ACTS 18
18
Kórinthgi Paul naaghá
1Éí bik'ijį' Paul éí Áthenzdóó dah diiyáago Kórinth hoolyéedi níyá. 2Ákwii Jew dine'é ła' Ákwila yolyéé léi' Pántas dine'é nilį́įgo bik'ízhníyá, éí Kládiyas Jew dine'é Romedóó ch'ídahohnééh yidííniidgo biniinaa Ítalidę́ę́' t'áá ániidígo be'asdzą́ą́ Prisíla yił ní'áázh lá. Áko baazhníyáago 3naanish t'ááłá'íígíí hanaanish danilį́į́ léi' t'áá ákwii ba'ałk'ee dzizdáago nidajishnish, háálá níbaal ííł'íní dajílį́. 4T'áá háá'áyį́į́h jį́ ná'ádleeh bik'eh kin bii' áłah ná'ádleeh góne' bighazhdit'áahgo Jew dine'é índa Gríik dine'é da'oodlą́ą dooleełgo bíni' bá ádahojiilaa.
5Sáílas áádóó Timothy éí Masedóniyadę́ę́' ní'áazhgo, Paul t'áadoo áhozdiilzéhí, Jesus éí Christ nilį́, jiníigo Jew dine'é bił nahojilne'. 6Nidi hats'ą́ąjį' naastee' áádóó daha'į́įgo ha'éé' bich'į' jíígháadgo ábizhdííniid, Danihidił t'áá nihí bá ninádínóohdah! Shí éí doo bá ninádeeshtłish da. K'ad kodóó doo Jew dine'é danilíinii bitahgóó dah dideeshááł. 7Áko áádóó dashdiiyáago, diné léi' Táítas éí Jústas ałdó' yolyéhígíí bighangi yah ajííyá, éí Diyin God yidísinii nilį́į́ lá; kin bii' áłah ná'ádleehí bíighahgóó bighan si'ą́. 8Kríspas, áłah ná'ádleehgo á dah nánídaahígíí éí Bóhólníihii yoosdląąd, bighandóó danilíinii ałdó' t'áá ałtso, áádóó Kórinth dine'é lą'í Paul deidiizts'ą́ą'go da'oosdląądgo tó bee dabi'doolzį́į́'. 9Áko tł'ée'go Paul bił áhát'į́įgo Bóhólníihii ábidííniid, T'áadoo náníldzidí áádóó t'áadoo áhodiilzéhí yáníłti', 10háálá nił honishłǫ́, áko diné ła' doo nik'iidoolwołgo atíndoolíił da, háálá díí kin haal'áagi diné shíí' danilíinii t'óó ahayóí. 11Áko t'ááłá'í nááhai áádóó hastą́ą́h nídeezidjį' bitahgóó Diyin God bizaad bee naz'neeztą́ą́'.
12Nidi Gáliyo éí Akéya hoolyéegi naat'áanii nilį́į́dą́ą́', Jew dine'é łá'í silį́į'go Paul yich'į' nídiizą́ągo yaatįįh yikai, áko aa náhát'į́įjį' yił daaskai, 13kódaaníigo, Díí hastiin éí bee haz'áanii doo yik'eh át'éégóó Diyin God bich'į' nahadlá níigo diné yíni' yá ádahale'. 14Paul k'adę́ę hadzidziih, nít'éé' Gáliyo éí Jew dine'é áyidííniid, Jew dine'é danohłíinii, doo yá'ádaat'éehii, doodaii' bąąhági ádahooníiłii baa nídaaht'į́įgo t'áá aaníí nihíídéests'įįł nít'éé', 15nidi saad índa yízhí áádóó t'áá nihí bee nidahosooł'áanii baa nídaaht'į́įgo, éí t'áá nihí baa nídaaht'į́; shí t'éí ákódaat'éhígíí yeinít'íinii doo t'áá k'ad sélį́į' da. 16Áko aa náhát'į́į́dóó ch'íininíłkaad. 17Áádóó t'áá ałtso Sástheniiz éí áłah ná'ádleehgo á dah nánídaahígíí deisiłgo aa náhát'į́ bich'éédą́ą'gi nídeineesxaal. Nidi Gáliyo éí doo yaa ná'áhodílt'į́į' da.
