂᑖᐎᑭᓐ ᐌᑎ᙮
18ᑭᑲ ᐱᓯᑖᑰᒃ ᓴ ᐋᓃᓐ ᑫᐃᓇᑣ ᓂᐱᒫᑎᓰᒪᒃ᙮ ᒦᑕᔥ ᐃᐃ ᑫᔑ ᒫᒌᓇᑣ ᐃᔅᕒᐃᔭᓬᐊᒃ ᑳᓃᑳᓂᓯᐙᒡ ᒋᐊᑕ ᐙᐸᒣᒃ ᑳᑭᒋᐅᑭᒫᐎᒡ ᐃᐃᒫ ᐄᒋᐸᑮᕽ᙮ ᒦᑕᔥ ᐅᐅ ᑫᐃᓀᒃ, ᑳᑎᐯᒋᑫᒡ ᐌᑭᔐᒪᓂᑑᒥᐙᒡ ᐄᐸᕒᐆᐗᒃ Hebrews ᓂᑮ ᓈᑯᓰᑖᑯᓈᓐ᙮ ᑕᑲ ᑕᔥ ᓅᑯᒻ ᐸᑭᑎᓂᔑᓈᒻ ᓂᓱᑮᔑᒃ ᒋᐃᔖᔮᕽ ᐌᑎ ᐱᑾᑕᑲᒥᒃ ᒋᐊᐎ ᐸᑭᑎᓈᓲᑕᒪᐗᑭᒡ ᑳᑎᐯᒋᑫᒡ ᐌᑭᔐᒪᓂᑑᒥᔮᕽ᙮ 19ᓂᑭᑫᑖᓐ ᑲᔦ ᑳᑭᒋᐅᑭᒫᐎᒡ ᐃᐃᒫ ᐄᒋᐸᑮᕽ ᒋᐸᑭᑎᓄᐎᓯᓄᐎᓀᒃ ᒋᒫᒑᔦᒃ, ᐹᓂᒫ ᓴ ᒪᔥᑲᐎ ᑑᑕᐎᓐᒡ ᒦ ᐃ ᐸᔦᔥ ᒋᐸᑭᑎᓂᓀᒃ᙮ 20ᓂᒪᔥᑲᐎᓰᐎᓐ ᓴ ᐁᐐ ᐋᐸᒋᑑᔮᓐ ᐁᐐ ᓇᓇᐊᓴᒀ ᐄᒋᐸᑮᕽ ᑳᐊᔮᐙᒡ ᐁᐐ ᑑᑕᒫᓐ ᓂᒫᒪᑳᒋᒋᑫᐎᓇᓐ᙮ ᒦᑕᔥ ᐃᐃ ᐊᐲ ᑫᐸᑭᑎᓂᓀᒃ ᒋᒫᒑᔦᒃ᙮
21 # Exo 12.35,36. ᓂᑲ ᐃᔑᐋᒃ ᓴ ᑲᔦ ᐄᒋᑉ ᑳᐊᔮᐙᒡ ᒋᑭᑌᓂᒥᓀᒀ, ᐊᐲ ᓴ ᒫᒑᔦᒃ ᑳᑎᐯᓂᒥᓇᑰᒃ, ᑳᐐᓐ ᑕᑸᓇᐎ ᐅᒌᓯᓅᓐ ᑫᒫᒌᑑᔦᒃ᙮ 22ᐁᑕᔑᐙᒡ ᓴ ᐄᐸᕒᐆᐎᑴᐗᒃ ᐅᑲ ᓈᓯᑲᐙᐙᐞ ᐯᔓ ᑳᐐᒋᑖᒫᐙᒡ, ᐃᐃ ᑲᔦ ᐄᒋᐲᐎᑴᐗᐞ ᑳᑖᓂᒡ ᐅᐙᑳᐃᑲᓂᐙᕽ᙮ ᐅᑲ ᐊᑐᑕᒪᐙᐙᐞ ᓴ ᑭᑭᔥᑭᑲᓇᓐ, ᑳᐅᓵᐎ ᔔᓂᔮ ᐙᐱᑯᐗᓂᓂᑭᓐ, ᑳᐙᐹᐱᑯ ᔔᓂᔮ ᐙᐱᑯᐗᓂᓂᑭᓐ ᑲᔦ ᐗᐌᔑᐅᓇᓐ᙮ ᐅᑯᓯᓯᐙᐞ, ᐅᑖᓂᓯᐙᐞ ᐃᑕᔥ ᑲᔦ ᐅᑲ ᐱᓯᑲᒧᐋᐙᐞ ᒋᒫᒌᑖᐌᒃ ᑳᔑ ᐌᓅᑎᓯᐙᒡ ᐄᒋᐸᑮᕽ ᑳᐊᔮᐙᒡ, ᐅᑮᐃᑰᓐ ᑭᔐᒪᓂᑑᓐ᙮
Currently Selected:
ᐁᑭᓴᑕᔅ 3: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 3
3
ᑭᔐᒪᓂᑑ ᑮᑲᓅᓈᒡ ᒨᓯᓲᓐ
1ᐋᐱᑎᕽ ᑕᔥ ᐁᑮᔑᑲᓂᓂᒃ ᒨᓯᔅ Moses ᐅᑮ ᓈᓈᑲᒋᐋᐞ ᐅᒫᓇᒑᓂᔑᒥᓂ ᒉᑕᕒᐆᓐ Jethro ᐅᔑᔐᔕᓐ, ᑳᑮ ᐊᓇᒥᐁᐎᑭᒫᐎᓂᒡ ᐃᐃᒫ ᒥᑎᔭᓐ Midian ᐊᑮᕽ᙮ ᒦᑕᔥ ᑳᑮ ᐋᔕᐎᐎᓈᒡ ᐌᑎ ᐱᑾᑕᑲᒥᒃ, ᐲᓂᔥ ᐁᑮ ᐊᓂ ᑕᑯᔑᕽ ᑭᔐᒪᓂᑑ ᐅᐗᒌᒥᓃᕽ ᓵᐃᓇᐃ Sinai ᐁᒋᑳᑌᓂᒃ᙮ 2#Act 7.30-34. ᒦᑕᔥ ᐃᐃᒫ ᑳᑎᐯᒋᑫᓂᒡ ᐅᑌᒐᓬᐃᒥᓂ ᑳᐃᔑᓈᑯᓰᑖᑯᒡ ᒣᑴ ᐃᔥᑯᑌ ᐁᔑ ᐅᑯᑯᐹᓂᒃ᙮ ᒨᓯᔅ ᑕᔥ ᐅᑮ ᐙᐸᑖᓐ ᐃᐃ ᐌᑯᑯᐹᓂᒃ ᐁᓴᑭᑌᓂᒃ, ᑳᐐᓐ ᑕᔥ ᑮᐊᒀᑭᑌᓯᓂᓂ᙮ 3ᒦᑕᔥ ᑳᑮ ᐃᓀᑕᕽ, ᐁᑕᑕᐌ ᓂᒫᒪᑳᓯᓇᒻ, ᑕᑲ ᓂᑲ ᐸᑫ ᐁᐐ ᐙᐸᑕᒫᓐ ᐌᑯᓀᓐ ᐌᒋ ᐊᒀᑭᑌᓯᓄᒃ ᐃᐃ ᑳᐱᔅᑲᓀᒃ, ᑮᐃᓀᑕᒻ᙮
4ᐊᐲ ᑕᔥ ᐁᑮ ᐙᐸᒥᑯᒡ ᑭᔐᒪᓂᑑᓐ ᐁᐸᑫᒡ ᐁᐐ ᐃᓈᐱᒡ, ᒦ ᐃᒫ ᒣᑴᔭᐄ ᐁᔑ ᐅᑯᑯᐹᓂᒃ ᐅᑮ ᐅᒋ ᑲᓅᓂᑰᓐ ᑭᔐᒪᓂᑑᓐ ᐁᑮᐃᑯᒡ, ᒨᓯᔅ, ᒨᓯᔅ᙮ ᒦᔥ ᑳᐃᔑ ᓇᑴᑕᕽ, ᐅᐅᒫ ᓂᑕᔮ᙮ 5ᒦᔥ ᐅᐅ ᑳᐃᑯᒡ, ᑫᑯ ᐊᐗᔑᒣ ᐯᔓ ᐲᔖᑫᓐ, ᑮᒋᑯᔥᑲᓐ ᐃᓂ ᒪᑭᓯᓇᓐ ᑳᑭᑭᔥᑲᒪᓐ᙮ ᑯᑖᓀᑖᑾᓐ ᐄᑐᒃ ᐃᐃᒫ ᑳᔑ ᓃᐸᐎᔭᓐ᙮ 6ᓃᓐ ᓴ ᐌᑭᔐᒪᓂᑑᒥᐙᒡ ᑭᑫᑌᔭᐋᒪᒃ, ᐁᐸᕒᐊᐋᒻ Abraham, ᐋᐃᓯᒃ Isaac ᒉᑲᑉ Jacob ᑲᔦ ᓂᑐᑭᔐᒪᓂᑑᒥᒥᑰᒃ, ᐅᑮᐃᑰᓐ᙮ ᒦᑕᔥ ᒨᓯᔅ ᑳᐃᔑ ᐋᑲᐐᑴᓂᑎᓱᒡ ᐁᑮ ᓭᑭᓯᒡ ᒋᑲᓇᐙᐸᒫᒡ ᑭᔐᒪᓂᑑᓐ᙮
7ᒦᑕᔥ ᑳᐊᓂᐃᑯᒡ ᑳᑎᐯᒋᑫᓂᒡ, ᑌᐺ ᓴ ᓂᐙᐸᑕᒧᐙᓐ ᑳᔑ ᓈᑲᒋᐋᓯᐎᑣ ᑳᑎᐯᓂᒪᒀ ᐯᒫᑎᓯᐙᒡ ᐁᔮᐙᒡ ᐄᒋᐸᑮᕽ Egypt᙮ ᓂᓅᑕᐙᒃ ᓴ ᑮᔖᑯᐙᔑᐙᒡ ᒋᓈᑕᒪᐗᒀ ᐃᐃ ᐅᒋ ᑳᑲᒀᑕᑭ ᒥᑕᓄᑮᐃᑣ᙮ ᓂᑭᑫᑕᒧᐙᓐ ᑲᔦ ᐃᐃ ᑳᔑ ᑲᒀᑕᑭᑑᐙᒡ᙮ 8ᐋᔕ ᑲᔦ ᓂᑮ ᐱ ᓈᔒ ᐁᐐ ᔖᐾᐊᒀ ᑳᔑ ᒪᔥᑲᐎᓰᓂᒡ ᐄᒋᑉ ᑳᑎᓄᐎᓂᒡ᙮ ᓂᐐ ᓵᑭᒋᐎᓈᒃ ᑲᔦ ᐃᐃᒫ ᐊᑮᕽ ᐁᔑᐊᔮᐙᒡ, ᐁᐐ ᐃᔑᐎᓇᒀ ᐊᑮᕽ ᑳᔑ ᐅᓂᔑᔑᓂᓂᒃ, ᑳᔑ ᒪᑭᑕᐙᓂᒃ ᑲᔦ᙮ ᐐᑫ ᑲᔦ ᐌᓅᑕᓐ ᐃᐃ ᐊᑭ, ᑫᑰᓐ ᐃᐃᒫ ᐁᐗᑫ ᓂᑖᐎᑭᕽ᙮ ᐯᐸᑳᓉᐙᓇᑭᓯᐗᒃ ᐯᒫᑎᓯᐙᒡ ᐃᑕᔥ ᐌᑎ ᑳᑖᐙᒡ, ᑫᓇᓐ ᑳᑎᓄᐎᐙᒡ Canaanites, ᑲᔦ ᐁᑦ Hittites, ᐁᒧᕒᐄ Amorites, ᐯᕒᐃᓰ Perizzites, ᑭᐲ Hivites, ᐃᑭ ᑲᔦ ᒌᐸᔅ Jebusites ᑳᑎᓄᐎᐙᒡ᙮ 9ᐃᓇᔥᑫ ᑕᔥ ᓂᓅᑕᐙᒃ ᐃᔅᕒᐃᔭᓬᐊᒃ ᐁᔖᑯᐙᔑᐙᒡ᙮ ᓂᐙᐸᑕᒧᐙᓐ ᑲᔦ ᐋᓃᓐ ᐁᔑ ᒪᓈᒋᐃᑯᓯᒀ ᐄᒋᑉ ᑳᐊᔮᓂᒡ᙮ 10ᑮᓐ ᑕᔥ ᓅᑯᒻ ᑭᐐ ᐃᔑᓂᔕᐅᓐ ᒋᐊᑕ ᐙᐸᒪᒡ ᑭᒋᐅᑭᒫ ᐯᕒᐆ Pharaoh, ᑮᓐ ᓴ ᒋᐱᐅᒋ ᓵᑭᒋᐎᓇᑣ ᐯᒫᑎᓯᐙᒡ ᐃᔅᕒᐃᔭᓬᐊᒃ ᐌᑎ ᐄᒋᐸᑮᕽ, ᐅᑮᐃᑰᓐ᙮
11ᒨᓯᔅ ᑕᔥ ᐅᑮ ᐃᔑ ᓇᑴᑕᐙᓐ ᑭᔐᒪᓂᑑᓐ, ᐊᐌᓀᓐ ᓃᓐ ᑌᓄᐎᔮᓐ ᒋᐊᑕ ᐙᐸᒪᑭᐸᓐ ᑭᒋᐅᑭᒫ ᐯᕒᐆ, ᒋᓵᑭᒋᐎᓇᒀᐸᓐ ᐃᔅᕒᐃᔭᓬᐊᒃ Israel ᐌᑎ ᐄᒋᐸᑮᕽ?
12ᒦᔥ ᐅᐅ ᑭᔐᒪᓂᑑᓐ ᑳᐃᑯᒡ, ᑌᐺ ᓴ ᑭᑲ ᐐᒌᐎᓐ, ᐊᐲ ᑕᔥ ᓵᑭᒋᐎᓇᑣ ᓂᐱᒫᑎᓰᒪᒃ ᐌᑎ ᐄᒋᐸᑮᕽ ᒦ ᓴ ᐅᐅᒫ ᑭᒋ ᐗᒌᕽ ᑫᑕᔑ ᐊᓇᒥᐁᑕᐎᔦᒃ᙮ ᒦ ᓴ ᑕᔥ ᐃᐃ ᑫᔑ ᑭᑭᓇᐙᒋᑕᒪᐎᓈᓐ ᓃᓐ ᐁᑮ ᐃᔑᓂᔕᐅᓈᓐ, ᐅᑮᐃᑰᓐ᙮
13 # Exo 6.2,3. ᒦᔥ ᐅᐅ ᑳᐃᓈᒡ ᑭᔐᒪᓂᑑᓐ, ᐃᓇᔥᑫ ᐊᐲ ᐊᑕ ᐙᐸᒪᒀ ᐃᔅᕒᐃᔭᓬᐊᒃ ᐃᓇᒀ, ᑳᑮ ᐅᑭᔐᒪᓂᑑᒥᐙᒡ ᑭᑫᑌᔭᐋᒥᓈᓂᒃ ᓴ ᓂᑮ ᐲᒋᓂᔕᐅᒃ ᐅᐅᒫ ᐁᔑᐊᔮᔦᒃ᙮ ᑫᒋᓈᒡ ᐄᑐᒃ ᓂᑲᐃᑰᒃ, ᐋᓃᓐ ᐃᑕᔥ ᐁᔑᓂᑳᓱᒡ? ᐋᓃᓐ ᐃᑕᔥ ᑫᐃᓇᒀ?
14 # Rev 1.4,8. ᒦᑕᔥ ᐅᐅ ᑭᔐᒪᓂᑑᓐ ᑳᐃᑯᒡ ᒨᓯᔅ, ᓃᓐ ᓴ ᐊᐊ ᓂᑎᓄᐤ ᑳᑎᓄᐎᔮᓐ᙮ ᒦ ᓴ ᐃ ᑫᐃᓇᑣ, ᐊᐊ ᓴ ᓂᑎᓄᐤ ᐁᔑᓂᑳᓱᒡ ᓂᑮ ᐲᒋᓂᔕᐅᒃ᙮ 15ᐐᑕᒪᐤ ᐃᔅᕒᐃᔭᓬᐊᒃ, ᓃᓐ ᑳᑎᐯᒋᑫᒡ, ᐌᑭᔐᒪᓂᑑᒥᐙᒡ ᑭᑫᑌᔭᐋᒥᐙᒃ ᐁᐸᕒᐊᐋᒻ, ᐋᐃᓯᒃ, ᐊᐊ ᑲᔦ ᒉᑲᑉ, ᒦ ᓴ ᐊᐊᐌ ᑳᐲᒋᓂᔕᐅᒡ᙮ ᒦ ᓴ ᐃᐌ ᑫᓀᐱᒋ ᐃᔑᓂᑳᓱᔮᓐ, ᑫᐅᒋ ᑭᑭᓇᐙᒋ ᓂᑳᔑᐙᒡ ᑲᑭᓇ ᐊᐎᔭᒃ ᑫᓂ ᐊᔮᓂᑫ ᐱᒫᑎᓯᐙᒡ᙮ 16ᒫᒑᓐ ᒫᐗᑑᓐ ᐃᔅᕒᐃᔭᓬᐊᒃ ᑳᓃᑳᓂᓯᐙᒡ ᒋᐅᑯ ᐊᔮᐙᒡ ᐅᐅ ᒋᐃᓇᑣ, ᑳᑎᐯᒋᑫᒡ ᐌᑭᔐᒪᓂᑑᒥᐙᒡ ᑭᑫᑌᔭᐋᒥᓈᓃᒃ ᐁᐸᕒᐊᐋᒻ, ᐋᐃᓯᒃ, ᐊᐊ ᑲᔦ ᒉᑲᑉ, ᐐᓐ ᓴ ᑯ ᓂᑮ ᓈᑯᓰᑖᒃ, ᒦᑕᔥ ᐅᐅᐌ ᑳᐃᑭᑐᒡ, ᑌᐺ ᓴ ᑭᓈᓈᑲᑕᐌᓂᒥᓂᓂᒻ ᐃᐃ ᑳᑑᑖᑰᔦᒃ ᐃᐃᒫ ᐄᒋᐸᑮᕽ᙮ 17ᒦᑕᔥ ᐅᐅ ᐁᓂᓇᑰᒃ, ᐁᐐ ᓵᑭᓯᐃᓇᑰᒃ ᐃᐃᒫ ᑳᔑ ᒪᓈᒋᐃᑰᓯᐌᒃ ᐄᒋᐸᑮᕽ, ᑭᑲ ᐃᔑᐎᓂᓂᒻ ᐌᑎ ᐁᔑᐊᔮᐙᒡ ᑫᓇᓐ ᑳᑎᓄᐎᐙᒡ, ᑲᔦ ᐁᑦ, ᐁᒧᕒᐄ, ᐯᕒᐃᓰ, ᑭᐲ, ᐃᑭ ᑲᔦ ᒌᐸᔅ ᑳᑎᓄᐎᐙᒡ᙮ ᐋᐱᒋ ᑕᔥ ᐌᓅᑕᓐ ᐃᐃ ᐊᑭ, ᐋᐱᒋ ᑲᔦ ᑫᑰᓐ ᐗᑫ ᓂᑖᐎᑭᓐ ᐌᑎ᙮
