Maika 2
2
Gotiʼa hosu kavaʼmo nehaya vayaʼmo apamagisiya gemae
1 #
Sam 7:14; Mt 27:1-2 Hosu kavaʼmo hisayafeʼmo apakesamo neʼafiya vayaʼmogi kage kage huʼa yulagefaʼmo aigae. Apakaemo hosu kavakeʼmo hisayafeʼmo hipaleʼmo havaeʼa maiʼneʼapaeʼmo apakesamo afiʼapaeʼmo gotilamisiyapiʼmo hosu kavaʼmo hisaya himamuʼapimo haneʼniyaʼmofeʼmo gotilamiyapiʼmo he tiʼa ani kavaʼmo nehae. 2#Hat 20:17; Iyi 18:12Apakaemo mopaʼapieʼmo hapaʼye nehigeʼapaeʼmo alagikeʼmo kaveta huteʼa neʼaliye. Ina kava huʼa vayaʼai noʼapimo alige apakinago vayaʼai mopamo kumaya alige mago vayaʼaitegaʼe afamo anaga vayaʼaitegaʼeʼmo hosu kavaʼmo huge nehae. 3#Yel 18:11; Ye 2:13Ani agufa kavaʼmo nehayaʼmofeʼmo Ala kava neʼmoʼa hunoʼaeʼmo, Afiyo, huno, nagaemo alopa hanageke yaʼmo lapamisuvafeʼmo nagesamo neʼafuvanagetapa lapakaemo afaʼa lapaune heta uta alagepa hutapa oʼmaigae. Inagi alagi lusi hosu afinaʼmo lapakaeteʼmo afole aisigetapa himuʼnamu hutapa umenitata osugae. 4#Avi 2:17Ani hosu kavaʼmo afole aisiya afinaʼmo vayaʼmogimo lapakaemo lapamagisiya kavafeʼmo lapava gemo huteʼa huʼa faipa huʼa lapategae. Inagi apakaemo ina ge huʼa faiyosago yokemo huʼa aviʼyaʼmo hugae. Apakaemo huʼapaeʼmo, alagi lamagiʼa aliʼa hano huʼa lataleʼnae. Ala kava neʼmoʼa lagae mopamo alu nofi vayaʼmo alino apamiʼniye. Agaemo mopatimo alino fako huno Gotiʼa ataleʼa uʼnaya vayaʼmo apamiʼniye, huʼa hugae. 5#Yas 18:10Agaemo ago apamiʼniyaʼmofeʼmo Ala kava neʼmo vayapatiʼmo mago vayaʼmogi mopaleʼmo hakuʼmo afaʼa malesaya vayaʼmo oʼmaigae. 6#Aiy 30:10; Iyi 21:2Lapakaemo Goti gemo aeʼa hakalo nehaya vayaʼaifeʼmo hapa paitapaeʼmo, Afa gemo aeta hakalo hutapa laha opaiyo, hutapa nehayaʼmofeʼmo Goti gemo aeʼa hakalo huʼa lapa opaigae. Apavagage hisiya kavafeʼmo ohapauʼniyanageʼa Goti gemo oʼafigae. 7#Aiy 59:1-2; Mai 28:18Yekopu nofi vayaʼmogitapae, huno, Lapakaemo, Ala kava neʼmo Aunemeʼamo atafautapa ateʼnayanageno aliʼyaʼamo afaʼa oʼalisifiye. Aunemeʼamoʼmo lapakaemo ani nehaya kavafeʼmo amuse nehifiye. Gotiʼa hunoʼaeʼmo, Geʼnimoʼa fatago kavaʼmo nehaya vayaʼmo alagepa huno hapa noʼmaefiye.
8Hemenimo vayaʼnimogi kame huʼa nateteʼa kame vayaʼnimo hamaleʼnae. Lapakaemo aliʼa amufa lapamiʼnaya vayaʼmo ati vayaʼmogi kamemo ataleʼa noʼapilegamo neʼagetapaeʼmo yatala kukena yaʼapiʼe muki kukena yaʼapiʼeʼmo kumaya neʼaliye. 9#Mk 12:40; Yol 3:6Lapakaemo nofi vayaʼnifatiʼmo aʼne anagaʼapimo hapauʼniya noʼapifatiʼmo alita hapa faita neʼapatalae. Nagaemo mafaʼne anagaʼapimo alagepa yaʼmo apamiʼnovaʼmonanafa lapakaemo kumaya aliʼnageʼa alagepa huʼa oʼmaiʼnayanageʼa muki afinaʼmo alagepa huʼa maige maige huʼa oʼmaigae. 10#Mon 18:24-25Ani koteʼmo maitapa hagalesaya koʼmo ohaneʼniyaʼmofeʼmo he titapa ataleta viyo. Lapakaemo hosu kavatapiletiʼmo ani koʼmo alita hosu hutapa ateʼnayanageno ani koʼmoʼa alagi alino hosu huno lapategaiye. 11#Yel 14:14; 5:31Mago aigofe aune vekamo humi neʼapateya vekamoʼmo aigofe aune gemo nehisiyana, nagaemo naune gemo huʼna ina ge huʼnaeʼmo, Lapakaemo asole nofi alagafati aniʼe miya aniʼeʼmo negae, huno hisiyaʼmoʼmo vayaʼmogimo ani agufa aune vekaeʼmo hapausigeʼa aune vekaʼapimo lekana paiʼa ategae.
Gotiʼa halate Isaleli vayaʼmo alino alagepa huno apatesiya gemae
12 #
Iyi 37:21; 36:37 Ala kava neʼmoʼa hapa painoʼaeʼmo, O Yekopu nofi vayaʼmogitapae, huno, mukiʼamo lapavaleliʼneʼna aliʼna anupa huʼna lapategauve. Nagaemo logufaʼa Isaleli vayaʼmo alagi apavaleliʼna egauve. Sipisipi anagaʼmogi eʼa kegiʼyafiʼmo maiʼnaya kava huʼna apavaleʼna aliʼna anupa huʼna apategauve. Asole sipisipi anagaʼmogimo alagepa kahaumo haneʼniya haopalegamo maiʼa kili paegayaʼmofeʼmo alopa agemo aigiye. 13#Aiy 42:13; Yel 51:22; Nen 2:35Aino naku paeno neʼataleya vekamoʼmo yafa kegiʼya kitamo aino naku paeno ataleteno Isaleli vayaʼmo kaʼmo valino apategaiye. Kalavusifatiʼmo hatu maeno apatesigeʼa apakaemo taonile kegiʼya kipateʼmo uʼa lamisageno kini vekamo Ala kava neʼapimo uno hogotegaiye.
Currently Selected:
Maika 2: kyg2013
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