Ántiyakgóó Paul nádzá
18Éí ákódaadzaadóó bik'ijį' Paul t'áá ákǫ́ǫ́ lą'í náábiiską́ áádóó índa ałk'isóó danilíinii bits'ą́ą́' hoł dah adii'éél, áko Prisíla índa Ákwila bił Síriyagóó hoł aní'éél. Sénkriyadi hatsii' há yilzhéé', háálá łahgo bee ádee hazdoodzíí'.#Num. 6:18. 19Éfesasdi jíkaigo, t'áá ákwe'é Prisíla índa Ákwila nizhnínil. Hó kin bii' áłah ná'ádleeh góne' yah ajííyáago Jew dine'é bighazhdit'ááh. 20T'áá kǫ́ǫ́ haada nízahgóó nee nááhodidoo'naał dahodííniidgo t'áadoo ba'dizh'ní'ą́ą da, 21nidi bits'ą́ą́' dashdiigháahgo kóbizhdííniid, [Jerúsalemdi Jew dine'é binahagha' bik'ehgo hodílzingo áłah ná'ádleehígíí baa náhoolzhiizhgo ts'ídá shidoonááł.] Áádóó Diyin God íinízin ládą́ą́' nihaa náádeeshdááł. Áko Éfesasdóó hoł dah náá'dii'éél.
22Sesaríyadi hoł aní'éelgo, da'oodlání áłah nádleehii bich'į' Jerúsalem góde jiníyáago k'é bizhdííniid, áádóó Ántiyak góyaa náádzídzá. 23T'áá ákǫ́ǫ́ hwee hodíína'go dashdiiyáago Galéíshiya índa Fríjiya kéyah t'áá át'éé nít'éé' biyi'góó tázhdííyáago ídahooł'aahii t'áá ałtso bi'oodlą' bidziil áńdajiidlaa.
Éfesasgi Apálas hane' yá'át'éehii yaa halne'
24Íídą́ą́' Jew dine'é léi' Apálas yolyé, Alezáandriyadi bi'dizhchį́įgo, Éfesasgi níyá. Diyin God bizaad bee ak'eda'ashchínígíí át'éznízingo yáti' jiichįįh. 25Bóhólníihii bik'ehgo honít'i'ii bínahodi'neestą́ą́', áko t'áá íiyisí bízhneedlį́įgo Jesus bídadéét'i'ii t'áadoo yidziihí bee yájíłti' áádóó bínazh'niłtin, azhą́ John bik'ehgo tó bee alzį́hígíí t'éí hoł bééhózin nidi. 26Kin bii' áłah ná'ádleeh góne' t'áadoo yisti'í ayá'niiłti', nidi Prisíla índa Ákwila hodiizts'ą́ą'go, ádihodiilt'e'go Diyin God bik'ehgo honít'i'ii hózhǫ́ yá'át'éehgo t'ah wónásígo yínanááhoneestą́ą́'. 27Áko Akéya hoolyéejį' tsé'naagóó deeshááł jiniizį́į'go ałk'isóó danilíinii há bił yá'ádaat'ééh, áko ídahooł'aahii bił baa hózhǫ́ǫgo baazhdoogááł biniyé bich'į' naaltsoos ádayiilaa. Áadi jiníyáago Diyin God bibee ajooba' binahjį' da'oosdląądígíí lą'ígóó hana'nitin bee bíká ajoolwod, 28háálá Diyin God bizaad bee ak'eda'ashchínígíí bił ííshją́ą́ ádajile'go, Jesus éí Christ nilį́, jiníigo, dahasłą́ą́góó Jew dine'é bigha'hizdeest'ą́.
Currently Selected:
ACTS 18: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 18
18
Kórinthgi Paul naaghá
1Éí bik'ijį' Paul éí Áthenzdóó dah diiyáago Kórinth hoolyéedi níyá. 2Ákwii Jew dine'é ła' Ákwila yolyéé léi' Pántas dine'é nilį́įgo bik'ízhníyá, éí Kládiyas Jew dine'é Romedóó ch'ídahohnééh yidííniidgo biniinaa Ítalidę́ę́' t'áá ániidígo be'asdzą́ą́ Prisíla yił ní'áázh lá. Áko baazhníyáago 3naanish t'ááłá'íígíí hanaanish danilį́į́ léi' t'áá ákwii ba'ałk'ee dzizdáago nidajishnish, háálá níbaal ííł'íní dajílį́. 4T'áá háá'áyį́į́h jį́ ná'ádleeh bik'eh kin bii' áłah ná'ádleeh góne' bighazhdit'áahgo Jew dine'é índa Gríik dine'é da'oodlą́ą dooleełgo bíni' bá ádahojiilaa.
5Sáílas áádóó Timothy éí Masedóniyadę́ę́' ní'áazhgo, Paul t'áadoo áhozdiilzéhí, Jesus éí Christ nilį́, jiníigo Jew dine'é bił nahojilne'. 6Nidi hats'ą́ąjį' naastee' áádóó daha'į́įgo ha'éé' bich'į' jíígháadgo ábizhdííniid, Danihidił t'áá nihí bá ninádínóohdah! Shí éí doo bá ninádeeshtłish da. K'ad kodóó doo Jew dine'é danilíinii bitahgóó dah dideeshááł. 7Áko áádóó dashdiiyáago, diné léi' Táítas éí Jústas ałdó' yolyéhígíí bighangi yah ajííyá, éí Diyin God yidísinii nilį́į́ lá; kin bii' áłah ná'ádleehí bíighahgóó bighan si'ą́. 8Kríspas, áłah ná'ádleehgo á dah nánídaahígíí éí Bóhólníihii yoosdląąd, bighandóó danilíinii ałdó' t'áá ałtso, áádóó Kórinth dine'é lą'í Paul deidiizts'ą́ą'go da'oosdląądgo tó bee dabi'doolzį́į́'. 9Áko tł'ée'go Paul bił áhát'į́įgo Bóhólníihii ábidííniid, T'áadoo náníldzidí áádóó t'áadoo áhodiilzéhí yáníłti', 10háálá nił honishłǫ́, áko diné ła' doo nik'iidoolwołgo atíndoolíił da, háálá díí kin haal'áagi diné shíí' danilíinii t'óó ahayóí. 11Áko t'ááłá'í nááhai áádóó hastą́ą́h nídeezidjį' bitahgóó Diyin God bizaad bee naz'neeztą́ą́'.
12Nidi Gáliyo éí Akéya hoolyéegi naat'áanii nilį́į́dą́ą́', Jew dine'é łá'í silį́į'go Paul yich'į' nídiizą́ągo yaatįįh yikai, áko aa náhát'į́įjį' yił daaskai, 13kódaaníigo, Díí hastiin éí bee haz'áanii doo yik'eh át'éégóó Diyin God bich'į' nahadlá níigo diné yíni' yá ádahale'. 14Paul k'adę́ę hadzidziih, nít'éé' Gáliyo éí Jew dine'é áyidííniid, Jew dine'é danohłíinii, doo yá'ádaat'éehii, doodaii' bąąhági ádahooníiłii baa nídaaht'į́įgo t'áá aaníí nihíídéests'įįł nít'éé', 15nidi saad índa yízhí áádóó t'áá nihí bee nidahosooł'áanii baa nídaaht'į́įgo, éí t'áá nihí baa nídaaht'į́; shí t'éí ákódaat'éhígíí yeinít'íinii doo t'áá k'ad sélį́į' da. 16Áko aa náhát'į́į́dóó ch'íininíłkaad. 17Áádóó t'áá ałtso Sástheniiz éí áłah ná'ádleehgo á dah nánídaahígíí deisiłgo aa náhát'į́ bich'éédą́ą'gi nídeineesxaal. Nidi Gáliyo éí doo yaa ná'áhodílt'į́į' da.
