Roma AMASHIWI YAKULONDOLOLA PALI UYU KALATA
AMASHIWI YAKULONDOLOLA PALI UYU KALATA
Paulo ilyo ali ku Kolinti (Imili 20:1-3) alefwaya ukuya pempula abena Kristu ku Roma. Kanshi epakubatumina kalata ukuti baipekanye. Apangile ukubombako ku Roma akashita kanono, elyo nga bamwafwako, akaye na ku Speni. Muli uyu kalata alondololamo ifyo wena aumfwa umo icisumino ca bena Kristu calola, nefyo cifwile ukutungulula abena Kristu mu bumi bwabo.
Muli uyu kalata, Paulo atila ashipwafye ukuposha abena Kristu ba mu Roma no kubeba umulandu ukalamba alabalembela uyu kalata, ati, “Imbila Nsuma isokolola ifyo Lesa atucita ukuba abakaele pa cinso cakwe, elyo neci caba mukuba ne cisumino epela (1:17).” Muli uyu kalata Paulo alondolola ifintu ifingi pali uyu mulandu. Icantanshi atila, abantufye bonse bafwile ukwalukila kuli Lesa pantu bonse babifi. Icakubafwako ukwalukila kuli Lesa cisumino muli Kristu. Elyo alondolola nefyo ukwampana kupya na Lesa mukusumina muli Kristu kulenga umweo upya ne mibeele ipya. Atila ati, umuntu wacisumino ekala no mutende na Lesa, kabili Mupashi wakwa Lesa amupeela amaka yakucimfya ububifi ne mfwa. Mu Bena Roma ifipandwa 5 ukushinta ku 8, Paulo alondolola ifyo Amafunde yakwa Mose na maka yakwa Mupashi wakwa Lesa fibomba mu bumi bwa muntu uwacisumino muli Kristu. Elyo Paulo aesha ukulondolola pa Bayuda na Benafyalo, atila nokuti Abayuda nabo bene bakasuka abanakila Kristu. Pakulekelesha Paulo alondolola pafyo ubumi bwa mwina Kristu bufwile ukuba. Akomaila ukucila pakutemwana na banankwe, ukubombela Lesa, elyo na pakumfwila ubuteko no kwikala mukumfwana na banankwe.
Imilandu yatantama ifi
Ukutendeka kwa kalata 1:1-17
Umuntu alakabila ukupusuka 1:18—3:20
Lesa aliteyanya inshila yakupusushishamo umuntu 3:21—4:25
Umweo upya muli Kristu 5:1—8:39
Abena Israeli mufyo Lesa apekanya 9:1—11:36
Ifyo umwina Kristu ali nokuba 12:1—15:13
Ukusondwelela no kuposha 15:14—16:27
Currently Selected:
Roma AMASHIWI YAKULONDOLOLA PALI UYU KALATA: ILL15
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia