Yona 2
2
Yonaʼa Gotifeʼmo nunumuʼmo huʼniya gemae
1 #
Sam 50:15
Yonaʼa noyamemo agupafiʼmo maiʼnenoʼaeʼmo Ala kava neʼmo Gotiʼamofeʼmo nunumuʼmo huʼniye. 2#Sam 16:10; Ap 2:27Nunumuʼmo hunoʼaeʼmo, Ala kava nene, huno, Alopa hanageke yaʼmo aliʼnogeno naipafiʼmo lusi kava huno nagafu kiʼnigeʼnaeʼmo kagaefeʼmo keya aeʼna ge huʼnogekaeʼmo geʼnileʼmo aeka atagaina hukaeʼmo naha maeʼnane. Nagaemo faliʼnaya vayaʼmo uʼa maiʼnaya kotegaeʼmo agiʼamo Siyo kotegatiʼmo huʼnaeʼmo, naha mao, huʼna keya aeʼna ge huʼnogekaeʼmo geʼnimo afiʼnane. 3#Sam 69:1-2,14-15Kagaemo alika yaga auka nataleʼnanageʼna emiʼneʼna solovala aniʼmo afepilagamo maiʼnove. Aniʼmoʼa faino vego huteno alagi aeno nati kaeʼniye. Aniʼmoʼa lusi kava huno ayamukiki huteno aino holakau huno aeno naga seteno aeno nati kaeʼniye. 4#1 Kin 8:38Ago alika naha faika nataleʼnanaʼmonanafa halate kagae aote mono nofeʼmo aulu heʼna agegauve. 5Aniʼmoʼa aeno naga seno aeno nati kaeʼnigeʼna navamusaʼmo noʼauve. Solovalapi kahaumoʼmo nagenopaleʼmo kino nati kaeʼniye. 6#Aiy 38:17Nagaemo ave aiyafiʼmo emiʼneʼnogenoʼaeʼmo kaʼnimo akanino nateteno natafauno nateʼniyaʼmonanafa kagaemo Ala kava neʼnimogamo nagufamo kasalisiya kelifatiʼmo navalelika haikeka nateʼnane. 7#Sam 22:14Ala kava nene, huʼna, Falisuva agufa naipamo kaliʼniye, huʼna huteʼna kagaefekeʼmo nagesamo afiʼna ho huteʼna nunumuʼmo huʼnova geʼnimoʼmo kagae aote mono nopiʼmo uno haiʼniye. 8#Yel 2:13Aigofe gotiʼapimogitefeʼmo mono nehaya vayaʼmo kahau huka apatesana Gotigamo ago kataleʼnae. 9#Sam 50:14,23Kataleʼnayaʼmonanafa yokemo huʼna kagikaleʼmo aliʼna asaga huguve. Mago ofalinimo kamigekana huʼna navayafatiʼmo kagikaleʼmo aliʼna asaga huguve. Ani kava huguve, huʼna nagoʼyamo ataleʼna kaha paiʼnova gemo amagiʼna oʼatalegauve. Ala kava neʼmokeʼmo vayaʼai apakufamo alino katino neʼapate, huno nunumuʼmo huʼniye.
10Ala kava neʼmoʼa noyameeʼmo ha paiʼnigeno uno ani agiʼnaleʼmo Yonaʼmo mu valino ateʼniye.
Currently Selected:
Yona 2: kyg2013
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
