ACTS 22
22
1Shik'isóó, shahastóí danohłíinii, nihich'į' bee ák'i hadideesdzihígíí shá dadoohts'į́į́h!
2Hííbrew k'ehjí bich'į' ayázh'niiłti'go deidiizts'ą́ą'go, t'áá íiyisí dadiiłheel. Áko ájíní:
3Silíshiya kéyahdi Társas kin haal'áagi shi'dizhchį́įgo Jew dine'é nishłį́, nidi kwe'é Jerúsalem kin haal'áagi shidi'neeszą́, danihizhé'é yę́ę bibee haz'áanii t'áá yíní át'éegi Gaméíliyel#Acts 5:34-39. bidááhdóó nibéhéstsaadgo yínashineestą́ą́', áko t'áá ánółtso díí jį́ ádanoht'éhígi át'éego Diyin God t'áá íiyisí bídin nishłį́įgo bá hinishná. 4Diné índa asdzání díí honít'i'góó dayíkáhígíí#22:4 Jesus dayoodlánígíí ááhyiłní. bida'ashtł'o'go awáalyaa góne' yah ahishnííł, áádóó atídaash'į́įgo naastseed nít'éé'. 5Díí aláahgo náá'iiłniihii áádóó diné yá aląąjį' naazíinii t'áá ałtso shá bił béédahózin. Éí Jew dine'é Damáskasdi áłah nídaadleehii bich'į' naaltsoos ádayiilaago shaa deiznil, áko áadi da'oodlánígíí bida'astł'ǫ́ǫgo Jerúsalemjį' nídeesh'ishgo atídadoolnííł biniyé Damáskasgóó dah diiyá.#Acts 8:3; 26:9-11.
Paul oosdląądígíí yaa halne'
(Acts 9:1-19; 26:12-18)
6Ákót'éego yishááł nít'éé' Damáskas t'áá áhání hadziihgo, ts'ídá hanii shį́į́ ałní'ní'ą́ągo, t'áadoo hooyání yá'ąąshdę́ę́' t'áá íiyisí ayóó át'éego shinaagóó łe'díídláád. 7Áko ni'jį' íígo'go ła' shich'į' hadzoodzíi'go diséts'ą́ą́', Saul, Saul, ha'át'íishą' biniyé atíshíł'į́? 8Áko haasdzíi'go ádíshní, Bóhólníihii, háishą' ánít'į́? Áko shich'į' hanáánáádzíi'go ání, Shí Názarethdóó Jesus atíníł'ínígíí ásht'į́. 9Áko shił yikahígíí ałdó' łe'díídládígíí dayiiłtsą́ągo [nídaasdzííd], nidi shich'į' haadzí'ígíí bizaad t'áadoo deidiizts'ą́ą' da. 10Áko ádíshní, Bóhólníihii, ha'át'íishą' baa nideeshaał? Áko Bóhólníihii shich'į' haadzíí', Nídiidáahgo, Damáskasjį' dínááh, baa nidíínaałii biniyé nini'deeltínígíí t'áá ałtso áadi bee nił hodoonih. 11Áko ayóó át'éego i'díídládígíí biniinaa ch'ééh dishhaałgo, bił yishkah nít'é'ígíí shíla' dayiiłtsoodgo dashílóosgo, Damáskasgi níyá.
12Áadi ła' Ananáíyas yolyéé léi', diné hodísinii, bee haz'áanii Mózes baa deet'áanii yik'eh hół'íinii nilį́, Jew dine'é ákwe'é kéédahat'ínígíí t'áá át'é yá'át'éehgo baa ch'ídahwii'aah. 13Éí shaa níyáago shíighahgi yiizį'go shich'į' haadzíí', Paul shitsilí, ííní'į́ nánídleeh. Áko t'áá áko eesh'į́ nísísdlį́į'go hak'i níghalgo hoołtsą́. 14Áko shich'į' hadzoodzíi'go áshijiní, Danihizhé'é yę́ę biDiyin God yee íinízinii nił bééhodoozįįł, áko Ts'ídá T'áá Ákogi Ájít'éii hwiidííłtsééł, áádóó saad bee hadziidziihii diidííts'į́į́ł biniyé Diyin God nándiiłtį́, 15háálá yiniłtsáanii áádóó disíníts'ą́ą'ii, éí Diyin God bá baa nahólne'go diné t'áá ałtso bił bééhodíísįįł. 16Áko k'ad ha'át'íí biniyé na'áhodílziid? Nídiidáahgo tó bee ni'dólzį́įhgo Bóhólníihii bízhi' yínízhíigo Diyin God bich'į' ádił ni'iyínílzí'ígíí ałtso nąąh táídoogis, shizhdííniid.
