Mateo AMASHIWI YAKULONDOLOLA PALI IYI MBILA
AMASHIWI YAKULONDOLOLA PALI IYI MBILA
Kalemba wa iyi Mbila Nsuma ni Mateo, ishina limbi ni Levi (Mako 2:14), kabili ali ni kasonkesha wamusonko. Ali wasuulwa ku Bayuda pa mulandu wa ncito yakwe, lelo Yesu amwitile ukuba umo wa mu basole bakwe ikumi limo na babili. Alembele iyi Mbila Nsuma panuma ninshi Yesu Kristu alinina ku mulu. Alembele abena Kristu Abayuda pakuti bashininkishe ukuti Yesu wa ku Nasaleti e Mesia, kabili e Kristu wine wine, Imfumu.
Muli iyi Mbila Nsuma, Mateo atweba ukuti, Yesu e Mupusushi wine batulaile. Ni muli Yesu emo Lesa Mukulu afikilisha fyonse ifyo alaile abantu bakwe mu Cipangano Cakale. Nangu Yesu afyalilwe mu mutundu wa Bayuda kabili no kwikala emo aleikala, Imbila Nsuma yena te ya Bayuda beka, lelo ya bantufye bonse pano isonde.
Mateo alembafye bwino, kabili ifyatunguluka. Pakutampilapofye atushimikila ukufyalwa kwakwa Yesu. Elyo akonkanyapo ukutulondolwela pa lubatisho lwakwa Yesu nefyo atunkilwe na Satana mu matololo. Kabili abikapo no kushimika pafyo alefunda no kuposha mu Galile. Panuma yakupwisha ukushimika ifi, Mateo atwebako ubulendo bwakwa Yesu ukufuma ku Galile ukuya ku Yerusalemu. Elyo ashimika na fyonse ifyo Yesu acitile mu mulungu wakupelekeshako mu bumi bwakwe pano calo. Pakupwishishisha asondwelela no kushimika pa mfwa yakwa Yesu pa musalaba no kushukuka kwakwe.
Muli iyi Mbila Nsuma, Mateo atulanga ukuti, Yesu e kafundisha mukalamba uwakwata amaka yakulondolola bwino amafunde yakwa Lesa, no kufunda pa Bufumu bwakwa Lesa. Amafunde yakwa Yesu ayabika mu fipande fisano (5) ukukonka imilandu yalandwapo.
1 Amafunde ya pa lupili (Ifipandwa 5-7), umo alanda pafyo umuntu ali nokuba pakuti alinge ukwingila mu Bufumu bwa mu mulu.
2 Amafunde ku basambi bakwe ikumi limo na babili (12) ilyo bali nokuya balefunda mu mishi (Icipandwa 10).
3 Imilumbe ya pa Bufumu bwa mu mulu (Icipandwa 13).
4 Amafunde ya palwa kukonka Yesu (Icipandwa 18).
5 Amafunde palwa kupwa kwa calo no kwisa kwa Bufumu bwakwa Lesa (Ifipandwa 24-25).
Kanshi ico Mateo akomailapo nganshi “BUFUMU BWA MU MULU.”
Imilandu yatantama ifi
Ifikolwe fyakwa Yesu Kristu no kufyalwa kwakwe 1:1—2:23
Ifyo Yoani Kabatisha abombele 3:1-12
Yesu abatishiwa na panuma atunkwa na Satana 3:13—4:11
Yesu atampa umulimo wakwe mu Galile 4:12—18:35
Yesu afuma ku Galile aya ku Yerusalemu 19:1—20:34
Yesu mu mulungu wa pakulekeleshako mu Yerusalemu na mu mishi ya mumbali 21:1—27:66
Yesu ashukuka ku bafwa, amonekela na ku basambi bakwe 28:1-20
Currently Selected:
Mateo AMASHIWI YAKULONDOLOLA PALI IYI MBILA: ILL15
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mateo AMASHIWI YAKULONDOLOLA PALI IYI MBILA
AMASHIWI YAKULONDOLOLA PALI IYI MBILA
Kalemba wa iyi Mbila Nsuma ni Mateo, ishina limbi ni Levi (Mako 2:14), kabili ali ni kasonkesha wamusonko. Ali wasuulwa ku Bayuda pa mulandu wa ncito yakwe, lelo Yesu amwitile ukuba umo wa mu basole bakwe ikumi limo na babili. Alembele iyi Mbila Nsuma panuma ninshi Yesu Kristu alinina ku mulu. Alembele abena Kristu Abayuda pakuti bashininkishe ukuti Yesu wa ku Nasaleti e Mesia, kabili e Kristu wine wine, Imfumu.
Muli iyi Mbila Nsuma, Mateo atweba ukuti, Yesu e Mupusushi wine batulaile. Ni muli Yesu emo Lesa Mukulu afikilisha fyonse ifyo alaile abantu bakwe mu Cipangano Cakale. Nangu Yesu afyalilwe mu mutundu wa Bayuda kabili no kwikala emo aleikala, Imbila Nsuma yena te ya Bayuda beka, lelo ya bantufye bonse pano isonde.
Mateo alembafye bwino, kabili ifyatunguluka. Pakutampilapofye atushimikila ukufyalwa kwakwa Yesu. Elyo akonkanyapo ukutulondolwela pa lubatisho lwakwa Yesu nefyo atunkilwe na Satana mu matololo. Kabili abikapo no kushimika pafyo alefunda no kuposha mu Galile. Panuma yakupwisha ukushimika ifi, Mateo atwebako ubulendo bwakwa Yesu ukufuma ku Galile ukuya ku Yerusalemu. Elyo ashimika na fyonse ifyo Yesu acitile mu mulungu wakupelekeshako mu bumi bwakwe pano calo. Pakupwishishisha asondwelela no kushimika pa mfwa yakwa Yesu pa musalaba no kushukuka kwakwe.
Muli iyi Mbila Nsuma, Mateo atulanga ukuti, Yesu e kafundisha mukalamba uwakwata amaka yakulondolola bwino amafunde yakwa Lesa, no kufunda pa Bufumu bwakwa Lesa. Amafunde yakwa Yesu ayabika mu fipande fisano (5) ukukonka imilandu yalandwapo.
1 Amafunde ya pa lupili (Ifipandwa 5-7), umo alanda pafyo umuntu ali nokuba pakuti alinge ukwingila mu Bufumu bwa mu mulu.
2 Amafunde ku basambi bakwe ikumi limo na babili (12) ilyo bali nokuya balefunda mu mishi (Icipandwa 10).
3 Imilumbe ya pa Bufumu bwa mu mulu (Icipandwa 13).
4 Amafunde ya palwa kukonka Yesu (Icipandwa 18).
5 Amafunde palwa kupwa kwa calo no kwisa kwa Bufumu bwakwa Lesa (Ifipandwa 24-25).
Kanshi ico Mateo akomailapo nganshi “BUFUMU BWA MU MULU.”
Imilandu yatantama ifi
Ifikolwe fyakwa Yesu Kristu no kufyalwa kwakwe 1:1—2:23
Ifyo Yoani Kabatisha abombele 3:1-12
Yesu abatishiwa na panuma atunkwa na Satana 3:13—4:11
Yesu atampa umulimo wakwe mu Galile 4:12—18:35
Yesu afuma ku Galile aya ku Yerusalemu 19:1—20:34
Yesu mu mulungu wa pakulekeleshako mu Yerusalemu na mu mishi ya mumbali 21:1—27:66
Yesu ashukuka ku bafwa, amonekela na ku basambi bakwe 28:1-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia