ACTS 19
19
Éfesasdi Paul naaghá
1Kórinthgi Apálas sidáádą́ą́', Paul éí kéyah wódahjíígíí bii' ahéédzídzáago Éfesasgi jiníyá. Ákwe'é ídahooł'aahii ła' bik'ízhníyá. 2Éí ábizhdííniid, Da'iisoohdląąd yę́ędą́ą́'ásh Níłch'i Diyinii nihiih dahwiizle'? Áko ádahałní, Dooda, Níłch'i Diyinii hólónígíi nidi t'ah doo baa dahodiits'į́įh da. 3Áko ájíní, Ha'át'íishą' bik'ehgo tó bee danihi'doolzį́į́'? Áko ádadííniid, John bik'ehgo tó bee alzį́hígíí t'éiyá. 4Ákohgo Paul ádííniid, Łahgo át'éego tsínáhodiikeesgo bąąhági át'éii áts'áhidit'aahgo tó bee alzį́į́hjí John tó yee asį́į́h nít'éé'. Diné yił halne'go ádííniid, Shikéédę́ę́' náánáádáłígíí deidoohdląąłgo baa dadzíídóohłiił. Éí Christ Jesus ááhyiłní.#Mt. 3:11; Mk. 1:4,7,8; Lk. 3:4,16; Jn. 1:26,27. 5Éí deidiizts'ą́ą'go, Bóhólníihii Jesus bízhi' bee tó bee dabi'doolzį́į́'. 6Áádóó Paul hak'i dah dahideesnii'go, Níłch'i Diyinii hak'i dahoole', áko saad ał'ąą át'éii yee hadahaasdzíi'go, Diyin God yá dahoolne'. 7Dinéhígíí t'áá ałtsogo naakits'áadah daats'í yilt'é.
8Áádóó kin bii' áłah ná'ádleeh góne' Paul yah aníjídáahgo t'áadoo dzisti'í yáńjíltihgo táá' nídeezid, Diyin God bee bóhólníihgo bił haz'áanii bídadéét'i'ii diné bił baa nídajit'į́įgo bee bíni' bá ádahojiilaa. 9Nidi ła' doo nibída'didzil da índa doo da'oodlą́ą́góó, diné áłah nilínígíí binááł Bóhólníihii bik'ehgo honít'i'ii nichxǫ́'ógo yá yádaałti'go bąą, bits'ą́ą́' dashdiiyáago ídahooł'aahii bił dashdiikai, áko t'áá ákwíí jį́ Tairánas yolyéhígíí bi'ólta' góne' Diyin God bizaad bił baa nínádajit'įįh. 10Éí t'áá ákót'éego naaki nááhai, áko Jew dine'é índa Gríik dine'é Éízha kéyahgi kéédahat'ínígíí t'áá ałtso Bóhólníihii bizaad deidiizts'ą́ą́'.
Sííva biye'ké
11Diyin God éí Paul choyooł'į́įgo ádahooníiłii ayóó ádaat'éii doo deiltséhígíí áyoolííł, 12áko ádídaaljołí áádóó atéél naastsoozí Paul hats'íís bídahidiyeesnáa'ii ka nidaakaii bich'į' adahaashjaa', áko ka nidaakaígíí yá'át'ééh nídaasdlį́į́', áádóó níłch'i bi'iiníziinii bii' dahólónígíí bii' hadahaaskai. 13Áko Jew dine'é ła' tádadikáahgo níłch'i bida'iiníziinii hadeiniiłkaadii éí Jesus bízhi' dayózhíigo ch'ééh hadeiniłkaadgo, Paul yaa halne'ii, Jesus, binahjį' ándishní, daaní. 14Sííva joolyéé léi' Jew dine'é aláahgo náá'iiłniihii jílį́įgo, éí haye'ké tsosts'id yilt'éego ákódaat'į́. 15Nidi níłch'i bi'iiníziinii haadzíi'go ábidííniid, Jesus bééhasin, Paul ałdó' bééhasin, nidi nihíshą' éí háí ádaaht'į́? 16Áko diné níłch'i bi'iiníziinii bii' hólónígíí hach'į' dah diilwodgo bił da'ahijoogą́ą'go hak'eh deesdlį́į́', áko t'áá dajilchí'ígo áádóó tídazhdiilyaago kin biyi'dóó ch'ízhníjéé'. 17Jew dine'é índa Gríik dine'é Éfesasgi kéédahat'ínígíí t'áá ałtso éí dayíínii', áádóó t'áá ałtso éí bik'ee bił yéé' dahazlį́į́', áko Bóhólníihii Jesus bízhi' ayóó át'éego baa ha'niih silį́į́'. 18Lą'í da'oosdląądígíí ałdó' ákwe'é neheeskaigo ádaa ch'ídahwiist'ą́ągo ádáát'įįdii yaa dahoolne'. 19Áko diné na'adlo' bee nidahojiłáii lą'í handaaltsoos áłah ádajiilaago diné t'áá ałtso dabinááł dazhdííłid, áko bą́ą́h ílį́į́ nít'éé' yę́ę dajííłta', nít'éé' béésh łigaii ashdladiindi mííl bą́ą́h ílį́į́ nít'éé' lá. 20Áko Bóhólníihii bizaad bilááh yileełgo aláahdi át'éii silį́į́'.
Éfesasgi nahozhneeshghaazh
21Ákódaadzaadóó bik'ijį' Paul éí Masedóniya índa Akéya hoolyéégóó ch'ídeesháałgo Jerúsalemgóó deeshááł jiniizį́į́', áko ájíní, Ákwii níyáádóó bik'ijį' Rome hoolyéégóó ałdó' hwiideestsééł. 22Áko Timothy índa Iirástas éí háká aná'ahinilchéehii nilį́įgo Masedóniyagóó ajííł'a', hó t'éiyá t'áá Éízhagi dzizdáago nááhodoo'na'.
23T'áá daats'í ákwii hoolzhishgo Bóhólníihii bik'ehgo honít'i'ii biniinaa doo t'áá hasht'e'ígo hahonííchaad da. 24Háálá diné ła' Demíítriyas yolyéego béésh łigaii yitsid lá, béésh łigaii bee Daiyána,#19:24 Daiyána éí Ártemas ałdó' yolyé. kin bił be'elyaago bich'į' nahadláii ííł'į́, áko da'atsidii t'áá íiyisí bik'é bada'iideeł, 25éí diné ákót'éego da'atsidgo yindaalnishígíí áłah áyiilaago yee yich'į' haadzíí', Hastóí, díí naanishígíí bee yéego da'iit'į́įgo nihił béédahózin. 26Jó, doo Éfesasgi t'éiyá da, nidi Éízhagi k'asdą́ą́' t'áá át'éé nít'éé', éí díí Paul yolyéhígíí yílá bee ádaalyaii doo diyin ádaat'ée da níigo, diné lą'í yíni' yá ádahoolaago nihits'ádahaaskaigo daah'į́ áádóó dadoohts'a'. 27Áko doo t'áá nihí nihindaanishígíí t'éiyá yidoołchǫǫł dagi át'é, nidi ayóó át'é asdzą́ą́ diyinii Daiyána wolyéii kin bii' bich'į' nahadláhígíí ałdó' doo ílį́į da dooleeł, áko doo bił ádaa hólníi da dooleełgi át'é, jó, éí Éízhagi índa nihokáá' dine'é t'áá át'é k'ad deidísin.
28Éí deidiizts'ą́ą'go t'áá íiyisí yik'ee bádahóóchįįd, áko hadadeeshghaazhgo ádaaní, Éfesas dine'é bidiyin Daiyána éí ayóó át'é! 29Áko kin haal'áagi t'áá át'é diné t'óó hahóół'á, áko Paul yił naakaígíí ła', Géíyas índa Aristárkas, éí Masedóniyadę́ę́' diné jílį́įgo, dahasiłgo, ayóó át'é áłah ná'ádleeh bá haz'ą́ą́ góne' t'áá łahjį' hoł yah anoodaa'go yah adahazdzį́į́z. 30Paul ákóne' diné bitah yah adeeshááł jiniizį́į́', nidi ídahooł'aahii dooda dahodííniid. 31Éízhadę́ę́' naat'áanii danilį́į́ léi' ła', hach'ooní danilį́įgo, Áłah azlį́į́' góne' doo yah adíínáał da, daaníigo ałdó' nídahookąąhgo haa da'as'a'. 32Ákohgo áłah silį́'ígíí t'óó hahóół'á, ła', Díí lą́ą, daaníigo, náádaała', Nagháí lą́ą, daaníigo dadilwosh, t'óó ahayóí yiniyé yah adahaaskaígíí nidi doo bił béédahózin da. 33Áko Jew dine'é éí Alezáander kódidííniił deidííniidgo diné áłah nilínígíí bitahdóó yił ch'ékai. Áko dah didiilnii'go ách'ą́ą́h yáti' yee diné yich'į' haadziih nít'éé'. 34Nidi Jew dine'é jílínígíí bił béédahoozingo, ts'ídá t'áá ła' bizhi'ee hadadeeshghaazhgo t'áá dadilwoshgo, Éfesas dine'é bidiyin Daiyána ayóó át'é! daaníigo naakidi daats'í ahéé'ílkid. 35Áko kintahdóó naaltsoos ííł'íní diné áłah nilínígíí bich'į' nizhníyáago dabizhdiiłheel, áko ájíní, Éfesas dine'é danohłíinii, díí Éfesas kin haal'áii, éí Daiyána ayóó át'éii kin bii' bich'į' nahadláii áádóó e'elyaii Júpiterdę́ę́' hadaalts'idii yaa áhályáanii nilínígíí, háishą' diné shį́į́ doo bił bééhózin da? 36Áko díidíígíí bits'ą́ą́jí doo ha'át'éegoda ádao'ne' át'éégóó bąą t'óó dadoołheeł, áádóó t'áadoo tsíhodeeskézí ádadoohníłígíí ts'ídá dooda. 37Háálá díí diné kwe'é nidashoo'eezhígíí, t'áadoo le'é dadiyinii doo nidayiiłchxǫǫh da, índa asdzą́ą́ diyinii doo ílį́į́góó doo yaa yádaałti' da. 38Éí bąą Demíítriyas áádóó da'atsidii hoł nidaalnishígíí éí diné ła'da baa saad dahojíłǫ́ǫgo, aa hwiinít'į́ há ąą át'é, áádóó áájí ándahwii'aahii hólǫ́, háni'dii áájí ahaa nídajit'įįh. 39Nidi náánáła' baa saad dahólóonii éí t'áá baa náhát'į́ biniyé náhoot'aah góne' nihá hasht'éédoo'nííł. 40Háálá jį́į́dą́ą́' biniinaa hahóó'áá nít'éé' yę́ę bee nihik'ihodidoot'áłígíí éí baa jéda'ííníilná, áłah azlį́į'go biniinaa hahóó'áago baa nidahodiilnihígíí éí t'áá ádin. 41Áádóó naaltsoos ííł'íní kót'éego haadzíi'go áłah azlį́'ígíí, K'ad nídahínóhkááh, yidííniid.
Currently Selected:
ACTS 19: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 19
19
Éfesasdi Paul naaghá
1Kórinthgi Apálas sidáádą́ą́', Paul éí kéyah wódahjíígíí bii' ahéédzídzáago Éfesasgi jiníyá. Ákwe'é ídahooł'aahii ła' bik'ízhníyá. 2Éí ábizhdííniid, Da'iisoohdląąd yę́ędą́ą́'ásh Níłch'i Diyinii nihiih dahwiizle'? Áko ádahałní, Dooda, Níłch'i Diyinii hólónígíi nidi t'ah doo baa dahodiits'į́įh da. 3Áko ájíní, Ha'át'íishą' bik'ehgo tó bee danihi'doolzį́į́'? Áko ádadííniid, John bik'ehgo tó bee alzį́hígíí t'éiyá. 4Ákohgo Paul ádííniid, Łahgo át'éego tsínáhodiikeesgo bąąhági át'éii áts'áhidit'aahgo tó bee alzį́į́hjí John tó yee asį́į́h nít'éé'. Diné yił halne'go ádííniid, Shikéédę́ę́' náánáádáłígíí deidoohdląąłgo baa dadzíídóohłiił. Éí Christ Jesus ááhyiłní.#Mt. 3:11; Mk. 1:4,7,8; Lk. 3:4,16; Jn. 1:26,27. 5Éí deidiizts'ą́ą'go, Bóhólníihii Jesus bízhi' bee tó bee dabi'doolzį́į́'. 6Áádóó Paul hak'i dah dahideesnii'go, Níłch'i Diyinii hak'i dahoole', áko saad ał'ąą át'éii yee hadahaasdzíi'go, Diyin God yá dahoolne'. 7Dinéhígíí t'áá ałtsogo naakits'áadah daats'í yilt'é.
8Áádóó kin bii' áłah ná'ádleeh góne' Paul yah aníjídáahgo t'áadoo dzisti'í yáńjíltihgo táá' nídeezid, Diyin God bee bóhólníihgo bił haz'áanii bídadéét'i'ii diné bił baa nídajit'į́įgo bee bíni' bá ádahojiilaa. 9Nidi ła' doo nibída'didzil da índa doo da'oodlą́ą́góó, diné áłah nilínígíí binááł Bóhólníihii bik'ehgo honít'i'ii nichxǫ́'ógo yá yádaałti'go bąą, bits'ą́ą́' dashdiiyáago ídahooł'aahii bił dashdiikai, áko t'áá ákwíí jį́ Tairánas yolyéhígíí bi'ólta' góne' Diyin God bizaad bił baa nínádajit'įįh. 10Éí t'áá ákót'éego naaki nááhai, áko Jew dine'é índa Gríik dine'é Éízha kéyahgi kéédahat'ínígíí t'áá ałtso Bóhólníihii bizaad deidiizts'ą́ą́'.
Sííva biye'ké
11Diyin God éí Paul choyooł'į́įgo ádahooníiłii ayóó ádaat'éii doo deiltséhígíí áyoolííł, 12áko ádídaaljołí áádóó atéél naastsoozí Paul hats'íís bídahidiyeesnáa'ii ka nidaakaii bich'į' adahaashjaa', áko ka nidaakaígíí yá'át'ééh nídaasdlį́į́', áádóó níłch'i bi'iiníziinii bii' dahólónígíí bii' hadahaaskai. 13Áko Jew dine'é ła' tádadikáahgo níłch'i bida'iiníziinii hadeiniiłkaadii éí Jesus bízhi' dayózhíigo ch'ééh hadeiniłkaadgo, Paul yaa halne'ii, Jesus, binahjį' ándishní, daaní. 14Sííva joolyéé léi' Jew dine'é aláahgo náá'iiłniihii jílį́įgo, éí haye'ké tsosts'id yilt'éego ákódaat'į́. 15Nidi níłch'i bi'iiníziinii haadzíi'go ábidííniid, Jesus bééhasin, Paul ałdó' bééhasin, nidi nihíshą' éí háí ádaaht'į́? 16Áko diné níłch'i bi'iiníziinii bii' hólónígíí hach'į' dah diilwodgo bił da'ahijoogą́ą'go hak'eh deesdlį́į́', áko t'áá dajilchí'ígo áádóó tídazhdiilyaago kin biyi'dóó ch'ízhníjéé'. 17Jew dine'é índa Gríik dine'é Éfesasgi kéédahat'ínígíí t'áá ałtso éí dayíínii', áádóó t'áá ałtso éí bik'ee bił yéé' dahazlį́į́', áko Bóhólníihii Jesus bízhi' ayóó át'éego baa ha'niih silį́į́'. 18Lą'í da'oosdląądígíí ałdó' ákwe'é neheeskaigo ádaa ch'ídahwiist'ą́ągo ádáát'įįdii yaa dahoolne'. 19Áko diné na'adlo' bee nidahojiłáii lą'í handaaltsoos áłah ádajiilaago diné t'áá ałtso dabinááł dazhdííłid, áko bą́ą́h ílį́į́ nít'éé' yę́ę dajííłta', nít'éé' béésh łigaii ashdladiindi mííl bą́ą́h ílį́į́ nít'éé' lá. 20Áko Bóhólníihii bizaad bilááh yileełgo aláahdi át'éii silį́į́'.
Éfesasgi nahozhneeshghaazh
21Ákódaadzaadóó bik'ijį' Paul éí Masedóniya índa Akéya hoolyéégóó ch'ídeesháałgo Jerúsalemgóó deeshááł jiniizį́į́', áko ájíní, Ákwii níyáádóó bik'ijį' Rome hoolyéégóó ałdó' hwiideestsééł. 22Áko Timothy índa Iirástas éí háká aná'ahinilchéehii nilį́įgo Masedóniyagóó ajííł'a', hó t'éiyá t'áá Éízhagi dzizdáago nááhodoo'na'.
23T'áá daats'í ákwii hoolzhishgo Bóhólníihii bik'ehgo honít'i'ii biniinaa doo t'áá hasht'e'ígo hahonííchaad da. 24Háálá diné ła' Demíítriyas yolyéego béésh łigaii yitsid lá, béésh łigaii bee Daiyána,#19:24 Daiyána éí Ártemas ałdó' yolyé. kin bił be'elyaago bich'į' nahadláii ííł'į́, áko da'atsidii t'áá íiyisí bik'é bada'iideeł, 25éí diné ákót'éego da'atsidgo yindaalnishígíí áłah áyiilaago yee yich'į' haadzíí', Hastóí, díí naanishígíí bee yéego da'iit'į́įgo nihił béédahózin. 26Jó, doo Éfesasgi t'éiyá da, nidi Éízhagi k'asdą́ą́' t'áá át'éé nít'éé', éí díí Paul yolyéhígíí yílá bee ádaalyaii doo diyin ádaat'ée da níigo, diné lą'í yíni' yá ádahoolaago nihits'ádahaaskaigo daah'į́ áádóó dadoohts'a'. 27Áko doo t'áá nihí nihindaanishígíí t'éiyá yidoołchǫǫł dagi át'é, nidi ayóó át'é asdzą́ą́ diyinii Daiyána wolyéii kin bii' bich'į' nahadláhígíí ałdó' doo ílį́į da dooleeł, áko doo bił ádaa hólníi da dooleełgi át'é, jó, éí Éízhagi índa nihokáá' dine'é t'áá át'é k'ad deidísin.
