1 ᑲᕒᐃᑎᔭᓇᒃ 16
16
ᐁᐐᒫᒪᐎ ᐸᑭᑎᓂᑫᐙᒡ ᒋᐐᒋᐋᐙᒡ ᐅᑌᐺᑕᒨᐞ
1 # Rom 15.25-26. ᔑᑾ ᐃᐌ ᐁᑕᔑᒋᑳᑌᒃ ᐁᐐᒫᒪᐎ ᐸᑭᑎᓂᑫᕽ ᒋᐐᒋᐃᒥᓐᒡ ᑭᔐᒪᓂᑑ ᐅᐱᒫᑎᓰᒪᐞ ᐁᔑᓅᑌᓭᓂᒡ ᒎᑏᔭ Judea ᐊᑮᕽ ᑳᐊᔮᓂᒡ: ᐃᐃᐌ ᓴ ᑳᑮᐃᔑ ᑭᑭᓄᐊᒪᐗᒀ ᐯᐸᑳᓐ ᑳᐃᔑᒫᐗᒋᐃᑎᐙᒡ ᐅᑌᐺᑕᒨᒃ ᑲᓬᐁᔑᔭ Galatia ᐊᑮᕽ, ᒦᐃᐌ ᑫᑮᓇᐙ ᒋᑑᑕᒣᒃ᙮ 2ᐁᑕᓱ ᐊᓇᒥᐁᑮᔑᑲᒃ ᑳᑕᓱᐯᔑᑯᔦᒃ ᐸᑳᓐ ᐃᔑᐊᓯᒃ ᐸᑮ ᑭᔔᓂᔮᒥᐙ᙮ ᐋᓃᓂᑯ ᐊᐎᔭ ᐁᔑᑲᔥᑭᒋᑫᑴᓐ ᒋᒪᓈᒋᐋᒡ, ᐁᑳ ᒣᒬᒡ ᒋᒫᐗᒋᒋᑫᓯᐌᒃ ᐊᐲ ᑕᑯᔑᓈᓐ᙮ 3ᐊᐲ ᑕᔥ ᑕᑯᔑᓈᓐ, ᐊᐌᓀᓇᒃ ᐃᑯ ᑫᑾᔭᑴᓂᒣᒀ ᓂᑲᒦᓈᒃ ᓂᑑᔑᐲᐃᑫᐎᓐ ᒋᐐᑌᓂᒃ ᐁᔑᐅᐸᐹᒥᓯᐎᓂᐙᒡ᙮ ᒦᔥ ᓂᑲᐃᔑᓂᔕᐙᒃ ᒉᕒᐆᓴᓬᐊᒥᕽ Jerusalem ᒋᐃᔑᐎᑑᐙᒡ ᑭᑭᔐᐙᑎᓯᐎ ᐸᑭᑎᓂᑫᐎᓂᐙ᙮ 4ᑮᔥᐱᓐ ᑕᔥ ᑫᓃᓐ ᓇᐃᓈᑾᒃ ᒋᐃᔖᔮᓐ ᓂᑲᓂᐐᒌᐙᒃ᙮
ᐋᓃᓐ ᑆᓬ ᑳᐃᔑᐅᓀᑕᕽ ᐙᐃᔑᐸᐹᒥᐊᔮᒡ
5 # Acts 19.21. ᐱᒌᓇᒃ ᐃᑕᔥ ᑭᑲᐱᐅᑎᓯᓂᓂᒻ ᐹᓂᒫ ᑮᔖᐴᔥᑳᔮᓐ ᒫᓯᑑᓂᔮᐗᑮᕽ Macedonia᙮ ᒦ ᐋᓃᔥ ᐌᑎ ᐁᓀᑕᒫᓐ ᒫᓯᑑᓂᔮᐗᑮᕽ ᒋᐊᓂᐱᒥᐊᔮᔮᓐ᙮ 6ᒫᑭᔖ ᐃᔑᓭᒃ ᑭᑲᐐᒋᔭᔮᒥᓂᓂᒻ, ᒫᑭᔖ ᑲᔦ ᒋᑕᔑᐱᐴᓂᔑᔮᓐ, ᒦᑕᔥ ᐃᐃ ᐊᐲ ᒋᐐᒋᐃᔦᒃ ᐋᑎ ᓴ ᑯ ᑫᐃᔖᔮᓐ᙮ 7ᑳᐐᓐ ᓂᑎᓀᑕᓰ ᐁᑕ ᒋᐱᒥᒣᑴᔮᐸᒥᓇᑰᒃ᙮ ᓇᐗᒡ ᓂᑎᓀᑖᓐ ᑭᓉᔒᔥ ᒋᐐᒋᔭᔮᒥᓇᑰᒃ, ᑮᔥᐱᓐ ᐃᔑᐸᑭᑎᓇᒪᐎᒡ ᑳᑎᐯᒋᑫᒡ᙮
8 # Lev 23.15-21; Deut 16.9-11. ᑫᔮᐱ ᐊᑲᐌ ᐅᐅᒫ ᓂᑲᐊᔭᔮ ᐁᐱᓴᓯᕽ Ephesus ᐲᓂᔥ ᐃᑯ ᐊᓂᐅᒋᒋᓭᒃ ᐯᑎᒀᔅᑎᐎ ᑮᔑᑲᓐ Pentecost᙮#16.8 ᐯᑎᒀᔅᑎᐎ ᑮᔑᑲᓐ Pentecost: ᒎᐗᒃ ᑮᒌᑲᑲᒥᑭᓯᐗᒃ ᐁᒫᒥᑯᑕᒫᑎᐙᒡ ᒣᐎᔕ ᐁᑮᐃᔑ ᐱᒫᒋᐃᑯᐙᑯᐸᓀᓐ ᑭᔐᒪᓂᑑᓐ ᐃᐃᒫ ᐄᒋᐸᑮᕽ Egypt᙮ ᒦᔥ ᐹᒫ ᓈᓂᒥᑕᓇ ᑕᓱᑯᓐ ᑳᐃᔥᒀᑲᒥᑭᓯᐙᒡ ᒦᐃᐌ ᑳᐃᔑᓂᑳᑕᒧᐙᒡ ᐯᑎᒀᔅᑦ ᒦᑕᔥ ᐅᐅ ᑳᑮᐃᒋᑳᑌᒃ ᓈᓂᒥᑕᓇ᙮ ᒦᐃᐌ ᐁᑮᐐᑾᑎᐙᒡ ᐅᔥᑭᐸᑴᔑᑲᓇᓐ ᐁᑮᐊᒸᐙᒡ, ᐸᑴᔑᑲᓂᐎ ᑭᑎᑫᐎᓂᕽ ᐁᑮᐅᑎᓈᐙᒡ ᓂᑕᒻ ᑳᑮᔑᑭᓂᒡ᙮ 9#Acts 19.8-10. ᐋᓃᔥ ᐃᓇᑌ ᑫᔮᐱ ᐅᒫ ᐁᐹᑭᓯᕽ ᓃᐱᐗᐞ ᒋᑲᔥᑭᑑᔮᓐ ᑳᑭᒋ ᐃᓀᑖᑾᑭᓐ᙮ ᓃᐱᐗᐞ ᐃᑕᔥ ᐊᐎᔭ ᐊᔮᐗᒃ ᐁᑲᑴᑭᐱᔥᑲᐎᐙᒡ᙮
10 # 1 Cor 4.17. ᑮᔥᐱᓐ ᐃᐃᒫ ᐱᐃᔑᑕᑯᔑᕽ ᐊᐊ ᑎᒪᑎ Timothy ᑳᔑᐊᔮᔦᒃ, ᑲᑴᒥᓄᐐᒋᐃᒃ ᐁᑳ ᒋᓭᑭᓯᓯᒃ᙮ ᐋᓃᔥ ᑖᐱᔥᑰ ᑲᔦ ᓃᓐ ᐁᔑᐊᓄᑲᐗᒃ ᑳᑎᐯᒋᑫᒡ, ᑲᔦ ᐐᓐ ᑕᔥ ᐅᑕᓄᑲᐙᓐ ᐊᐊ ᑎᒪᑎ᙮ 11ᑳᐐᓐ ᐅᑖᐋᓍᐸᒥᑯᓰᓐ ᐊᐎᔭᓐ᙮ ᐐᒋᐃᒃ ᐃᑕᔥ, ᒋᓂᐅᒋᒥᓄᒫᒑᒡ ᒋᐱᐅᑎᔑᒡ ᒦᓇᐙ᙮ ᐋᓃᔥ ᓂᐲᐋ ᒋᐱᐐᒌᐎᑯᒡ ᐃᐃ ᐅᑌᐺᑕᒨᐞ ᑳᐐᐲᔖᓂᒡ᙮
12ᐊᐊᐌ ᑕᔥ ᑮᒋᑭᐌᔨᓈᓐ ᐊᑆᓬᐊᔅ Apollos ᑳᐃᓂᓐᒡ, ᓃᐱᐗᐋᕽ ᓂᑖᓇᑮᐃᓈ ᒋᓂᐙᐸᒥᓀᒃ ᒋᓂᐐᒌᐙᒡ ᑯᑕᒃ ᐐᒋᑭᐌᔨᒫᐞ, ᑳᐐᓐ ᑕᔥ ᑲᓇᑫ ᒪᔑ ᐃᓀᑕᓰ ᓅᑯᒻ ᒋᐃᔖᒡ᙮ ᐋᓃᓐ ᐃᓴ ᑯ ᐊᐲ ᐃᔑᓇᐃᓭᒃ, ᑕᐃᔖ᙮
ᒦᔥ ᐃᓂ ᐃᔥᒀᒡ ᐅᑎᑭᑐᐎᓇᓐ
13ᐊᔕᐙᐱᔪᒃ, ᒪᔥᑲᐎᑳᐸᐎᔪᒃ ᑌᐺᑕᒧᐎᓂᕽ, ᐊᐸᓀ ᒋᓲᑭ ᐃᓂᓃᐎᔦᒃ᙮ ᒪᔥᑲᐎᓰᒃ! 14ᑲᑭᓇ ᑫᑰᓐ ᓵᑭᐃᑎᐎᓂᕽ ᐃᔑᑑᑕᒧᒃ᙮
15 # 1 Cor 1.16. ᓃᒋᐅᑌᐺᑕᒨᒃ, ᑫᑰᓐ ᑭᐐᐸᑯᓭᓂᒥᓂᓂᒻ᙮ ᑭᑭᑫᓂᒫᐙ ᐃᔅᑌᐸᓇᔅ Stephanas ᑲᔦ ᐅᐙᑳᐃᑲᓂᕽ ᑳᐐᒋᑖᒫᒡ᙮ ᒦᐗᑭᑭ ᓃᑳᓐ ᑳᑮᑕᔑ ᑴᑳᑎᓯᐙᒡ ᐃᐃᒫ ᐊᑫᔮᐗᑮᕽ Achaia, ᔑᑾ ᐌᐌᓂ ᐁᑮᐃᓇᓯᑎᓱᐙᒡ ᐁᐐᒋᐋᐙᒡ ᐃᐃ ᑭᔐᒪᓂᑑ ᐅᐱᒫᑎᓰᒪᐞ᙮ 16ᑭᓇᑕᐌᓂᒥᓂᓂᒻ ᒋᓃᑳᓇᑭᒣᒀ ᒋᐱᓯᑕᐌᒀ ᐅᑯᐌᓂᐗᒃ ᑎᓄ, ᑲᔦ ᑲᑭᓇ ᐊᐎᔭᐞ ᑳᐐᑕᓄᑮᒥᑯᐙᒡ ᐁᐃᔑᐸᒦᑖᑫᓂᒡ᙮ 17ᓂᑑᒋᓇᐁᑕᒻ ᐁᑮᐱᐅᑎᔑᐙᒡ ᐃᔅᑌᐸᓇᔅ ᑲᔦ ᑆᕒᒐᓀᑕᔅ Fortunatus ᑲᔦ ᐊᑫᔨᑲᔅ Achaicus᙮ ᑭᑮᓈᐱᔥᑳᑯᐙᒃ ᐅᐅᒫ ᐁᐊᔮᓯᐌᒃ᙮ 18ᓂᑮ ᑭᔑᔕᐎᓰᔥᑳᑰᒃ ᒦ ᐯᔑᑾᓐ ᐃᑯ ᑫᑮᓇᐙ ᑳᑮᐃᔑᒋᑫᐃᓀᒀ᙮ ᑭᑖᑭᑫᓂᒫᐙᒃ ᐅᑯ ᑳᑎᓄᐎᐙᒡ᙮
19 # Acts 18.2. ᑭᐴᔔᐃᑯᐙᒃ ᐅᑌᐺᑕᒨᒃ ᐯᐸᑳᓐ ᐁᔑᒫᐗᒋᐃᑎᐙᒡ ᐁᔖᐗᑮᕽ Asia᙮ ᐴᔔ ᑲᔦ ᑭᑎᑯᐙᒃ ᐊᑶᓬᐊ Aquila ᑲᔦ ᐸᕒᐃᓯᓬᐊ Priscilla ᑲᔦ ᐃᑭ ᐅᒫ ᐅᐙᑳᐃᑲᓂᐙᕽ ᑳᑕᔑᒫᐗᒋᐃᑎᐙᒡ ᐅᑌᐺᑕᒨᒃ᙮ ᑳᑎᐯᒋᑫᓂᒡ ᑭᑎᔑᐊᐱᐴᔔᐃᑯᐙᒃ᙮ 20ᑲᔦ ᑲᑭᓇ ᐅᐅᒫ ᑳᐊᔮᐙᒡ ᐅᐐᒋᑭᐌᔨᒫᒃ ᑫᐐᓇᐙ ᑭᐴᔔᐃᑯᐙᒃ᙮ ᐅᑌᐺᑕᒨᒃ ᐊᓇᒥᐁᐅᒌᒥᑾᒃ᙮ ᑮᐴᔔᐁᒀ, ᒦᐃ ᓇᑫ ᐃᔑᐴᔔᐃᑎᒃ᙮
21ᓃᓐ ᑆᓬ Paul ᑭᐴᔔᐃᓂᓂᒻ, ᓃᓐ ᑎᐱᓇᐌ ᓂᓂᒌᕽ ᐁᐅᔑᐲᐊᒫᓐ᙮
22ᐊᐌᓀᓐ ᓴ ᑯ ᓯᔮᑭᐋᓯᒃ ᐃᓂ ᑳᑎᐯᒋᑫᓂᒡ, ᑕᐃᒋᑳᓱ ᒋᓂᔑᐗᓈᑎᓯᒡ! ᒪᕒᐊᓇ ᑖ! – ᓂᑎᐯᒋᑫᒥᓈᓐ, ᐐᐱᑕᑯᔑᓂᓐ!
23ᒫᓄ ᐅᑭᔐᐙᑎᓯᐎᓐ ᐊᐊ ᑳᑎᐯᓂᒥᓇᕽ ᒋᓴᔅ X ᑭᑲᐐᒌᐎᑯᐙᒻ᙮
24ᑲᑭᓇ ᑮᓇᐙ ᓂᓵᑭᐃᐌᐎᓐ ᑭᑲᐐᑕᔑ ᐐᒌᐎᑯᒻ ᐁᐃᔑᒫᒪᐎ ᐐᒌᑎᔭᕽ ᐃᐃᒫ X ᒋᓴᓱᕽ᙮
Currently Selected:
1 ᑲᕒᐃᑎᔭᓇᒃ 16: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
