ACTS 21
21
Paul éí Jerúsalemjį' deeyá
1Áko áádóó bits'ą́ą́' dah da'diil'éelgo, Kó'as hoolyéejį' t'óó k'ídahosiildǫǫdgo biiskání Róodzjį' niikai áádóó Pátara hoolyéedi nihił aní'éél. 2Áko tsinaa'eeł ła' Finííshiyagóó ha'naa deez'éél léi' bik'íniikai, áko biih yiikaigo nihił dah adii'éél. 3Kéyah Sáípras yit'į́ silį́į'go shádi'ááhjígo bíighah ch'ídasiil'éél, áko kéyah Síriya hoolyéejį' nihił aní'éelgo tábąąhgi Táir kin haal'áhígi hadeiikai, háálá ákwe'é tsinaa'eeł biyi'dóó hééł bidahidoo'nił lá. 4Áadi ídahooł'aahii ła' bik'íniikaigo ákwe'é tsosts'id danihiiską́. Éí Níłch'i Diyinii bik'ehgo Paul ádeidííniid, Jerúsalemgóó doo díínáał da. 5Ákwe'é tsosts'id danihiiską́ągo dah náádiikai, áádóó ídahooł'aahii t'áá ałtso, be'asdzą́ą́ áádóó bada'áłchíní t'áá bił éí kin haal'áádóó nihił ch'ékai, áko tábąąhgi nitsidadiniigo'go, sodadiilzin. 6Áádóó, Diyin God nihił hólǫ́ǫ doo, da'ahidii'niidgo nihí tsinaa'eeł biih yiikaigo, bí éí dabighangóó dah nídahidiikai.
7Táirdę́ę́' Talaméíyisjį' nihił ni'ní'éél, áko ałk'isóó danilíinii bił k'é da'ahidii'niidgo bił naháatą́ągo ła'a jį́ azlį́į́'. 8Biiskání Paul bił neikaígíí Sesaríyajį' niikai, áko Philip,#Acts 6:5; 8:5. hane' yá'át'éehii yaa halne'ii bighan góne' yah iikaigo ba'ałk'ee naháatą́ą́ nít'éé', Philip éí diné tsosts'idgo nídadii'nilii ła' át'į́. 9Éí bitsi'ké dį́lt'éego t'ah doo diné bee dahaleehii danilį́į́ lá, éí Diyin God yá dahalne' lá. 10T'áá ákwe'é naháatą́ągo lą'í yiską́, áko Judíyadę́ę́' Diyin God yá halne'ii léi', Ágabas#Acts 11:28. yolyéego ákwe'é níyá. 11Áko nihaa níyáago, Paul biziiz néidiiláago t'áá bí bikétsíín índa bíla' yee ye'aztł'ǫ́ǫgo ání, Níłch'i Diyinii kóní, Díí sis t'áá nijiléhígíí Jerúsalemdi Jew dine'é kót'éego hoda'dootł'óołgo doo Jew dine'é danilíinii yílák'ee dahodoołtééł. 12Díidí dasidiits'ą́ą'go, nihí lá índa ákwe'é kéédahat'ínígíí ałdó', Jerúsalemgóó doo díínáał da, Paul ch'ééh dabidii'níigo ch'ééh nídeisiikan. 13Nidi Paul haadzíi'go ání, Ha'át'íísh biniyé daahchago shijéí ti'dabiyołnííh? Háálá Jerúsalemdi doo t'óó dashidi'yootł'ółígíí t'éiyá biniyé hasht'e'í'diishyaa da, nidi Bóhólníihii Jesus bízhi' bá dadeestsaałígíí ałdó' biniyé hasht'e'í'diishyaa. 14Áko doo bagha'dót'ááł át'éégóó niiltee'go nihí t'óó dadiilyeelgo ádadii'niid, Bóhólníihii yee íinízinii bohodoolnííł.
15Áádóó bik'ijį' hasht'e'ánáádadiilyaago Jerúsalemgóó niikai. 16Ídahooł'aahii ła' Sesaríyadę́ę́' ałdó' bił niikai, Sáíprasdóó t'áá ałk'idą́ą́' íhooł'aahii jílíinii, Néísan joolyéii, ha'ałk'ee naháatą́ą doo biniyé hoł yah iikai.
Paul éí James yaa níyá
17Jerúsalemdi niikaigo, ałk'isóó danilíinii t'áá íiyisí nihaa bił dahóózhǫǫdgo k'é danihidííniid. 18Biiskání Paul bił, James baa niikai; ákwii da'oodlání yá aląąjį' naazíinii t'áá ałtso nidaháaztą́ą́ lá. 19Áłah nilínígíí Paul k'é yidííniidgo, doo Jew dine'é danilíinii bitahgóó nijis'a'go Diyin God hanahjį' yaa naayáhígíí t'ááłá'í ní'ánígo baa nahojisne'. 20Éidíígíí deidiizts'ą́ą'go Diyin God yaa dahaznih. Áádóó ádahodííniid, Jó'akon, nihik'is nílíinii, haa shį́į́ néelą́ą'di míilgo Jew dine'é bitahdę́ę́' da'oosdląąd; éí t'áá ałtso bee haz'áanii t'áá íiyisí yídaneedlį́, 21áko éí doo Jew dine'é danilíinii bitahgóó Jew dine'é kéédahat'ínígíí t'áá ałtso, Mózes bina'nitin bits'áhóhkáahgo, niha'áłchíní t'áadoo bąąh nídahinilgishí, índa Ízrel dine'é bi'é'él'į' t'áadoo bik'eh dayínóhkáhí, bidiní, ha'níigo bee naa hóóne'. 22Ákoshą' ha'át'éego dooleeł? Kwe'é yíníyáhígíí deidoonihgo [áłah dooleeł]. 23Éí bąą nich'į' hadahidiidzihígíí bik'eh ánít'ée doo. Kwe'é nihitahgi diné dį́lt'éego dahodísingo ádee hadadeesdzíí'. 24Díí diné doo ąąh chin dooleełjí nahaghá bee bizhdidookah, áádóó bitsii' dadoolzhihgo bá bik'é ni'díílééł.#Num. 6:13-21. Áko naa hane'go bee bił dahóóne'ígíí éí doo t'áá aaníi da dooleeł, nidi t'áá ni ałdó' bee haz'áanii Mózes baa deet'áanii bik'ehgo hazhó'ó yínáałgo bił béédahodoozįįł. 25Nidi doo Jew dine'é danilíinii da'oosdląądígíí kódabidii'níigo bich'į' naaltsoos ádeiilyaa, [Jew dine'é binahagha' bik'ehgo bee nahaz'ánígíí doo t'áá ałtso bik'eh dahonoł'į́į da, nidi] eda'alyaii bich'į' náádahaaznii'ii áádóó dił áádóó bizák'ídadii'nii'ii t'áadoo daohsání, índa na'ageh bee tsi'na'adá bits'ą́ąjį' ádanoht'éego yá'át'ééh.#Acts 15:29. 26Áko Paul éí diné yił dah diikaigo, biiskání doo ąąh chin dooleełjí nahaghá há ádaalyaa. Áádóó doo hąąh chinígóó í'dazhdilnéehgo bíighah adooleełgi, t'ááłá'í jinítínígo há náádahidoonihígíí hazhó'ó baa hozhdoolnih biniyé kin bii' sohodizin bił haz'ą́ą́ góne' yah ajííyá.
