Sam 75
75
Moroa Neni Laradi Rongtonga Linga
1O Moroa, ma tong avukat tu, ma tong avukat tu! Ma tong aonon lisisilok taram atla u silok aleng, la ma tong aonon bok levempanga avukat ugara lok pam i.
2Moroa ga vaase xeretna, “Ara vit li vam laaleng ti leete, kusu anaba ila loklok at limixin la a noxo bala vukpuk di. 3Keke i do levempanga axap di ruuna lorooro, dina dede mi lanmarat, la lavatbung menemen nang nengne, ketla anabak lox aru lolos laamkumkun at na lavatkangka. 4A paase limixin tongtonga xepe xusu dinak lok ngangao la di noxo simi aurut di. 5A paase di do, “Na xap ta di rik lox aru axa di la na xap bok tit las di.”
6Mo laradi rim gonga leete, noxo ravasu do boronak kopla borois, la noxo ravasu do borou xopla boroxun. 7Neni axa ne Moroa naba ila loklok at limixin la ni naba riki xepe lentaba la na vuxaxis avukat lentaba. 8Leeme Silok im tebeng lavanga runtu dan to at lekngen, la i umsu mi laxadan vaen at lebelemamao ren. Neni i sobang asu i, la limixin kapmek di inin i. Di inin asi rinotno i se at lengkootu avit. 9Ketla nenia noxo xap at lavapaase asu levelinga mumu Lomoroa at ne Jakop kopla anak pixan emi asu rin. 10Neni naba ba koxorop lolos at limixin kapmek, ketla lolos atnedi di ruuna loklok mokmokso naba sisilok.
Currently Selected:
Sam 75: mmx
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