Paul éí doo Jew dine'é danilíinii bich'į' yil'aad
17Ákódzaago Jerúsalemdi nánísdzáago kin bii' sohodizin bił haz'ą́ą́ góne' sodiszin, nít'éé' shił áhoodzaago 18Bóhólníihii kóshíłníigo yiiłtsą́, Doo hodíína' ánít'į́, Jerúsalemdóó tsį́įłgo ch'ínínááh, háálá shá hodíílnihígíí kwe'é doo deidínóozįįł da. 19Áko ádíshní, Bóhólníihii, t'áá kin bii' áłah nída'adleeh bił nahaz'ą́ą́góó danoodlánígíí yah ahénil áádóó nídaníłhaalígíí t'áá bí bił béédahózin. 20Áádóó Stephen naa halne'ii, bidił deezna' yę́ędą́ą́', shí ałdó' shił t'áá ákogo shíínááł, índa dahwiisxíinii bi'éé' bá dah yishjih nít'éé'.#Acts 7:58. 21Áko shich'į' haadzíi'go ání, Dah diinááh, háálá nízaadgóó doo Jew dine'é danilíinii bitahgóó nideesh'aał.
Paul índa Romedóó siláo binanit'a'í
22T'óó kónízahíjį' dahółts'ą́ą́', nít'éé' hadadeeshghaazhgo ádaaní, Sołhé héii, diné ákót'éhígíí nahasdzáán bikáa'gi doo bá haz'ą́ą da! Ha'át'íísh biniyé nijigháa doo? 23Kót'éego dadilwoshgo dabi'éé' ádaa deidiyiiltł'íidgo dah nideii'adgo łeezh yáádayiighas, 24áko siláo aląąjį' binanit'a'í nilínígíí ání, Siláo bighan góne' yah oohłóosgo náhodí'nóoltsxisgo nahódídóokił, áko haniinaa dadilwoshígíí éí binahjį' bééhodoozįįł, níigo yee hooł'a'. 25Nidi akał tł'óół yee hoda'aztł'ǫ́ǫgo siláo neeznádiingo binanit'a'í nilį́įgo ákwii sizínígíí Paul ábidííniid, Da' Rome dine'é nilį́įgo doo bá nihoot'ą́ą́góósh nídínííłtsxisgo t'áá bee ná haz'ą́? 26Siláo neeznádiingo binanit'a'í éidíígíí yidiizts'ą́ą'go, siláo aląąjį' binanit'a'í yaa níyáago yił hoolne'go ání, Ha'át'íishą' baa nídinidzá? Éí diné yee' Rome dine'é nilį́į́ lá. 27Áko siláo aląąjį' binanit'a'í t'áá bí haa níyáago áháłní, Bee shił hólne', da' Rome dine'ésh nílį́? Áko, Aoo', bizhdííniid. 28Áádóó siláo aląąjį' binanit'a'í haadzíi'go ání, Rome dine'é bitahjí naaltsoos bee ádił ídlíinii t'óó ahayóí bą́ą́h ílį́įgo naháłnii'. Nít'éé' Paul ádííniid, Nidi shí t'éí t'áá Rome dine'é nishłį́įgo shi'dizhchį́. 29T'áá áko nidahodí'nííłkid yę́ę hats'ákai, áádóó siláo aląąjį' binanit'a'í nilíinii éí Rome dine'é ła' jílį́į́ lágo hwe'aztł'ónígíí yaa ákoniizį́į'go yiniinaa násdzííd.
Jew dine'é yá naazíinii bidááhdę́ę́' Paul nihodeidlóóz
30Nidi ts'ídá biniinaa Jew dine'é hak'i dahodii'ánígíí shił bééhodoozįįł nízingo, biiskání k'éé'hóó'ahgo, aláahgo nááda'iiłniihii índa diné ándaha'áii, T'áá ánółtso áłah hohłeeh, yiłníigo yee hooł'a', áko ákóyaa Paul yił ní'áazhgo áadi hadááhdóó niinílóóz.
Currently Selected:
ACTS 22: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 22
22
1Shik'isóó, shahastóí danohłíinii, nihich'į' bee ák'i hadideesdzihígíí shá dadoohts'į́į́h!
2Hííbrew k'ehjí bich'į' ayázh'niiłti'go deidiizts'ą́ą'go, t'áá íiyisí dadiiłheel. Áko ájíní:
3Silíshiya kéyahdi Társas kin haal'áagi shi'dizhchį́įgo Jew dine'é nishłį́, nidi kwe'é Jerúsalem kin haal'áagi shidi'neeszą́, danihizhé'é yę́ę bibee haz'áanii t'áá yíní át'éegi Gaméíliyel#Acts 5:34-39. bidááhdóó nibéhéstsaadgo yínashineestą́ą́', áko t'áá ánółtso díí jį́ ádanoht'éhígi át'éego Diyin God t'áá íiyisí bídin nishłį́įgo bá hinishná. 4Diné índa asdzání díí honít'i'góó dayíkáhígíí#22:4 Jesus dayoodlánígíí ááhyiłní. bida'ashtł'o'go awáalyaa góne' yah ahishnííł, áádóó atídaash'į́įgo naastseed nít'éé'. 5Díí aláahgo náá'iiłniihii áádóó diné yá aląąjį' naazíinii t'áá ałtso shá bił béédahózin. Éí Jew dine'é Damáskasdi áłah nídaadleehii bich'į' naaltsoos ádayiilaago shaa deiznil, áko áadi da'oodlánígíí bida'astł'ǫ́ǫgo Jerúsalemjį' nídeesh'ishgo atídadoolnííł biniyé Damáskasgóó dah diiyá.#Acts 8:3; 26:9-11.
Paul oosdląądígíí yaa halne'
(Acts 9:1-19; 26:12-18)
6Ákót'éego yishááł nít'éé' Damáskas t'áá áhání hadziihgo, ts'ídá hanii shį́į́ ałní'ní'ą́ągo, t'áadoo hooyání yá'ąąshdę́ę́' t'áá íiyisí ayóó át'éego shinaagóó łe'díídláád. 7Áko ni'jį' íígo'go ła' shich'į' hadzoodzíi'go diséts'ą́ą́', Saul, Saul, ha'át'íishą' biniyé atíshíł'į́? 8Áko haasdzíi'go ádíshní, Bóhólníihii, háishą' ánít'į́? Áko shich'į' hanáánáádzíi'go ání, Shí Názarethdóó Jesus atíníł'ínígíí ásht'į́. 9Áko shił yikahígíí ałdó' łe'díídládígíí dayiiłtsą́ągo [nídaasdzííd], nidi shich'į' haadzí'ígíí bizaad t'áadoo deidiizts'ą́ą' da. 10Áko ádíshní, Bóhólníihii, ha'át'íishą' baa nideeshaał? Áko Bóhólníihii shich'į' haadzíí', Nídiidáahgo, Damáskasjį' dínááh, baa nidíínaałii biniyé nini'deeltínígíí t'áá ałtso áadi bee nił hodoonih. 11Áko ayóó át'éego i'díídládígíí biniinaa ch'ééh dishhaałgo, bił yishkah nít'é'ígíí shíla' dayiiłtsoodgo dashílóosgo, Damáskasgi níyá.
12Áadi ła' Ananáíyas yolyéé léi', diné hodísinii, bee haz'áanii Mózes baa deet'áanii yik'eh hół'íinii nilį́, Jew dine'é ákwe'é kéédahat'ínígíí t'áá át'é yá'át'éehgo baa ch'ídahwii'aah. 13Éí shaa níyáago shíighahgi yiizį'go shich'į' haadzíí', Paul shitsilí, ííní'į́ nánídleeh. Áko t'áá áko eesh'į́ nísísdlį́į'go hak'i níghalgo hoołtsą́. 14Áko shich'į' hadzoodzíi'go áshijiní, Danihizhé'é yę́ę biDiyin God yee íinízinii nił bééhodoozįįł, áko Ts'ídá T'áá Ákogi Ájít'éii hwiidííłtsééł, áádóó saad bee hadziidziihii diidííts'į́į́ł biniyé Diyin God nándiiłtį́, 15háálá yiniłtsáanii áádóó disíníts'ą́ą'ii, éí Diyin God bá baa nahólne'go diné t'áá ałtso bił bééhodíísįįł. 16Áko k'ad ha'át'íí biniyé na'áhodílziid? Nídiidáahgo tó bee ni'dólzį́įhgo Bóhólníihii bízhi' yínízhíigo Diyin God bich'į' ádił ni'iyínílzí'ígíí ałtso nąąh táídoogis, shizhdííniid.