Kin bii' sohodizin bił haz'ą́ą́ góne' Paul deisił
27Áádóó tsosts'id jį́ k'adę́ę bíighah aleehgo, Éízhadę́ę́' Jew dine'é nidaakaígíí, ákwe'é kin bii' sohodizin bił haz'ą́ą́ góne' dahoołtsą́ągo, áłah nilínígíí yá dahóółchįįd áádóó dahasiłgo, 28hadadeeshghaazhgo ádaaní, Ízrel dine'é nohłíinii, nihíká oohjeeh! Díí hastiin t'áá ałtsogóó diné kéédahat'íinii éí nihidine'é áádóó bee haz'áanii#21:28 Jew dine'é t'áá háiida doo Jew dine'é nilíinii sohodizin bá hooghan góne' bił yah ajíí'áazhgo ho'di'yoolyéełgo bą́ą́h jílį́. índa kwe'é haz'ánígíí yik'ijį' yáłti'go na'nitin. T'ah nááyówehgo, Gríik dine'é kin bii' sohodizin bił haz'ą́ą́ góne' yah ayíí'eezhgo, díí hodiyingo haz'áanii yiyííłchxǫ'. 29Háálá t'áá bítséédą́ą́' Éfesas dine'é ła' Trófimas#Acts 20:4. yolyéii, kintahdi yił dahoołtsą́, áko éí kin bii' sohodizin bił haz'ą́ą́ góne' Paul hoł yah íí'áázh sha'shin daniizį́į́'. 30Áko kin haal'áhígi hahodíídláadgo diné ahaneheezhjéé', áko Paul deisiłgo kin bii' sohodizin bił haz'ą́ą́dóó ch'ídeizdzį́įzgo t'áá áko dáda'deeskaal. 31Áko dahodiyiilyééł ch'ééh danízingo, Jerúsalemgi t'áá át'é nítáhozdíníilzaaz ha'níigo, siláo aląąjį' binanit'a'í hane' beít'ą́. 32T'áá áko tsxį́įłgo siláo índa siláo neeznádiingo bindanit'a'í ákóyaa yił dah diijéé', áko éí siláo aląąjį' binanit'a'í índa siláo ałdó' dayiiłtsą́ągo, Paul nídeiniłhałígíí yę́ę yik'i deeskai. 33Áko siláo aląąjį' binanit'a'í haa níyáago hoołtsoodgo béésh da'ahólzha'í naakigo bee ho'dootl'óół níigo yee hooł'a'. Áko, Háísh át'į́, índa, Ha'át'íishą' yaa naayá, níigo na'ídééłkid. 34Áko áłah nilínígíí hadadeeshghaazhgo, ła', Ko lá ájíít'įįd ni, daaní áádóó ła', Díigi lá ájíít'įįd, daaní. Áko ts'ídá biniinaa hahodíídládígíí t'áadoo bił bééhoozingóó, siláo bighan góne' yah adoodlóós níigo yee hooł'a'. 35Áko ałk'i dah nídahast'ą́ągo bikáá' góde hááda'aldahíjį' nizhníyáago, diné ádéédahooldzídígíí biniinaa siláo nihidahastį́, 36háálá diné t'óó ahayóí áłah nilínígíí éí, Sołhé héii, daaníigo dadilwoshgo hakéé' náázééł.
Paul ách'ą́ą́h haadzíí'
37Áádóó siláo bighan góne' k'adę́ę Paul yah iidlóosgo, siláo aląąjį' binanit'a'í ííłní, T'áadoo le'é bee nich'į' haasdziihgoósh t'áá áko? Áko siláo binanit'a'í ádííniid, Gríik bizaadísh bee yáníłti' lá? 38Ííjip dine'é léi' hádą́ą́léiyá Diné Nideiłtseedii wolyéii dį́įdi mííl yilt'éego honoojíijį' ch'íiní'eezhgo hahonííłchaad nít'éé' yę́ę doósh éí ánít'į́į da? 39Nidi Paul ádííniid, Shí Jew dine'é nishłį́, Silíshiyagi Társas, ayóó át'é kin haal'áádóó naashá. Diné bich'į' hadeesdzihgi shadi'díí'áałgo nánooshkąąh. 40Áko éí bee ha'deet'ą́ągo, ałk'i hoo'nilgo ha'az'áii hááda'aldáhígíí bikáá' Paul dah dziizį'go diné bich'į' dashdidiilnii', áko t'áá íiyisí hodiiyeelgo, Hííbrew k'ehjí bich'į' ayázh'niiłti'go ájíní:
