YouVersion Logo
Search Icon

ᐁᑭᓴᑕᔅ 17

17
ᓂᐱ ᑮᐅᒋᒋᐗᕽ ᐋᓴᒫᐱᒃ
1 # Num 20.2-13. ᑲᑭᓇ ᑕᔥ ᐃᑯ ᐁᑕᔑᐙᒡ ᐃᔅᕒᐃᔭᓬᐊᒃ Israel ᐅᑮ ᓇᑲᑖᓈᐙ ᓯᓐ Zin ᐁᔑᓂᑳᑌᓂᒃ ᐱᑾᑕᑲᒥᒃ, ᐁᑮ ᐸᐹᒥᑯᓯᐙᒡ ᐁᑮ ᐃᔑᒋᑫᐙᒡ ᑳᑮᐃᑯᐙᒡ ᑳᑎᐯᒋᑫᓂᒡ᙮ ᐌᑎ ᑕᔥ ᐅᕒᐁᐱᑎᒥᕽ Rephidim ᑮᐃᔑ ᑲᐯᔑᐗᒃ, ᑳᐐᓐ ᑕᔥ ᓂᐱ ᐅᑮ ᐊᔮᓰᓈᐙ᙮ 2ᐅᑮ ᑭᒋ ᑲᑲᓅᓈᐙᓐ ᑕᔥ ᒨᓯᓲᓐ Moses ᐁᑮᐃᓈᐙᒡ, ᒥᓇᐃᔑᓈᒻ ᓂᐱ ᑫᒥᓂᑴᔮᕽ, ᐁᑮᐃᓈᐙᒡ᙮ ᒦᔥ ᐅᐅ ᒨᓯᔅ ᑳᐃᔑ ᓇᑴᑕᕽ, ᐌᑯᓀᓐ ᐌᒋ ᑭᒋ ᑳᑮᑭᑐᔦᒃ? ᐌᑯᓀᓐ ᐌᒋ ᑲᑴᒋᐁᒃ ᑳᑎᐯᒋᑫᒡ?
3ᐃᔅᕒᐃᔭᓬᐊᒃ ᓴ ᐐᑫ ᑮᓅᑌᔮᐹᑴᐗᒃ, ᑳᐐᓐ ᑮᑭᐱᒌᓰᐗᒃ ᐁᑮ ᑭᒋ ᑲᑲᓅᓈᐙᒡ ᒨᓯᓲᓐ᙮ ᒦᔥ ᐅᐅ ᑳᐃᓈᐙᒡ, ᐌᑯᓀᓐ ᑕᔥ ᑳᐅᒋ ᓵᑭᒋᐎᔑᔮᕽ ᐌᑎ ᐄᒋᐸᑮᕽ? ᒋᑲᐙᐹᑴᔮᕽ ᐃᓇ, ᓂᓃᒑᓂᓯᓈᓂᒃ, ᐃᑭ ᑲᔦ ᓂᑕᐗᑳᓂᓈᓂᒃ? ᑮᐃᑭᑐᐗᒃ᙮
4ᐋᐱᒋ ᓴ ᐌᐌᓂ ᒨᓯᔅ ᐅᑮ ᐊᓇᒥᐁᑕᐙᓐ ᑳᑎᐯᒋᑫᓂᒡ ᐁᑮᐃᓈᒡ, ᐋᓃᓐ ᐃᑕᔥ ᑫᑑᑕᐗᒀ ᐅᑯ ᐯᒫᑎᓯᐙᒡ, ᐋᔕ ᐅᔕ ᑮᔒᐗᒃ ᐁᐐ ᐸᐲᒶᓯᓇᐃᐙᒡ᙮
5ᒦᑕᔥ ᑳᑎᐯᒋᑫᓂᒡ ᑳᐃᑯᒡ, ᐃᑭ ᓴ ᑳᓃᑳᓂᓯᐙᒡ ᐃᔅᕒᐃᔭᓬᐊᒃ ᐊᓂᐎᔖᒻ ᒋᑲᐱᑲᐗᑣ ᐯᒫᑎᓯᐙᒡ᙮ ᒫᒌᑑᓐ ᑕᔥ ᐃᐃ ᑲᔦ ᑭᓴᑲᐅᓈᒃ ᑳᑮ ᐋᐸᒋᑑᔭᓐ ᑮᐸᑭᑌᐊᒪᓐ ᐃᐃ ᓈᔭᓬ Nile ᓰᐱ᙮ 6ᓃᓐ ᓴ ᑯ ᑭᑲ ᐐᒋᑳᐸᐎᑕᐎᓐ ᐌᑎ ᐊᓯᓐ ᑳᔑ ᐊᔮᒡ ᑭᒋ ᐗᒌᕽ ᓵᐃᓇᐃᕽ Sinai᙮ ᑭᑲ ᐸᑭᑌᐙ ᓴ ᐊᐊ ᐊᓯᓐ, ᒦᔥ ᐃᐃᒫ ᑫᐅᒋᒋᐗᕽ ᓂᐱ ᑫᒥᓂᑴᐙᒡ ᐯᒫᑎᓯᐙᒡ, ᐅᑮᐃᑰᓐ᙮ ᒦ ᓴ ᐃ ᒨᓯᔅ ᑳᐃᔑᒋᑫᒡ ᐁᔑᐊᔮᓂᒡ ᑳᑮ ᓃᑳᓂᓯᓂᒡ ᐃᔅᕒᐃᔭᓬᐊᐞ᙮
7ᒦᑕᔥ ᑳᐃᔑᓂᑳᑌᓂᒃ ᐃᐃᒫ ᐁᔑᐊᔮᐙᒡ ᑲᑴᒋᐃᑎᐎ ᑭᒋ ᑳᑭᑐᐎᓂᕽ, #17.7 ᑲᑴᒋᐃᑎᐎ ᑭᒋ ᑳᑭᑐᐎᓂᕽ: ᒦ ᐅᐌ ᐄᐸᕒᐆ ᐃᔑᑮᔗᐎᓐ ᐁᓂᑖᑾᒃ ᒫᓴ ᔑᑾ ᒣᕒᐃᐸ ᐁᑭᑑᕽ᙮ ᐋᓃᔥ ᒦ ᐃᒫ ᐃᔅᕒᐃᔭᓬᐊᒃ ᑳᑮ ᐃᔑ ᑭᒋ ᑳᑮᑭᑐᐙᒡ᙮ ᒦ ᑲᔦ ᐃᒫ ᑳᑮ ᐃᔑ ᐊᑕ ᑭᑫᓂᒫᐙᒡ ᑳᑎᐯᒋᑫᓂᒡ ᐊᐲ ᑮᐃᑭᑐᐙᒡ, ᑯᓂᑫ ᑌᐺ ᑭᐐᒌᐎᑯᓈᑐᒃ ᑳᑎᐯᒋᑫᒡ ᑯᒫ ᑲᔦ ᑳᐐᓐ, ᑮᐃᑭᑐᐗᒃ᙮
ᑮᒦᑳᓂᑯᐙᒡ ᐊᒪᓬᐁᒃ ᑳᑎᓄᐎᓂᒡ
8ᐃᔅᕒᐃᔭᓬᐊᒃ ᐃᑕᔥ ᐅᕒᐁᐱᑎᒻ Rephidim ᐁᑲᐯᔑᐙᒡ, ᐊᒪᓬᐁᒃ ᑳᑎᓄᐎᓂᒡ Amalekites ᑮᐲᔖᐗᐞ ᐁᑮ ᒦᑳᓂᑯᐙᒡ᙮ 9ᒦᑕᔥ ᒨᓯᔅ ᑳᐃᓈᒡ ᒑᔓᐙᓐ Joshua, ᑲᑮᑭᓐ ᐋᓂᑕ ᐃᓂᓂᐗᒃ ᒋᐊᐎ ᒦᑳᓀᒀ ᐊᒪᓬᐁᒃ ᑳᑎᓄᐎᐙᒡ᙮ ᐙᐸᕽ ᐃᑕᔥ ᓂᑲ ᓃᐸᐤ ᐗᑭᑕᑎᓐ ᒋᑕᑯᓇᒧᐗᒃ ᑭᔐᒪᓂᑑ ᐅᓴᑲᐅᓈᒃ, ᐅᑮᐃᓈᓐ᙮ 10ᒦᔥ ᑳᐃᔑᒋᑫᓂᒡ ᒑᔓᐙᓐ ᑳᑮᐃᓈᒡ ᐁᑮ ᒦᑳᓈᓂᒡ ᐊᒪᓬᐁᒃ ᑳᑎᓄᐎᓂᒡ᙮ ᒦᔥ ᒨᓯᔅ, ᐁᕒᐊᓐ Aaron ᑲᔦ, ᐊᐊ ᑲᔦ ᐁᕒ Hur ᑳᑮ ᐊᒀᒪᒋᐌᐗᒡ᙮ 11ᒥᓂᒃ ᐃᑕᔥ ᐃᑯ ᒨᓯᔅ ᑳᐃᔥᐱᓂᑫᓂᒡ ᐃᔅᕒᐃᔭᓬᐊᐞ ᑮᔖᑰᒋᑣᐗᐞ᙮ ᐊᐲ ᑕᔥ ᐃᑯ ᐁᓃᓯᓂᑫᓂᒡ ᐊᒪᓬᐁᒃ ᑳᑎᓄᐎᓂᒡ ᓴ ᑮᐊᓂ ᔖᑰᒋᑣᐗᐞ᙮ 12ᐐᑫ ᓴ ᑯ ᒨᓯᔅ ᑮᐊᔦᑯᓂᑫ᙮ ᒦᔥ ᑳᐃᔑ ᐊᓯᒥᓐᒡ ᐊᓯᓃᓐ ᑫᔑ ᓇᒪᑕᐱᒡ᙮ ᐁᕒᐊᓅᓐ ᐃᑕᔥ, ᐃᓂ ᑲᔦ ᐁᕒᐆᓐ ᐅᑮ ᐋᓱᓂᑫᓂᑰᐞ ᑴᑴᒃ ᐃᓇᑫ ᐁᑮ ᐃᔑ ᓃᐸᐎᓂᒡ᙮ ᒦᑕᔥ ᑳᑮ ᑯᔥᒀᐙᒋ ᐊᔮᓂᑭᓐ ᐅᓂᑲᓐ ᐲᓂᔥ ᐁᑮ ᐊᓂ ᐸᑭᔑᒧᓂᒡ ᑮᓯᓲᓐ᙮ 13ᒦᑕᔥ ᒑᔓᐙ ᑳᑮ ᔖᑰᒋᐋᒡ ᐊᒪᓬᐁᒃ ᑳᑎᓄᐎᓂᒡ ᐸᔑᐸᐃᑫᐎᑯᒫᓐ ᐁᑮ ᐋᐸᒋᑑᒡ᙮
14 # Deu 25.17-19; 1Sa 15.2-9. ᑳᑎᐯᒋᑫᓂᒡ ᐃᑕᔥ ᒨᓯᔅ ᐅᑮᐃᑰᓐ, ᐅᔑᐲᐊᓐ ᐅᐅ ᔖᑰᒋᑣᐎᓐ ᑫᓂ ᒪᒫᒥᑲᐎᓄᑌᒃ᙮ ᐐᑕᒪᐤ ᐃᓴ ᒑᔓᐙ, ᐗᐐᑫ ᐱᑯ ᐁᐐ ᓂᔑᐗᓈᒋᐃᒪᒃ ᐊᒪᓬᐁᒃ ᑳᑎᓄᐎᓂᒡ ᒋᒫᒥᑲᐎᓄᑕᐙᓯᐎᒥᓐᒡ ᐅᐅᒫ ᔒᐹᑮᔑᒃ᙮ 15ᒦᔥ ᒨᓯᔅ ᐃᐃᒫ ᑳᑮ ᐅᓈᐱᑭᓂᑫᒡ᙮ ᒦᔥ ᐅᐅ ᑳᐃᔑᓂᑳᑕᕽ, ᑳᑎᐯᒋᑫᒡ ᓴ ᓂᑐᑲᑮᐌᐅᓂᒻ ᓂᑎᓀᓂᒫ᙮ 16ᒦᔥ ᐅᐅ ᑳᐃᑭᑐᒡ, ᐃᔥᐱᓇᒧᐙᒃ ᑳᑎᐯᒋᑫᒡ ᐅᑲᑮᐌᐅᓐ ᐅᑑᑭᒫᐗᐱᐎᓂᕽ ᐃᓇᑫ᙮ ᑳᑎᐯᒋᑫᒡ ᓴ ᐅᑲ ᓀᐱᒋ ᒦᑳᓈᐞ ᐃᐃ ᐊᒪᓬᐁᒃ ᑳᑎᓄᐎᓂᒡ! ᑮᐃᑭᑐ᙮

Currently Selected:

ᐁᑭᓴᑕᔅ 17: OJBS

Highlight

Share

Copy

None

Want to have your highlights saved across all your devices? Sign up or sign in