Paul éí doo Jew dine'é danilíinii bich'į' yil'aad
17Ákódzaago Jerúsalemdi nánísdzáago kin bii' sohodizin bił haz'ą́ą́ góne' sodiszin, nít'éé' shił áhoodzaago 18Bóhólníihii kóshíłníigo yiiłtsą́, Doo hodíína' ánít'į́, Jerúsalemdóó tsį́įłgo ch'ínínááh, háálá shá hodíílnihígíí kwe'é doo deidínóozįįł da. 19Áko ádíshní, Bóhólníihii, t'áá kin bii' áłah nída'adleeh bił nahaz'ą́ą́góó danoodlánígíí yah ahénil áádóó nídaníłhaalígíí t'áá bí bił béédahózin. 20Áádóó Stephen naa halne'ii, bidił deezna' yę́ędą́ą́', shí ałdó' shił t'áá ákogo shíínááł, índa dahwiisxíinii bi'éé' bá dah yishjih nít'éé'.#Acts 7:58. 21Áko shich'į' haadzíi'go ání, Dah diinááh, háálá nízaadgóó doo Jew dine'é danilíinii bitahgóó nideesh'aał.
Paul índa Romedóó siláo binanit'a'í
22T'óó kónízahíjį' dahółts'ą́ą́', nít'éé' hadadeeshghaazhgo ádaaní, Sołhé héii, diné ákót'éhígíí nahasdzáán bikáa'gi doo bá haz'ą́ą da! Ha'át'íísh biniyé nijigháa doo? 23Kót'éego dadilwoshgo dabi'éé' ádaa deidiyiiltł'íidgo dah nideii'adgo łeezh yáádayiighas, 24áko siláo aląąjį' binanit'a'í nilínígíí ání, Siláo bighan góne' yah oohłóosgo náhodí'nóoltsxisgo nahódídóokił, áko haniinaa dadilwoshígíí éí binahjį' bééhodoozįįł, níigo yee hooł'a'. 25Nidi akał tł'óół yee hoda'aztł'ǫ́ǫgo siláo neeznádiingo binanit'a'í nilį́įgo ákwii sizínígíí Paul ábidííniid, Da' Rome dine'é nilį́įgo doo bá nihoot'ą́ą́góósh nídínííłtsxisgo t'áá bee ná haz'ą́? 26Siláo neeznádiingo binanit'a'í éidíígíí yidiizts'ą́ą'go, siláo aląąjį' binanit'a'í yaa níyáago yił hoolne'go ání, Ha'át'íishą' baa nídinidzá? Éí diné yee' Rome dine'é nilį́į́ lá. 27Áko siláo aląąjį' binanit'a'í t'áá bí haa níyáago áháłní, Bee shił hólne', da' Rome dine'ésh nílį́? Áko, Aoo', bizhdííniid. 28Áádóó siláo aląąjį' binanit'a'í haadzíi'go ání, Rome dine'é bitahjí naaltsoos bee ádił ídlíinii t'óó ahayóí bą́ą́h ílį́įgo naháłnii'. Nít'éé' Paul ádííniid, Nidi shí t'éí t'áá Rome dine'é nishłį́įgo shi'dizhchį́. 29T'áá áko nidahodí'nííłkid yę́ę hats'ákai, áádóó siláo aląąjį' binanit'a'í nilíinii éí Rome dine'é ła' jílį́į́ lágo hwe'aztł'ónígíí yaa ákoniizį́į'go yiniinaa násdzííd.
Jew dine'é yá naazíinii bidááhdę́ę́' Paul nihodeidlóóz
30Nidi ts'ídá biniinaa Jew dine'é hak'i dahodii'ánígíí shił bééhodoozįįł nízingo, biiskání k'éé'hóó'ahgo, aláahgo nááda'iiłniihii índa diné ándaha'áii, T'áá ánółtso áłah hohłeeh, yiłníigo yee hooł'a', áko ákóyaa Paul yił ní'áazhgo áadi hadááhdóó niinílóóz.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).