Currently Selected:
ACTS 21: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 21
21
Paul éí Jerúsalemjį' deeyá
1Áko áádóó bits'ą́ą́' dah da'diil'éelgo, Kó'as hoolyéejį' t'óó k'ídahosiildǫǫdgo biiskání Róodzjį' niikai áádóó Pátara hoolyéedi nihił aní'éél. 2Áko tsinaa'eeł ła' Finííshiyagóó ha'naa deez'éél léi' bik'íniikai, áko biih yiikaigo nihił dah adii'éél. 3Kéyah Sáípras yit'į́ silį́į'go shádi'ááhjígo bíighah ch'ídasiil'éél, áko kéyah Síriya hoolyéejį' nihił aní'éelgo tábąąhgi Táir kin haal'áhígi hadeiikai, háálá ákwe'é tsinaa'eeł biyi'dóó hééł bidahidoo'nił lá. 4Áadi ídahooł'aahii ła' bik'íniikaigo ákwe'é tsosts'id danihiiską́. Éí Níłch'i Diyinii bik'ehgo Paul ádeidííniid, Jerúsalemgóó doo díínáał da. 5Ákwe'é tsosts'id danihiiską́ągo dah náádiikai, áádóó ídahooł'aahii t'áá ałtso, be'asdzą́ą́ áádóó bada'áłchíní t'áá bił éí kin haal'áádóó nihił ch'ékai, áko tábąąhgi nitsidadiniigo'go, sodadiilzin. 6Áádóó, Diyin God nihił hólǫ́ǫ doo, da'ahidii'niidgo nihí tsinaa'eeł biih yiikaigo, bí éí dabighangóó dah nídahidiikai.
7Táirdę́ę́' Talaméíyisjį' nihił ni'ní'éél, áko ałk'isóó danilíinii bił k'é da'ahidii'niidgo bił naháatą́ągo ła'a jį́ azlį́į́'. 8Biiskání Paul bił neikaígíí Sesaríyajį' niikai, áko Philip,#Acts 6:5; 8:5. hane' yá'át'éehii yaa halne'ii bighan góne' yah iikaigo ba'ałk'ee naháatą́ą́ nít'éé', Philip éí diné tsosts'idgo nídadii'nilii ła' át'į́. 9Éí bitsi'ké dį́lt'éego t'ah doo diné bee dahaleehii danilį́į́ lá, éí Diyin God yá dahalne' lá. 10T'áá ákwe'é naháatą́ągo lą'í yiską́, áko Judíyadę́ę́' Diyin God yá halne'ii léi', Ágabas#Acts 11:28. yolyéego ákwe'é níyá. 11Áko nihaa níyáago, Paul biziiz néidiiláago t'áá bí bikétsíín índa bíla' yee ye'aztł'ǫ́ǫgo ání, Níłch'i Diyinii kóní, Díí sis t'áá nijiléhígíí Jerúsalemdi Jew dine'é kót'éego hoda'dootł'óołgo doo Jew dine'é danilíinii yílák'ee dahodoołtééł. 12Díidí dasidiits'ą́ą'go, nihí lá índa ákwe'é kéédahat'ínígíí ałdó', Jerúsalemgóó doo díínáał da, Paul ch'ééh dabidii'níigo ch'ééh nídeisiikan. 13Nidi Paul haadzíi'go ání, Ha'át'íísh biniyé daahchago shijéí ti'dabiyołnííh? Háálá Jerúsalemdi doo t'óó dashidi'yootł'ółígíí t'éiyá biniyé hasht'e'í'diishyaa da, nidi Bóhólníihii Jesus bízhi' bá dadeestsaałígíí ałdó' biniyé hasht'e'í'diishyaa. 14Áko doo bagha'dót'ááł át'éégóó niiltee'go nihí t'óó dadiilyeelgo ádadii'niid, Bóhólníihii yee íinízinii bohodoolnííł.