28Éí deidiizts'ą́ą'go t'áá íiyisí yik'ee bádahóóchįįd, áko hadadeeshghaazhgo ádaaní, Éfesas dine'é bidiyin Daiyána éí ayóó át'é! 29Áko kin haal'áagi t'áá át'é diné t'óó hahóół'á, áko Paul yił naakaígíí ła', Géíyas índa Aristárkas, éí Masedóniyadę́ę́' diné jílį́įgo, dahasiłgo, ayóó át'é áłah ná'ádleeh bá haz'ą́ą́ góne' t'áá łahjį' hoł yah anoodaa'go yah adahazdzį́į́z. 30Paul ákóne' diné bitah yah adeeshááł jiniizį́į́', nidi ídahooł'aahii dooda dahodííniid. 31Éízhadę́ę́' naat'áanii danilį́į́ léi' ła', hach'ooní danilį́įgo, Áłah azlį́į́' góne' doo yah adíínáał da, daaníigo ałdó' nídahookąąhgo haa da'as'a'. 32Ákohgo áłah silį́'ígíí t'óó hahóół'á, ła', Díí lą́ą, daaníigo, náádaała', Nagháí lą́ą, daaníigo dadilwosh, t'óó ahayóí yiniyé yah adahaaskaígíí nidi doo bił béédahózin da. 33Áko Jew dine'é éí Alezáander kódidííniił deidííniidgo diné áłah nilínígíí bitahdóó yił ch'ékai. Áko dah didiilnii'go ách'ą́ą́h yáti' yee diné yich'į' haadziih nít'éé'. 34Nidi Jew dine'é jílínígíí bił béédahoozingo, ts'ídá t'áá ła' bizhi'ee hadadeeshghaazhgo t'áá dadilwoshgo, Éfesas dine'é bidiyin Daiyána ayóó át'é! daaníigo naakidi daats'í ahéé'ílkid. 35Áko kintahdóó naaltsoos ííł'íní diné áłah nilínígíí bich'į' nizhníyáago dabizhdiiłheel, áko ájíní, Éfesas dine'é danohłíinii, díí Éfesas kin haal'áii, éí Daiyána ayóó át'éii kin bii' bich'į' nahadláii áádóó e'elyaii Júpiterdę́ę́' hadaalts'idii yaa áhályáanii nilínígíí, háishą' diné shį́į́ doo bił bééhózin da? 36Áko díidíígíí bits'ą́ą́jí doo ha'át'éegoda ádao'ne' át'éégóó bąą t'óó dadoołheeł, áádóó t'áadoo tsíhodeeskézí ádadoohníłígíí ts'ídá dooda. 37Háálá díí diné kwe'é nidashoo'eezhígíí, t'áadoo le'é dadiyinii doo nidayiiłchxǫǫh da, índa asdzą́ą́ diyinii doo ílį́į́góó doo yaa yádaałti' da. 38Éí bąą Demíítriyas áádóó da'atsidii hoł nidaalnishígíí éí diné ła'da baa saad dahojíłǫ́ǫgo, aa hwiinít'į́ há ąą át'é, áádóó áájí ándahwii'aahii hólǫ́, háni'dii áájí ahaa nídajit'įįh. 39Nidi náánáła' baa saad dahólóonii éí t'áá baa náhát'į́ biniyé náhoot'aah góne' nihá hasht'éédoo'nííł. 40Háálá jį́į́dą́ą́' biniinaa hahóó'áá nít'éé' yę́ę bee nihik'ihodidoot'áłígíí éí baa jéda'ííníilná, áłah azlį́į'go biniinaa hahóó'áago baa nidahodiilnihígíí éí t'áá ádin. 41Áádóó naaltsoos ííł'íní kót'éego haadzíi'go áłah azlį́'ígíí, K'ad nídahínóhkááh, yidííniid.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).