18ᑭᑲ ᐱᓯᑖᑰᒃ ᓴ ᐋᓃᓐ ᑫᐃᓇᑣ ᓂᐱᒫᑎᓰᒪᒃ᙮ ᒦᑕᔥ ᐃᐃ ᑫᔑ ᒫᒌᓇᑣ ᐃᔅᕒᐃᔭᓬᐊᒃ ᑳᓃᑳᓂᓯᐙᒡ ᒋᐊᑕ ᐙᐸᒣᒃ ᑳᑭᒋᐅᑭᒫᐎᒡ ᐃᐃᒫ ᐄᒋᐸᑮᕽ᙮ ᒦᑕᔥ ᐅᐅ ᑫᐃᓀᒃ, ᑳᑎᐯᒋᑫᒡ ᐌᑭᔐᒪᓂᑑᒥᐙᒡ ᐄᐸᕒᐆᐗᒃ Hebrews ᓂᑮ ᓈᑯᓰᑖᑯᓈᓐ᙮ ᑕᑲ ᑕᔥ ᓅᑯᒻ ᐸᑭᑎᓂᔑᓈᒻ ᓂᓱᑮᔑᒃ ᒋᐃᔖᔮᕽ ᐌᑎ ᐱᑾᑕᑲᒥᒃ ᒋᐊᐎ ᐸᑭᑎᓈᓲᑕᒪᐗᑭᒡ ᑳᑎᐯᒋᑫᒡ ᐌᑭᔐᒪᓂᑑᒥᔮᕽ᙮ 19ᓂᑭᑫᑖᓐ ᑲᔦ ᑳᑭᒋᐅᑭᒫᐎᒡ ᐃᐃᒫ ᐄᒋᐸᑮᕽ ᒋᐸᑭᑎᓄᐎᓯᓄᐎᓀᒃ ᒋᒫᒑᔦᒃ, ᐹᓂᒫ ᓴ ᒪᔥᑲᐎ ᑑᑕᐎᓐᒡ ᒦ ᐃ ᐸᔦᔥ ᒋᐸᑭᑎᓂᓀᒃ᙮ 20ᓂᒪᔥᑲᐎᓰᐎᓐ ᓴ ᐁᐐ ᐋᐸᒋᑑᔮᓐ ᐁᐐ ᓇᓇᐊᓴᒀ ᐄᒋᐸᑮᕽ ᑳᐊᔮᐙᒡ ᐁᐐ ᑑᑕᒫᓐ ᓂᒫᒪᑳᒋᒋᑫᐎᓇᓐ᙮ ᒦᑕᔥ ᐃᐃ ᐊᐲ ᑫᐸᑭᑎᓂᓀᒃ ᒋᒫᒑᔦᒃ᙮
21 # Exo 12.35,36. ᓂᑲ ᐃᔑᐋᒃ ᓴ ᑲᔦ ᐄᒋᑉ ᑳᐊᔮᐙᒡ ᒋᑭᑌᓂᒥᓀᒀ, ᐊᐲ ᓴ ᒫᒑᔦᒃ ᑳᑎᐯᓂᒥᓇᑰᒃ, ᑳᐐᓐ ᑕᑸᓇᐎ ᐅᒌᓯᓅᓐ ᑫᒫᒌᑑᔦᒃ᙮ 22ᐁᑕᔑᐙᒡ ᓴ ᐄᐸᕒᐆᐎᑴᐗᒃ ᐅᑲ ᓈᓯᑲᐙᐙᐞ ᐯᔓ ᑳᐐᒋᑖᒫᐙᒡ, ᐃᐃ ᑲᔦ ᐄᒋᐲᐎᑴᐗᐞ ᑳᑖᓂᒡ ᐅᐙᑳᐃᑲᓂᐙᕽ᙮ ᐅᑲ ᐊᑐᑕᒪᐙᐙᐞ ᓴ ᑭᑭᔥᑭᑲᓇᓐ, ᑳᐅᓵᐎ ᔔᓂᔮ ᐙᐱᑯᐗᓂᓂᑭᓐ, ᑳᐙᐹᐱᑯ ᔔᓂᔮ ᐙᐱᑯᐗᓂᓂᑭᓐ ᑲᔦ ᐗᐌᔑᐅᓇᓐ᙮ ᐅᑯᓯᓯᐙᐞ, ᐅᑖᓂᓯᐙᐞ ᐃᑕᔥ ᑲᔦ ᐅᑲ ᐱᓯᑲᒧᐋᐙᐞ ᒋᒫᒌᑖᐌᒃ ᑳᔑ ᐌᓅᑎᓯᐙᒡ ᐄᒋᐸᑮᕽ ᑳᐊᔮᐙᒡ, ᐅᑮᐃᑰᓐ ᑭᔐᒪᓂᑑᓐ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society