15Áádóó bik'ijį' hasht'e'ánáádadiilyaago Jerúsalemgóó niikai. 16Ídahooł'aahii ła' Sesaríyadę́ę́' ałdó' bił niikai, Sáíprasdóó t'áá ałk'idą́ą́' íhooł'aahii jílíinii, Néísan joolyéii, ha'ałk'ee naháatą́ą doo biniyé hoł yah iikai.
Paul éí James yaa níyá
17Jerúsalemdi niikaigo, ałk'isóó danilíinii t'áá íiyisí nihaa bił dahóózhǫǫdgo k'é danihidííniid. 18Biiskání Paul bił, James baa niikai; ákwii da'oodlání yá aląąjį' naazíinii t'áá ałtso nidaháaztą́ą́ lá. 19Áłah nilínígíí Paul k'é yidííniidgo, doo Jew dine'é danilíinii bitahgóó nijis'a'go Diyin God hanahjį' yaa naayáhígíí t'ááłá'í ní'ánígo baa nahojisne'. 20Éidíígíí deidiizts'ą́ą'go Diyin God yaa dahaznih. Áádóó ádahodííniid, Jó'akon, nihik'is nílíinii, haa shį́į́ néelą́ą'di míilgo Jew dine'é bitahdę́ę́' da'oosdląąd; éí t'áá ałtso bee haz'áanii t'áá íiyisí yídaneedlį́, 21áko éí doo Jew dine'é danilíinii bitahgóó Jew dine'é kéédahat'ínígíí t'áá ałtso, Mózes bina'nitin bits'áhóhkáahgo, niha'áłchíní t'áadoo bąąh nídahinilgishí, índa Ízrel dine'é bi'é'él'į' t'áadoo bik'eh dayínóhkáhí, bidiní, ha'níigo bee naa hóóne'. 22Ákoshą' ha'át'éego dooleeł? Kwe'é yíníyáhígíí deidoonihgo [áłah dooleeł]. 23Éí bąą nich'į' hadahidiidzihígíí bik'eh ánít'ée doo. Kwe'é nihitahgi diné dį́lt'éego dahodísingo ádee hadadeesdzíí'. 24Díí diné doo ąąh chin dooleełjí nahaghá bee bizhdidookah, áádóó bitsii' dadoolzhihgo bá bik'é ni'díílééł.#Num. 6:13-21. Áko naa hane'go bee bił dahóóne'ígíí éí doo t'áá aaníi da dooleeł, nidi t'áá ni ałdó' bee haz'áanii Mózes baa deet'áanii bik'ehgo hazhó'ó yínáałgo bił béédahodoozįįł. 25Nidi doo Jew dine'é danilíinii da'oosdląądígíí kódabidii'níigo bich'į' naaltsoos ádeiilyaa, [Jew dine'é binahagha' bik'ehgo bee nahaz'ánígíí doo t'áá ałtso bik'eh dahonoł'į́į da, nidi] eda'alyaii bich'į' náádahaaznii'ii áádóó dił áádóó bizák'ídadii'nii'ii t'áadoo daohsání, índa na'ageh bee tsi'na'adá bits'ą́ąjį' ádanoht'éego yá'át'ééh.#Acts 15:29. 26Áko Paul éí diné yił dah diikaigo, biiskání doo ąąh chin dooleełjí nahaghá há ádaalyaa. Áádóó doo hąąh chinígóó í'dazhdilnéehgo bíighah adooleełgi, t'ááłá'í jinítínígo há náádahidoonihígíí hazhó'ó baa hozhdoolnih biniyé kin bii' sohodizin bił haz'ą́ą́ góne' yah ajííyá.
Kin bii' sohodizin bił haz'ą́ą́ góne' Paul deisił
27Áádóó tsosts'id jį́ k'adę́ę bíighah aleehgo, Éízhadę́ę́' Jew dine'é nidaakaígíí, ákwe'é kin bii' sohodizin bił haz'ą́ą́ góne' dahoołtsą́ągo, áłah nilínígíí yá dahóółchįįd áádóó dahasiłgo, 28hadadeeshghaazhgo ádaaní, Ízrel dine'é nohłíinii, nihíká oohjeeh! Díí hastiin t'áá ałtsogóó diné kéédahat'íinii éí nihidine'é áádóó bee haz'áanii#21:28 Jew dine'é t'áá háiida doo Jew dine'é nilíinii sohodizin bá hooghan góne' bił yah ajíí'áazhgo ho'di'yoolyéełgo bą́ą́h jílį́. índa kwe'é haz'ánígíí yik'ijį' yáłti'go na'nitin. T'ah nááyówehgo, Gríik dine'é kin bii' sohodizin bił haz'ą́ą́ góne' yah ayíí'eezhgo, díí hodiyingo haz'áanii yiyííłchxǫ'. 29Háálá t'áá bítséédą́ą́' Éfesas dine'é ła' Trófimas#Acts 20:4. yolyéii, kintahdi yił dahoołtsą́, áko éí kin bii' sohodizin bił haz'ą́ą́ góne' Paul hoł yah íí'áázh sha'shin daniizį́į́'. 30Áko kin haal'áhígi hahodíídláadgo diné ahaneheezhjéé', áko Paul deisiłgo kin bii' sohodizin bił haz'ą́ą́dóó ch'ídeizdzį́įzgo t'áá áko dáda'deeskaal. 31Áko dahodiyiilyééł ch'ééh danízingo, Jerúsalemgi t'áá át'é nítáhozdíníilzaaz ha'níigo, siláo aląąjį' binanit'a'í hane' beít'ą́. 32T'áá áko tsxį́įłgo siláo índa siláo neeznádiingo bindanit'a'í ákóyaa yił dah diijéé', áko éí siláo aląąjį' binanit'a'í índa siláo ałdó' dayiiłtsą́ągo, Paul nídeiniłhałígíí yę́ę yik'i deeskai. 33Áko siláo aląąjį' binanit'a'í haa níyáago hoołtsoodgo béésh da'ahólzha'í naakigo bee ho'dootl'óół níigo yee hooł'a'. Áko, Háísh át'į́, índa, Ha'át'íishą' yaa naayá, níigo na'ídééłkid. 34Áko áłah nilínígíí hadadeeshghaazhgo, ła', Ko lá ájíít'įįd ni, daaní áádóó ła', Díigi lá ájíít'įįd, daaní. Áko ts'ídá biniinaa hahodíídládígíí t'áadoo bił bééhoozingóó, siláo bighan góne' yah adoodlóós níigo yee hooł'a'. 35Áko ałk'i dah nídahast'ą́ągo bikáá' góde hááda'aldahíjį' nizhníyáago, diné ádéédahooldzídígíí biniinaa siláo nihidahastį́, 36háálá diné t'óó ahayóí áłah nilínígíí éí, Sołhé héii, daaníigo dadilwoshgo hakéé' náázééł.
Paul ách'ą́ą́h haadzíí'
37Áádóó siláo bighan góne' k'adę́ę Paul yah iidlóosgo, siláo aląąjį' binanit'a'í ííłní, T'áadoo le'é bee nich'į' haasdziihgoósh t'áá áko? Áko siláo binanit'a'í ádííniid, Gríik bizaadísh bee yáníłti' lá? 38Ííjip dine'é léi' hádą́ą́léiyá Diné Nideiłtseedii wolyéii dį́įdi mííl yilt'éego honoojíijį' ch'íiní'eezhgo hahonííłchaad nít'éé' yę́ę doósh éí ánít'į́į da? 39Nidi Paul ádííniid, Shí Jew dine'é nishłį́, Silíshiyagi Társas, ayóó át'é kin haal'áádóó naashá. Diné bich'į' hadeesdzihgi shadi'díí'áałgo nánooshkąąh. 40Áko éí bee ha'deet'ą́ągo, ałk'i hoo'nilgo ha'az'áii hááda'aldáhígíí bikáá' Paul dah dziizį'go diné bich'į' dashdidiilnii', áko t'áá íiyisí hodiiyeelgo, Hííbrew k'ehjí bich'į' ayázh'niiłti'go ájíní:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).