ACTS 15
15
Jerúsalemgi áłah azlį́į́'
1Nidi diné léi' Judíyadę́ę́' yíkaigo ałk'isóó danilíinii nideinitingo ádaaní, Mózes yee has'áanii bik'ehgo doo nihąąh nídahineeshgizhgóó#Lev. 12:3. doo yisdádahohkááh át'ée da. 2Áko Paul índa Bárnabas, éí ayóó át'éego bił ałghadazh'dit'áahgo bił na'ahíyádadzisti', áko Paul áádóó Bárnabas índa náádaała' éí daal'aadii áádóó da'oodlání yá aląąjį' naazíinii Jerúsalemdi naháaztánígíí díí áhodoo'niidígíí baa nídazhdóot'įįł biniyé ákǫ́ǫ́ jidookahgo nídahodiinil. 3Áko da'oodlání áłah nádleehii dah dahodiił'a'go dashdiikai, áádóó doo Jew dine'é danilíinii Bóhólníihii yich'į' dah dahidiikaígíí baa dahojilne'go, Finííshiya índa Samériya kéyah biyi'góó ch'íjíkai, áko ałk'isóó danilíinii t'áá íiyisí bił dahojííshǫǫd. 4Jerúsalemgi jíkaigo da'oodlání áłah nádleehii índa daal'aadii áádóó da'oodlání yá aląąjį' naazíinii bił dajílį́įgo baa jíkai, áko Diyin God hanahjį' yaa naayáhígíí t'áá ałtso baa nidahodzisne'. 5Nidi da'oodlání ła' Férisii yich'ijí danilį́į́ nít'éé' yę́ę nídahidii'néehgo ádadííniid, Ts'ídá t'áá nihąąh nídahinilgish doo, índa Mózes yee has'áanii bik'eh dahonoł'į́į doo, bidi'doo'niiłgo ts'ídá bohónéedzą́.
6Daal'aadii índa da'oodlání yá aląąjį' naazíinii díidí yaa nídadóot'įįł biniyé ahíikai. 7Áko t'áá łą́ą́góó saad hazlį́į'go, Peter nídii'na'go áhodííniid, [Shahastóí áádóó] shik'isóó, nihił béédahózingo doo Jew dine'é danilíinii hane' yá'át'éehii deididoots'į́į́ł índa da'iidoodląął#Acts 10:1-43. biniyé t'ah ałk'idą́ą́' nihitahdóó Diyin God náshidiiłtį́. 8Áádóó Diyin God éí diné bijéí ádaat'éegi bił bééhózinii, Níłch'i Diyinii nihaidiní'ánígi át'éego#Acts 2:4. éí ałdó' yeidiní'ą́ągo#Acts 10:44. Diyin God bił yá'íít'éhígíí hach'į' ííshją́ą́ áyiilaa. 9Doo bił ał'ąą ádaniit'éégóó ánihiilaa, nidi bi'oodlą' bee bijéí doo bąąh daachinígóó áyiilaa. 10Éí bąą k'ad ha'át'íí biniyé Diyin God nabídanohtaah, danihizhé'é yę́ę áádóó nihí ałdó' doo bídaniil'áanii baa nahonitł'aii, éí ídahooł'aahii bide ádaat'éego ádaahłééh. 11Nidi t'áá yisdáhidookahígi át'éego nihí ałdó' Bóhólníihii Jesus bibee ajooba' bee yisdáhidiikahgo deiniidlą́.
12Áko áłah nilínígíí t'áá ałtso dadeesxeel, áádóó Bárnabas índa Paul éí doo Jew dine'é danilíinii bitahgóó Diyin God bibee adziilii bee béédahózinii índa bik'ee t'óó ił ahayóigo ádahooníiłii hanahjį' Diyin God yaa naayáhígíí baa nahodzisne'go deidiizts'ą́ą́'. 13T'áá ákódígo bee hadzoodzíi'go James hach'į' t'ą́ą́' hanáádzíi'go ání, [Shahastóí áádóó] shik'isóó, dashíísółts'ą́ą́': 14Diyin God ts'ídá átsé doo Jew dine'é danilíinii yaa joozba'go, éí bitahdę́ę́' dine'é ła' t'áá bí bízhi' yee dabi'dójíi dooleeł biniyé yitayiizláá', níigo Sáíman nihił nahasne'. 15Diyin God yá dahalne'ii yę́ę dabizaad díí t'áá yił aheełt'éego halne'. Kóníigo bee ak'e'ashchį́:
16Bóhólníihii ání, Díidí bik'ijį' náádeeshdáałgo,
David bisodizin bá hooghan nidahasdázígóó áńdeeshdlííł;
nidahasdázígóó nídeeshtł'į́įłgo ninádeesh'ááł.
17Áko náánáła' dadine'é Bóhólníihii hadeintáa doo,
áádóó doo Jew dine'é danilíinii t'áá shí dooleełgo bíká ádíshnínígíí t'áá ałtso ałdó' hadeintáa doo.
Bóhólníihii díí t'áá ałtsoní áyoolíiłii kóní.
18T'áá hodeeyáádę́ę́' Diyin God ádeile'ii bił bééhózin.#Amos 9:11,12.
19Éí bąą kót'éego bee nitsískees, doo Jew dine'é danilíinii bitahdę́ę́' Diyin God yich'į' dah nídahidiikáhígíí t'áadoo baa nídeiit'íní dooleeł, 20nidi eda'alyaii bich'į' ch'iyáán náádahaaznii'ii t'áadoo daohsání,#Ex. 34:15-17. áádóó na'ageh bee tsi'na'adá#Lev. 18:6-23. bits'ą́ąjį' ádanoht'é, índa bizák'ídadii'nii'ii#15:20 Bizák'ídadii'nii'ii, nínígíí deidą́ągo doo bee haz'ą́ą da, diłígíí ałtso bii' haagohgo índa. Jew dine'é bibee haz'áanii éí, Dił doo ch'iyáán át'ée da, ní. Doo Jew dine'é danilíinii da'oosdląądgo doo bee ahanídajit'į́į da dooleełígíí biniyé t'áá ákót'éego bá ha'oodzíí'. áádóó diłda#Lev. 17:10-16. t'áadoo daohsání, dabidii'níigo bich'į' naaltsoos ádeiilnéehgo yá'át'ééh nisin. 21Háálá ałk'idą́ą́' oochííłdę́ę́' t'áá háá'áyį́į́h jį́ ná'oodleeł bik'eh, t'áá kin hadaas'áagi kin bii' áłah nída'adleehgóó Mózes yę́ę bizaad nídayóltahgo yaa nídahalnih.
Daal'aadii áłah daazlį́į'ii binaaltsoos
22Áko daal'aadii áádóó da'oodlání yá aląąjį' naazíinii índa da'oodlání áłah nádleehii t'áá ájít'é, hatahdóó diné ła' nídidoo'niłgo Paul índa Bárnabas yił Ántiyakgóó dookahígíí hoł yá'ádaat'ééh. Áko Júdas éí Bársabas ałdó' yolyéhígíí, índa Sáílas bił nídazhdiinil, díí nidilt'éego ałk'isóó danilíinii bitahdóó alááh hidíízíinii nilį́, 23áko kót'éego naaltsoos bił adadzis'a': Daal'aadii índa da'oodlání bá aląąjį' nisiidzíinii, nihik'is daniidlį́įgo, Ántiyakgóó áádóó Síriyagóó índa Silíshiyagóó doo Jew dine'é danilíinii bitahdóó nihik'is danohłíinii, k'é danihidii'ní. 24Háálá kodóó nihits'ą́ą́dóó diné ła', t'áadoo saad bee bich'į' hadasiidzíi'ii yee nihída'ats'ih, áko nihintsékees bee t'óó nihił daahaadago ádanihiilaago dasidiits'ą́ą́'. [Ádanihiłní, Nihąąh nídahidínóolgish áádóó Jew dine'é bibee haz'áanii bik'eh dahonoł'į́į doo.] 25Áko áłah siidlį́į'go aheełt'éego nitsídeiikeesgo diné ła' nídadii'nilgo, éí ayóó'ádeíníi'níinii Bárnabas índa Paul bił nihich'į' dadeel'a'go la', yá'át'ééh daniidzį́į́', 26nihiBóhólníihii Jesus Christ bízhi' bá díí diné t'áá ájíłah niná'ázhdeet'ą́. 27Éí bąą Júdas índa Sáílas nihich'į' adasiil'a', éí ałdó' t'áá bí díí yee nihił hodoolnih. 28Háálá díí t'áá ákónéehee ádaat'éii át'é, t'ah náábíláahgo t'éí doo nihiyéél ádeiilne' da, éí Níłch'i Diyinii yá'át'ééh nízingo nihí ałdó' yá'át'ééh daniidzin: 29éí eda'alyaii bich'į' náádahaaznii'ii áádóó dił áádóó bizák'ídadii'nii'ii t'áadoo daohsání, índa na'ageh bee tsi'na'adá bits'ą́ąjį' ádanoht'é. Éí bits'ą́ąjį' ádanoht'éego yá'át'éehgi ádaahníił dooleeł. Diyin God nihił hólǫ́ǫ doo.
30Áko índa dah dahodiił'a'go Ántiyak góyaa jíkai, áko da'oodlání áłah nádleehii t'áá át'é áłah ádajiilaago naaltsoos baa dadzistsooz. 31Éí dayííłta'go bee ha'ahóníinii bąą bił dahóózhǫǫd. 32Áádóó Júdas índa Sáílas, t'áá bí ałdó' Diyin God yá halne'ii nilį́įgo ałk'isóó danilíinii lą'ígóó bich'į' yájííłti'go chánah danilį́įgo índa dabidziilgo ádajiilaa. 33T'áá ákwe'é hwee hodíína'dóó bik'ijį', dahoníł'a'ígíí bich'į' hoł hózhǫ́ǫgo hak'isóó anídahas'a'. 34[Nidi Sáílas, t'áá ákwe'é dzizdáa dooleełígíí hoł yá'íít'ééh.] 35Nidi Paul índa Bárnabas éí t'áá Ántiyakgi siké, diné lą'í hoł nida'nitin áádóó Bóhólníihii bizaad baa dahojilne'.
Paul éí Bárnabas yił ałts'ásht'áázh
36Lą'í yiską́ą́dóó bik'ijį' Paul éí Bárnabas yich'į' haadzíi'go ání, Haa'íshą', t'áá kin hadaas'áagi Bóhólníihii bizaad baa nahosiilne' yę́ęgóó t'ą́ą́' nídiit'ashgo nihik'isóó danilíinii haa daat'į́į sha'shin, éí nihił bééhodoozįįł. 37Áko Bárnabas éí John, Mark ałdó' yolyéhígíí, bił diikah, níigo yaa nitsi'níłdéél. 38Nidi Paul éí doo íinízin da, háálá Pamfíliyadóó łah hats'ą́ą́' t'ą́ą́' hááyáago#Acts 13:13. t'áadoo náásgóó hoł náádeeshnish da. 39Áko éí biniinaa t'áá íiyisí ałghazh'dit'áahgo baa nijizh'áazhgo ałts'ájízh'áázh, áko Bárnabas, Mark yił dah dii'áazhgo Sáíprasgóó hoł dah adii'éél, 40nidi Paul éí Sáílas néidiiłtį́įgo ałk'isóó danilíinii, Bóhólníihii nihaa jooba' doo, dahałníigo dashdii'áázh. 41Áko da'oodlání áłah nídaadleehii bidziil ádajile'go Síriya índa Silíshiya kéyah biyi'góó ch'ízhní'áázh.
Currently Selected:
ACTS 15: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
ACTS 15
15
Jerúsalemgi áłah azlį́į́'
1Nidi diné léi' Judíyadę́ę́' yíkaigo ałk'isóó danilíinii nideinitingo ádaaní, Mózes yee has'áanii bik'ehgo doo nihąąh nídahineeshgizhgóó#Lev. 12:3. doo yisdádahohkááh át'ée da. 2Áko Paul índa Bárnabas, éí ayóó át'éego bił ałghadazh'dit'áahgo bił na'ahíyádadzisti', áko Paul áádóó Bárnabas índa náádaała' éí daal'aadii áádóó da'oodlání yá aląąjį' naazíinii Jerúsalemdi naháaztánígíí díí áhodoo'niidígíí baa nídazhdóot'įįł biniyé ákǫ́ǫ́ jidookahgo nídahodiinil. 3Áko da'oodlání áłah nádleehii dah dahodiił'a'go dashdiikai, áádóó doo Jew dine'é danilíinii Bóhólníihii yich'į' dah dahidiikaígíí baa dahojilne'go, Finííshiya índa Samériya kéyah biyi'góó ch'íjíkai, áko ałk'isóó danilíinii t'áá íiyisí bił dahojííshǫǫd. 4Jerúsalemgi jíkaigo da'oodlání áłah nádleehii índa daal'aadii áádóó da'oodlání yá aląąjį' naazíinii bił dajílį́įgo baa jíkai, áko Diyin God hanahjį' yaa naayáhígíí t'áá ałtso baa nidahodzisne'. 5Nidi da'oodlání ła' Férisii yich'ijí danilį́į́ nít'éé' yę́ę nídahidii'néehgo ádadííniid, Ts'ídá t'áá nihąąh nídahinilgish doo, índa Mózes yee has'áanii bik'eh dahonoł'į́į doo, bidi'doo'niiłgo ts'ídá bohónéedzą́.
6Daal'aadii índa da'oodlání yá aląąjį' naazíinii díidí yaa nídadóot'įįł biniyé ahíikai. 7Áko t'áá łą́ą́góó saad hazlį́į'go, Peter nídii'na'go áhodííniid, [Shahastóí áádóó] shik'isóó, nihił béédahózingo doo Jew dine'é danilíinii hane' yá'át'éehii deididoots'į́į́ł índa da'iidoodląął#Acts 10:1-43. biniyé t'ah ałk'idą́ą́' nihitahdóó Diyin God náshidiiłtį́. 8Áádóó Diyin God éí diné bijéí ádaat'éegi bił bééhózinii, Níłch'i Diyinii nihaidiní'ánígi át'éego#Acts 2:4. éí ałdó' yeidiní'ą́ągo#Acts 10:44. Diyin God bił yá'íít'éhígíí hach'į' ííshją́ą́ áyiilaa. 9Doo bił ał'ąą ádaniit'éégóó ánihiilaa, nidi bi'oodlą' bee bijéí doo bąąh daachinígóó áyiilaa. 10Éí bąą k'ad ha'át'íí biniyé Diyin God nabídanohtaah, danihizhé'é yę́ę áádóó nihí ałdó' doo bídaniil'áanii baa nahonitł'aii, éí ídahooł'aahii bide ádaat'éego ádaahłééh. 11Nidi t'áá yisdáhidookahígi át'éego nihí ałdó' Bóhólníihii Jesus bibee ajooba' bee yisdáhidiikahgo deiniidlą́.
12Áko áłah nilínígíí t'áá ałtso dadeesxeel, áádóó Bárnabas índa Paul éí doo Jew dine'é danilíinii bitahgóó Diyin God bibee adziilii bee béédahózinii índa bik'ee t'óó ił ahayóigo ádahooníiłii hanahjį' Diyin God yaa naayáhígíí baa nahodzisne'go deidiizts'ą́ą́'. 13T'áá ákódígo bee hadzoodzíi'go James hach'į' t'ą́ą́' hanáádzíi'go ání, [Shahastóí áádóó] shik'isóó, dashíísółts'ą́ą́': 14Diyin God ts'ídá átsé doo Jew dine'é danilíinii yaa joozba'go, éí bitahdę́ę́' dine'é ła' t'áá bí bízhi' yee dabi'dójíi dooleeł biniyé yitayiizláá', níigo Sáíman nihił nahasne'. 15Diyin God yá dahalne'ii yę́ę dabizaad díí t'áá yił aheełt'éego halne'. Kóníigo bee ak'e'ashchį́:
16Bóhólníihii ání, Díidí bik'ijį' náádeeshdáałgo,
David bisodizin bá hooghan nidahasdázígóó áńdeeshdlííł;
nidahasdázígóó nídeeshtł'į́įłgo ninádeesh'ááł.
17Áko náánáła' dadine'é Bóhólníihii hadeintáa doo,
áádóó doo Jew dine'é danilíinii t'áá shí dooleełgo bíká ádíshnínígíí t'áá ałtso ałdó' hadeintáa doo.
Bóhólníihii díí t'áá ałtsoní áyoolíiłii kóní.
18T'áá hodeeyáádę́ę́' Diyin God ádeile'ii bił bééhózin.#Amos 9:11,12.
19Éí bąą kót'éego bee nitsískees, doo Jew dine'é danilíinii bitahdę́ę́' Diyin God yich'į' dah nídahidiikáhígíí t'áadoo baa nídeiit'íní dooleeł, 20nidi eda'alyaii bich'į' ch'iyáán náádahaaznii'ii t'áadoo daohsání,#Ex. 34:15-17. áádóó na'ageh bee tsi'na'adá#Lev. 18:6-23. bits'ą́ąjį' ádanoht'é, índa bizák'ídadii'nii'ii#15:20 Bizák'ídadii'nii'ii, nínígíí deidą́ągo doo bee haz'ą́ą da, diłígíí ałtso bii' haagohgo índa. Jew dine'é bibee haz'áanii éí, Dił doo ch'iyáán át'ée da, ní. Doo Jew dine'é danilíinii da'oosdląądgo doo bee ahanídajit'į́į da dooleełígíí biniyé t'áá ákót'éego bá ha'oodzíí'. áádóó diłda#Lev. 17:10-16. t'áadoo daohsání, dabidii'níigo bich'į' naaltsoos ádeiilnéehgo yá'át'ééh nisin. 21Háálá ałk'idą́ą́' oochííłdę́ę́' t'áá háá'áyį́į́h jį́ ná'oodleeł bik'eh, t'áá kin hadaas'áagi kin bii' áłah nída'adleehgóó Mózes yę́ę bizaad nídayóltahgo yaa nídahalnih.
Daal'aadii áłah daazlį́į'ii binaaltsoos
22Áko daal'aadii áádóó da'oodlání yá aląąjį' naazíinii índa da'oodlání áłah nádleehii t'áá ájít'é, hatahdóó diné ła' nídidoo'niłgo Paul índa Bárnabas yił Ántiyakgóó dookahígíí hoł yá'ádaat'ééh. Áko Júdas éí Bársabas ałdó' yolyéhígíí, índa Sáílas bił nídazhdiinil, díí nidilt'éego ałk'isóó danilíinii bitahdóó alááh hidíízíinii nilį́, 23áko kót'éego naaltsoos bił adadzis'a': Daal'aadii índa da'oodlání bá aląąjį' nisiidzíinii, nihik'is daniidlį́įgo, Ántiyakgóó áádóó Síriyagóó índa Silíshiyagóó doo Jew dine'é danilíinii bitahdóó nihik'is danohłíinii, k'é danihidii'ní. 24Háálá kodóó nihits'ą́ą́dóó diné ła', t'áadoo saad bee bich'į' hadasiidzíi'ii yee nihída'ats'ih, áko nihintsékees bee t'óó nihił daahaadago ádanihiilaago dasidiits'ą́ą́'. [Ádanihiłní, Nihąąh nídahidínóolgish áádóó Jew dine'é bibee haz'áanii bik'eh dahonoł'į́į doo.] 25Áko áłah siidlį́į'go aheełt'éego nitsídeiikeesgo diné ła' nídadii'nilgo, éí ayóó'ádeíníi'níinii Bárnabas índa Paul bił nihich'į' dadeel'a'go la', yá'át'ééh daniidzį́į́', 26nihiBóhólníihii Jesus Christ bízhi' bá díí diné t'áá ájíłah niná'ázhdeet'ą́. 27Éí bąą Júdas índa Sáílas nihich'į' adasiil'a', éí ałdó' t'áá bí díí yee nihił hodoolnih. 28Háálá díí t'áá ákónéehee ádaat'éii át'é, t'ah náábíláahgo t'éí doo nihiyéél ádeiilne' da, éí Níłch'i Diyinii yá'át'ééh nízingo nihí ałdó' yá'át'ééh daniidzin: 29éí eda'alyaii bich'į' náádahaaznii'ii áádóó dił áádóó bizák'ídadii'nii'ii t'áadoo daohsání, índa na'ageh bee tsi'na'adá bits'ą́ąjį' ádanoht'é. Éí bits'ą́ąjį' ádanoht'éego yá'át'éehgi ádaahníił dooleeł. Diyin God nihił hólǫ́ǫ doo.
30Áko índa dah dahodiił'a'go Ántiyak góyaa jíkai, áko da'oodlání áłah nádleehii t'áá át'é áłah ádajiilaago naaltsoos baa dadzistsooz. 31Éí dayííłta'go bee ha'ahóníinii bąą bił dahóózhǫǫd. 32Áádóó Júdas índa Sáílas, t'áá bí ałdó' Diyin God yá halne'ii nilį́įgo ałk'isóó danilíinii lą'ígóó bich'į' yájííłti'go chánah danilį́įgo índa dabidziilgo ádajiilaa. 33T'áá ákwe'é hwee hodíína'dóó bik'ijį', dahoníł'a'ígíí bich'į' hoł hózhǫ́ǫgo hak'isóó anídahas'a'. 34[Nidi Sáílas, t'áá ákwe'é dzizdáa dooleełígíí hoł yá'íít'ééh.] 35Nidi Paul índa Bárnabas éí t'áá Ántiyakgi siké, diné lą'í hoł nida'nitin áádóó Bóhólníihii bizaad baa dahojilne'.
Paul éí Bárnabas yił ałts'ásht'áázh
36Lą'í yiską́ą́dóó bik'ijį' Paul éí Bárnabas yich'į' haadzíi'go ání, Haa'íshą', t'áá kin hadaas'áagi Bóhólníihii bizaad baa nahosiilne' yę́ęgóó t'ą́ą́' nídiit'ashgo nihik'isóó danilíinii haa daat'į́į sha'shin, éí nihił bééhodoozįįł. 37Áko Bárnabas éí John, Mark ałdó' yolyéhígíí, bił diikah, níigo yaa nitsi'níłdéél. 38Nidi Paul éí doo íinízin da, háálá Pamfíliyadóó łah hats'ą́ą́' t'ą́ą́' hááyáago#Acts 13:13. t'áadoo náásgóó hoł náádeeshnish da. 39Áko éí biniinaa t'áá íiyisí ałghazh'dit'áahgo baa nijizh'áazhgo ałts'ájízh'áázh, áko Bárnabas, Mark yił dah dii'áazhgo Sáíprasgóó hoł dah adii'éél, 40nidi Paul éí Sáílas néidiiłtį́įgo ałk'isóó danilíinii, Bóhólníihii nihaa jooba' doo, dahałníigo dashdii'áázh. 41Áko da'oodlání áłah nídaadleehii bidziil ádajile'go Síriya índa Silíshiya kéyah biyi'góó ch'ízhní'áázh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).