Ántiyakgóó Paul nádzá
18Éí ákódaadzaadóó bik'ijį' Paul t'áá ákǫ́ǫ́ lą'í náábiiską́ áádóó índa ałk'isóó danilíinii bits'ą́ą́' hoł dah adii'éél, áko Prisíla índa Ákwila bił Síriyagóó hoł aní'éél. Sénkriyadi hatsii' há yilzhéé', háálá łahgo bee ádee hazdoodzíí'.#Num. 6:18. 19Éfesasdi jíkaigo, t'áá ákwe'é Prisíla índa Ákwila nizhnínil. Hó kin bii' áłah ná'ádleeh góne' yah ajííyáago Jew dine'é bighazhdit'ááh. 20T'áá kǫ́ǫ́ haada nízahgóó nee nááhodidoo'naał dahodííniidgo t'áadoo ba'dizh'ní'ą́ą da, 21nidi bits'ą́ą́' dashdiigháahgo kóbizhdííniid, [Jerúsalemdi Jew dine'é binahagha' bik'ehgo hodílzingo áłah ná'ádleehígíí baa náhoolzhiizhgo ts'ídá shidoonááł.] Áádóó Diyin God íinízin ládą́ą́' nihaa náádeeshdááł. Áko Éfesasdóó hoł dah náá'dii'éél.
22Sesaríyadi hoł aní'éelgo, da'oodlání áłah nádleehii bich'į' Jerúsalem góde jiníyáago k'é bizhdííniid, áádóó Ántiyak góyaa náádzídzá. 23T'áá ákǫ́ǫ́ hwee hodíína'go dashdiiyáago Galéíshiya índa Fríjiya kéyah t'áá át'éé nít'éé' biyi'góó tázhdííyáago ídahooł'aahii t'áá ałtso bi'oodlą' bidziil áńdajiidlaa.
Éfesasgi Apálas hane' yá'át'éehii yaa halne'
24Íídą́ą́' Jew dine'é léi' Apálas yolyé, Alezáandriyadi bi'dizhchį́įgo, Éfesasgi níyá. Diyin God bizaad bee ak'eda'ashchínígíí át'éznízingo yáti' jiichįįh. 25Bóhólníihii bik'ehgo honít'i'ii bínahodi'neestą́ą́', áko t'áá íiyisí bízhneedlį́įgo Jesus bídadéét'i'ii t'áadoo yidziihí bee yájíłti' áádóó bínazh'niłtin, azhą́ John bik'ehgo tó bee alzį́hígíí t'éí hoł bééhózin nidi. 26Kin bii' áłah ná'ádleeh góne' t'áadoo yisti'í ayá'niiłti', nidi Prisíla índa Ákwila hodiizts'ą́ą'go, ádihodiilt'e'go Diyin God bik'ehgo honít'i'ii hózhǫ́ yá'át'éehgo t'ah wónásígo yínanááhoneestą́ą́'. 27Áko Akéya hoolyéejį' tsé'naagóó deeshááł jiniizį́į'go ałk'isóó danilíinii há bił yá'ádaat'ééh, áko ídahooł'aahii bił baa hózhǫ́ǫgo baazhdoogááł biniyé bich'į' naaltsoos ádayiilaa. Áadi jiníyáago Diyin God bibee ajooba' binahjį' da'oosdląądígíí lą'ígóó hana'nitin bee bíká ajoolwod, 28háálá Diyin God bizaad bee ak'eda'ashchínígíí bił ííshją́ą́ ádajile'go, Jesus éí Christ nilį́, jiníigo, dahasłą́ą́góó Jew dine'é bigha'hizdeest'ą́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).