ACTS 16
16
Timothy éí Paul índa Sáílas yił dah diikai
1Áko Dérbiigi índa Lístragi jiníyá. Ákwe'é íhooł'aahii ła' Timothy yolyéego sidáá lá, bimá Jew dine'é nilį́įgo oodlání nilį́, nidi bizhé'é éí Gríik dine'é nilį́. 2Lístragi áádóó Aikóniyamgi ałk'isóó danilíinii yá'át'éehgo Timothy yaa ch'ídahwii'aah. 3Paul hoł deesh'ash hó'níigo hąąh néineeshgizh, háálá hazhé'é éí Gríik dine'é nilį́įgo Jew dine'é ákwii kéédahat'ínígíí t'áá ałtso bił béédahózin. 4Áádóó kin hadaas'áágóó ch'íjíkaigo, Jerúsalemdi daal'aadii índa da'oodlání yá aląąjį' naazíinii bik'eh ádajit'ée dooleełii hasht'edayiilaii, da'oodlání yik'eh dahół'į́į doo biniyé bee bił dahojoolne'. 5Áko da'oodlání áłah nídaadleehii na'nitin woodláanii bee bidziil ádaalyaa, áádóó t'áá ákwíí jį́ lą'í ihidiikáahgo k'ee'ąą yilzhish.
Paul éí Masedóniyadę́ę́' diné bił ádzaa
6Áádóó Fríjiya índa Galéíshiya kéyah góne' ch'íjíkaigo Níłch'i Diyinii áhodííniid, Éízhagi Diyin God bizaad doo baa nidahodoołnih da. 7Áádóó Mísiya binaashiijí jookahgo Bithíniyagóó dashdiikááh nít'éé' Níłch'i Diyinii dooda hałní. 8Áko Mísiya t'óó bíighah ch'íjíkaigo Trówas kin haal'áá góyaa jíkai. 9Ákwe'é tł'ée'go Paul bił áhoodzaa: Masedóniyadę́ę́' diné léi' kóníigo náhookąąhgo sizį́įgo jiiłtsą́, Hágo, Masedóniya kéyahjį' tsé'naa ninínáahgo nihíká anilyeed. 10Ákót'éego hoł áhoodzaago, t'áá áko Masedóniyagóó diikah daniidzį́į́', háálá hane' yá'át'éehii bee bił dahodiilnih biniyé Bóhólníihii nihíká ádííniid lá daniidzį́į́'.
Lídiya yolyéii oosdląąd
11Éí bąą Trówasdóó nihił dah adii'éelgo Sámothreisjį' t'óó k'ídahosiildǫǫd, índa biiskání Niyápolisdi nihił aní'éél, 12áádóó Fílipaijį' niikai, éí Masedóniya kéyahdi aláahgo kin haal'á, Rome dine'é bee bóhólníihgo bił haz'áanii át'é. Díí kin haal'áagi naháatą́ągo t'áá díkwíí danihiiską́, 13áko háá'áyį́į́h jį́į́ góne' tooh nílį́į́ léi' bibąąhjį' kin haal'áádóó ch'íniikai, ákwe'é sodizin biniyé náhoot'aah łeh; ákwii dineebingo asdzání ahíikaígíí bich'į' yádeiilti'. 14Danihidiizts'ą́'ígíí ła' asdzání Lídiya yolyéego Thaiyatáíra kin haal'áádę́ę́' naaghá, naak'a'at'ą́hí tsídídééh nahalingo łichí'ígíí baa nahaniih, áádóó Diyin God yich'į' hodísinii nilį́. Paul yee hahaasdzí'ígíí bee hasht'e'nitsízdookos biniyé Bóhólníihii hajéí yidiisnáá'. 15Áko bí índa ba'áłchíní tó bee dabi'doolzį́į'go nánihooskango ání, Bóhólníihii t'áá aaníí yoodlą́ą́ lá dashíínóh'níí ládą́ą́' shighandi nohkáahgo ákwii nahísóotą́, nihiłníigo yaa nánihookąąhgo nihigha'deet'ą́.
Fílipaigi Paul áádóó Sáílas yah abi'doo'nil
16Łah sodizin bá náhoot'aahgóó náánéiikah, nít'éé' ch'ikę́ę́h léi', naalte' nilį́įgo níłch'i bi'iiníziinii nabiiłáago náásgóó ádahodooníiłii yaa halne' lágo nihidááh níyá, éí yinaalte' nilíinii lą'í yá níyíiłbįįhgo naagháá lá. 17Éí Paul áádóó nihí nihikéé' yigáałgo hadoolghaazhgo ání, Díí diné danilíinii Diyin God Aláahgo Ayóó'át'éii yá nidaal'a'í danilį́įgo bee yisdá'iildéehii yee nihił dahalne'. 18Díí ch'ikę́ę́h kót'į́įgo lą'í yiską́. Nidi Paul éí yádoosnihgo názyizgo níłch'i bi'iiníziinii áyidííniid, Jesus Christ bízhi' bee ándishní, Hwii' haninááh. T'áá áko hayi'dę́ę́' hahóóle'.
19Nidi at'ééd yee ádídahólníihii éí yee nída'íiłbįįh nít'éé' yę́ę bits'ą́ą́' ásdįįdgo yaa ákodaniizį́į'go Paul índa Sáílas deisiłgo nida'iiniih bá haz'ą́ągi naat'áanii danilíinii bidááhdę́ę́' nideizh'eezh, 20áko kin haal'áagi naat'áaniishchíín danilíinii bidááhdóó nidajizh'eezhgo ádazhdííniid, Díí diné Jew dine'é nilį́įgo nihikin haal'áagi t'áá íiyisí hááhoniłcha'. 21Éí bi'é'él'į' nilíinii Rome dine'é daniidlį́įgo t'áadoo bee nihá haz'áanii deidiiltsołgo bik'eh dayíníikáah dooleełígíí yínanihiniłtin. 22Áko áłah silį́'ígíí hach'į' nídiizą́ągo hak'iijéé', áádóó naat'áaniishchíín danilíinii ha'éé' hak'i nidayiizǫ́ǫzgo náhodí'nóolghałgo yee dahooł'a'. 23Áko lą'ídi nídahoneesxaalgo awáalyaa yaa áhályánígíí, Hazhó'ó baa áhólyą́, deiłníigo yee dahooł'a'go awáalyaa góne' yah adahaznil. 24Ákót'éego bich'į' ha'oodzíi'go awáalyaa náwóne'é góne' yah ahwiistł'íidgo tsin bigházdées'eezgo áhoolaa.
25Ákondi tł'é'ííłníi'go Paul índa Sáílas sodilzingo sin bee Diyin God bich'į' hojitaałgo awáalyaaí dahwíists'ą́ą́'. 26Nít'éé' t'áadoo hooyání ayóó át'éego ni' nahaas'náa'go awáalyaa kin bitł'ááh nídaastł'inii nidahaas'náá', áko t'ahaa'go dáádílkał t'áá ałtso ąą dadeezkę́ę́z índa t'áá ádzíłtso bee dah daho'diistł'ónígíí k'ida'oos'nah. 27Áko awáalyaa yaa áhályánígíí ch'énádzid, nít'éé' awáalyaa bidáádílkał ąą ádaat'éego yiyiiłtsą́, áko awáalyaaí ałtso ch'éheezhjéé' sha'shin niizį́į'go bidiltłish hayíítą́ągo ádi'niilyį́. 28Nidi Paul yéego hadoolghaazhgo ání, Atí'ádóólnééh lágo, t'ááyee' áníiltso t'áá kǫ́ǫ́ naháatą́. 29Áko, Aadę́ę́' bee hool'iní yah oohjááh, jiníigo yah ajoolwod, áko t'óó hoł yée'go hatah hoditłidgo Paul índa Sáílas biyaajį' ádee iijoolghaal. 30Áádóó bił ch'íjíkaigo ájíní, Shahastóí, haayee' yit'éego yisdádeeshááł? 31Áko áháłní, Bóhólníihii Jesus Christ yinídląąh áádóó baa dzíínílíigo yisdádíínááł, na'áłchíní t'áá bił. 32Áádóó t'áá áłah Bóhólníihii bizaad yee hach'į' yááłti', haghandóó danilíinii ałdó' t'áá ałtso. 33T'áá éí bitł'éé' t'áá ákwe'é hoolzhishgo bił dashdiikaigo bik'i nidzisk'ą́ yę́ęgóó bá táádzízgiz, t'áá áko haghandóó danilíinii t'áá ałtso t'áá bił tó bee daho'doolzį́į́'. 34Índída hakin góde hajizh'eezhgo biyaa nizh'níką́, áko Diyin God joosdląądgo, haghandóó danilíinii bił t'áá ádzíłtso t'áá íiyisí hoł dahózhǫ́.
35Nidi hoos'įįdgo naat'áaniishchíín danilíinii siláo ła' ákǫ́ǫ́ ayííł'a'go ádaaní, Eii diné béé'nółnííh. 36Áko awáalyaa yaa áhályáanii kóníigo díí saad yee Paul yił hoolne', Naat'áaniishchíín danilíinii nihéé'doolnihgo aníł'a', áko k'ad hazhó'ó nááht'ash. 37Nidi Paul áháłní, Rome dine'é niidlį́įgo t'áadoo nihá nihoot'aahí t'áá ałtso dabinááł nídanihizneesxaal, índa awáalyaa góne' yah adanihidziistł'ííd;#16:37 Rome dine'é bibee haz'áanii k'ehgo Rome dine'é danilíinii nábidi'nóoltsxisgo ts'ídá doo bee bá haz'ą́ą da. da' ákoósh k'ad t'áá nahonit'inee ch'éénihidee'nííł? Doodayéi! Háni'dii t'áá hó jíkáahgo ch'éédanihijí'nííł. 38Siláo éí díí ájínínígíí naat'áaniishchíín danilíinii yee yił hoolne'go Rome dine'é jílį́į́ láígíí deidiizts'ą́ą'go nídaasdzííd, 39áko ákwii yíkaigo k'é náho'doo'niid. Áádóó ch'íhoní'eezhgo náhookąąhgo, Kin haal'áádóó dah dooh'aash, hodííniid. 40Áko awáalyaadóó ch'ízhní'áazhgo, Lídiya bighandi yah ajíí'áázh, áko ałk'isóó danilíinii bił nída'ahijiiltsą́ągo hada'ólníigo ájiilaa, áádóó dashdii'áázh.
Currently Selected:
ACTS 16: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 16
16
Timothy éí Paul índa Sáílas yił dah diikai
1Áko Dérbiigi índa Lístragi jiníyá. Ákwe'é íhooł'aahii ła' Timothy yolyéego sidáá lá, bimá Jew dine'é nilį́įgo oodlání nilį́, nidi bizhé'é éí Gríik dine'é nilį́. 2Lístragi áádóó Aikóniyamgi ałk'isóó danilíinii yá'át'éehgo Timothy yaa ch'ídahwii'aah. 3Paul hoł deesh'ash hó'níigo hąąh néineeshgizh, háálá hazhé'é éí Gríik dine'é nilį́įgo Jew dine'é ákwii kéédahat'ínígíí t'áá ałtso bił béédahózin. 4Áádóó kin hadaas'áágóó ch'íjíkaigo, Jerúsalemdi daal'aadii índa da'oodlání yá aląąjį' naazíinii bik'eh ádajit'ée dooleełii hasht'edayiilaii, da'oodlání yik'eh dahół'į́į doo biniyé bee bił dahojoolne'. 5Áko da'oodlání áłah nídaadleehii na'nitin woodláanii bee bidziil ádaalyaa, áádóó t'áá ákwíí jį́ lą'í ihidiikáahgo k'ee'ąą yilzhish.
Paul éí Masedóniyadę́ę́' diné bił ádzaa
6Áádóó Fríjiya índa Galéíshiya kéyah góne' ch'íjíkaigo Níłch'i Diyinii áhodííniid, Éízhagi Diyin God bizaad doo baa nidahodoołnih da. 7Áádóó Mísiya binaashiijí jookahgo Bithíniyagóó dashdiikááh nít'éé' Níłch'i Diyinii dooda hałní. 8Áko Mísiya t'óó bíighah ch'íjíkaigo Trówas kin haal'áá góyaa jíkai. 9Ákwe'é tł'ée'go Paul bił áhoodzaa: Masedóniyadę́ę́' diné léi' kóníigo náhookąąhgo sizį́įgo jiiłtsą́, Hágo, Masedóniya kéyahjį' tsé'naa ninínáahgo nihíká anilyeed. 10Ákót'éego hoł áhoodzaago, t'áá áko Masedóniyagóó diikah daniidzį́į́', háálá hane' yá'át'éehii bee bił dahodiilnih biniyé Bóhólníihii nihíká ádííniid lá daniidzį́į́'.
Lídiya yolyéii oosdląąd
11Éí bąą Trówasdóó nihił dah adii'éelgo Sámothreisjį' t'óó k'ídahosiildǫǫd, índa biiskání Niyápolisdi nihił aní'éél, 12áádóó Fílipaijį' niikai, éí Masedóniya kéyahdi aláahgo kin haal'á, Rome dine'é bee bóhólníihgo bił haz'áanii át'é. Díí kin haal'áagi naháatą́ągo t'áá díkwíí danihiiską́, 13áko háá'áyį́į́h jį́į́ góne' tooh nílį́į́ léi' bibąąhjį' kin haal'áádóó ch'íniikai, ákwe'é sodizin biniyé náhoot'aah łeh; ákwii dineebingo asdzání ahíikaígíí bich'į' yádeiilti'. 14Danihidiizts'ą́'ígíí ła' asdzání Lídiya yolyéego Thaiyatáíra kin haal'áádę́ę́' naaghá, naak'a'at'ą́hí tsídídééh nahalingo łichí'ígíí baa nahaniih, áádóó Diyin God yich'į' hodísinii nilį́. Paul yee hahaasdzí'ígíí bee hasht'e'nitsízdookos biniyé Bóhólníihii hajéí yidiisnáá'. 15Áko bí índa ba'áłchíní tó bee dabi'doolzį́į'go nánihooskango ání, Bóhólníihii t'áá aaníí yoodlą́ą́ lá dashíínóh'níí ládą́ą́' shighandi nohkáahgo ákwii nahísóotą́, nihiłníigo yaa nánihookąąhgo nihigha'deet'ą́.
Fílipaigi Paul áádóó Sáílas yah abi'doo'nil
16Łah sodizin bá náhoot'aahgóó náánéiikah, nít'éé' ch'ikę́ę́h léi', naalte' nilį́įgo níłch'i bi'iiníziinii nabiiłáago náásgóó ádahodooníiłii yaa halne' lágo nihidááh níyá, éí yinaalte' nilíinii lą'í yá níyíiłbįįhgo naagháá lá. 17Éí Paul áádóó nihí nihikéé' yigáałgo hadoolghaazhgo ání, Díí diné danilíinii Diyin God Aláahgo Ayóó'át'éii yá nidaal'a'í danilį́įgo bee yisdá'iildéehii yee nihił dahalne'. 18Díí ch'ikę́ę́h kót'į́įgo lą'í yiską́. Nidi Paul éí yádoosnihgo názyizgo níłch'i bi'iiníziinii áyidííniid, Jesus Christ bízhi' bee ándishní, Hwii' haninááh. T'áá áko hayi'dę́ę́' hahóóle'.
19Nidi at'ééd yee ádídahólníihii éí yee nída'íiłbįįh nít'éé' yę́ę bits'ą́ą́' ásdįįdgo yaa ákodaniizį́į'go Paul índa Sáílas deisiłgo nida'iiniih bá haz'ą́ągi naat'áanii danilíinii bidááhdę́ę́' nideizh'eezh, 20áko kin haal'áagi naat'áaniishchíín danilíinii bidááhdóó nidajizh'eezhgo ádazhdííniid, Díí diné Jew dine'é nilį́įgo nihikin haal'áagi t'áá íiyisí hááhoniłcha'. 21Éí bi'é'él'į' nilíinii Rome dine'é daniidlį́įgo t'áadoo bee nihá haz'áanii deidiiltsołgo bik'eh dayíníikáah dooleełígíí yínanihiniłtin. 22Áko áłah silį́'ígíí hach'į' nídiizą́ągo hak'iijéé', áádóó naat'áaniishchíín danilíinii ha'éé' hak'i nidayiizǫ́ǫzgo náhodí'nóolghałgo yee dahooł'a'. 23Áko lą'ídi nídahoneesxaalgo awáalyaa yaa áhályánígíí, Hazhó'ó baa áhólyą́, deiłníigo yee dahooł'a'go awáalyaa góne' yah adahaznil. 24Ákót'éego bich'į' ha'oodzíi'go awáalyaa náwóne'é góne' yah ahwiistł'íidgo tsin bigházdées'eezgo áhoolaa.
25Ákondi tł'é'ííłníi'go Paul índa Sáílas sodilzingo sin bee Diyin God bich'į' hojitaałgo awáalyaaí dahwíists'ą́ą́'. 26Nít'éé' t'áadoo hooyání ayóó át'éego ni' nahaas'náa'go awáalyaa kin bitł'ááh nídaastł'inii nidahaas'náá', áko t'ahaa'go dáádílkał t'áá ałtso ąą dadeezkę́ę́z índa t'áá ádzíłtso bee dah daho'diistł'ónígíí k'ida'oos'nah. 27Áko awáalyaa yaa áhályánígíí ch'énádzid, nít'éé' awáalyaa bidáádílkał ąą ádaat'éego yiyiiłtsą́, áko awáalyaaí ałtso ch'éheezhjéé' sha'shin niizį́į'go bidiltłish hayíítą́ągo ádi'niilyį́. 28Nidi Paul yéego hadoolghaazhgo ání, Atí'ádóólnééh lágo, t'ááyee' áníiltso t'áá kǫ́ǫ́ naháatą́. 29Áko, Aadę́ę́' bee hool'iní yah oohjááh, jiníigo yah ajoolwod, áko t'óó hoł yée'go hatah hoditłidgo Paul índa Sáílas biyaajį' ádee iijoolghaal. 30Áádóó bił ch'íjíkaigo ájíní, Shahastóí, haayee' yit'éego yisdádeeshááł? 31Áko áháłní, Bóhólníihii Jesus Christ yinídląąh áádóó baa dzíínílíigo yisdádíínááł, na'áłchíní t'áá bił. 32Áádóó t'áá áłah Bóhólníihii bizaad yee hach'į' yááłti', haghandóó danilíinii ałdó' t'áá ałtso. 33T'áá éí bitł'éé' t'áá ákwe'é hoolzhishgo bił dashdiikaigo bik'i nidzisk'ą́ yę́ęgóó bá táádzízgiz, t'áá áko haghandóó danilíinii t'áá ałtso t'áá bił tó bee daho'doolzį́į́'. 34Índída hakin góde hajizh'eezhgo biyaa nizh'níką́, áko Diyin God joosdląądgo, haghandóó danilíinii bił t'áá ádzíłtso t'áá íiyisí hoł dahózhǫ́.
35Nidi hoos'įįdgo naat'áaniishchíín danilíinii siláo ła' ákǫ́ǫ́ ayííł'a'go ádaaní, Eii diné béé'nółnííh. 36Áko awáalyaa yaa áhályáanii kóníigo díí saad yee Paul yił hoolne', Naat'áaniishchíín danilíinii nihéé'doolnihgo aníł'a', áko k'ad hazhó'ó nááht'ash. 37Nidi Paul áháłní, Rome dine'é niidlį́įgo t'áadoo nihá nihoot'aahí t'áá ałtso dabinááł nídanihizneesxaal, índa awáalyaa góne' yah adanihidziistł'ííd;#16:37 Rome dine'é bibee haz'áanii k'ehgo Rome dine'é danilíinii nábidi'nóoltsxisgo ts'ídá doo bee bá haz'ą́ą da. da' ákoósh k'ad t'áá nahonit'inee ch'éénihidee'nííł? Doodayéi! Háni'dii t'áá hó jíkáahgo ch'éédanihijí'nííł. 38Siláo éí díí ájínínígíí naat'áaniishchíín danilíinii yee yił hoolne'go Rome dine'é jílį́į́ láígíí deidiizts'ą́ą'go nídaasdzííd, 39áko ákwii yíkaigo k'é náho'doo'niid. Áádóó ch'íhoní'eezhgo náhookąąhgo, Kin haal'áádóó dah dooh'aash, hodííniid. 40Áko awáalyaadóó ch'ízhní'áazhgo, Lídiya bighandi yah ajíí'áázh, áko ałk'isóó danilíinii bił nída'ahijiiltsą́ągo hada'ólníigo ájiilaa, áádóó dashdii'áázh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).